La France vue d'en bas o lo Païs d'en Jacme, utopia o democràcia !: Entertainment

Montsegur, se festarà lo retorn dels fuòcs

Fri, 13 Jun 2008 19:58:29 GMT

Organizat pel CAOC vaquí trenta annadas, lo fuòc es de retorn al pè del tuc del castèl de Montsegur.

L'actualitat d'aqueste bilhet es aquí sota, en fòtos.

La fèsta seguirà doman... sul meteis bilhet, e en fòtos sempre.

Fòtos d'un dissabte a Tolosa de Lengadòc

Fri, 16 May 2008 19:59:06 GMT

Calandreta es una prioritat e lo CAOC es istòria en practica

Tue, 29 Apr 2008 09:59:57 GMT

-°-

Una autra manifestacion es tanben a reténer dins los vòstres agendas, sobretot que la comuna participarà a la fèsta.

Nalhós

es al entorn

de 10 qm al sud-èst, direccion

val de l'Arièja e

Sud Lauragués.

Nalhós, en país tolsan, es tanben conegut pel seu centre de comèrçes industrials e del sos-emplec que vòl duèrbe lo dimenge... l'autorota es lo melhor mejan per i anar, benlèu pas la melhora idèa politica.

-°-

Collòqui occitan en Lemosin

occitan:

lenga del trabalh de sempre

Espectacle qu'amerita tota la vòstra consideracion culturala

Wed, 16 Apr 2008 09:03:04 GMT

Una visita s'impausa per la tecnocràcia culturala francesa en Occitània [ambe totas las dificultats collectivas de transpòrt per las transversalas Baiona-Y-Avinhon -Marselha-Niça_o_Lyon], mai tanben ambe lo TGV París-Ortès o lo tren de nuèit dinca Baiona, una visita d'impausa tanben dempuèi París e pas sonque pels etnològues...

Frenchies u can go to Lescar [Occitània] to understand what a language "defenders" means.... To prepare u for your frenchie language and be a minority on Kulturé polities.

Puèi l'espèr dins l'actualitat... Los franceses començan lo procediment d'a-culturacion o de lingüiscidi, gràcia o encausa de l'anglés ; n'auràn per 1.000 annadas ? Nosautres en Occitània ne sem a 1.000 annadas de la debuta de l'arribada de la pensada uniformizatriça francesa, donc i a de l'espèr : gaitatz aqueste document traduït dins una futura lenga minorizada per un ret de tibetans italians.

Faire cridar lo pòble d'en bas

Thu, 27 Mar 2008 05:35:58 GMT

1907, lo crit d’un Pòble.

Entre 1905, data de la separation de la Glèisa e de l'Estat centralista marcarà l'abaissament de l'influéncia de la Glèisa catolica sobre la politica en França, e 1914, debut de la 'granda' guèrra dels colonialismes europèus e de las barbariás europencas, apareis timidament, al fial dels mots, quasi entre las linhas l'annada «1907», aiçò en Occitània.
Aqueste 1907 es la debuta al mesme moment qu'una fin, que las poténcias oficialas -parisencas- assajèran de redusir a l'anecdòt malgrat los bèls aplècs, las mutinariás, los mòrts… Acarats a la decadéncia, l'ineluctabla agonia de las vièlhas nacions imperialas, expansionistas, 1907 predessenha los tempses novèls e l'arribada al primièr banc dels « etnismes », las nacions sense expansions, las nacions sense mesprètz de las gens d'en bais : consciéncias occitanas, mas atanben còrsa, basca, catalana,…
Maitin a las multiplas albadas, originas e originalitats repensadas, cada minoritat escrit lo seu capítol, mas en letras majusculas.
Es sobre aqueste tèma que lo ceucle occitan de Gabian e la MARPOC vos prepausa, non pas una peça de teatre, mas un luòc per la pensada politica e culturala teatratizada aont l'amistat damora la clau de còr e d'Òc.

Dissabte 29 de març de 2008 a 21:00
Tariu : Entrada liura

Telemac Théâtre
14, carrièra Fernand Pelloutier - Nimes - Provença-Occitània

Un ligam important pels pòbles minorizats : aquí picatz.

Règla d'ortografia occitana per temps d'eleccions en França per l'occitan

Sun, 09 Mar 2008 03:51:42 GMT

L'ortografia es un element important d'una lenga, e tota lenga pòrta una ortografia ; l'occitan pòrta, en ortografia, lo seu problèma de l'accent grafic.

E lo francés ... oulala !

Es de doás manièras per l'occitan : - fonica coma en francés (é & è, que es lo sol exemple), - o tonica per cambiar la règla latina d'accentuacion sobre l'abans darrièra sillaba (per destriar sabon -savon en francés- de sábon -savoir conjugat en occitan) nos cal un accent tonic, car efectivament disem SabOn per l'afar de netejar, e per la conjugason de saber, disem sÁbon a la tresena persona del plural....

Donc per la letra E, es ambe l'accent grafic quand es per un accent tonic cambiat del latin classic, senon se pronóncia [accent tonic o tònic en foncion dels dialectes de l'occitan] sistematicament [é] ! Lo meu pichon nom en occitan pòrta donc pas d'accent : JACME/jacme, sense accent tonic o fonic.

Dins l'article de Libération, cal donc escriure CONSE [counsé] sense accent grafic, e CÒNSOL, [consoul] ambe l'accent fonic [fonic o fònic en foncion dels dialectes de l'occitan] en foncion de l'accent local de la lenga occitana emplegada pel cònsol o consol. Aqueste accent s'en va del O quand parlem de CONSELHIÈR...

Donc s'avem "Cònsol" o "Con & sol" .... Es pas exactament parier ; caldrà explicar aiçò als Marselhés que an donat l'exemple al redactor parisenc... L'ortografia es un jòc que s'amerita dins tota lenga.

Notatz aiçò lo 9 de març, aquò podrà servir. Mas un Cònsol es rarament sol, solet o isolat ... quand es batut se podrà dire qu'es un "con sol", mas es bravament vulgar ; e aquò pròva al mens que l'occitan a diferents nivèls lingüistics, quitament en mitan urban !

Mas un cònsol es rarament solet ... tornem escriure !

