La campanha electorala per las regionalas comença fòrt en Occitània ; Martin Malvy aviá avertit lèu que se presentava, al mes de julhet, jà ; segurament per avertir los elements del PSF que avián jà enveja de presentar una novèla prepausicion. Alain Rousset en 4x4 dins lo Pirinèus, la debuta aquesta es benlèu pas prevista (bilhet recent), Michel Vauzelle, el tanben se passeja per sa region provençala, mas pas en 4x4 (e la "Prouvenço" se desperta per anar manifestar en debuta d'octobre). Me soi questionat : perqué pas jamais Georges Frêche ? El qu'apassiona los mèdias parisencs.

Acabi de legir un article del jornal Le Monde, la nòrma es tornada. L'article faguèt tanben escriure sul tèma Vilaweb.

L'afar de la septimania faguèt famós lo Georges Frêche en Catalonha, Principat e Catalonha del nòrd. Jà qu'a Perpinyà, es puslèu, coma Montpelhierenc, es puslèu absent del terrenh ( contrariament al president Vauzelle o Rousset, veire bilhet seguent e mantunes diràn tanben per sos actes politics - causa qu'es mens segura ! )

Aguent vist lo "trabalh" o l'engatjament dels jornalistas de Le Monde pendent una eleccion a Tolosa, se cal questionar perqué aqueste article dins Le Monde per aquesta passa ?

Car pel contengut, aprendrem res.

Le Monde es coma la pravda, obligatòri de crompa e cal gaitar entre las linhas.

Alara, podem dire que Georges Frêche a ben passat l'ospitalizacion.... coma èra prevista dempuèi mai de sièis meses ; aiçò es pas notat dins Le Monde.

Le Monde se fa aital l'instrument de l'esquèrra la mai fosca del monde [planèta], la parisenca. E jà, n'a la costuma, l'ai jà viscut a Tolosa, pendent las eleccions municipalas. Mas atencion, son implicacion es parisenca, pas esquerrista. Cal pas s'engagar sul tèma, Le Monde es lo jornal legitimista parisenc, es per servar son mercat, sobretot aprèp de las elitas de la decentralizacion.

Dins l'article de Vilaweb, se notarà que lo nom d'Éric Andrieu interessa pas, e çaquelà es lo vice-president audenc del Conselh Regional de Languedoc-Roussillon.... mas coma es pas catalan e coma a pas fait l'actualitat d'un «bloc extremista catalan» de Perpinyà, es pauc conegut, donc desapareis de l'article. Çaquelà, la dòna Hélène Mandroux li a daissat sa plaça per rason de cumul de mandat ; es un òme del sistèma, creator de labèl "Aude Pays Cathares". Alavètz perqué parlar d'èla e pas d'Éric Andrieu ? Éric Andrieu èra çaquelà estat lo tresen de la lista del Parti Socialiste francés per las eleccions europèas darrièra ; aital es estat lo convidat pel debat País Nòstre a Laure-Menerbés.

La question se pausa de faiçon redaccionala per Vilaweb.cat, pas realament politica. Per contra, per Le Monde confirmi l'implicacion politica d'aqueste jornal, es jacobin (per aver un mot simplificator).

Pel contengut de la candidatura de Georges Frêche (e la lista en preparacion), ne parlarai encara e encara sobre aqueste blòg ; vos daissi donc marronar, aprèp aqueste fugida en Lengadòc-Catalonha.

Me cal apondre un article legit lo 1er de setembre dins L'Herault Le Jour ; me sembla que lo cinèma electoral comença, non ?

-°-

Avètz un moment aqueste dimenjada, gaitatz aquò .

-°-

Puèi, en Occitània sempre, los adultes son unas dificultats per pujar l'identitat e la cultura occitana, a Gondrin vòlon pas dançar gascon, a Sijan los elegits d'esquèrra vòlon pas la Calandreta.

E los adultes son estats educats ambe lo vièlh sistèma integrista francés, republican coma una religion. L'integrisme mata l'occitan, e quand es d'esquèrra fa encara mai de dòl als democratas.

Per los qu'an un dobte republican, anatz veire lo bilhet "Lo dreit es pas lo meteis per totes/totas e la justícia se fa ..."

Sant Fèlix de Caraman es famós per son monument als mòrts occitans per la França, es en lenga occitana e SONQUE (veire un recent bilhet, es en fòto).

Sant Fèlix de Caraman, en Lauragués, es famós tanben pel compausitor Deodorat de Severac, e l'actual festenal s'i debana al entorn.

Es estat un concèrt extra ordinari, l'encontre entre Occitània (Gasconha-Bigòrra) e l'Iscla de Sardenha èra una bona idèa.

