La France vue d'en bas o lo Païs d'en Jacme, utopia o democràcia !: internacionalisme

Subjècte de l'entrepresa

Sat, 05 Jul 2008 06:55:54 GMT

Abans 1789, èrem subjècte del rei, li avem copat lo cap, puèi sem devengut ciutadan, la Carta dels Dreits de l'Òme es estada traduïta en 7 lengas de l'Estat, las regions en susmauta portavan un esperit novèl a París.... Mas aquò podiá pas perdurar, lo poder se podiá pas abandonar als pòbles en susmauta.

1793, la França èra devenguda etnista, la nacion èra la sola francesa, la ciutadanetat èra simplament la de París.

1992, l'etnisme francés èra confirmat ambe l'article 2 dins la ConstituTion. Se farà ambe un parlament d'esquèrra, es aital qu'etiquetan a París.

François Segond nos cambia en subjèctes de las entrepresas. L'entrepresa es reina dins la pensada neoliberala.

Lo monde melhor seriá que las entrepresas servíscan a las nacions, e que sevíscan pas, las entrepresas occitanas serián lo palmon economic d'Occitània, en exemple, e que lo personal politic mandat a París poguèsse pas abandonar lo país nòstre, tal en 1793 e 1992. Lo modèl es aquel del Quebèc.

-°-

Subjècte a problèma mental, la nacional-expansionita, un jornalista de la prada de l'ABC, DEF, GHI, IJK, LMN, OPQ, RST, UVW, XYZ, enfin sabem pus... ah, sí : es de Madrizzzzzzzzzzzzzz o Madrittttttttttttt

-°-

En pensar a la manifestacion que se debana dissabte e dimenge a Montsegur.

Solidaritat occitana ambe un pòble europèu, los Ròms

Thu, 03 Jul 2008 10:25:21 GMT

Lo pòble Ròm es encara destrusit per la creacion politico-economica europenca... e lo braç armat es encara l'administracion d'un Estat dich democratic. Machiavel a encara rason.

De qué ne pensa lo baromètre europèu ?

S'oblidarà pas los pòbles reprimits per la causa de las minièras (politico-economicas) per aver los telefònes portables o per tota autra rason.

Puèi per solidaritat lingüistica ambe una lenga latina amenaçada tanben pels parisencs europeïstas : Invasion lingüistica, los deputats espanhòls demándan que l'espanhòl siaguèsse tanben present a totas las reünions europencas, sobretot quand seràn a París ; quí podrà me dire de quina region de l'empèri es aquesta "langue régionale", lenga d'un poder centralista madrilenc, perqué ? E bè ... per n'aviza lo Sénat e l'Académie, els qu'an páur de las invasions lingüisticas ! Podètz daissar un ÒCmentari sul ligam.

-°-

E cal pas oblidar, Yvan Colonna ... e lo procès d'excepcion que França faguèt a Corsega !

Canal Sud, Tolosa, a Tolosa ne parlèt a miègjorn lo 4 de julh de 2008.

-°-

Solidaritat occitana ambe un pòble europèu : los bascos ...

En Euskadi ara, es lo temps de protestar contra las autoritats lingüisticas francesas.

Tue, 01 Jul 2008 18:12:28 GMT

Uèi, l'Acadèmia Basca demanda a l'Acadèmia francesa de reconéisser la lenga basca. Pensi que l'Académie française, ambe sas declaracions contra las lengas de França, s'es fait un fum «d'amics e d'amigas» en Euròpa, un fum ...

Es un comunicat de la television basca, qu'acaba de sortir dins l'actualitat. Zo veirem dins la premsa parisenca doman ? segur que non. La premsa parisenca servís lo nacional-expansionisme francés, veirem segurament l'encontre de Raffarin, l'UMPetista, ambe lo pòst-franquista Aznar ... Cal recordar qu'es tradicion a l'UMP d'encontrar lo PP, lo PP es segon Alain Juppé, «un modèl per l'UMP». Son talament estupids aquestes franceses que sábon pas que lo darrièr ministre de la comunicacion de Franco, lo galician Manuel Fraga, es estat membre del PP !

L'ignorança es cultivada per l'Académie française, zo cal ben dire !

Un tèxte en anglés per lo regaudir un páuc, e benlèu en páur ... Lor farà de ben çaquelà, e malgrat l'article 2 de la constitucion qu'èra contra l'anglés.

Al Gore vòta Barack Obama e REPUBLICA DELS BLÒGUES A TOLOSA

Thu, 19 Jun 2008 05:59:30 GMT

Aprèp aiçò escriurai sobre la republica dels blògues que contunha a Tolosa ... Avètz d'autras questions qu'aquestas ; es lo moment de las pausar a "add a comment" en fin de messatge.

-°-

Presentacion a l'ONU, Ginèbra, dels Dreits Lingüistics

Tue, 17 Jun 2008 18:15:42 GMT

Presentacion de l'assag de la resolucion de l'ONU sul tèma dels Dreits Lingüistics.

CIEMEN, associat ambe l'International PEN, Linguamón e EBLUL, faràn la presentacion publica de l'assag de resolucion a Ginèbra.
L'enjòc es de persuadir lo Conselh dels Dreits Umans de las Nacions Unidas d'establir especificament Dreits Lingüistics.
I aurà mantunes ciutadans europèus presents: Aureli Argemí, Josep M. Terricabras, Antoni Mir e Neasa Ní Chinnéide.

L'annada 2008, declarada l'Annada Internacionala de las Lengas per las Nacions Unidas, deurián veire los dreits lingüistics admetuts dedins lo Conselh dels Dreits Umans de las Nacions Unidas. Un grope de catalans e de las organizacions internacionalas son a trabalhar per passar de la possibilitat a la realitat. Aqueste Dimècres 18 de junh serà presentat publicament aquestas prepausicions al sièti de las Nacions Unidas a Ginèbra, dins la Confederacion Helvetica.