Aqueste dimenge votarem per CONSELHIÈRS MUNICIPALS o CONSELHIÈRS MUNICIPAUS ( en foncion dels dialectes de l'occitan, provençal/gascon/lemosin/auvernhat/dalfinés o lengadocian - aquí podriái ajustar mai sobre lo plural e sa formacion en occitan, mas es pas lo tèma), e un cap de lista, lo ... Capol a Tolosa, e puèi aurem CAPOLS pel Capitòli [l'ostal dels Capols], lo Conselh Municipal Tolsan es fait dels "Capols", dempuèi sègles e sègles. Aital avem un bar de Tolosa que s'escriu CAPOUL, car los franceses sábon pas escriure l'occitan ! (es d'una certana manièra, una de las loras faiçons de fargar un colonialisme lingüistic e ortografic en Occitània ...). Aqueste bar de Tolosa es sobre la plaça Godolin, Goudouly, un bèl poeta occitan tolsan....

Caliá ben una leiçon d'ortografia occitana, dins lo contèxte o la localizacion tolsana, per un jorn d'eleccion, mercés a LIBÉRATION (ambe un accent francés sul E) ! Mercés a París... ambe l'accent tonic sobre lo I car la finala es en S, e l'accent tonic en occitan sobre la darrièr sillaba aquí.

Mercés a Didier Pourquery, o en bona grafia occitana : Daidièr Porquerí o Porquerin o Porcarin, zo sabi pas ? Me sembla qu'a quicòm a veire ambe lo pòrc en occitan, enfin sabi pas, e donc sabi pas l'escriure en occitan. Car l'ortografia occitana pervertida per la grafia francesa ajuda pas de religar l'origina dels mots, es per aiçò que lo respècte de l'ortografia occitana ajuda a saber l'origina dels mots, e ajuda per zo plaçar dins lo contèxte lingüistic latin.

La grafia es simplament l'expression fonica de la prononciacion classica d'una lenga d'origina latina, quand la lenga d'origina latina es ben normalizada, normalament, çò qu'es lo cas per l'occitan, gràcia a l'Institut d'Estudis Occitan, avem aquesta ortografia occitana normala que permet a TOTES los dialectes de l'occitan de s'exprimir, sense èstre reprimits !

Una ortografia occitana s'inventa pas, es una règla que permet a l'occitan d'èstre la clau de la latinitat.

Atencion cal pas far coma los franceses : confondre grafia e fonia ... entendut Capols de Tolosa ?

Atencion dimenge, votarai o capolajarai pas tal un professor de francés, farai atencion de pas votar per París : mercés de far parier per Occitània.

Bona votacion per un dimenge 9 de març.

Uzestival 2007

Thu, 20 Dec 2007 05:23:44 GMT

Lo ligam es aquí.

Debuta lo 21 de decembre a la nuèit per acabar en genièr 2008 una matinada.

Es lo jazz de Gasconha.

Es de creacion en Occitània.

Notar suls agendas

Wed, 21 Nov 2007 15:32:24 GMT

La lista de las lengas seràn : francés, occitan, basco, catalan e espanhòl.

Mots claus Technorati : multilingüisme, Cava Poësia, Tolosa

Corea del nòrd en vídeo

Wed, 07 Nov 2007 06:41:29 GMT

Quand l'espòrt es emplegat politicament ...o quand la dictatura del proletariat o del capitalisme pòrta a la creacion populara.

Mots claus Technorati : Corea, fotbòl, suporters

Teatre : lo CG31.fr convida

Mon, 29 Oct 2007 14:46:57 GMT

Recentament ai convidat totes los lectors per una serada de teatre, es una serada de promocion del teatre en doás lengas de TIO, occitan e francés ; un conselh agradiu de visita vos permetrà d'anar veire una creacion occitana. Es talament rara.

Ai trapat tanben un document costumièr pron utile per descriure la serada. Aqueste document es prepausat dins lo jornalèt ben-ortografiat del Conselh General, lo seu president zo demanda ; l'ortografia sembla èstre un element major de sa publicacion, e sabem las fautas que se pòdon legir dins la premsa locala..., alara la demanda sembla èstre una crida sociala per la bona ortografia, pertot.

Sovent aquesta cronica dicha d'«Occitanie» e sempre signada, es sempre ben-ortografia tanben en occitan, mas uèi -darrièr numèro, n°100- la cronica es en francés ; soi avertit sempre a l'amagat, coma sempre, que, per rason tecnica, e benlèu politica, la cronica aguèsse de mal d'èstre escrita en occitan, pression sociala o politica ? Digun zo dirà, mas seriá de regretar qu'una cronica en lenga occitana desaparesquèsse encausa d'una manca de presa de consciéncia de l'interès de la preséncia publica de l'occitan [sosten de totes los caires].

Estimatz positivament aquesta cronica en lenga occitana : contact@cg31.fr. S'i espèra un corrièl de sosten a l'emplec de l'occitan [en anglés, catalan, occitan o ... francés]. Lo corrièl vòstre animarà, grandament, directament e positivament a l'actual Sénher Director de la comunicacion del Conselh General e al President del Conselh General, Pierre Izard. Semblariá que n'aguèsson mestièr.

E se fasètz pas res, pensatz a notar la data : 15 de novembre, 20:30, luòc : MJC Roguet a Tolosa Sant Çubran - serada gratuïta per totes los legidors o totas las legidoiras d'aquesta cronica.

Mots claus Technorati : Teatre, Conseil Général, Haute-Garonne, Nauta-Garona, Conselh Generau, creacion, occitan

Far melhor, zo podem en tant qu'occitan !

Wed, 24 Oct 2007 13:17:41 GMT

Gaitatz aquestes dos documents son pareguts lo meteis jorn.

Lo primièr document es un nòta informativa de premsa, indica un concors literari, que se sona "escriure el país" ; es de lenga catalana e del país valencian.

Al país valencian totes los escrits seràn pas sonque es catalan de València, nimai d'Alacant o d'una autra ciutat. N'i aurà en espanhòl.

La persecussion francesa contra l'occitan farà que l'occitan serà leugièr dins las prepausicions de Tolosa, serà leugièr tanben perqué es ges previst d'assegurar que lo concors serà tanben pels occitans e per las occitanas, res es notat sus l'afica. Una accion positiva seriá estada de pensar al pus feble, lo que parla occitan o amazigh en Occitània centrala, per participar al concors.

