Lo MoDem de Catalonha se desperta. La Clau, de redaccion puslèu d'esquèrra, ne parla, e i podètz apondre comentaris.

Dementre aiçò los escambis entre païses occitan e catalan se multiplícan. Aital País Nòstre nos ajuda a captar la television catalana, mas tanben fa una critica del pauc de television en lenga occitana, ièu apondrai de l'abséncia de projècte per aver una vertadièra television culturala occitana, e donc un projècte industrial occitan per bastir aquesta television.

Dessenh del belga Philippe Geluck, paraula del Godilhaire.

Tornem a dire : fauta quicòm d'entièr en Occitània ...

Racó Català anóncia una enquèsta de dos jornals francofònes del Nòrd, Nòrd del futur Estat francés ? E en mai anóncia una entrevista sul tèma.... Un afar d'Estat s'installa en França, una autra, imprevista.

Podètz daissar un messatge aquí o anar sul site, pron ben fait, del Racó Català per vos apondre als comentaris catalans.

Son dos professors que fan un comentari de la constituTion, zo fan un a Baiona, e l'autre a Montreal... e son professors a Bordèu, Occitània.

Un tresen punt de vista, aquí.

1 - lo primièr document explica que se podrà emplegar una lenga autra que lo francés se i a volontat politica, l'emplec se podrà far de faiçon egalitària; sabètz aquesta egalitat republicana qu'es sempre emplegada per escanar l'emplec public de nòstra lenga... Parla principalament de la lenga basca, mas l'occitana es alara concernida tanben. Concernida, mas las mentalitats bascas seràn mai aluzerpidas que las nòstras, aiçò ne parla tanben. Lo dreit es sovent la resulta de las consideracions ancianas de practicas realas... e pas l'enrevèrs.

2 - lo segond dona una relativitat sociala e democratica al document obtengut; la relativitat que li baila, es que los deputats e senadors son estats sul meteis fial del conservatisme francés, nacional-conservatisme francés qu'a páur dels pòbles de França [els ne veson qu'un, es un conservatisme que data de 1793], e de lors expressions electivas dirèctas, jà en 1793 n'avián páur d'aquesta expression electiva dirècte; es donc ben un autre conservatisme.

Comentari del Godilhaire :

a - Podem pensar qu'un jorn una ConstituTion serà en avança de las idèas de las populaicons ? Es arribat un sol còp, per la pena de mòrt. Per la mòrt de las nòstras lengas son sempre totes/as d'acòrd, la ierarquizacion [article 2 pel francés e tota sa dignitat dicha republicana mas qu'es tanben reiala, 1-75 e las lengas son patrimònis per las autras, es una ierarquizacion] val melhor que la salvacion [tal que l'UNESCO zo crida].

b - Per la fòrça de la páur la topina acabarà de petar dins las mans dels governants.

-°-

Una visita pel 30 e 31 de julhet, vos conselhi aquesta fèsta bearnesa.

Es estat animat sistematicament animat ambe occitanistas de Bearn....

Puèi, en agost, las Jornadas Nacionalistas de Corti

E en agost tot pari l'intervencion gascona de Baiona per las hèstas de Baiona, lo prosei de Baiona...

S'en cal felicitar : lo gascon es present a las hèstas de Baiona, amb egalitat al basco e al francés.

L'estiu es un temps de tranquillitat per los qu'an la bolegadissa del trabalh tot l'an ... Paul Ariès dins una entrevista pron vièlha prepausa camins per pensar una republica francesa diferenta, çaquelà se pausa pas las consequéncias sobre lo passat destructor de la França, sobre lo passat destructors dels partits en França, si que se pausa las questions (levat los Verts e lo Parti Communiste), mas la pensada permetrà d'anar mai luènh. Es un bon moment, l'estiu sense bolegadissa, per gaitar e sobretot escotar aquesta entrevista.

Ai trapat aquesta entrevista sul site de oulala.net.