Organizat per l'EBLUL (European Bureau for Lesser-Used Languages) a ambe l'ajuda del CIEMEN (International Escarré Centre for Ethnic Minorities and Nations), l'International PEN e Linguamón-Casa de les Llengües, e co-manejat per las Ambaissadas d'Armènia e de Bolívia, la presentacion de dimècres se debanarà en parallèl ambe la session del Conselh dels Dreits Umans e assajarà de portar alprèp dels ambaissadors del Conselh la necessitat per las N.U. de donar dels Dreits Lingüistics ambe una especiala proteccion. La primièra resolucion serà presentada, ambe los ambaissadors que se podràn accordar e presentar a l'aprosmada session del Conselh dels Dreits Umans en setembre.

Dempuèi 1996, quand 61 ONG, 41 centre International PEN e 40 especialistas d'en pertot al monde aprovèran los Dreits Lingüistics Universal [Universal Declaration of Linguistic Rights - UDLR] a Barcelona, l'afar èra per la defensa de la diversitat lingüistica, aquò se signèt per un centenars d'organizacions e d'institucions publicas pertot al monde. Las organizacions darrièr l'UDLR adara vòlon partir d'aqueste esperit de la Declaracion e anar cap mai amont e convéncer las N.U. de reconéisser los dreits lingüistics tals un element vital dels dreits umans.

Pendent la presentacion de Dimècres, titolat Dreits Lingüistics valorizats tals Dreits Umans, Josep M. Terricabras (International PEN) farà una intervencion sobre las particularitats dels dreits lingüistics dedins la categoria dels dreits culturals, e los besonhs per lor donar una especifica proteccion. Antoni Mir (Linguamón) donarà un punt de vista sobre los actuals estatuts de las lengas al 21en sègle. Neasa Ní Chinnéide (EBLUL) parlarà de las politicas europèas qu'ajúdan la diversitat lingüistica. Per clavar, Aureli Argemí (CIEMEN) sotlinharà los progrèsses dedins los dreits lingüistics dempuèi l'UDLR, abans de presentar lo tèxte de l'assag de resolucion pel Conselh dels Dreits Umans.

Locutors:
Aureli Argemí, President of CIEMEN
Josep M. Terricabras, of Catalan PEN
Antoni Mir, Director of Linguamón
Neasa Ní Chinnéide, President of EBLUL

Moment: Dimècres 18 de Junh de 2008, 2pm - 4pm
Luòc: Palatz de las Nations, Palais des Nations, Aula XXIV, Ginèbra, Geneva, Confederacion Helvetica.

Dementre se parlava d'aiçò a Ginèbra, la vergonha s'installava al Parlament Europèu, es aiçò qu'esplica lo director de Vilaweb dins un editorial pron ben sentit. Vilaweb.cat es de legir.

Puèi vaquí lo rendut-compte de la visita a Ginèbra : se i parla d'ecologia de las lengas... una causa pron desconeguda a l'Académie, tristes vièlhs!

-°-

Per l'agendà vòstre, acabi de recebre una afica majoritariament en occitan .... es pas sovent ! Bon : per la data caldrà gaitar un agendà francés, ièu personalament sabi pas quand es la "hèsta de la musica'08" ...

Se podiá èstre vertat ! Irlanda - Éireann - Irlande - Irland

Sat, 07 Jun 2008 16:50:26 GMT

Caldrà ben explicar als fiers Irlandeses que nos an raubat la democràcia, aiçí, lo personal politic del continent tot ; es per aquesta rason que lor cal votar per la democràcia, es de dire votar :

NON !

We shall say to proud Irish People that they have had democracy stolen, here, the politics on the continent ; it's why they have to vote for democracy, & vote :

NO !

Bailà Àtha Cliath you have to say NO !

Avián protestat [24 heures] contra las unicas votacions del personal politic [pel tractat de Lisbona, aquí mai d'informacion en anglés], abans, per aver un

Referèndum pertot en Euròpa.

« Qui a páur de la votz dels pòbles ? » a lançat l'Irlandesa Mary Lou McDonald, députada del Sinn Fein.

Durant lo vòte al Parlament Europèu, una detzena d'elegits britanics, vestits d'un quessòt jaune sobre qué èra mençonat "Too chicken for referendum" (tròp galinas molhadas per fargar un referèndum), e brandissent mai grands signals « REFERENDUM ! » (gaitatz la vídeo), an cadençat cadun dels moments de l'escrutin per cacarejaments apropriats. Lo president Pöttering a ben segur protestar contra la protestacion. La television anglesa, BBC qu'a volgut seguir d'entrevista dins los corredors del Parlament, es estada fòrabandida de l'immòble, aiçò es democràcia ?

MEP Exposes The EU Lisbon Treaty!!!

Lo Sinn Féin vòta NON!

Las rasons escritas en anglés son encara aquí : legissètz ! Help Irlanda de votar NO ! O aqueste ligam tanben. E un pauc d'istòria aquí :

Pichona revista de premsa : IHT titola NO, UPI.com, UEObserver pensa defeat [son pro-institucion europèa e conservador del sistèma, espèri que los IONAD VÓTÁLA donarà NO!], B92 mostra un NO en testa de las votacions, e los institucionals que se son enganats sobre lo tèxte son jà a plorar per aver un NO irlandés [BBC], The Guardian, Irish Times, RTÉ, Irish News en linha, e France 24 en anglés assájan de far la meteissa causa que pel referèndum en França : manipular l'opinion (es tipicament bonapartista), La Tribune, L'Humanité.