L'enregistrament sonòre es pas de bona qualitat, mas ai fait çò qu'ai poscut ! Lo redactor vòstre es estat susprès per la qualitat de la prepausicion, la glèisa èra plena ! ( me malfisarai lo còp venent, e farai melhor ).

Vox Bigerris solets :

La Confraternitat Delle Voci d'Orosei solets :

Lo Festenal Deodorat de Severac dona plan la dimension que cal per Occitània, es de dimension mondiala per la musica d'en çò nòstre.

Las datas del Festenal son tanben tota l'annada, es pas sonque estiuenc. Gaitatz aqueste blòg per n'aver d'autras informacions.

Dins un programa de France Culture, una ciutadana explicava çò qu'èra pas la justícia republicana... Li damora de l'espèr.

«Cette maman a toujours vécu à Villiers-le-Bel (95). Son fils a été jugé pour des violences contre les forces de l’ordre lors des émeutes. Elle se plaint du désintérêt de l’Etat pour la jeunesse.»

Aquò's lo resumit de la cadena parisenca de radiofonia, mas vos conselhi d'escotar lo programa sancièr, i a mai qu'aiçò.

I a en resumit sobre un programa que pòt portar la compassion o la revòlta, totes los elements que fan que sabem ara que lo temps dels serfs es tornat ; es pas una question de color politica.

La pròba n'es donat ambe l'afar vengut de Bearn, dins las letras de Sud-Ouest uèi.

Sobre aquesta pagina de Sud-Ouest i podrètz daissar unes comentaris... farà de ben al sistèma politic francés en Occitània, lor farà de ben.

Es ben clar que sem tornat als temps dels privilègis, aquestes son ... republicans, non ? Son los novèls privilègis sortits del sistèma portat per París e que se sona la decentralizacion. Lo cònsol Bernard Bourguinat, cònsol del vilatge de Bearn, es tanben un pichon pauc un problèma ... Se podrà tanben entendre perqué cal regropar las comunas !

I a realament una diferéncia entre decentralizacion e autonomia, i a una diferéncia de gran de democràcia... lo mai bais nivèl de democràcia es la decentralizacion, la causa provincialista organizada per París o lo servatge organizat per amontnaut, lo sistèma reial capecian.

Lo personal politic de la decentralizacion es un personal politic pastat pel sistèma republicanista, e centralista francés. Es lo bon sistèma politic per la gestion d'Occitània ?

E aprèp se podrà parlar d'ecologia, que los ciutadans e las ciutadanas devon far un esfòrç per capitar una politica ... Se lo personal politic es pas exemplar ?

La question pausada aquí es tanben aquela que se pausa per la novèla politica per l'occitan (jà zo podem dire, excepcionala per una debuta, excepcionala mas pas sufisenta), en Aquitània ; l'occitan es pas la lenga d'una elita, nimai d'un tròç de la populacion, jova o vièlha.

Un jorn la paret de Berlin es caduda ... digun l'esperava. Lo sovietisme es alara mòrt. Quand lo parisianisme serà acabat per desvolopar la democràcia en Occitània ?

La tecnica de terrenh sembla èstre la tecnica presa per totes los caps de Conselhs Regionals d'Occitània, alara se comprendrà melhor l'arribada dins l'actualitat dels amics a Vauzelle, en "Prouvenço".

Mas cal far atencion ; las causas politicas de terrenh son pas la costuma de la tecnocràcia de la decentralizacion, de totes al mens.

Per clavar lo bilhet vos conselharai un exposicion a Perpinyà, sul tèma de la dualitat de las identitats ... aquesta dualitat es grandament occitana tanben, e sobretot dins lo personal politic actual, mas pas sonque.

Dins un espaci jornalistic que sap res a la lingüistica, dins un espaci politic que nega l'informacion sul tèma, dins un espaci lingüistic que l'universitat parla sonque de literatura, dins un espaci regional o Estat que los sabers populars son estats interdiches, dins un espaci educacional que refusa lo desvolopament lingüistic, dins un espaci televisual que tot es decidat per l'ignorança parisenca, avem aiçò ; es lo rebat de l'ignorança francesa.

Quora Frederic Mistral es vengut inaugurar l'estutua de Gensemin (Jasmin) a Agen, pel grand Frederic Mistral, la lenga èra una, mas plena de diversitat. Aqueste discors a pas cambiat al fial del sègle passat e malgrat tot, "lo collectiu aqueste" (que cap capolièr es capable de parlar correntament sa pròpria lenga, l'ai testat vaquí mantunas annadas) desvolopa una informacion tòrta e sense cap supòrt de sapiença lingüistica, sense reala informacion sul dich movement "occitanista".