Es plan polit que botar un calam ambe la crotz occitana, mas es important tanben d'emplegar la lenga dins un campanha que l'interès es evident : far escriure lo pòble d'Occitània, que l'escritura es pauc a pauc abandonada, mas la fauta de quí ?

Claude Nougaro cantava "L'occitane", èra compassional e una crida del còr per un occitan exilhat [auriá tant estimat escriure e cantar al país!], e se los politics fasián un emplec de l'occitan per assegurar de l'avenir de la lenga occitana ? Quand zo faràn naturalament e sensa ajuda morala e politica ? Quand l'escrit occitan serà pron espandit ? La nòrma es sonque militanta pel moment, los politics d'Occitània an un ròtle de jogar per l'aver melhorada e mai presenta dins la vida sociala.

Los servicis de comunicacion se dèvon prendre en carga [mantunes fan d'esfòrçes que traparai pas pron fòrts], autonomia, e prendre en carga un emplec costumièr de l'occitan [e daissar tanben los cargats de mission trabalhar per l'occitan, aital d'una autra faiçon desvolopar quicòm de diferent dins totes los servicis de las institucions de Tolosa], ambe lo francés per èstre entendut e comprès, e respectar l'impausicion parisenca.

"Escriure al país" seriá un bon títol per un concors d'una region d'Occitània al centre de la geografia de lenga occitana, e segur que seriá possible d'o far en francés, occitan e amazigh (per los que vòlon far la causida el-meteis de faiçon laïca, çò que aparten al pòble).

Mantunes servicis de comunicacion li pensan pas pron a l'occitan, e li pensan un pauqueton, un pauc, un drin, un chic, un chicotin, etc, d'autres zo emplegan pas pron, veire pas brica...

D'autres pagan un espectacle per far saber la lora politica ; cars amics lectors e amigas lectriças, sètz convidats ! E es una bona iniciativa que se cal felicitar, lo Conselh General s'amana, e avança una prepausicion agradiva per debutar l'ivèrn al teatre. Se pensarà a 1907 !

E serai pron content, en i veire totes los elegits del Conselh Generau, que l'aula siaguèsse pron pichona per far saber... Es decidar al país, coma escriure al país, cantar al país, godilhar al país, viure al país, prosejar al país, etc... E lo país es occitan se la lenga es presenta. E lo teatre es occitan se la lenga es presenta, etc.

Serà lo 15 de novembre 2007, a 20:30 a la MJC Roguet, Sant Çubran a Tolosa.

Ièu i serai, sètz convidats/adas, m'i veirètz.

Mots clés Technorati : Occitània, cultura, espectacle, escritura, institucion, Conselh Generau, Conselh Regionau

Lo bonapartisme es ua administracion francesa entà gestionar lo país occitan

Wed, 24 Oct 2007 07:19:35 GMT

Un notari gascon cèrca un novèl emplegat ende sagerar los seus actes.
E atau mantunes formularis dèvon èstre sagerats dinca dètz còps, cau un emplegat que sapiguèsse compdar dinca dètz.
Lo primièr candidat s'asseta e lo notari li demanda de compdar dinca dètz.
- « Oui, bien sur. 10.9.8.7.6.5.4.3.2.1. »
- « Es plan » dís lo notari, « e ara au cap invèrs ? »
- « Non » respond lo candidat « j'ai travaillé à la Koró et j'ai toujours compté ainsi. »
- « Désolé, mais vous ne convenez pas ! Candidat suivant ! »
Lo notari demanda au segond candidat de compdar dinca dètz.
- « Oui, bien sur. 1.3.5.7.9.10.8.6.4.2. »
- « Es plan » dís lo notari, « e dins lo bon òrdre, ara ? »
- « Non » respond lo segond candidat « j'ai travaillé comme postier et j'ai toujours compté ainsi en passant de boîte en boîte. »
- « Désolé, mais vous ne convenez pas ! Candidat suivant ! »
Lo notari pausa la mesma question au tresen candidat.
- « Oui, bien sur. 1.2.3.4.5.6.7.8.9.10. »
- « Es perfèit ! Ont avètz trabalhat aperavans ? »
- « J'étais à la Direction Générale des Impots»
- « A la DGI ? Soi espantat ! Mas, digatz-me, mentre que siaguèsse pas necessari, podètz contunhar de compdar aprèp 10 ???»
- « Mais, évidemment ! Valet, Dame et Roi ! »

E Òsca lo Rei, perdon, li avem copar lo cap : la Republiiiiiiiica !

Vos compdarai lhèu coma fa lo Conselh Generau en Comenge entà subvencionar Calandreta, causa formidabla dempuèi mai de dètz annadas, e puèi pas saber l'ortografiar o l'escriure suu site Internet de las deliberacions [simplas errors de picatges, tròp a la lesta]... Aurai donc d'autres exemples per escriure qu'es "pramor lo bonapartisme se decentraliza tanben !".

Mots clés Technorati : Occitània, administracion, França, Occitanie

Origina Contra-ròtlat = OC

Tue, 16 Oct 2007 11:05:59 GMT

Omnium Cultural = OC

Occitan en Catalonha = OC parier

Origina Contra-ròtlada = OC atanben

Es lo nom d'un festenal tolsan. La manifestacion "Origines contrôlées", organizada pels ancians de Zebda, vòl valorizar la diversitat dincal 19 octobre, sonque ?

Dètz jorns abans la sortida de l'album "Origines contrôlées", Hakim e Mouss, de l'ex-grope Zebda, dobriguèron la quatrena edicion del festenal del meteis nom, aiçò a Tolosa. Los dos fraires e la Tactikollectif, vicrina politica de Zebda, vòlon far pujar «la cultura de l'immigracion» dins lo barri, las aulas de ròcks, los bars o suls grands emponts institucionals de la ciutat. L'Istòria de l'immigracion, « escricha pels dominants », dís Mouss, es estada confiscadas als immigrats. «La cultura de l'immigration es justament produïta pels que an fait aquesta istòria e que aquesta istòria es redusida al silenci. Baila la vision dels dominats. Es lo sol material directament disponible dins las nòstras familhas e ajuda los immigrats a tornar bastir lor identitat». Lo Cabils del barri dels Minimes [barris acostumats dels immigrats arribats per rasons politicas a Tolosa], dementre que los seus parents, an pogut sofrir de non pas èstre alfabetizats. Aqueste festenal es fait per demostrar qu'èran pas sense cultura çaquelà [a part los franceses, quí ne podiá dobtar ?]. E es una cultura de la «non-soumission», s'enlutzís lo cantaire bondissent. Pel Tactikollectif, tot l'interès d'aquesta abilitacion de la cultura de l'immigracion ["recenta" per èstre d'oltra-mar] es primièr de «se far del ben». Als artistas, tals coma als parents. En segond moment, aquesta cultura es «utila per la defensa de l'identitat novèla de la nòstra societat» aont, segon los organizadors, los meteisses fenomèns pòdon inspirar Léo Ferré o los vièlhs Magrebins, mas que la retiséncia es sempre atanben fòrta a acceptar la diversitat de l'expression. «Es en movement, aquesta societat multiculturala, se bastís cada jorn», obsèrva Mouss. El e los seus amics entendon per far la pròva sus l'empont.