Sobre aqueste site ai trapat tanben un quicòm sobre los mèdias, ai revirat lo tèxte ; lo tèxte ajuda a melhor entendre la captacion dels mèdias e donc la captacion o orientacion dels mèdias parisencs sobre l'idèa de dominacion del mercat sobre las pensadas dels òmes o femnas e tanben dels collectius laïcs que fan aquestes òmes e femnas.

De mai, per pas daissar una pausa a las vòstras soscadissas sobre l'Estat francés, vaquí unas informacions vengudas de las Nacions Unidas... Es de còps en francés e amerita tota la vòstra atencion europenca : aquí.

-°-

Senon podètz notar sul vòstre agenda d'estiu, datas de reservar :

Cal mercejar l'AVUI per aver publicat aqueste article .... Es encara un endreit que l'Union Europèa auriá d'èstre, e que per rasons ontologicas d'organizacion politica basica i serà pas. L'Union Europèa dels Estats dona la guèrra contra los pòbles, la pròva violenta es donada en Euskal Herria.

La violéncia zo fan los Estats per colonialisme, e ara per fargar un mercat per las entrepresas afidadas a l'Estat o a l'organizacion supra-estatala. La responsa dels pòbles es incontrolabla, e lo sistèma centralista sap jogar de la « justícia » per se ne protegir, es lo metòde roman.

Cal dire çaquelà que los Abertzales son aquestes que li an panat lo dreit d'èstre dins aqueste sistèma. Lo referèndum de la Constitución espanhòla, los bascos l'avián refuzada aquesta novèla Constitución ... per referèndum; se lor impausa ara per via de justícia.

Es del meteis biais lo metòde europèu per impausar una ConstituTion, malgrat los vòts franceses, neerlandeses e irlandeses. Lo sistèma descredibiliza la votacion, puèi critica e penaliza la violéncia, per embarrar a la preson los « violents » ; la question es pausada, quand lo pòble vòta, quina es la rason ? Lo que refusa lo vòt, la causida ?

Los Abertzales aquestes son pas sense vòt, son sense sistèma democratic; car es clar que pòdon votar pels partits de sosten a la repression, son partits collaboracionistas o imperialistas (es pas antinomic amb socialistas); se demanda als Irlandeses d'anar votar tornar dinca acceptar çò que l'UE decidís, e quand los Irlandeses seràn violents que farà l'Union Europèa: repression !

La polis grèga es ges aplicada aquí e sobre tot lo continent europèu, la fília existís pus entre Bascos e Espanhòls/Franceses, es a man de desaparéisser dins l'Union Europèa, la tirania juridica (donc romana o latina, o brusselana) es alara la sola solucion impausada per Madrid... o Brussèla o Luxemborg.

La latinitat vòl matar lo pòble euquera, l'europeanitat mata la democràcia.

Una autra Euròpa es necita. L'Euròpa dels Estats menarà a la guèrra (ambe las torturas costumièras), encara un còp.

-°-

Recomandacion per l'agenda pacific vòstre, una manifestacion a l'aire liure: pel XXIen còp se debana pacificament la ... Pujada de Salau, 2010 m d'altitud dins los Pirinèus occitan e catalan. Totes e totas i son convidats/adas, lo CAOC e l'ASPIC fan las convidacions de cada costat.

«E posquessi i aver la medisha causa dens d'autes grans quotidians regionaus ! Deu diluns au dissabte, en julhet e aost, qu'i a en "paginas estiu" deu jornau Sud-Ouest  (edicions de las Lanas) ua plaçòta tà la lenga nòsta » Jean-Jacques Fenié, un grand occitanista de Gasconha. Un d'aquestes qu'amerita la visita d'un jornalista.

Far saber lo país nòstre, es lo ròtle evident dels occitanistas pertot, encara cal aver jornals que o volguèssen !!