( completarai aqueste document sul tèma de l'unitat lingüistica occitana, unitat qu'es pas uniformitat, e aiçò es simplament del saber lingüistic latin ! La semantica provençala designava l'ensemble de la lenga occitana al sègle XIXen, e l'interpretacion d'aiçò es devenguda tòrta a partir de las annadas 1980 dins la boca d'una certan extremisme "prouvençal" ; aqueste semantica es estada la meteissa pel mot "lemosin" - los Trobadors, "gascon" -la Navarra e lo Ducat d'Aquitània, "auvernhat" -l'ecclesia en Auvernha e Lemosin, Lengadòc e Dalfinat, mas cada còp l'unitat de la lenga èra clara. Aiçò es pas dins l'esperit d'aqueste grope.)

Çò qu'es segur, es qu'aqueste collectiu a jogat sistematicament contra la lenga d'Òc o occitan, contra totas las manifestacions collectivas, solas que podràn donar lo resson per totas las varietats lingüisticas de l'occitan. Divisats avem jamai capitat a res, quí a mestièr d'aquesta division ? La fita es clara, vòlon aboçinar per gardar lo poder lingüistic a París, e aiçò dempuèi que lo "prouvençalisme" aqueste es nascut dins las annadas 1980 ; e París vòl del poder sonque pel francés, ambe un suplement d'amna per las dichas "langues régionales" (semantica qu'agrada a totas las ignoranças francesas).

L'associacion aquesta a lo sosten politic de l'ancian cònsol d'Arle, qu'es tanben lo jacobin e republicanista president del Conselh Regional PACA, institucion francesa de la region Provença.

Manifestaràn ambe nosautres lo 24 octobre ?

Lo darrièr còp lo collectiu aqueste a organizat una pichonèla manifestacion, contra-manifestacion lo meteis jorn que Anem Òc a Besièrs ; malgrat l'enòrme potencial laissat per Anem Òc en 2008, l'associacion (IEO, Federacion Calandreta, Felibrige -installat mai que tot en "Prouvença", FELCO) an pas organizat de manifestacion. Anem Òc organiza una novèla manifestacion en 2009, els tanben ! Aital i a evolucion, lo 3 d'octobre serà pas una contra manifestacion, es jà una evolucion positiva e podràn venir manifestar lor diversitat "prouvençalo" en fin de mes d'octobre a Carcassona ! (en companhia del Felibrige "prouvençau" ?).

Es temps de n'acabar ambe las garolhas organizadas pels poders franchimands, pels jacobins, republicanistas, bonapartistas e francmaçons, de tot escantilh.

Amics e amigas del Collectiu, vos cal manifestar dos còps : en "Prouvenço"  (coma vos agrada) e "Lengadò" (ambe los Bretons, Còrse, Picards, Catalans, Basco, Alsacians, Savosians, Martiniqueses, etc.  que son totes jà convidats), vos farà pas de mal, e França n'a mestièr.

1209 Los Franceses arríban per las armas en Lengadòc per la valèia de Ròse, mas aquò còsta [la fisença bancària italica e papala se podrà pas sempre obténer !] car al reialme pichonèl francés las finanças son pichonèlas. Donc, lo conselh èra de trapar una autra manièra de practicar la conquèsta, marridatge e desvolopament economic ambe l'autrejament de dreits de ciutats, dreits que lo Ducat d'Aquitània o lo Comtat de Tolosa avián la costuma d'organizar tanben [legir Saskia Sassen, «Critique de l'État», primièr capítol]. Aquestes dreits èran çaquelà diferents del dreit reial franc, bravament mai dictatorial, arcaïc, barbar, salvatge.

Aital podem notar l'aniversari o commemoracion per la bastida agenesa ... (aquí cal emplegar lo nivèl de nacionalisme francés engimbrat per la DDM e objècte d'un recent bilhet sobre aqueste blòg).

França : 750 annadas de conquèsta economica en Occitània

L'abséncia de poder regional farà que la commemoracion, que podriá èstre pedagogica per Occitània e França, Espanha e Catalonha, serà encara un còp folclorica, passadista, provincialista, regionalista.

Los 750 annadas de conquèsta francesa serà encara objècte non-reflexion suls poders en Occitània, sobre la dominacion nacionalista francesa en país nòstre. Es pietadós, e la fauta dels Occitans e de las Occitanas de pas aver près en carga de faiçon autonòma lor istòria, lor pròpria istòria, sense aver sobre l'esquina lo poder parisenc, la pensada unica parisenca. La democràcia o la republica i aurà servit a res ! Es pietadós, car mantunes occitanistas auràn fait lor trabalh, mas aqueste trabalh serà pas estat entendut, comprès, aplicat sul terrenh...

I aurà ben la Santa Estèla del Felibrige a Castilhonés [Castillonnès], mas lo subjècte serà tractat ?

Lo pichonèl internauta que soi, assajarà d'o far saber.

Òòòoo OCCITÀNIA : ÒC, TE DESPERTAS ?