Lo festenal "Origines contrôlées" es un festenal musical que passarà per totes los emponts del Grand Tolosa.

Ièu me soi sempre demandat se aquesta "Origina contra-ròtlada" èra pas simplament la consequéncia non mestrejada del nacionalisme d'expansion francés, que Occitània supòrta sovent mal per votar FN, o per èstre objècte de manipulacion politica francesa (los uns contra los autres, ex en çò de Tisseo), e donc afavorizar encara mai l'extremisme nacionalista francés, sempre regretat pels organizadors ; diplomaticament perqué zo díson pas en conferéncias e taulas redondas per debutar lo debat.

Tisseo es partenari de la manifestacion aquesta... manipulacion incontra-ròtlada.

Mots clés Technorati : immigracion, origina, Occitània., nacionalisme, francés

L'Occitània vièlha s'aplegava a Sent Lís dimenge.

Mon, 08 Oct 2007 08:42:41 GMT

Per l'astre de l'ajuda als ancians occitanistas, soi estat a Sant Lís ; soi estat lo taxi per un dimenge.

Ai encontrat aital una brava dauna que legís Charles Mouly a l'antena d'una ràdio locala de Blanhac, aquò se debana lo dimècres a las 14:10, dinca 15:00. Alice Rouanet pòrta plan los seus 80 annadas, e sa lenga es bravament de l'Aude. Segurament un personatge important de saber dins lo grand Tolosa.

Ai tanben vist una peça de teatre escrita per Charles Mouly, bon res de cambiat, lo paure pec parla occitan e l'elegit-mètge parla francés ; e lo public s'enplaça al moment sociolingüistic aqueste en Occitània, lo public es d'aquesta generacion que a abandonat la transmission lingüistica occitana, sábon gaire la diferéncia que i a entre calandreta e escòla bilingüa, quitament se la peça es tanben un pauconet en occitan, dins una lenga compenedoira per tot public que vòl al mens s'integrar al sistèma occitan de las annadas 1950 / 1970.

Es pus gaire una causa d'actualitat senon en reviscolar una mena de pojadisme culturalista. Una causa qu'agrada plan als elegits, mas qu'es pus d'actualitat dempuèi que los occitanistas se son amassats per manifestar per la lenga occitana, dempuèi Carcassona e Besièrs, aqueste culturalisme a près un pès mental ges agradiu.

La modernitat passarà per d'autres tipes d'òbras teatralas [ex: lo lop, que jà n'avem parlat ; justament n'ai parlat d'aquesta peça ambe un dels convidaires, benlèu que me farà un comentari de la jornada de dimècres passada].

Vist lo perlongament de las vidas dins l'Euròpa actuala, lo repais e la peça de teatre èran çaquelà importants per la transmission a-n aquesta generacion de las linhas politicas novèlas per Occitània, la dignitat lingüistica.

Per clavar : ai mancat ganhar lo cambajon... per una astrada que vos disi pas. Aquesta vrespada portava una mena de cultura que cal saber, car es un passat de moment del despertar occitan, mas qu'es pas gaire de desvolopar.

Dins lo vilatge de Sent Lís avem tanben una pichona volontat de veire plaçar la lenga dins la carrièra e cada jorn (fòto 1). L'an passat èran los panèus d'entrada.

Dins aquesta jornada, que debutèt per una messa, lo Suïs èra lo personatge lo mai esperat per la fòto de sortida ; la messa se faguèt bilingüa, ambe cançons del grope de Legavin [aqueste vilatge plan conegut que faguèt lo primièr l'esfòrç de metre un panèu en occitan a l'entrada].

Dins aquesta jornada, lo grope folclorista de Legovin èra present per nos ajudar a cantar, e emplegar la grafia francesa per tornar escriure "Lou Bouier"... tot en sapient que s'escriu d'una autra manièra, e amb una nòrma acceptada per totes los occitans e las occitanas. L'institut "Thalassa" de Sent Lís i podrà res (fòto 2). Las paraulas de las cançons èran pron necitas pel public present que, çaquelà, èra del temps que totes e totas parlavan l'occitan ; es la pròva que l'arrest de la transmission lingüistica a començat bravament abans l'estupada de la lenga de cada jorn.

L'aula de l'espectacle èra una bèla sala (fòto 3), comola de vertat, comola per un public de tres generacions [ambe lo perlongament de las generacions sem ara a un pòble d'Occitània que aplega 5 generacions], mas pas ges adaptada al teatre, una sonorizacion ajudèt a portar lo son dincal fons de l'aula ; mas lo reglatge del son demandava un tecnician.

Se non la jornada es estada ben organizada, car es vertat que aquesta jornada es portada per un implicacion comunala fòrta, lo minjar èra ben fargat vist la quantitat e rapiditat del servici, e semblava tanben possible de pensar lo minjar de grope e lo minjar occitan, segon los ataulats e atauladas ; ne dobti. Una implicacion exemplara politica ! E dins aquesta implicacion se podrà trapar tot un escantilh d'intervencions normalas per las comunas del Grand Tolosa. Aquesta implicacion es ben clara, mas plaça un dobte sus l'interès d'aquesta implicacion per integrar l'occitan dins una politica normala, tròp d'implicacion sembla matar la volontat politica.

Çaquelà la jornada fa plaser al boissador del Midi, lo jornal localista : una granda pancarda èra en fons de l'aula e lo jornal aqueste faguèt un article, bon...

Mots claus Technorati : folclorisme, Jacouty, Catinou, divertiments.