E voldriá èstre un pichon recòrd istoric per introdusir la cronica següenta : Jean Jaurès, sembla que los senilhs senadors comunistas del Nòrd l'aguèssen oblidat...

Per la traduccion en francés, cal demandar a la bibliotèca de L'Humanité, lor permetrà de l'enlevar de la posca, direct@humanite.fr

Aqueste Senilh Senador -SS- es encara una pròva viventa que l'ignorança a mestièr d'èstre pedagogicament suprimida.

Vaquí la tribuna.

E a la lèsta, la correccion, la nòta meuna serà nula, ebnlèu encara mens; senon bràvo, cal continuar pel bonapartisme comunista e l'anti-autonomia dels pòbles, es la bona via republicana francesa, la dominacion e la confirmacion que lo Partit Comunista Argerian aviá rason. Es la pròva en mai que lo PC amerita bravament son F e sa premsa (que publica sonque aiçò) es del costat dels destructors lingüistics; es una confirmacion de las ancianas cronicas sul tèma, e dels multiples encontres ambe los militants de la basa (abonat a La Terre, per exemple). Espèri qu'un jorn lo francés serà ierarquizat tanben, comprendràn aital e sonque aital. E dire qu'a l'universitat de Montpelhièr una agitaritz-sindicalista es comunista !!! Es pietadós de pensar que l'ensenhament per l'occitan siaguèsse entre sas mans.

A totes aquestes mondes, vist que París governa al PCF, vaquí mas responsas e aiçò malgrat totes los politics comunicats de premsa venguts del Lengadòc montpelhierenc o de Marselha.

Es pietat de veire que los politicians franceses an pas cap istorics de las estupiditats dichas contra las lengas de França.... Lo recuèlh seriá mai long que totas las edicions francesas de la Bíblia. Un jorn benlèu a París i aurà lingüistas, i aurà personas que pensaràn melhor qu'una pega o que l'Académie française e lo Senat amassats. Per astre la pensada francesa, universala republicana e gratuïta, es en realitat pron enbarrada dins un monilh que nosautres somen exagonite, aquesta malautiá tòca bravament lo Nòrd, totes los partits. Se l'encàs èra, vesi plan, ièu, los neerlandeses aplicar aquestas idèas francesas del Nòrd en un reialme vesin que lo neerlandés seriá la sola lenga oficiala, a Brussèla e Valònia, car sembla que son amatadors d'unilingüisme dins lo Nòrd! E enfin, comprèni plan los neerlandeses quand vòlon pas de francofònes en lor país.

Publicarà d'autres punts de pista que seràn pas comunistas ? Car es ben clar per aparar una lenga cal pas èstre comunista, senon es de l'entrisme, tal que lo PCF zo sap far, quitament a la FDSEA en Nauta-Garona.

Per clavar, ièu me demandi encara de qué lo PCF es capable de pensar de faiçon umana ?

E coma per acompanhar aqueste bilhet, Jordi Laboissa escriu als senilhs senadors  :

La França es jamai estada cridada « una e indivisibla » a dos passes de la pèrda d'un boçin... Quand èra de Dunkirk a Tamanraset, zo disián tot parier, coma qué lo conservatisme es sempre del meteis costat, es del costat francés, e pauc impòrta lo partit e lo regime !

Espèri totas las vòstras reaccions e letras a la redaccion de L'Humanité : culture@humanite.fr 

Las contradiccions parisencas son bravas, un exemple es donat amb aquesta frasa sobre lo colonialisme francés, re-editada dins L'Humanité Dimanche, al moment de la commemoracion d'un massacre orquestrat per las incompeténcias politicas parisencas, RPR/UMP amb un president socialista :

La colèra occitana a coma caracteristica de forçar a la creacion; aital es la colèra que me faguèt crear aqueste blòg. Ai tanben a posita una cracion meuna qu'es sobre una pichona clau USB en cèrca d'un editor.