A Lodèva [Lodève segon los franchimands], sabi qu'i pássan poètas non-geografes ! Lodèva es en Lengadòc, al pè del Massís d'Auvernha (pietat pas lo qualificatiu francés per aqueste massís !), es a 250 km dels pre-Pirinèus ... Los poètas seràn aital mens despistats, quitament se son angleses.

Un nom de país es la dignitat pel país, nosautres es Occitània.

Los Espanhòls e los Franceses los interessa pas los fluxes de mèrças europencas (la realitat), çò que los interessa es la logistica per lor capitala, l'egemonia sapitèrna, lor pensada dicha universala, lor colonialisme, e que los Catalans e los Occitans zo paguèssen tot (coma sempre dempuèi 800 annadas, 1209 arribada dels Franceses en Lengadòc).

Quí pagarà la linha entre Tours e Bordèu per melhorar lo ligam entre Madrid e París ? Las collectivitats tolsanas e gasconas ... per melhorar las sortidas dels parisencs en dimenjadas (a Nimes o endacòm mai - veire bilhet seguissent), e las gestions dels quadres per las grandas entrepresas parisencas e las grandas administracions parisencas, aquestas que vívon sobre l'esquina de Bretanha, Alsàcia, País de Lyon, Corsega, Euskadi, Catalonha del nòrd, e Occitània !

Aquí es pas una question d'etnisme, nimai de nacionalisme, es una question de desvolopament economic armoniós europenc ! E i trapem contra los Espanhòls e los Franceses, PER los Occitans e los Catalans.

La batalha de Murèth es encara d'actualitat, de quin costat serà la borgesiá de Tolosa e Bordèu ?

Quand "occitan" sembla a "patois", un Francés escriu, lo setmanièr parisenc Marianne escriu sobre l'occitan de las jornadas d'estiu de Les Verts.

Acabi de recebre lo programa de la jornada d'estiu de País Nòstre. La redaccion de Marianne2 aurà mestièr d'i anar veire, se parlarà del concepte vièlh de "régionalisme"... li serà fòrt utile per la formacion de Marianne o Marianne2, mas segurament per totes los instituts politics de l'Estat francés !

_°_

* tirat de Sud-Ouest 

Pruneau Show es una manifestacion forgat per la tecnocràcia politica en Agenés, e li conven fòrt plan a-n aquesta tecnocràcia de perségre e pauc impòrta la color politica ; es aisit de prepausar sul terrenh francés cremat, cremadas son estadas las fèstas identitàrias, aquelas del pòble que parlava sa lenga e que fargava cultura pròpria (sense subvencion, la cultura de l'Èstre), e ara damora la tecnocràcia politica que prepausa fèstas.

A calgut parlar francés per aquesta tecnocràcia administrativa e politica, per uniformitat lingüistica e per s'adaptar a èla, e uèi nos inventan fèstas d'estiu, pels toristas... De se demandar s'aquò geina pas lo pòble occitan, meteis !

Se crèson que los toristas son piòts ? Benlèu los Franceses venguts del nòrd ? Encara qué, pensi, ièu, que non. El, pensi que sí ! La paradòxa es que lo sistèma politica engolirà aiçò sense cap problèma.

Alara, de qué m'eràbia ?

E ben lo qualificatiu per donar las identitats antropoliticas dels pòbles, quand son -sols- a aver servat lor identitat a còp de manifestacion e sovent contra lo poder franquista, dur e ges democratic. Catalonha es al nòrd-èst d'Espanha [lo reialme], e encara en Espanha. L'Agenés es al nòrd de Gasconha e dels Pirinèus ; quand s'o localiza al sud, es jà una pensada provincialista o regionalista, al sud de qué ? Ai la responsa ! Coma se l'Agenés èra pas a l'oèst de l'Atlantic, Bordèu, Bilbo, Lisboa, o a l'èst de Marselha, de Ginèbra, de Lyon, d'Estrasborg, de Torin, Wien, Roma, Venècia, etc. e ben segur al sud de Edimborg, Bailà Àtha Cliath, Kobenhaven, etc.

La sapiença tecnocratica pòt pas èstre seriosa sul subjècte ? Pensi qu'es possible, cal simplament formacion, tornar formar çò que França a destrusit.

Car, al Sud (nocion clarament geografica sobre aquesta planèta ges colonialista), podem trobar, l'Africa del Sud, La Réunion, Mayotte, Madagascar, Còngo, Malawi, Kenya, Mali, Còsta d'Ivòri, Índia, Malàsia, Argentina, Austràlia, Brasil, Egipte, Líbia, Argèria, Balears, Sicília, Gibraltar, Sevilla, Napòli, València, Malaga, Tarragona e Barcelona !