Caldrà legir aiçò tanben : Y aura-t-il quelqu'un pour menacer l'Irlande d'invasion de sauterelles ?

EU Democratas demandan referèndum en Euròpa e que se votèsse NO en Irlanda.

Lo NON tòrna pujar segon la correspondenta de MediaPart a Bailà Àtha Cliath. Mas i a pas melhor que la votacion per saber realament. Cal esperar dinca dijòus.

Volètz ajudar al finançament de la campanha : picatz aquí sobre sayno.ie.

Puèi podrètz veire la faiçon que lo govèrn Naboleonista francés considèra l'Euròpa e son pro-European, ça díson : La bandièra de l'Union Europèa i sembla a una eissuga-man de cosina.

Fòto de l'Humanité, l'article es de granda qualitat :

GOOD FOR HIM, BAD FOR US. libertas

Badiou : de quoi Sarkozy est-il le nom ?
envoyé par HumaWebTV

13 de junh de 2008, resulta irlandesa : an votat NO! a 53,4 %, mercés als 850.000 electors irlandeses.

E ara podètz comparar la RTÉ.ie e la television francesa...

-°-

Quand se parla del dreit de decidir del pòble, sovent se vòta per una elita dins un Parlament, o dse farga un fòrum de debat per detarminar una via pacifica. Lo cas d'Euskal Herria es pron important de saber, vist que quand fan encontre en patz pas un mèdias parisenc ne parla e quand ETA se fa entendre per un bomba, la premsa parisenca es aquí per èstre lo relais de la pensada madrilenca...

La nacion, aquí, vòl dire Estat-nacion ... e donc aquò deuriá interessar França, non ?

E perqué sabi que los franceses pensan los occitanistas pessimistas, e perqué escoti Québec Radio la ràdio sobeiranista al Quebèc, vaquí unas causas que regaudísson per una jornada :

1 - lo questionari del Conselh Regional de Midi-Pyrénées ; es unas bèlas felicitacions que cal donar als elegits de uèi al Conselh Regional tolsan !

2 - lo mercat de Sant-Albin a Tolosa un dimenge maitin (las bananas son de Martinica, es pas un astrada, son monde coratjoses per demandar mai de poder a França !), las fruchas son de país sobre un lincòl de Lauragués prepausat a la fòto.

Tant de riquessa per una region, totes los produïts son del nòstre país occitan e catalan !

Avem sonque mestièr de politicians que sipiguèssen prendre responsabilitats politicas en Euròpa, directament representar la ciutadanetat occitana en Euròpa, sense intermediari centralista e bonapartista, naturalament coma tot país normal sobre la planeta.

Totes los mius amics sábon çò que cal respondre, totes !, es lo moment de dire que sètz prèste de prendre responsabilitats per la dignitat del país manténer !

Per la dignitat del país manténer !...

Caldrà sosténer los elegits despertats : respondre "QUE ÒC !" volem mai de poder a Tolosa.

De notar sobre l'agènda occitanista, a Tolosa

Sun, 18 May 2008 17:25:06 GMT

Un ligam per completar : Occitan-Toareg lo blòg.

-°-

Prepausicion teatrau gascoa ...

-°-

« Viure simplament, per que simplament d’autres posquèssen viure. » (Gandhi)

Barak Obama

Sat, 17 May 2008 19:51:40 GMT

Me sembla important de gaitar aquesta vídeo, vídeo de 2004, es en anglo-american, mas amerita d'èstre gaitada per saber quí es lo candidat democrata Barak Obama.

46 ans, Barak Obama es inneligible un França, tròp jove !!! Imaginatz ... dins l'estat republican e bonapartista que sem ! Barak Obama es inneligible en França, es nègre ! Sabètz que lo bonapartisme a restablit l'esclavatge a Haïti : al XXIen sègle, en França, sul continent europèu, es immigrant de la tresena generacion ...

La politica de l'espèr, es lo tèma que pòrta dempuèi 2004, dins una campanha en çò dels democratas. Un exemple de campanha.

Una campanha qu'a estauviat la moneda dels ciutadans, un espèr pels futurs budgèctes dels EUAN.

Mas sobretot gaitatz çò que pensa per atudar la guèrra colonialista nord-anglo-americana en Iraq, la guèrra que cal ganhar pels Estats-Units d'America del Nòrd.

Barak Obama seriá lo camin del succès ? Un exemple de campanha ; veirem, o cal esperar ? Un desir per un avenir melhor, mai responsable pel pòble que dona lo ton sobre aquesta planeta.

Racisme ordinari al Parti Socialiste français : Jean-Luc Mélanchon

Fri, 16 May 2008 07:20:01 GMT

Totas las escòlas europencas que sábon ensenhar las lengas zo fan ambe lo metòde l'immersion lingüistica, parier per Diwan, Calandreta, Bressòla, etc ... car Diwan a copiat lo metòde que refuzava los professors de l'E.N. e sobretot los sindicats sectaris de l'E.N. Diwan ensenha pron ben lo breton e d'autras lengas, eficacetat castigada ? Diwan ensenha pas la lenga dels documents pétainistas que an mandat josius (etc.) a l'exterminacion, en França èran en lenga francesa... Malgrat tot los bretons que sortísson de Diwan párlan tanben francés ! Fan pas de discriminacion lingüistica, son multilingües.