D'autres fan de musica occitana e fan cançons, quitament se son pas originaris d'Occitània; e es uroses que los venguts d'en defòra lo país occitan fasquèsse òbra per Occitània, car los Occitans e las Occitanas son mal biasuts e plega-esquina, o al piège, collaboradors/triças del sistèma imperialista francés.

Aiçò es sobre un jornal parisenc e franchouillard, mas quitament los franceses pòdon espantar, i a encara d'espèr qu'un francés devenguèsse normal !

La normalitat l'avem que nos arriba de la premsa d'un pauc pertot sobre aquesta planeta. Aquestas informacions son jamai estadas represas per la premsa parisenca ... normal, non ? L'universalitat francesa passa pel sol interès franchimand.

Avem Nòva Yòrk aquí. L'administracion se dèu de parlar la lenga de las populacions concernidas... E contrariament a las criticas qu'ai pogut legir, son pas los Occitans, ni las Occitanas, qu'an redigit la ConstituTion francesa en oblidar las lengas de l'immigracion. S'èra estat lo cas, los Occitans e las Occitanas son normals, l'aurián redigida correctament sense l'ajuda del Senilh Senat, nimai de l'Académie française (la moneda d'aquesta institucion seriá estada utila per aiçò far justament ! Far la revolucion es justament eliminar institucions que son pas utilas a París, nimai per la democràcia)

L'Equador ailà ... sábon escriure la Constitución ! Son democratas: l'administracion dèu parlar las lengas del país per èstre el servici dels pòbles, e pas l'administracion al servici de l'Estat (aiçò es bonapartisme). L'excepcion democratica francesa es justament de pas èstre lingüisticament democratas.

O Austràlia, pus lèu encara ... ne traparem d'autres exemples, per donar a l'Académie françAAAAIIIse e lo senilh Senat de França !

Lux B escriguèt una cançon : « - perqué quand as l'accent del midi as pas de dreits ? - es l'excepcion francesa ! »

L'incoëréncia francesa en matièra lingüistica es una excepcion francesa, s'escriu de mai en mai en lenga anglesa !!!

Puèi i a tanben aquesta Istòria dels republicans, los vertadièrs ...

Bernard Tapie es estat un pauc de tot, e tanben membre del P.R.G. (lor dèu far dòl de l'aver acceptat ?), òme de teatre subvencionat parisenc, animador de las televisions berlusconianas (quand l'esquèrra li aviá bailat a Berlusconi un canal per fargar programas culturals ambe la TV americana !!!)... adobat per François Mitterrand per far perdre l'esquèrra a las eleccions europencas. S'i a un òme politic en França qu'amerita la preson, es ben aqueste, encara un còp a fait jogat sas amistats pro-personalas pel seu pròpri benefici.

Per aver las declaracions de François Bayrou picatz sul document prepausat. espèri que los deputats e senadors U.M.P. se rendon compte de qué son a sosténguer... al poder presidencial : un bandit !

Per astre, lo veirem en Suïssa en companhia del grand banditisme, per exemple lo Libian o un cantaire franchouillard que poirís nòstras aurelhas dempuèi mantunas decadas Johnny Haliday per la television francesa, que s'amaga dins aqueste Estat federal e sense reala politica internacionala... Napoleon aviá laissat la libertat a aqueste Estat vesin, se comprendrà ara perqué.