-°-

De notar sus vòstre agènda, prèp de Tolosa tanben :

LAS PASSEJADAS DEL PLANTAUREL, caminar, beure e bufar sense s'estofar ...

FÈSTA dels Grailes e de las Vendèmias - MONTEGUT PLANTAUREL 09, los 26 & 27 SETEMBRE 2009

SAMEDI 26 : 15h -concèrt a la cava : MATTA-ROUCH (Pirinèus) / 17 h -concèrt a la glèisa :GIANNI PERILLI TRIO (Itàlia) / 18h - animacion dansas graile del Corserans / 21h concèrts devath capitels : - MATTA-ROUCH, -GIANNI PERILLI TRIO, - baleti als grailes

DIMANCHE 27: 8h 30 - marcha populara al entorn dels vinhals ambe animacions de teatres e de musicas / 15h devath capitel : -concèrt « eths esclòps » ambe los « aboès » del grope dels "Biroussans" e l'escòla de musica de Sant-Guirons / -creacion theatrala « le joueur de hautbois » per l'atalièr del "Théâtre de la Terre" / - concèrt LURTE (Aragon)

Restauracion al luòc, exposicion dels mestièrs de la vinha

contacte : ofici del torisme Fois-Varilha 05 61 60 55 54

Divendres 18 de setembre de 2008. Pàmias

Serada de dubertura de las “ Balades Culturelles ”

A 20:45 oras, aula del "Jeu du Mail". “ Le chemin des bonshommes ” per l’Ensemble Instrumental de l’Arièja. Una pagina d'Istòria, revelada en mots e en musica, renduda umana e carnala per entendre l'epòca, lo quotidian ... al torn de l'an 1000. Set pèças musicalas, acompanhadas de votz e danças, juntas ambe l'istòria contada. ESPECTACLE EN OCCITAN. Tot public. Gratuït e ambe reservacion alprèp de l’Ofici del Torisme del País de Pàmias : 05 61 67 52 52. ESPECTACLE PAGAT PER LA COMUNA DE PÀMIAS.

E tant qu'i aurà en Occitània, de municipalitats d'esquèrra -o de dreita- contra la lenga occitana, lo blòg aquesta viurà. Es una especial dedicassa al poder actual de Sijan, Lengadòc.

E nosautres avem la tristessa d'aprendre la mòrt d'Adrien Zeller, per una frasa leugièra dins un jornal oficial radiofonic francés, a las 12h40 ... normal, sem en França ? ( dos comunicats en seguida, en occitan e en francés)

Lo tren, e especialament la sncF, es una catastròfa ! Quasiment sistematicament.

Aquesta setmana, soi estat a Cap Berton, sobre la còsta landesa. E tanben a Narbona ...

Per i anar en tren (Cap Berton), cal anar a Baiona, puèi ai la costuma d'emplegar lo velò, 45 minutas per arribar de Cap Berton dempuèi Baiona.

De mai, arribat a la caissa de Matabiau ai assajat d'aver lo famós bilhet (indicat sobre la paret de l'ofici) 19 € per far Tolosa Baiona. E coma per astrada, n'i aviá pus !

1 / segurament perqué es lo bon prètz alara que lo prètz normal es de 45 €

2 / mas alara perqué l'aficatge damora, alara que sabi que los bilhets son estats agotats dempuèi lo 5 d'agost - es donc una publicitat mensongièra, la SNCF qué ! Quí visitarà a la prefectura per condemnar la messorga ?

Ai près lo tren a Matabiau, aguent mancat lo tren de 17:15, m'a calgut esperar lo tren de 18:00 cap a Tarba (aital farai una estapa en esperar lo tren de 19:40 (depart de Tolosa). Lo tren de 18:00 èra en pana (5 vagons al modèl parisenc, de reciclatge mediòcre del sistèma parisenc en region ! e la locò en pana ...); per astre la sncF pana de moneda al CR per aver de trens modèls Bombadièr (ambe la climatizacion e los siètis conformables, de creire que la sncF es pas capable de crompar bons vagons !), los vagons Bombadièr son crompats ambe las subvencions del CR. Mas aquí un vagon per 5 autres ! Podètz imatjinar qu'èrem amotlonats ! (ambe 40 minutas de retard)

Puèi Tarba / Baiona se debanèt fòrt plan. Arribada 23:43 : normal.

Lo temps d'anar dormir sobre la platja de Òssegòr, lo lendeman, un encontre matinièr, que se perlonga ... soi arribat a 16:00 a Baiona, lo temps de prendre un bilhet cap a Tarba (aviái jà lo bilhet de Tarba a Tolosa). Ai plan demandat s'i aviá una correspondéncia a Tarba : - segur !

Conclusion : TARBA es lo cuòl del monde del tren e sense correspondéncia per Tolosa aprèp 18:00 !