Inauguracion del Festenal Occitània

Fri, 21 Sep 2007 19:08:32 GMT

Atalhièrs de demonstracions, conferéncias, comics, musicas, exposicions, animacions

Dimenge 23 de setembre
Auriac de Vendinèla, de 9:00 cap a 18:00

Las Lauraguesas

10:30 : Desfialats sus la plaça publica ambe las cabretas de la "Granda Banda de Bodegas".
11:00 : Inauguracion del festenal Occitània plaça de la comuna, i aurà tòcas manetas obligatòrias. Aperitiu animat pels Fraires Carel, venguts de la bèla familha dels Macarel Show.
De 15:00 cap a18:00: los Fraires Carel e la Granda Banda de Bodegas s’installaràn sus las plaças del vilatge, pels moments de felicitat bèla !
16:30 : "Fòrum sobre l’agricultura e l’enèrgia renoveladèira". Segur que se i parlarà de l'agricultura agronomica, de las marca AB e dels AMAP, de trabalhar de la seuna agricultura sense pesticidi, nimai engrais, segur que se parlarà de l'agricultura que demesís les entrants, etc ...

En collaboracion ambe lo Comitat de Desvelopament Agricòle del Lauragués e la Comunautat de las Comunas de Còr Lauragués.

Vist lo nombre de partenari : TOT ES GRATÍS ( portatz la biaça e lo vin )

I portarai fòtos actualizadas en seguida .....

Mots claus Technorati : Fèsta, occitana, Occitània, Lauragués, Festenal, Festival, Tolosa, Toulouse.

Cançon d'aprendre entaus Occitans e Occitanas

Thu, 20 Sep 2007 16:19:58 GMT

Paraulas del J. CLOZEL

Musica del Manu TERÒN

LIBERTAT

[ escotatz aquí ! ]

Tu que siás arderosa e nusa

Tu qu'as sus leis ancas tei ponhs

Tu qu'as una vòtz de cleron

Uei sòna sòna a plens parmons

Ò bòna musa.

Siás la musa dei paurei gus

Ta cara es negra de fumada

Teis uelhs senton la fusilhada

Siás una flor de barricada

Siás la Venús.

Dei mòrts de fam siás la mestressa,

D'aquelei qu'an ges de camiá

Lei gus que van sensa soliers

Lei sensa pan, lei sensa liech

An tei careças.

Mai leis autrei ti fan rotar,

Lei gròs cacans 'mbé sei familhas

Leis enemics de la paurilha

Car ton nom tu, ò santa filha

Es Libertat.

Ò Libertat coma siás bela

Teis uelhs brilhan coma d'ulhauç

E croses, liures de tot mau,

Tei braç fòrts coma de destraus

Sus tei mamèlas.

Mai puei, perfés diés de mòts raucs,

Tu pus doça que leis estelas

E nos treboles ò ma bela

Quand baisam clinant lei parpèlas

Tei pès descauç.

Tu que siás poderosa e ruda

Tu que luses dins lei raions

Tu qu'as una vòtz de cleron

Uei sòna sòna a plens parmons

L'ora es venguda.

Puèi vos aconselhi aquesta pagina informativa sus una frasa pron simbolica del cambiament d'estatut de las populacions del reialme de França, França devenguda republica en 1789.... picatz aquí. Quand de subjècte del rei es devengut ciutadan de la republica, avem cambiat de sègle e sem estat pre-democratas, uèi un ministre se questiona per saber l'estatut de la femna del president car "las monarquias europencas l'an resolguda dempuèi longtemps" ! L'UMP partit monarquic ? Sem encara en republica ? La fricocracia novèla s'installariá al poder que me semblariá pas normal...

Ò LIBERTAT !

Mots claus Technorati : cançon, revolucionària, Marselha, Provença, Occitània, Libertat.

Copa del Monde de Rugbi de Quinze de 2007

Sun, 09 Sep 2007 23:20:05 GMT

Un còp èra un esportista m'indicava lo camin de l'estadi ... Vaquí la cronica Rugbí d'En Gèli Grande, serà legida doman sus Ràdio Lengadòc.

La sieisena Copa del Monde de Rugbi de Quinze s’es duberta lo divendres sèt de setembre de 2007 a l’Estadi de França a Sant Daunis a costat de Paris.

Un vintenat de còlas dels dos emisfèrs participaràn a-n-aquesta edicion Francò-occitana del mondial.

Francò-occitana per que los estadis son plan inegalament repartits entre Occitània e França sens oblidar quatre rescontres en Pais de Gala o Cambria e dos en Escòcia.

Los rescontres son inegalament repartits e coma d’asard a desfavor d’Occitània.

En França, la vertadièra, la del nord, la que se’n chauta del Rugbi e que se i interessa sonque per bramar « Allez France », se debanaràn vint e quatre rescontres dels quaranta uèit prevists.

Tres cadun a Lion, Sant Estève, Nanta e Lens. E ara lo mai polit : Paris e sa banlèga Sant Daunis aculhiràn dotze dels vint quatre rescontres prevists en França.

Per explicar tantes de rescontres en defòra d’Occitània, lo Comitat organizador de la Copa del Monde nos gausan parlar de descentralizacion del rugbi.

Es la nòstra fauta se lo rugbi de quinze o de tretze s’es mai enrasigat en Occitània, en Catalonha o en Euscadi que non pas dins la partida nòrd de l’Estat francés ?

Sénhers e Dònas de la Federacion « Francesa » de Rugbi, sabètz que los del nòrd de l’Estat francés an lo dreit d’aimar mens los dos rugbi que non pas nosaus !

Sabètz que los occitans, los bascos e los catalans qu’an degut far la mala per anar trabalhar, luènh de l’ostal, n’an un brave sadol d’ajudar de manténer un rugbi artificial dins un país qu’aima pas que lo fotbòl.

Macarèl nos anam pas desencusar d’existir. Sèm çò que sèm ! Sèm occitans e basta coma o ditz lo Dalfin dins lo seu darrièr CD.

En Occitània se jogaràn sonca dètz e uèit rescontres. Bordèu, Tolosa e Montpelhièr auràn cadunas quatre rescontres i aurà pas que Marselha per n’aver sieis. Tant melhor pels provençaus.

De vilas de vertadièra cultura rugbi coma Pau, Besièrs, Briva o Clarmont, meritavan melhor que la causida de Nanta, Lens o Paris.