Aquesta frasa pròva al mens que lo Partit Socialista francés arcuelha tanben pòst-franquistas. Quina pietat pels grand-parents d'aver un pichon filh aital ! Els que son estats fòrabandits d'Espanha encausa de las violéncias antidemocraticas e antirepublicanas d'un Espanha "una y indivisibla" ... Es pas lo sol arganhòl d'aquestes tipes dins la societat francesa malastrosament, nimai al Parti Socialiste français. Me remembrarai sempre lo coble que m'a près en estòp a la rondelha de la luna en Bigòrra, per me portar en Val d'Aran ; la sonsaina èra : « -es un extremisme de parlar catalan ara, e de l'impausar tal la politica del govèrn del Jordi Pujol zo far en Cataluña », mas lo discors aqueste l'ai entendut dins mantunas bocas socialistas francesas, mantunas que son d'aquestes descendents d'immigrats que Franco a mancat...

Aquestas actituds amerítan sonque una reaccion, viva : l'exclusion immediata ! Senon es un acte de racisme lingüistic ordinari cobèrt per la direccion del Partit Socialista francés, e es contradictòri ambe los polits discorses sul tèma de las langues régionales qu'il faut respecter. Es del meteis escantilh qu'a donat la votacion socialista de junh de 1992, e donc se podrà pensar quand los socialistas díson "Òc" cal entendre "non" a las lengas de França, cal entendre votacion a l'unanimitat de la deputalha de l'article 2, la langue de la République est le français POINT.

Se cal mesfisar dels socialistas franceses, o dels franceses, donc. Per sempre ?

Unas protestacions s'impáusan : redaction@parti-socialiste.fr

Puèi podrètz anar veire quicòm de bravament mai important, la catastròfa chinesa :

La Tectonique des Plaques
envoyé par Block75

E tal un complement l'article excellent de MediaPart sul tèma. Las rasons del terratremol son las desmesuradas volontats tecnologicas umanas, e ara la Tèrra de l'Estat chinés a dit : STOP !

Quand se pensa que los Tibetans avián jà explicat que la tèrra èra un supòrt fragil pels Òmes e que un certan Mélanchon aviá criticat l'integrisme bodhista d'un Dalaï Lama ... La resulta de l'avuglament del Mélanchoneton e d'un fum d'autres aital, son aquí : mai de 40.000 mòrts per un terratremol, resulta provisòria...

E sobre lo site de la BBC.

-°-

Puèi dins las bonas novèlas caldrà apondre aiçò legit sobre MónDivers.cat: lo govèrn de Romània fa partit dels Estats europèus qu'an ratificat la Carta Europèa de las Lengas... Tal que l'ONU l'a declarat aquesta annada, 2008 : las lengas, aquò's quicòm !

Encara mai de vergonha pels franchimands ! E quand se legís la responsa francesa faita a l'ONU, la vergonha aumenta, la vergonha es cultivada pels politics de l'UMP e sobeiranista de l'esquèrra, mai tanben per l'administracion prefectoralista... Es longassa la responsa, mas ne farai un comentari longàs lèu, mercés a un militant del PNO de me l'aver mandada.

Murèth tornarà a aver la seuna commemoracion, quand ?

Thu, 15 May 2008 10:37:34 GMT

Se Niça portarà lo seu referèndum armat dins una commemoracion, per èstre segur que lo pòble de Niça votèsse ben, lo futur benlèu se lo pòble irlandés refusa lo tractat de Liboa ... se sap jamai !

Se Bordèu a la seuna batalha perduda, batalha pagada pels borgeses de la ciutat ducala, que capvirèt l'istòria del reialme ducal lo mai vièlh e grand d'Occitània, èra en 1453 a Castilhon de Peirigòrd.

A Tolosa, la fredor dels borgeses tolsans se a fargat Murèth, la batalha perduda, batalha contra França e Espanha ... Murèth 1213 ! Èra en setembre al entorn del 11, encara...

Quand i aurà tornamai una commemoracion a Murèth ? Quand ?

Pendent las eleccions passadas s'èran encara parlat de tornar l'istòria en man del pòble de Murèth, lo capolièr umpetista es estat sortit, e ara ? Quand ? Benlèu que l'informacion es pas encara montada sus una barca garonenca per pujar a la capitala, Tolosa, capitala la taïdoira.

Dels tempses aquestes, l'espaci politic aqueste èra coërent, fait de vesinatge cultural, un exemple de dubertura comerciala e d'engatjament contra las poténcias armadas las mai bèlas d'Euròpa. Èriam al luòc essencial entre los comèrçes del nòrd e de la Mar Mediterranèa.

E sobre aquesta mapa, l'enemic lo mai bèl èra quitament pas notat, tròp pichonèl, tròp alonhat del centre de l'activitat europenca del temps. França èra pas sobre la mapa, mas serà a Murèth ajudada pels espanhòl e ambe la benediccion vaticanesca. Vesem Borgonha, mas èra pas França ! Los maines aquitano-normands èran pas França tanpauc. Lion èra dins l'Empèri Germanic una clau monedièra, que l'arribada dels franceses a desvolorizat, fins a l'oblit costumièr, per pas aver una concurrenta economica dels reis-presidents de las sampitèrnas e novèlas Lutèças/Seine [Rambouillet, Versailles, Neuilly, Vichei, París, etc.].

Murèth es estat lo teatre d'una batalha importanta europèa : França e Castelha vs Catalonha e Occitània. La borgesiá tolsana i a falhit ... L'avem perduda la batalha, e dempuèi las avem sempre perdudas totas contra França, tala una costuma tolsana, avem perdut las batalhas armadas [França sabiá pagar los mercenaris gràcias als amics vaticanesques e luqueses, puèi los borgeses nòstres son jamai estats coratjoses per defendre lo pòble d'aiçí, levat a Bordèu e Marselha] talas coma las batalhas diplomaticas o negociatriças, las batalhas economicas o culturalas. Dempuèi aquestes tempses la borgesa Tolosa collabòra ambe lo sistèma del dominant.