Mouvement démocrate

Amb aqueste afar s'escriu que serem encara enganats, anirà mai luèn (veire l'article del Nouvel Obs) ... Es pas estonant de veire que l'Estat francés fa minjar mantunes sobre l'esquina dels autres pòbles (occitan, breton, còrse, alsacian, savoisian, flamand, martiniqués, goadelopean, reünionés, kanak, polinesian, catalan, basco, francic, etc., es la costuma francesa, e pauc impòrta lo regime o lo partit al poder. La costuma francesa es de minjar sobre nòstra esquina, e aiçò es Istòria, es l'Istòria que nos aprenon mai o mens ben a l'escòla obligatòria e manipuladoira, es Istòria d'un colonialisme qu'a debutat en 1209 ambe la guèrra contra lo Comtat de Tolosa e los "bons cristians"... fautem pas d'arguments per bastir una organizacion politica solida per despertar Occitània: las etapas las mai importantas son estadas : 1453, e las tres annadas de repression en seguida, pel Ducat d'Aquitània, annexion del Reialme d'Arle e donc lo comtat de Provença pel maridatge de la familha d'Anjòu, referèndum foirós e manipulat al mòde francés pels napoleonian en 1808... Es qu'aquò pòt cambiar ?

Non segurament pas, car l'administracion -la prefectorala- velha al conservatisme aqueste, gelosament, per servar los privilègis imperials que èla pòrta amb l'existéncia de França, de la França centralista, jacobina e violenta.

Nouvel Obs, Rue89, e MediaPart ne fan mantunas seguidas ...

Cap a l'Èst !

Per aver una normalitat enfin !! Sús als imperialistas, pertot !

Es parlat per mai de 70 milions de locutor dins l'Estat federal d'Índia, mas encara en 2007 èra la lenga anglesa qu'èra la primièra a Mumbai, amb l'Índi en segond. Marathí es una lenga a reténer, o aprendre en linha directament. Tot l'alfabet es aquí, s'amerita de gaitar... Quand los corses de marathí dins las universitats en Occitània ?

Lo govèrn autonòme de Mumbai a decidit de cambiar la dignitat d'aquesta lenga, e d'aplicar las règlas ben conegudas al Quebèc per installar la normalitat lingüistica. Aiçò ameritèt una nòta de premsa de Reuters UK... Una nòta de premsa que farà plaser a l'Académie française !

• Qu'es aquò lo marathí : la lenga marathí es emplegada dins mantunes Estats de l'Índia tal coma lo Madhya Pradesh, Andhra Pradesh, Karnataka e Gujarat e en defòra d'Índia dins los Estats vesins Bangladesh e autres tals Mauritius, USA, UAE, South Africa, Germany, UK, Australia e New Zealand. Lo marathi a sa pròpria grafia escripturala, lo Devanagri Script vengut de l'alfabet Brahmi.

Lo marathí es una «langue régionale»? (bof ! edr !!). Reuters causís tal tot bon imperialista lingüistic, «Babel» per la descripcion ... e «downgrates» per la ierarquizacion, o la remesa en plaça lingüistica ? Aquesta qu'auriá jamai degut cambiat ! Lo marathí es un patrimòni ? Lo marathí es constitucional (francés)? Lo marathí es separatista, independentista, autonomista, comunautarista, egoïsta, etc. ? Lo marathí es sense literatura car los capolièrs franceses zo sábon pas legir ? Lo cònsul de França a Mumbai refusarà de rebre lo corrièr se lo factur parla marathí ? etc. Se ne páusan questions !

Çò de mai amusent es l'emplèc del marathí per ajudar los franchimandouilhards de franceses per aver mens páur de l'anglés, el tanben downgrate, es de dire atacat e plaçat en bais, down ! Los imperialistas son ben los meteisses !!! Nativist imperialistas.... E alara que ne fan los jornalistas angleses que las conferéncias de premsa siaguèsse trilingüas, es jà lo cas quand la premsa s'en va en Aran !! Quand los Araneses vòlon parlar lor lenga, las conferéncias se fan en tres lengas, espanhòl (malastrosament imposat pels mèdias monolingües, e jornalistas fenhants que sábon parlar sonque una lenga, la lenga del poder central - benlèu que lors escrits son governats per aquesta poder ? Sovent zo podem remarcar, e pauc impòrta l'etiqueta), catalan e aranés (occitan).

Los angleses son prevenguts per Reuters, a Mumbai se caldrà botar a la parladura aquesta. L'anglés i serà mens utile. Los angleses son prevenguts ! E los franchimands ?