Per las retombadas economicas del mondial tornar mai nos podrem gratar.

Divendres de ser apres una ceremonia de dobertura de las artisticament polidas, lo quinze dit de França acarava Argentina

Disi quinze dit de França per que del trentenat de seleccionats per aqueste mondial i a dètz e nòu occitans, tres bascos e dos catalans … aquò se passa de comentaris.

Los occitans de França an perdut un rescontre qu’aurían degut logicament ganhar.

Perdèron dètz e sèt a nòu pr’amor qu’èran febrinels que non sai.

Se pensavan qu’anavan ganhar d’aise.

Daissèron los argentins obrar de la manièra que los i agradava de tal biais que los americans del sud nos castiguèron cada còp que faguèrem de fautas e quand calguèt defendèron energicament sens far de fautas.

En uètanta minutas de jòc aguèrem pas una escasença d’ensag los Argentins n’aguèron doas ne plantèron un.

Lo pè de Skrela puèi de Michalak auría poscut inversar la resulta mas sería estat un hold up per o dire tot un raubatòri.

Los nòstres se son pres los pes dins lo tapís d’una pèl de Pumà qu’avían venduda abans que de l’aver tuada.

Mercés plan als Argentins d’aver arrestat una èrsa d’ultra nacionalisme francés que menaçava de nos subrondar. Lo dangièr es momentanèament escartat.

Dissabte a Marselha los glorioses All Blacks de Nòva Zelanda rescontravan Italia. Los All Blacks son de monde serioses. Cargan lo dòl de sos adversaris, mas los respiechan e per eles un rescontre contra tala o tala còla se jòga d’un cap a l’autre.

Doncas i a pas de que s’estonar de la marca de 76 a 14 a la tota fin del rescontre.

Los Italians sabián que lo sòmi èra enebit. Per eles doblar la mesa valent a dire plantar entre vint e uèit et trenta uèit punts alls Blacks seriá estat un esplech dels grands.

A Lion los Wallabies d’Australia faguèron coma los All Blacks e los paures japoneses siaguèron escobats 91 a 3.

A Lens los Angleses tenènts del trofèu ganhèron perque podían pas perdre davant Los Estats Units d’America tròp flacs per véncer. Resulta 28 a 10.

Dimenge a Nanta/Naoned bona primiera mitat de jòc dels Canadians, mas quand la maquina gallesa decidiguèt de jogar coma cal la messa foguèt lèu dita resulta finala 42 a 17.

Siaguèt parier a Sant Estève / St Etienne, entre los escoceses e los pichonets portugueses 56 a 10.

Al Pargue dels Princes de Paris los Africans del Sud passèron 59 a 7 a de maoris Samoans plan valents dins lo combat coma aimam de ne veire dins lo nòstre campionat.

Fin finala a Bordèu los irlandeses rescontravan los Namibians e ganhèron pas tant aisidament qu’aquò, al contrari de las autras còlas celticas 32 a 17

Adishatz e a lèu , Gèli GRANDE, de l'associacion La Mesclanha

Podètz apondre totes los comentaris que volètz, i conéisser res al Rugbi... ( i a una error de resulta d'un partit, mas es pas grèu pel desvolopament de las idèas - França 12 / 17 Argentina).

Mots clés Technorati : Rugbi, Occitània, França, France, Catalonha, Copa del monde, FFR.

esperit de cort : França del bonapartisme people

Wed, 05 Sep 2007 14:56:05 GMT

Convidat per parlar de l'afar Clearstream, sus France Inter, .... reprès sus France Culture a miègjorn... e reprès dins Le Monde. BUZZZZZZZZ mediatic, una faiçon de far passar messatges de la part dels jornalistas, jornalistas que son puslèu muts en matièra de criticas. Sembla fòrça a la Russia de Putin.

Dominique de Villepin critica " l'esperit de cort "

Dins una setmana serà convocat tornamai, lo dijòus venent, pels jutges d'instruccion de l'afar Clearstream, l'ancian primièr ministre Dominique de Villepin se vei plaçar ambe lo ròtle de " consciéncia e d'agulhon d'una majoritat que dèu pas s'endormir suls laurièrs". " Soi dins una majoritat, dins un Estat que i a pas mai d'oposicion e dins aquesta majoritat estimi que devem portar la critica", expliquèt dimercres 7 de setembre sobre France Inter. Donèt una mesa en garda contra " l'esprit de cort que galòpa ", estimèt que " Aquò es pas quand sètz environat de béni-oui-oui, de neteja-caussuras e de cortesans que fan avançar lo país. Lo Borgés gentilòme, es sempre lo que se plaça sus l'enpont ".

[...]

Mots claus Technorati : People, bonapartisme, França, France, Mèdias

ostal d'Occitània (segonda partida)

Tue, 04 Sep 2007 09:19:48 GMT

Lo temps passa e las causas avánçan, lo segond site de l´Ostal d´Occitania va dubrir las seunas pòrtas (aquò a Tolosa de Lengadòc - site en francés, anglés, etc... mas pas en occitan).
Dissabte 8 de Septembre 2007, 11 oras del matin.... e fèsta dincal ser.
L´inauguracion del site de la Dalbada, ont se va poder installar la Calandreta Sant Çubran , lo Conservatòri Occitan e una grèpia de barri.
Lo programa es a se bastir, nos promètan una fèstassa conviviala a la nautor de la lora triga de vèire lo site dubrir, una programacion d´enfèrn, un passa-carrièra, totes los estatjans del barri son convidats perqué nos posquèsson perdonar los embolhs de dos ans d´òbras.
Esperam que tota aquela joventut occitana abelugarà lo barri per la mai bèla jòia dels seus estatjants
Doncas a lèu 8 de setembre, portatz la saqueta... borrada de jòia e de galòia

Programa del dissabte 8 de setembre 2007

Alargament Comunicatiu [manifestacion per se far veire, nautres occitanistas, alara ... fasètz-vos veire !] dins la ciutat amb :

Solexcitant (espectacle de carrièra mesclant musica amplificada, lenga occitana e teatre de carrièra).
Radio Les Gens (music-hall foral)

10 H 30 Debuta del passa-carrièra de l'Ostal d'Occitània (site en doás lengas, occitan e francés)

Percorregut : carrièras dels Cambis, Filatièrs, Plaça dels Carmes, Dalbada, amb los Calandrons, Elegits e personalitats
Grop de musica de carrièra del Conservatòri Occitan - Collectiu Especializat Bodega (ex Montanha Negra)

11 h 00 Arribada al site de la Dalbada, carrièra del Cai de Tonís

Visita del luòc pels elegits e personalitats - Animacion dins lo pati de la Calandreta : Contes e Continas.

