La France vue d'en bas o lo Païs d'en Jacme, utopia o democràcia !: Music

Distincion d'estiu : prèmi Charles Cros

Tue, 11 Sep 2007 02:52:50 GMT

Miquèu Montanaro es encara premiat ! Çò que es normal !

« Adiu,salut,bonjour,hello,buongiorno,szia,hola!
Vaqui quauquei nòvas per l’automna. Coma podes va veire avem un molonas de causas a faire. Jogar tot plen e viatjar au luenh sera nòstra plaser per aquesta sason.

NÒSTRA VIDA
Nòstra vida
Es pas totjorn que de tendressa
De còp es trista
Es violenta de còp
Tròp sovent l’oliva es amara
Sensa la sau
D’un amor vertadier
Nòstra vida
Es pas causa tant aisida
L’avem perduda
Sensa l’aguer comprès
Son sens promier
Sempre nos escapa
Coma lo blat
D’un banaston traucat
Dins nostra vida
L’ i es pas mai de causida
Sempre fau viure
Se far petar lo còr
E cantar
A rompre sa garganta
Mèu e lemon
Ò seba e raifòrt.

Montanaro es laureat de l'Acadèmia Charles Cros
Lo 4 d'agost de 2007, au Festenal Les Escales de Sant Nazari de Bretanha, Miquèu Montanaro a recebut lo Coeur Musiques du Monde 2007 de l'Acadèmia Charles Cros pel seu esclipòt OTRAMAR. » Mandat per Miquèu Montanaro al godilhaire.

De mai aprenem dins lo seu messtage que : Vents d'Èst tòrna jogar.... brava novèla.

Ai notat tanben dins la lista una creacion o mediatizacion occitana d'un obratge pels pichons, dels autors Marie-José Fages-Lhubac, Josiana Ubaud, Jean-Michel Lhubac -lo títol es mièg en francés car l'editor es francés Modal, e fai botat aquí la traduccion sancièra-, "Cançonier totemic lengadocian, canta, neneton" e "Lo resson de la pèira".

Mots claus Technorati : Montanaro, Musicas, occitanas, Occitània, Charles Cros.

Disques novèls de la Companhia Montanaro

Mon, 08 Jan 2007 22:29:13 GMT

Es una produccion que vos recomanda, per l'univèrs de Miquèu Montanaro que es prigondament occitan ; car dempuèi Correns tot ciutadan occitan o tota ciutadana occitana a dreit de passar "Otramar" sense passar per Babilòne.

"[…] un astucieux parcours entre musique traditionnelle (un peu) et free jazz (surtout) dans lequel les improvisations modales tiennent une grande place… comme souvent dans l’univers musical de la Compagnie Montanaro" Trad Mag, janvier 2007- Guillaume Veillet

ÒC lo novèl DVD sortís auèi, e Eric Fraj a Tolosa

Wed, 06 Dec 2006 18:29:27 GMT

Aprèp una virada d'estiu, vaquí mantunas novèlas del grope ÒC. Es un filme suls catares [o bons cristians], que lo grope ÒC n'en signèt la banda son, e lo filme original es estat virat per Cristian Salès, sortida novèla en França es auèi. Seràn en presentacion a Carcassona (Aude) lo 6/12 - AUDITORIUM - Capèla dels Jesuitas - 18:00 / Narbona, (Aude) lo 9/12 - PLAÇA MÈDIA - "Dames de France" 16:00 / prèp de Tolosa, a "Cultura" Portet de Garona lo 11/12 a 18:00 / Besièrs (Erault) al CIRDOC al Camp de Març, 18:00 / LYON (Ròse) lo 16/12 - "LA MANDRAGORE" - 52, rue Saint-Jean - 15:00 / PARIS (Iscla de França) lo 13/12 - "GALLERIES LAFAYETTES" - Bd Haussmann - 16:00. E bensegur podrètz trapar mai d'informacion sul site del grope, que avètz en linha sus aquesta pagina.

A prepaus de divertiment, tot en sosténguer la cançon occitana, al

Centre Cultural Henri Desbals

(128 carrièra del meteis nom 05 34 46 83 25 - es a Tolosa de Lengadòc),

i aurà Eric Fraj lo 8 de decembre a 21:00.

Lo cantaire occitan es ben conegut en Comenge e al delai, cantaire que aguèt lo Prèmi de l'IPECC per Occitània recentament. Eric Fraj canta en occitan, francés e catalan.