Lo país occitan es estat sempre dividit [Ducat d'Aquitània/Corona d'Aragon dels tempses de Murèth] e es aquesta division que faguèt sa desfaita al fial dels tempses europèus, e que faguèt la collaboracion forçada... ambe Madrid o París, per la Glèisa vaticanesca.

Murèth es bravament simbolic pel reviscòl memorial en Occitània, saber ont podem falhir es saber perqué l'Euròpa de la patz auriá pogut èstre un modèl d'amor e de vida, sense nacionalisme, sense imperialisme, sense colonialisme, sense l'ultra-intoleréncia madrilenca e parisenca, mai tanben papista.

A un moment que lo rei-president francés arriba al cap de l'Union Europèa, e en paradòxa, farai una avisança generalizada a totes/as los/as Europèus/as de la maufasença francesa, sobterrana maufasença... car França fa mai de mal de faiçon subterranenca que quand las seunas armadas s'encamínan pel continent, segur avem encara l'actualitat al ment :

ATTENTION AUX FRANÇAIS !

Aquestes arganhòls son capables d'imposar lo francés pertot per la justícia europenca, aplicant aital la lei del monoteïsme lingüistic tant prezada e estimada per las Lutèças/Seine. Avem pas pogut los arrestar a Murèth, e donc ... la batalha contunha endacòm : l'esperit francés dèu pas damorar costumièr a Brussèla, senon maissanta limonada per la ciutadanetat e pels pòbles d'Euròpa.

Aquesta demanda de Nouvel Economiste es en contradiccion ambe la règla inspirada dels intellectuals parisencs qu'an decidit d'enterrar totas las lengas quinas que siaguèssen, de moment qu'es pas la lenga de la lora causida politica, la causida politica francesa es colonialista, lo mai fòrt ganha de l'interès per sempre. Los intellectuals franceses son anglofils, los intellectuals franceses se fan pagar pel pòble de França, que la lenga impausada es lo sol francés, e impáusan als pòbles de la planeta la sola lenga anglesa... per fargar discorses sobre la diversitat lingüistica endacòm mai, per exemple en Africa.

Cal far atencion de las paraulas dels franceses. Totes los franceses, e particularament los que son sobre las laiças las mai nautas, son d'una perversion lingüistica sense equivalent sobre aquesta planeta.

Murèth : perqué l'avem perdut !

Encara un exemple qu'arriba del Québec, es classificat dins «Anglomania»; Els que díson : je me souviens ...

Naboleon Ier en accions, mas pas lo sol...

Sat, 10 May 2008 16:44:40 GMT

Bèlcòp de monde coneisson lo libre de Samuel Huntington, Le choc des civilisations traduït en francés recentament ; « lo libre es paregut en 1996 ambe lo títol The Clash of civilizations and the remaking of World Order. L'atemptat contra las tòrres bessonas del World Trade Centre, lo 11 de setembre de 2001, l'a popularizat mai que tot, redusit a una oposicion irreductibla entre doás partidas del monde : Orient vs Occident, Islam contra Cristianetat. Mantunes autors, sense escriure sobre los mèdias, amanèran l'istòria complèxa e los conflictes contemporanèus a aqueste « chòc » sense gaire donar dins l'explicacion en precisar los partenaris, las modalitats, los enjòcs. Lo tèma d'Huntington se limitèt pas a aquesta opausicion binària, afirmava una passa d'un monde caracterizat pels clivatges ideologics (comunisme vs capitalisme, imperialisme vs anti-imperialisme [ndt*]) a un monde marcat per la resurgéncia dels clivatges identaris entre mantunas civilizacions -podriam atanben dire entre mantunas culturas- que an totas per esséncia una granda religion : cristianetat occidentala amassant Euròpa e Estats-Units-d'America-del-Nòrd, blòc ortodòxe rus, monde latino-american, airial african, Islam, civilizacion chinesa, japonesa, índoa. Los conflictes civilizacionals son de naturas diversas : a l'interior d'un Estat desgalhat entre mantunas civilizacions (per exemple Turquia e Mèxic [ndt **]) ; a l'interior d'una civilizacion pel contra-ròtle d'aquesta -aital entre islamista e reformadors ; entre un Occident dominator e las autras civilizacions. [...] Nicolas Sarkozy brandís lo « chòc de las civilizacions » tal un espaurugal [...]» explica François Micheau dins un diccionari francés de las manipulacions istoricas de Naboleon Ier.

Dins aqueste meteis libre, «Claude Lévi-Strauss (nascut en 1908) es un antropològue conegut pels estudis sobre mantunas societats lonhanas, qu'a analizat los mites, a partir, entre autres, des acquesits de la lingüistica estructurala. Se referent a aquestas òbras, Nicolas Sarkozy a beucòp tornat dire, dins los seus discors de campanha, que « l'identitat es pas una patologia » [París-Showcase, 040407]. Justifica aital sa volontat de far de la tèsi recurrenta de la crisi d'identitat nacionala francesa un enjòc de la presidenciala »

L'editor de Na Suzanne Citron, el, tòrne editar los mites de l'Istòria de França... dins un pichonèl libre de conselhar a totes los estudiants.

E per las lengas ditas regionalas avem l'afar que sabètz e qu'ai agut s'escriure per un bilhet recent [ambe totes los comuncats o tèxtes recebuts sul tèma]

A la Dòna ministra de la cultura li caldriá remembrar que non i a ierarquia en matièra lingüistica e encara mens en matièra d'identitat nacionala, levat aquesta que cal diferenciar o destriar la nacion d'expansion economica e politica, dins lo cas la francesa, ambe la nacion de promocion lingüistica e culturala [la lista es longa l'avem vista desvolopada lo 7 de mai a l'Assemblée Nationale... E en matièra de chòc dèu quitament pas res entendre a la politica seguida actualament pel seu Naboleon Ier ; alara li conselhi de legir aiçò.