Lo marathí es segurament antanplan emplegat que lo francés sobre aquesta planeta. Mumbai emplegava primièr l'anglés fins ara, es de dire la lenga del colonialista europèu.

Per astre los franceses anràn lo maissant anglés per l'aprendre, lo marathí !

Me sembla donc una granda novèla aquesta de Reuters, e segurament una novèla que marcarà pas cap jornal francés; de tota manièra los Indians an previst las traduccions dempuèi totas las lengas per ajudar los estrangièrs a s'adaptar a l'emplèc normal d'una lenga oficiala d'un Estat federal asiatic, lo francés es aquí pas oblidat (contrariament al site Internet parisenc per parlar de las "massviolences"), mas pas mai oblidat es l'espanhòl, lo japonés, lo corean, l'alemand, lo portugués, l'arabe, lo chinés (que dèu èstre lo mandarin), l'italian, e donc l'índi e l'anglés, veire aquí. Totes aquestes grands imperialistas auràn de se plegar a la novèla nòrma per aquestes Estats federats d'Índia.

Ben segur, coma tota lenga, e malgrat las criticas d'ignorants tal aquestas de l'Académie française, lo marathí a sa pròpria literatura (1), literatura (2), literatura (3), encara (4), benlèu mai que l'occitan, lo breton, lo còrse, lo basco, lo catalan , etc. Los libres se pòdon crompar aquí, en linha.

I a cançons tanben, encara mai de musica ... sabi pas s'an tradusit l'imne sanguinari francés ? Es benlèu pas utile !

Es un portal per la lenga marathí. De mai, ben segur i a jornals en lenga marathí, e segurament mai qu'en lenga francesa, per desplaser de l'Académie française...  vaquí dos exemples, ai pas verificat la linha editoriala per un evident alfabet.

Wikipèdia es tanben en marathí, ai pas pogut verificar se lo nombre d'article èra equivalent al francés.

De mai se traparà una famosa cosina ... en lenga anglesa, per cambiar.

Tot sobre aquesta lenga, e en lenga anglesa pels europèus... o melhor la primièra leiçon de marathí ? En vídeo !

Bon trabalh d'estiu, aprendre lo marathí, non ? Per los que cèrcan utilitats a las lengas, es autanplan utile d'aprendre lo marathí que lo francés. Me questioni, lo marathí es benlèu tanben un patrimòni francés vist qu'es parlat a la Réunion ! Alara, cal o pas de marathí sul panèu d'aquesta iscla de l'ocean indian ? Que ne pensan los Balladurouilhards de servici ?

Quand una lenga arriba a sa dignitat oficiala, ne soi content, un contentament que se pòrta mai al delai del patrimonialisme constitucional francés, aqueste afar que sembla encara a de colonialisme parisenc e londonian, los catalans an lo meteis a Madrid. Quand n'acabarem ?

Vos aviái prometut de virar lo cap a l'Èst ... pendent la prima l'aviái un pauc oblidat per rason d'actualitat. E tre que l'avem fait, virar cap a l'Èst, es a lOèst qu'un comunicat nos crida : alara se podrà bravament entendre e favorizar aquesta demanda basca : picatz aquí puèi ailà.

-°-

Tour de France = nacionalisme d'expansion

Pècs, son prèstes de tot far per èstre lo rei dels ciclistas, e n'i a que bádan !... Son prèste de far tot quitament se destrusir la vida per la quimia dels laboratòris especializats. N'i a qu'an comprès aquò aprèp la guèrra de 14/18, tròp tard, las quimias militaras los avián matats; son ara suls monuments als mòrts, mort pour la France... e son a contra-emplecs, per ajudar encara un còp lo nacionalisme francés, e los seus simbòls sanguinaris.

França es un instrument per fargar un mercat, amb una lenga, amb una ierarquia armada, etc. L'unicitat mata los pòbles.