11 h 30 Discorses

Cant pels Calandrons, enquadrats pel Bastien Glacet, Conservatòri Occitan ....

Se Canta.

Puèi lo Manja drech
Cants : Set de Cant, Grope de polifonia del Conservatòri Occitan. ( site en francés)
14 h 00 Gropes del Conservatòri Occitan :

Classas de vielha (aquí sabi pas se son vièlhas o se es ara despertats la velha ? O se son vialas, vielas, viòlas, l'instrument d'Auvernha ben conegut ?)

Jordi Déjean : talhièr de dança e cants a dançar

Musica d'ensemble e autras classas

17 H 30 Bal ( de marcar ) : Estela dou Coque - Claudi Romero e Lo Jaç

18 h 45 Concèrt (de remarcar tanben ) : Lou Dalfin (site en italian)

21 h 00 Concèrt : Claude Marti (site en francés)

* Calandreta tendrà un taulet de begudas e "autras perversions de bocas" (segond lo programa).

( 1 - dins lo programa se dèu tanben segurament apondre un quicòm per la remesa del diplòma d'escaplaire, passat en junh 2007 dins lo meteis Ostal d'Occitània ? 2 - aqueste còp recebrem pas un telegrama de Paris d'un nommat JPB, donc sem tranquille nos prodrem festejar !)

Mots clés Technorati : Ostal, Casa, Maison, Occitània, Occitanie, França, France, Midi-Pyrénées, Miègjorn-Pirinèus, Lengadòc, Lenga, Langue, Llengua, Occitan.

quand la paraula amaga la grafia, amassa podètz anar en Provença per dire la lenga !!

Tue, 10 Jul 2007 09:40:03 GMT

invitacion estiuenca a la jornada de las Gents de Paraula lo 9 d'agost a Bauduen, Provença, Occitània, Union Europèa.

Paraula, es qué ?

Los éditions Parole produsisson mantunes libres (13 pareguts en 2 ans, e sembla pas en occitan, nimai en occitan de Provença) e benlèu mantunes disques (lo primièr amb un label un autre vent). Totes los participants a l'edicions (participants al sens primièr del mot) son las gents de Paraula, enfin gens de Parole.

Ontquandquíqué ?

A Bauduen (laca de Santa Crotz còsta de Var), lo dijòus 9 d'agost, las gents de Paraula encóntran, díson, cántan, nhorlèjan, ráivan e fan (de musica)… e c’est gratuit. La comuna de Bauduen e Bauduen Animacion son partenaris d'aqueste encontre literari e musical que los occitanistas (aplegats ambe los provençalistas) se i devon anar car la paraula pòrta pas l'escritura, nimai la grafia.

Pus precisament ?

. de 15 a 19 h., al centre cultural (carrièra Longa, al còrs del vilatge) encontre ambe los autors, lors libres e los editors : Isabelle Hasbroucq, Lacolaffeille, Laurence Vanin, Mélanie Laheurte, Catherine Carage, Jean-David Gallet, Alain Billy, Claude et Jean-Michel Sivirine, Miquèu Montanaro, Daniel Daumàs, Jean Darot.

. a 16 h., al centre cultural, los autors diràn e legiràn lors tèxtes.

Dins lo mesme temps, al mesme endreit, exposicion de las fòtos de la Mélanie Laheurte e del Régis Ferré.

. a 21 h. sus la plaça de la comuna, cantaires del país !

Aconcha e Marc Delabie, Daniel Daumàs, Miquèu Montanaro cántan las loras cançons

Judith Ricard, Guillaume Bonnet, Yves Rousguisto, Christian Zagaria e los autres fan la lora musica

Per ne saber mai : lo site en francés www.editions-parole.net

30ena HESTEJADA DE LAS ARTS D'UZESTE MUSICAL

Tue, 10 Jul 2007 07:15:16 GMT

30en ESTRANH ESTIU PER LA COMPANHIA LUBAT

V'là l'climat... francés !
«Dégagée d'Uzeste communal en son municipal, dénoncée de la communauté de
communes du canton en sa présidence, inacceptabilisée du cantonal en sa
conseillère générale, abrégée du conseil général de la Gironde en ses
services culturels élus, nommés.
L'Uzestivale « Hestejada de las arts » karcherisée, malpolitisée, 
diabolisée, diffamée, stigmatisée, accusée, blessée, humiliée
Mais L'Uzestivale "Hestejada dé las arts" enjazzée, éclairée, cultivée,
amusiquée, délibérée.»

del 16 al 19 d'agost de 2007
a SANT-SAFORIAN (Gironda) e a SÒRA (Lanas)

«Les oeuvriers créateurs artistes techniciens du spectacle de la Compagnie
Lubat pré-occupent le terrain et l'ouvrent aux solidarités désirantes :
musique, pyrotechnie, conte, chanson, chorégraphie, cinéma, philosophie,
comédie, arts plastiques, droit international, poésie, littérature,
sciences, médias, enseignement, édition, politique...»


-- 
Uzeste Musical, faciada vilatge de las arts a l'òbra
corric : uzeste.musical@uzeste.com
internet : http://www.uzeste.com

L'estivada 2007 : sempre l'actualitat de la creacion occitana

Sun, 08 Jul 2007 07:17:31 GMT

del 17 al 21 de julhet de 2007

Aquesta manifestacion -dempuèi tant d'annada esperada- es lo rebat d'un èime occitan, veire occitanista, que cercava un luòc de desvolopament sense a priòri de mòde.

Es Marc Censi -lo cònsol- que a volgut aqueste festenal. Serà lo seu darrièr festenal.

Èra ben lo primièr còp -o lo segond ambe Besièrs (?)- en Occitània qu'un elegit d'una granda ciutat desirava aver una manifestacion d'aqueste nivèl al entorn de la lenga occitana, bravament abans que los occitanistas se manifestèssen a Carcassona e Besièrs. Uèi la lenga occitana a veidrina festivalièra un pauc pertot en Occitània, Arièja, Bearn, Peirigòrd, Gard, etc...