Donc vaquí la responsa seriosa dels bascos de l'Estat francés als poders nacionalistas d'expansion francesa qu'es al poder a París-Neuilly/Seine e dins los caps de mantunas socialistas jacobins e monoteïsta de l'identitat imperiala e republicana.

Tal una mena de comunicat de premsa aprèp lo debat del 7 de mai de 2008, los bascos fan un pichonèl signe a la politica parisenca :

Pels burèus de susvelhença dels mèdias a l'UMP : se podràn criticar l'AFP per pas aver escrit una linha sobre l'afar ! E aiçò serà meritat ! (per un còp !)

Lo burèu de susvelhença de l'UMP dèu saber lo ròtle de l'ONU en matièra d'autodeterminacion dels pòbles, non ? De Gaule : Vive le Québec libre ! » me sembla una frasa pron ben sentida sul tèma.

L'article a l'interior d'Enbata es fòrça ben escrit e amerita tota la vòstra atencion, la revista es per abonament e en venda liura dins un departament de l'exagòne parisenc.

La prefectorala dèu èstre assabentada, e donc l'Estat central tanben, las ministras e los ministres benlèu pas, mas benlèu que ne cal pas tròp dire als/a las ciutadans/as de las autras províncias sotmetudas ? Aquestas províncias que se fan enganar per unas parladissas a l'Assemblée Nationale... quand se despertaràn ? En mai 1868 s'explicava jà : « França es 36 milions de subjèctes, sense comptar los subjèctes de malcontentèrs » Henri Rochefort dins La Laterne. D'aquestes tempses pòst-revolucionaris jà s'èra oblidat que los subjèctes del rei èran devenguts ciutadans en 1789/91, donc actors de la republica... L'afar es estada lèu abandonada, tre 1792 e per sègles !

Lo chòc de la civilizacion podrà tocar lèu la diplomàcia francesa e las prefectoralas [enfin los autres que son pas estats en Corsega], puèi benlèu un tot pichonèl endreit de l'Estat colonialista republican francés, tot pichonèl chòc de civilizacion... La causa sembla èstre ben clara dins lo ment dels redactors e cap-redactors de la revista Lo Lugarn, aquò fasiá mai de dètz annadas quand lo libre es estat publicat en anglo-american, e que fasiá gaire de brut dins las còlhas politicas parisencas e ultra-jacobinas.

[ndt * Ne damora encara una cranhença dels comunistas dins la boca e reaccions politicas franchimandas ; ** benlèu i cal apondre totas las civilizacions dominadas per França, non ?]

De notar sobre l'agènda per Tolosa

Thu, 08 May 2008 10:17:27 GMT

Un genocidi, un de mai, ajudat pels poders militaristas franceses.

D'unes Bonapartes son pas encara mòrts, lo bonapartisme tanpauc.

Amerita tota la vòstra atencion, per rason d'aiçò. Quand França serà condemnada per aver agut una Istòria oficiala universalament genocidària ?

Es un encontre que presentarà donc lo nacionalisme francés d'expansion africana, quand n'avem encara la libertat.

Expression del nacionalisme d'expansion espanhòla

Thu, 08 May 2008 09:17:41 GMT

I a encara franceses que creson qu'Espanha es democratica !

Aver una idèa independentista en Espanha es l'assegurança d'èstre mal tractat per la justícia e la polícia, ambe la complicitat de mantunes elegits de Catalonha (Principat), quitament per aver agut l'idèa.

La "justícia" espanhòla agís tal un instrument o una aisina per desmoralizat los joves catalans independentistas. Aital l'afar de Franki es dins l'actualitat.

Vaquí la traduccion occitana d'un tèxte escrit pel jornalista Victor Alexandre :

Lo cas Francesc Argemí ‘Franki’

Lo nacionalisme espanhòl zo amana tot, en Catalonha, fins al punt que som un país tan subordinat a un autre país que gaireben reagísson pas dabans los actes judicials e policièrs mai pròpris de regimes dictatorials que non pas democratics. Res d’aiçò, çaquelà, non seriá possible sense la collaboracion abrandada de fòrças catalans situats en luòcs de poder, especialament a la conselheriá d’Interior [del govèrn autonòme catalan actual]. Lo cas de l’empresonament, sense pròvas, de Núria Pòrtulas, l’annada passada, es pron conegut, mas ara se n’a produït un autre de caracteristicas similaras. Se tracta de l’empresonament del jove terrassenc Francesc Argemí ‘Franki’, condemnat a una esmenda e a una pena de doás annadas e tres meses per aver assistit a la despenjada d’una bandièra espanhòla a l’Ajuntament de Terrassa [Ostal comun de Terrassa]. Los faits se son produsits en 2002, durant la Fèsta Major, e, mai enlà de l’acusacion de la polícia, non i a pròvas que demóstren que Argemí i a participat. Tot es aital, los tres recorses son estats presentats dempuèi 2004, demostrant qu'aquel jorn èra dins un autre luòc, son estats desestimats e recentament, sense cap notificacion prèvia, es estat empresonat a la Model de Barcelona [nom de la preson de Barcelona] e transtalhat posteriorament a Brians 2 [una autra preson]. Aqueste extrèma es grèu, perqué denòta una complicitat inadmissibla entre la titular del Jutjat núm. 2 de Terrassa e la conselheriá de l’Interior per la detencion d'aqueste ciutadana catalan. En luòc de li far arribar una notificacion, coma ordòna la lei, los Mossos d’Esquadra [polícia catalana] s'es presentat per sospresa al luòc de trabalh e, dabans totes, de tal biais coma se foguèsse un delinquent, se l'an emportat o cargar l'acusant d'ultratge a la bandièra espanhòla.