«Maudite soit la guerre, elle tue nos enfants» es notat sobre l'unic monument que la prefectorala e l'armada an pas volgut inaugurar; fistre: quina bona idèa ! Es en Occitània, Lemosin.

Maudich siaguèsse lo Tour de France, assegura al nacionalisme francés un espaci geografic mediatizat, e mata Bretanha, Occitània, Euskadi, Corsega, Alsàcia, etc.

Dins un document actualement legit per mantunes/as militants/as del Parti Socialiste francés, i a una mocion internacionala, que me sembla una evolucion cap a una pensada socialista per Occitània...

Es Balladur que sap ara, perqué es pas membre del Parti Socialiste ambe Mélenchon & Chevènement !!

Bordèu es tanben una longor d'avança en matièra d'environament :

- lo transpòrts intramuros alprèp dels comèrçes, e tanben normals desplaçaments de trabalh :

- las pistas ciclablas e de jogín vertadièras, de las vertadièras...

- Bordèu es una vila de l'UNESCO, un grand prestigi meritat pel Cap de Gasconha, amb un tramvia enfin eficaç.

- enfin una ciutat que sap valorizar Garona ... sul quai, suls costats e tanben en pictorals

Cal èstre clar, una candidatura qu'amerita d'èstre escolhida.

«Piètons» es escrich sobre quatre panèus aital !

Cap a l'Oèst ! Es una cronica d'estiu, sovent los jornals parisencs o provincialistas van cercar l'informacion exotica luènh del continent europenc, nosautres occitanistas exigents a prepaus de l'informacion e sa diversitat, e perqué es absenta aiçí per rasons politicas evidentas, l'Euskal Herria es un bon terrenh de visita, politica o d'agrement. Donc, aquesta cronica es vertadierament elonhada de l'actualitat concensualista francesa o espanhòla. L'occitanisme ameritariá una vision latina d'aqueste afar d'Euskal Herria, per astre un jornalista italian a daissat una vídeo pron ben faita sul subjècte, es balançada, e de fartura agradiva.

Abans de començar aiçò del documentari, qu'es un pauc triste, un pauc d'umor basco farà de ben a totes/as.

Amnistia per Euskal Herria serà possibla sonque ambe l'intervencion europenca natra. Ni França, ni Espanha, son angelets politics dins aquestes territòris costanièrs de l'Atlantic, son los dominicants del bonapartisme agisent en Euskal Herria, son d'elefants dins sobre una taula de porçelana de Lemòtges; lo "terrorisme" d'extrèma-esquèrra basca sembla talament al resistent de la guèrra de 39/45, talament al meu grand-paire que refusava de parlar francés a l'ostal, talament aqueste general que en 1964 discorejava per parlar de l'armada interiora de la pichona patria que es vengut salvar la granda. E çaquelà, Euskal Herria es segurament un dels territòris lo mai creatiu de l'occident europèu, lo mai umanista per aver suportat totas las vexacions possiblas, vexacions e perversions europencas sobre un pòble europenc.

Mercés a Matteo Scanni. Es pas indicat se lo documentari es estat difusat per una cadena italiana, es disponible sul net; es la poténcia de l'Internet, Internet d'auèi, abans las censuras de totas menas, censuras que nos arribaràn lèu ambe las novèlas leis, tal que l'envisatja Daniel Scheidermann : caldrà resistar a la censuras d'Estat sobre lo net.

Quand los mèdias son pas criticats normalament, en Espanha, es alara un comunicat d'ETA que s'en carga, gaitatz aiçò, e s'en carga via una vídeo que pròva ambe l'Istòria del Franquisme las errors "jornalisticas" de la cadena Sexta de Madrid [una cadena que collaborarà lèu amb França... o amb France Télévision a desfaut de TF1], gaitatz :

Son d'aquestes jornalistas bonapartistas qu'ajúdan a rendre credible lo discors extremista.