Senon, podètz viatjar ambe la sncF se pagatz lo sistèma vist de París, se vos podètz pagar un taxi sobre longas distanças !

Es ben clar : Tarba es un cuol de sac del tren car la sncF es encara un còp incapabla de pensar lo ralh regional occitan ambe las necessitats localas.

Darrièra causa, dins lo tren qu'ai près aprèp 22h per Tolosa, lo velò èra interdich, ai pagat 45 € d'esmenda ! Lo tren entre Tarba e Baiona còsta 21 €, mas lo tren entre Endaia e Sent Gaudens còsta 17 € dins lo meteis tren.

La sncF es una vertadièra putanièra, una companhia d'aviacion suls ralhs !

Alara, n'i a encara que son prèste de bandierar las colors parisencas, segurament que masoquisme politic en Occitània ? (document junt, la DDM)

-°-

I a pas qu'aquesta inscripcion. Ne cal felicitar los elegits e tota la comuna. Es una inscripcion que regretam car cal jamai prezar los monuments als mòrts fargats per l'imperialisme francés, pel nacional-expansionisme republican francés, mas aquí al mens, l'occitan i es bravament digne.

Car la "guèrra" que volem es ben la guèrra al nacional-expansionisme francés.

Sabi pas se lo "Pôle emploi" a un avejaire sobre aqueste monument, s'es pron "francés" pr'aquò ?

-°-

-°-

Per èstre al fial de çò que se debana a l'Universitat Catalana d'Estiu 2009, Arrels, en dirècte e i a pas melhor !

E l'Estat francés es dangierós per d'autras rasons tanplan e tanben.

-°-

L'Union Europèa zo vòl interdire, correfoc catalan !

Informacion sul tèma, aquí.

Una peticion de sosten es en linha : aquí.

E podem listar dins lo camp dels extremismes, La Dépêche du Midi ; la DDM fersteja un chaple dels Occitans, lo 800en aniversari del chaple francés dels bons cristians, per un jornal d'esquèrra se podrà entendre ... mas soi pas segur que la pensada aguèsse traversar lo cap del redactor aqueste.

Coneissi republican espanhòls que faguèron lo camin de l'anti-franquiisme a l'aplicacion de la teoria franquista "cafè para todos", instrumentalizada per la falange, dins la vida republicana occitana de Tolosa.

Alara, dins aqueste camp dels redactors qu'an cambiat d'avejaire, de Jean Jaurès a aiçò (veire lo document) podem listar La Dépêche du Midi ?

Donatz la vòstra nòta de nazional-collaboracionisme a França, aquí.... suls comentaris.

-°-

Son quatre numèros per annada [una granda revista d'Aquitània editada en Perigòrd], numèros adobats per una redaccion associativa. Es una revista d'Aquitània de bona tenguda, las doás grafias de la lenga occitana son presentas (ambe la promocion del doble dialècte -lemosin e lengadocian).

Son un trentenat de paginas, cada quatre meses. Lo trabalh es bèl per una periodicitat redusida.

Es una revista qu'amerita tot lo vòstre interès, vist que la regularitat de la publicacion es realizada ambe la fòrça de la militança, sovent las revistas dels professionals de la lenga an de mal d'arribar quitament als sòcis e pauc regularas, aquesta revista pòrta publicitat qu'ajúdan la revista a èstre imprimada e mandada per la pòsta.

Lo site Internet es aquí a posite.

Cal notar l'especialitat de la revista : es basada sobre la promocion de la dignitat lingüistica occitana, e i a de qué dire, per exemple la recenta causida lingüistica, tractada de «medievala», per la novèla nòrma que podem dire oficiala (car editada pel Conselh General de Dordonha). Sovent, l'occitanisme es tocat pel romantisme de la lenga d'Aquitània e del temps qu'èra oficiala dins lo Ducat d'Aquitània, quora avem perdut la batalha de Castelhon de Perigòrd [1453]. L'argumentacion es clara e simpla, signada a doás mans (benlèu que cal prevenir l'òrra critica de la critica ?) ; per l'aver en man, car z'amerita, vos podètz abonar.

Lo numèro sobre l'escrivan lemosin En Camille Chabaneau pòrta a la coneissença occitana una pèira de mai, tot parier pel Mèstre Marceu Fournier.

Vos podètz abonar sabi qu'i aurà d'autras suspresas, s'abonar a la revista seràn 20 € per annadas (cotisa compresa - e val lo còp) : mandatz un chèc tre ara, l'abonament debutarà lo 1er de genièr : Lo Bornat - 13, charrièra Kléber - 24000 Perigüers.

Es una revista per duèrbe una libertat d'expression a la lenga occitana.

Podètz indicar qu'avètz legit aquesta cronica e segur que vos faràn lo present del numèro de la prima de 2009 (especialament critic).