Sem, çaquelà, dabans un cas de repression ideologica -coma aquel de la cremadoira de fòtos del rei d’Espanha- destinat a intimidar la societat pel mejan de la co-accion e de l’abús de poder. Lo messatge de la Justícia espanhòla e de la conselheriá d’Interior es clar: los simbòls espanhòls son sagrats, los catalans non pas brica. Per aiçò non i a cap persona a la preson acusada d’ultratge a la bandièra catalana. Recordem, dins aquesta formulacion, que son estats los meteisses Mossos los que an amagat tota allusion a la cremadoira d'una bandièra catalana en la denóncia presentada pel restaurant Terra Dolça de Sant Cugat del Vallès lo passat 11 de Setembre. Alara que lo proprietari a denonciat los faits [d'aver cremat la bandièra catalana], aital coma "els desperfectes" causats pel fuòc a la façana, los “retocs sense importància” practicats pels Mossos dins una dependència junta an fait que l’allusion a la bandièra desapareguèsse misteriosament del tèxte. Es de dire, desaparegut lo mobil politic, los faits se convertiguèron en una simpla breçolada. Lo messatge es clar: despenjar una bandièra espanhòla es mai grèu que cremar una bandièra catalana. D’aquí que lo Govèrn catalan aguèsse desatès la peticion de revision immediata del cas de Francesc Argemí, sollicitada pel seu avocat, e que lo partit de Joan Saura, tan preaucupat per la repression ideologica chinesa al Tibet, se monstrèsse tant indiferent ambe la repression ideologica espanhòla en Catalonha. Ja se sap, las causas, coma mai alonhadas, mens engatjadas.

Es ben clar que per gaitar cramar bandièras espanhòlas en Catalonha zo caldrà far a l'Alguèr o en Catalonha del nòrd ; e per la bandièra francesa trapar un endreit isolat dins los Pirinèus nauts !

Aquesta setmana s'es fait una seria de manifestacions, que una es estada en fàcia de la TV3 que sembla refusar presentar lo cas a la television... coma dels "bons tempses" franquistas.

E lo diluns 12 de mai, un amic blogaire es sortit de Barcelona e alara ne parla aquí en donar lo seu punt de vista.

Recordem que lo Govèrn actual de Barcelona es en mans del PSC-Ecosocialistas-ERC... e cal listar los sostens nombroses e politics que lo jove aqueste obten del sistèma politic nacional catalan [actualitat]. Car los politics en Catalonha gáusan aver idèas per els meteisses, levat lo PSC e lo PP.

Asturian es oficial

Wed, 07 May 2008 04:03:57 GMT

Dementre que se farà un ... debat a París, en país d'Astúria se parla d'oficialitat !

Blabla francés contra actes asturians !!

Mantunes critícan la qualitat d'aqueste acte asturian, mas lo simbòl en la matièra es pron bèl ; nos podem regaudir d'aquesta novèla, d'actes politics coratjoses, e alara podem regretar l'arcaïsme francés en la matièra.

Dins los Conselhs Regionals en Occitània s'espèra qué ? Una polida letra de responsa escricha de la man meteissa del NS Ier ?

Es fantastic coma los poders politics franceses sábon perdre temps o organizar la pèrda de temps !

Lo 7 de mai a París s'espèra un debat de mai ! Debat que se podrà veire aquí en dirècte.

A l'acabament del debat : aurem una lei, que serà anti-constitucionala, e puèi serà pas previst quí l'aplicarà, o quí susvelharà ; encara un còp serà de fum !

La règla serà clara : l'inneficacetat lingüistica matarà las lengas ierarquisadas devath la francesa. I a res a esperar d'un govèrn o parlament francés.

La qualitat dels deputats intervenents i èra, notatz lo discors de Michel Vaxès, comunista de Provença [presentacion vídeo en lenga francesa], puèi l'exemple del francic, jà en linha doás jornadas aprèp l'intervencion, es al mens la pròva de l'eficacetat nordenca :

Langues Régionales Francique
envoyé par mliebgott

Las intervencions de totes los deputats son aquí. Ié fauta simplament lo blabla de la ministra, que sembla pauc impòrta, per totes los militants, çaquelà !...

Una reaccion occitanista de l'autra man de Ròse.

d'autras reaccions enregistradas dempuèi la Bretanha : aquí.. Amai, s'acaba d'escriure lo 15 d'abrial un tèxte en francés sul tèma, per la Federacion dels Roerguàs exiliats [FNA12], legissètz, aquí.

Bon viure en Provence : dinca quand ?

Tue, 06 May 2008 21:23:39 GMT

"Provence" es pels anglosaxons de uèi una mena de paradís, es un ostal dins lo Luberon o en Peirigòrd o en Carcin, benlèu tanben en Lemosin o en Ardècha ; Provence es pels anglosaxons l'etiqueta per Occitània... Aviái jà notat dins un bilhet de l'an passat la mapa d'installacion dels anglosaxons en Occitània e Oèst de l'Estat francés, amai de la Bretanha.

Un article acaba d'èstre redigit pel IHT (The International Herald Tribune) tal un marronièr jornalistic : lo bon viure en "Provence".

La terminologia "Provence" es sempre emplegada per l'istòria d'aqueste emplec en Anglatèrra, "Provence" es estada coneguda en Anglatèrra a la fin del XIXen sègle, per mantunas rasons que Mistral n'es pas estrangièr. Los lingüistas l'an popularizat en país de lenga anglesa, per tòrçe un pauc la vertat o la realitat geografica e nacionala nòstra.