Uèi la manifestacion aquesta es d'una utilitat qu'es pas de creire pels comèrçes de Rodès e de l'Avairon/Roergue, per la veidrina de l'economia del Roergue e lo seu espandiment, e per l'espandiment de la lenga occitana, a Rodés e en Roergue, mai tanben dins totas las regions que an l'occitan coma lenga del territòri.

Es lo primièr còp tanben que totes los Conselhs Regionals son aplegats per fargar una manifestacion d'aquesta escantilh, quitament la Generalitat de Catalonha a un servici de que i a la seuna delegacion. Fauta pus que i veire los Conselhs Generals, ambe lo de Roergue que el ne fa jà partit ! La comuna de Rodés, dela tanbe, ajuda bravament a l'installacion de l'eveniment, rason que lo cònsol n'es Marc Censi, en 2008 i a cambiaments ... e i aurà continuacion de la manifestacion ?

La annada venenta li cal un resson mai europèu, me sembla : una manifestacion occitana d'aquesta escantilh se dèu d'èstre un rebat de la lenga occitana sul continent europèu, tal l'èra la poësia occitana de l'Edat Mejan. Lo rebat de la leng aoccitana en nivèl europèu, pas lo cosmopolitisme cultural per rason de sabi pas quina dubertura d'esperit (d'autres zo fan bravament ben, jà).

Malgrat las ajudas privadas e mediaticas (RF ambe lo ret France Bleu per exemple), aquesta manifestacion a pas lo resson mediatic que amerita al nivèl francés e maiquetot europèu. La solucion per l'avenir es benlèu de trapar un partenariat televisual mai engatjat a la promocion culturala que France 3 ?

Segur que per la promocion d'un eveniment d'aqueste escantilh arte o/e tv3Catalunya damb eitb serián bons partenaris, realament convençuts.

AFRIKABIDON : Quand Occitània ajuda per descobrir lo monde ...

Thu, 05 Jul 2007 11:58:54 GMT

Es pas de fum, non : sabètz ont es Bidon ? (aquí i a pas brica mestièr d'ortografiar lo vilatge e de cridar per un panèu d'intrada en occitan, car jà es en bona escritura occitana - question : es que los franceses i van arribar ? Lo TGV ajudarà ...)

Bidon ? Quí sap ont es ? Es en Occitània ? Prèp d'una gòba de crocodils que l'aiga es artificialament calfada per la centrala nucleara EDF de Peirelata (i fan tanben tomatas transgenicas tot l'an) ; Peirelata es tanben conegut perqué lo TGV s'i atuda, alara imaginatz se sabètz pas ont es ?!?!.... Peirelata es en Droma, partida provençala, en valèia de Ròse, mas pas Bidon, que Bidon es sul tèrme de l'autre costat de la plana provençala, en Lengadòc ancian. Sabètz pas encara ont es ? Vos cal una mapa occitana alavètz : http://www.viamichelin.com/viamichelin/fra/dyn/controller/mapPerformPage?strCountry=EUR&strAddress=&strCP=07700&strLocation=Bidon&x=195&y=117

A Bidon, donc, fan un festenal lo mai original de tot Occitània, una finèstra dubèrta sus la planeta coloniala francesa, l'Afrik ; d'aquí, l'Afrik a Bidon ... Los franceses ne ríson : podètz rire tanben, mas es pas de fum !... E coma aquò fa tanben rire RF, i son coma esponsòrt ! ( es tanben segurament esponsorizat per EDF e los Conselhs Generals, etc... un festenal classic donc, que segurament se i podrà veire Avinhon dempuèi lo tuc).

Jo trapi pron important que los occitans e las occitanas posquèsson veire coma fan per èstre los instruments eficaçes del colonialisme francés, Afrikabidon i dèu ajudar. Parier los organizadors se devon concostar de far de l'etnografia ontologica francesa, es de dire estudiar los que an abandonat lor lenga e cultura (occitana) per èstre aquel instrument eficaç francés pel colonialisme francofilic e fonic dins los mèdias o en Africa, en Ardècha i traparà mantunes exemplaris umanoïdes, pas de fum, de vertat culturala, de la realitat istorica e politica quitament se n'an pas consciéncia.

E al meteis moment, aital, se farga un festenal de poësia, un festenal de creacion estatuària, en tèrra occitana, espèri que l'occitanisme poëtic i farà una virada [zo auriái fait se èra estat pas tròp long de Tolosa de Lengadòc, e malgrat tot encara en Lengadòc].

www.afrikabidon.com

Senon podrètz anar veire las nòstras crabas en montanhas nègras, istòria de saber qu'avem tanben en Occitània una usança dels estomacs de las crabas, coma bons salvatges tot es bon dins la craba, quitament la musica. Los espectacles son a gratís.

Conselhi d'anar entendre lo grope OC e lo seu concèrt pirotecnic. E coma sabètz entre salvatges, los òmes sábon convidar, en Occitània tanben ....

Per clavar ambe una exposicion que cal anar veire : a Sant Paul de Vença, Provença-Occitània,

La Fondacion Maeght : un luòc sense cap equivalent per l'art

La Fondation Marguerite e Aimé Maeght es un exemple unic de fondacion privada en Euròpa e donc en Occitània. Inaugurada lo 28 julhet 1964 per André Malraux, alara Ministre dels Afars Culturals, aqueste ensemble arquitectural es estat concebut sancierament e financiat per Aimat e Marguerita Maeght per presentar l'art modèrne e contemporèu amb totas las fòrmas.

http://www.vilaweb.cat/www/noticia?p_idcmp=2468909

Encontre d'acordeonistas a Maçaners

Sun, 01 Jul 2007 15:20:10 GMT

Es una organizacion ajudada pel Comitat d'Afrairament Occitanò-Catalan. [www.caoc.cat]

Lo 14 de julhet, pels que vòlon fugir la fèsta nazional-revisionista francesa, a 16:00 se duerbirà la fèsta de l'acordeon.

L'acordeon es l'instrument simbòl dels païses pirinencs, e dels païses occitan e catalan.

Es un dels instruments europèus. Lo 14 de julhet es un bon moment per l'emplegar dins una festassa d'un vilatjòt pirinenc.

Aiçò es a botar al vòstre programa d'estiu, e fasètz signe al CAOC se i anatz.