E car sem encara en Aquitània [partida gascona de l'espectacle ; "Sensibilisation à la langue et à la culture occitane" mas indica pas dins quina lenga -o dins quinas lengas- es l'espectacle], doblidètz pas aqueste espectacle, mandat per Institut Occitan :

D'espectacles d'aqueste escantilh seràn pas nombroses, alara i cal anar se n'avètz los mejans dinerièrs. Blaia es puslèu a la talvera d'Occitània [lo vin i es simpatic, bordèu oceanic e sul passatge borgés], mas quin simbòl per l'istòria del romantisme trobadorenc ! Es un pichon país qu'amerita tot lo vòstre interès.

1 / per las leis votadas pels deputats e senadors (carament pagats pels ciutadans e las ciutadanas de totas las regions) son pus aplicablas en regions, per fauta de reactivitats de las institucions parisencas e de la fauta de coneisséncia del terrenh. Es clar que la tecno-estructura parisenca gerís pus lo país, administra estadisticas, valorizacion dels servicis d'Estat.

2 / perqué l'argent que nos pánan per votar leis e ne fa la mala gestion, la podem pas emplegar a crear nòstre pròpri sistèma de gestions dels territòris, la patz serà melhora. E la solidaritat serà pas sense qu'a sens unic, sonque cap a París. Cada còp que las regions o departaments fan la gestion d'una causa d'Estat, se fa melhor e mens car pels ciutadans.

Donc, una polícia regionala es melhor que la polícia parisenca al país. La polícia regionala serà melhor contra-rotlabla pels ciutadans. E perqué pas elegir un cap de la polícia regionala per saber se farà ben son trabalh de faiçon autonòma ?

La violéncia exportada per l'Iscla-de-França se paga en region ! Cada còp mai ... cada còp mai son incapables de gerir las consequéncias de lor nacional-expansionisme (que los avem ajudat tanben ! quina vergonha ...), la violéncia sociala de las banlègas parisencas son la resulta d'un sistèma central qu'es avugle sens qu'es pas de creire. Quí paga ? En natura e en finança ? Las regions... los ciutadans de las regions. En retorn : pauc de solidaritat dinerièra, levat aquesta de la violéncia.

Quora nòstres elegits faràn lo trabalh d'explicar a París que val melhor votar leis al país e saber aital las aplicar, puslèu que de pagar deputat o senadors per escriure als ministres que pòdon davalar un còp a l'annada !

Las leis son melhoras quand son las regions que las vòton, per èstre segur de las aplicar al pus rasonable.

Aprèp n'i a de dreita que pensaràn que soi anarquista perqué soi contra l'Estat e las leis dels Estats ! N'i a que pensan tanben que sol l'Estat es solidari per las regions ... se vei clarament, que las embrolhas parisencas son tanben exportablas, per solidaritat ?!?!

Ièu pensi que l'Estat nos pana l'argent que, ambe bravament mens, seriam mai eficaçes, mai servici public, mai alprèp dels ciutadan, per far viure lo país nòstre.

Cal tornar al rasonable, l'Estat centralizat e tot poderós, podrà pas tot gerir ... la vertadièra reforma democratica seriá que las regions -conselh regional o conselh territorial (constitucion de las regions)- prenguèssen totes los poders legals e practics per lors pròpris territòris.

-°-

Lo ministre de París se passeja aquí ... sobre aqueste comunicat.

-°-

Aquesta mapa pròva pas : - egalitat de tractament de totas las classas socialas en matièra de sentat, - nimai l'eficacetat de cada moneda investit dins la sentat, - pròva d'una certana manièra l'inegalitat umana e planetara per rapòrt a la sentat.

E malgrat las chifras nòrd-americanas, la desegalitat sul tèma de la sentat es granda al EUAN. es la rason d el'installacion d'una novèla politica de sentat publica, contra lo sistèma liberal de sentat pels pus rics.

Lo títol es en occitan.

Lo rèsta de la mapa es en lenga catalana e sortit d'una revista mensuala d'entreprenariat.

-°-

Èra previst de fabricar : - prètz mai bais (per acarar la concurréncia internacionala, mai que tot europenca, lo verbiatge èra ben bastit), - aumentacion dels salaris del personal de l'ostalariá (l'espèran encara ! Tot çò que minja pas de pan èra prepausat)... Enfin quicòm de segur, es que la rendabilitat dels afars èra baissa, e qu'aquesta baissa aurà aumentat lo còst de crompa del establiment jà a la venda, causa que facilitarà pas la transmesa dels fonses de comèrçe.

Quí a vist passar la baissa dels prètzes de l'ostelariá me prevenguèsse, mercés. Serai urós de notar mai que la baissa del café.

Aquò amaga una politica de coorporacion, aqueste que son estats elegidas dins lo bon camps ; es França se sempre.