Se parla sempre del bon minjar, es un minjar occitan, mas dinca quand serà similar a lo qu'avem conegut aquò far pas mai de 20 annadas, quand los produïts bons debuta la manca, quand la transmission de cosinar es estat abandonat ambe la lenga, quand los luòcs per minjar en grope son abandonat e impossible d'aver, quand lo collectiu fa la plaça a l'individualisme, etc... quand la civilizacion occitana del biais de viure s'es atudat ambe la lenga.

Dinca quand ?

Dinca quand la restauracion occitana podrà semblar al minjar costumièr occitan ?

Dinca quand los païsatges del XXIen sègle seràn los meteisses per albergar ostals bèls e polits ? L'agro-industria minja lo païsatge. E los païsatges pantaissats uèi èran jà pas los meteisses a la fin del XIXen sègle.

Dinca quand los anglosaxons faràn d'Occitània lor paradís, quand son els tanben qu'ajúdan a sa destruccion, en servar las pèiras solas.

Dinca quand la finança permetrà als anglosaxons de poder crompar aiçí ?

Dinca quand las linhas d'avions podràn portar clients per las agéncias immobiliàrias ?

Dinca quand lo bon viure farà mudar una granda partida dels quadres anglosaxons en Occitània ? Abans èran los produïts d'Occitània que pujavan a Londres. Abans èran las migracion occitanas e protestantas que faguèran una Londras-Anglatèrra de l'activitat entreprenariala, tal a Berlin-Prússia o Amsterdam-Païses-Baisses.

Dinca cinc a sièis annadas, aqueste fenomèn europèu important s'acabarà ... mas serà encausa del còst de l'enèrgia pels transpòrts d'una certana populacion cap al Sud d'Euròpa, sobretot cap a Occitània. Al mens que lo batèu tòrne de mòda e alara serà lo pòrt de Bordèuo Baiona que tornaràn èstre los dos luòcs d'escambi entre las Isclas britanicas e Occitània.

L'IEO a sortit un sumplement per explicar Occitània pels anglosaxons, son d'aquesta populacion que párlan ambe los vesins (sovent occitans), en opausicion ambe los parisencs que daválan en "província conquista" e que damóran sovent muts. Los anglosaxons son dubèrts a la vision occitana pel país d'arcuelhença, mas lor cal vóler presentar, e es aiçò que fauta als occitans e a las occitanas, a mai tanben als cosinièrs, una educacion dins la lenga e ambe la lenga per poder informar, una educacion de la geografia e de l'istòria d'Occitània fauta grandament. L'ignorança del país que i vívon, quitament dins los oficis de torisme e benlèu sobretot aquí, es la règla del sistèma francés d'ensenhança, aital los estrangièrs devenon las aisinas suplementàrias per destrusir la lenga occitana e sa cultura (la cosina malgrat tot !), destruccion sovent malgrat els o elas.

L'occitanisme es tanben planvengut a las aurelhas britanicas, melhor qu'a las aurelhas parisencas, malgrat tot los debats previstes per l'UMP a l'A.N. !

L'occitanisme serà lo planvengut aquí tanben

Tue, 06 May 2008 18:18:44 GMT

Aiçò se debana dins la ciutat europenca, Tolosa. Dins un contèxte mondializat, pas sonque l'exagòne, es la vision que portam, la podem portar dins un encastre mondial, en tant qu'occitan d'aquesta planeta.

I a pas de circulacion sense veïcul...

I a pas de cultura sense lenga.

Inter- Element lingüistic (tirat del lat., inter «entre») que servís de formar mantunes mots, en exprimar siá un espaçament, la reparticion (dins l'espaci e dins lo temps), siá une relacion, un ligam de reciprocitat...

Sonque son vençuts los que dáissan de lutar.

Democràcia en Espanha ?

Sun, 04 May 2008 06:03:29 GMT

Manifestacion a Arrasate per reclamar la libertat de l'elegida cònsolessa, d'ANB, empresonada per òrdre de Baltasar Garzón, l'espanholista. Es una fòto de l'agéncia EFE, se la podriá aver los mèdias franceses e soi segur que pas un ne farà una linha.

Lo nacionalisme d'expansion madrilenca a mestièr encara d'aprendre la democràcia e lo respècte de las votacions bascas.

Espanha es pas un Estat democratic, encara. Lo Frederico Franco es pas encara mòrt.

E sempre en provenéncia d'Euskadi, tirat d'Enbata aquesta setmana, aqueste tèxte que me sembla tanben anar dins lo sens de çò qu'ai escrit a prepaus de l'omenatge a Aimé Césaire.

Tolosa, plaça del capitòli uèi dimècres 17:00 : manifestacion pel Tibet

Wed, 30 Apr 2008 22:04:35 GMT

Un mot pel 3 de mai, una traduction dempuèi la lenga francesa, d'un document recebut en doás lengas, anglés e francés.

Los emissaris del Dalaï-lama en rota cap a China
L'emissari particular de Sa Santetat Le Dalaï-lama, Lodi Gyaltsen Gyari e lo deleguat Kelsang Gyaltsen arribaràn en China lo 3 Mai de 2008, per mantunas discutidas informalas ambe los representants dels dirigents chineses.
Durant aquesta corta visita, los emissaris exposaràn l'urgent problèma de la recenta crisi dins las regions tibetanas. Se faràn portaires de las vivas inquietuds del Dalaï-lama, a prepaus de la gestion de la situacion per las autoritats chinesas, e presentaràn mantuna sugestions per tornar la patz dins la region.
Los dirigents chineses aguent indicat publicament, que quitament a mantunas escasenças exposats ambe los govèrns forans, la perspectiva de represa de dialògue, los emissaris portaràn la question de la progression cap a una solucion mutualament satisfasenta al problèma tibetan.
Chhime R. Chhoekyapa
Secretari de Sa Santetat Lo Dalaï-lama

Que los mots son mesurats !... e farai pas cap comentari.