-°-

Charmanta ! Mas encara un còp, lo rebat de la França que nos engana, compassion e pietadós.  De mai, sabi res sobre èla, donc l'escalon es pron bon, per èstre remarcat.

La dignitat que volem per l'occitan, la vòlon per l'occitan ? - per fargar un estudi antropologic (veire maissantament politic), benlèu òc ! - per far sobreviure una lenga qu'escánan, non !

Las enganas francesas son de tot moment.

Quand un francmaçon explica als Franceses çò qu'es lo nacional-expansionisme parisenc, cal legir sas intervencions dins las linhas del conservador e ignorant Senat. 

Cal notar qu'aqueste francomaçon a de reire-pensada politica, son nacionalistas francesas, una nacionalisme especial, d'expansion e d'uniformizacion. Es la man del productivisme lingüistic franchimand, una secta politica fòrt potenta.

França serà sempre al nivèl lo mai bais per çò que concernís la lingüistica aplicada.

Lo sectarisme politic francés a pas acabat de viure.

Acabi de legir un corrièl -un francés escriurà mail!-escambiat ambe na Saskia Sassen, professora de l'universitat de Columbia, un -ièu- escriu en occitan, e l'autre -èla- respond en espanhòl ... lo replegament francés es nacionalista, republican, del colonialista Jules Ferry, e dís : « il faut parler la même langue pour s'entendre », malgrat tot vos pòdi assegurar qu'entendi plan aquesta lenga de puta de Charasse, un collaborador un traïdor d'Auvernha (coma n'avem agut tantes en Occitània), car sabi legir lo francés, mas comprèni pas perqué tant d'òdi contra una lenga !

I a còps que l'enveja de sanar sobre la plaça publica d'Auvernha, m'arriba al cap... E perqué pas tot lo Senat ? Sanar lo Senat ? fasem un autre 1789 ? Avem la cibla.

Per memòria la mapa de la Generalitat de Catalunya, segurament una institucion que demandariá l'independéncia d'Occitània (segon mantunes francmaçons franchimands ?) ? Aquesta mapa es seriosa... es pas degut al fantasme d'un elegit que sap res de la lenga d'Auvernha; lo darrièr còp qu'i soi estat en Auvernha, mantunes m'an dich que parlava "patoés" (soi Lengadocian de parlar, amai del costat gascon) : es la pròva al mens que se Charasse parlava auvernhat, auriá entendut lo suposat problèma que, el, pausa, dins los meteisses tèrmes que lo FN... o los ignorants de l'Académie Française.

A cap moment, los noms de la diversitat lingüistica occitana es oblidada !

Charasse : A tot moment es la represa del discors del FN, en Bearn, en Gasconha, en Auvernha, en Provença, o a Niça ... Es estranh que la lista de Charasse semblèsse tant al discors del FN. o benlèu non ? Lo FN es l'extrèma expression del nacional-republicanisme d'expansion parisenca. Es qu'un jorn los politicians franchimands se rendràn compte que son nacional-expansionista ?

Es pas lo primièr còp que per destrusir quicòm de las identitats sotmetudas, la dreita o las fòrças ocultas del nacional-expansionisme emplega d'asenadas ! Gaitatz en Nafarroa, es lo PP e l'UPN [union del pòble navarrés] ajudat pels socialistas per aver lo poder, UPN que pòrta al public la semantica de las asenadas del colonialisme madrilenc o parisenc. Cal recordar çaquelà que lo PP es un partit pòst-franquista, l'equivalent de la falange pendent lo regime franquista. Lo PP es dins lo meteis grope parlamentari europèu que l'UMP e lo NC. Son estats ajudats pels socialistas per damorar al poder en Nafarroa, e lo PP a ajudat los socialistas d'èstre al poder en Euskadi. Ara, fan la guèrra a la semantica basca tradicionala, tal M.Charasse al Sénat : cal sanar lo Sénat !

En Euskal Herria zo fan en francés dins lo magnific Enbata [abonament obligatòri - enbata(at)wanadoo.fr], mas nosautres podem pas la premsa locala es de ment parisenc.

Alara vaquí una pagina de publicitat, especial pels vergonhoses e ignorants del Sénat, l'Assemblée Nationale et Académie française  [e de la lista dels Franchimand'ases ne debi desbrembar !] :

-°-

Lo Conseil Constitutionnel a validat, ièr, la majora partida del tèxte sobre lo trabalh del dimenge... en l'abséncia de Jacques Chirac, que se passejada dins lo sud de França, en vacanças.

Membre de dreit del Conselh, zo pagam en Occitània [grand sud pels parisencs], Jacques Chirac i a cadièra sonque Cambon li sembla... Le Post es de legir.

Tot va plan al reialme republican parisenc.