Escriviá la cronica aquesta que l'actualitat la faguèt espelir d'actualitat, gràcia a l'Internauta conflictebasco... los atemptats ETA tòrnan, los desgalhs son materials; sem informat normalament per la cadena eitb, la cadena de servici public de television per Euskal Herria.

Ara, lo documentari.

Saber d'Euskal Herria, dempuèi Itàlia ; una solucion novèla, aprèp la descripcion BBC, jamai entenduda...

«Solas las causas politicas se resòlvon ambe volontat de patz» ça dís l'imperialista espanhòl de servici. Segur quand sempre la tortura es emplegada per saber matar un pòble, la frasa pòt sempre èstre estonanta.

Se parla de la lenga e d'una fotografia d'Euskal Herria; se parla d'EAK; del ròtle de la lenga; es un tròç dercriptiu. Lo reportatge es, a basa, de lenga espanhòla indicat en lenga italiana. La finala sembla los occitans qu'an degut suportat la lenga francesa a l'escòla, mesmes castigues, mas los bascos an un filme per zo far saber. Los occitans espèran que los italians s'i interessan, tanben a Occitània. L'espèr es mai bèl que pels parisencs, los productors parisencs.

Ara, la partida aquesta parla de las revendicacions e de la populacion que pòrta aquestas revendicacions. Parla de la fòrça de la revendicacion. Zo pòt parlar sense cap limit editorial, per rason simpla, es un document de lenga italiana, una gausa italiana, una libertat d'oltra-Alpes, donc un pòble e sobretot lo son Estat es pas tocat per l'afar basco, pel colonialisme que los Estats espanhòl e francés fan suportar a la nacion basca.

SEGI, l'organizacion de joves bascos ... organizacion considerada pels espanhòls coma terrorista, sobretot pels aquestes jutges que son pas condemnats per aver reprimat un pòble sense pròva, unes ciutadans e ciutadanas europencas castigats/adas sense pròvas. La vida de l'imperialisme espanhòl e francés contunha tanben en situacion «democratica». Coma se podrà acabar ? Res es donat dins lo remortatge coma responsa. Se questiona pas las autoritats europencas, ni las francesas, ni d'autras autoritats espanhòls, autoritats que serián despertadas pel problèma espanhòl e francés que cal resòudre.

Los atemptats e las repressions son listats aquí. La guèrra «democratica» d'Espanha e França es pron ben descrita aiçí; la qualitat de la descripcion es deguda, encara un còp, a l'elonhament de la redaccion del documentari, elonhament des poders francés e espanhòls. O a una volontat d'un coratjós jornalista, aiçò zo sabi pas.

S'acaba per una cançon eimoventa (paraulas en euscara e espanhòl, traduccion en occitan de faire).

E ben segur podètz aver d'autras vídeos sul tèma.... sovent vídeo que desfan la repression-manipulacion dels mèdias televisuals bascos e espanhòls sobre lo conflicte, conflicte lo mai aprosmat d'Occitània, e que cap cadena francesa cobrís normalament.

Puèi passem als atemptats de liberacion. Se parla principalement de la faiçon qu e l'organizacion nacionalista ETA mata l'activisme espanhòl, activisme per l'assimilacion d'Euskal Herria.

Se confirma dins la darrièra partida la repression espanhòla, de la confirmacion internacionala d'aquesta tortura (sempre absenta de la premsa espanhòla e franceses), e la tortura espanhòla en Euskal Herria. La reportatge italian mostra las pròvas.

Puèi ara l'Istòria de Egin, sempre en lenga basca.

Per clavar, una cançon, una creacion musicala, una crida basca a tota Euròpa :

amnistia !

Soi pas segur que siaguèssen entenduts, çò que legitima las violéncias.

-°-

Perqué comprenem los bascos, perqué de còps que i a legissem Balladur dins Le Figaro.

-°-

Per hestejar la signaletica que far páur als militaristas franceses, Hèsta de Baiona !

Sempre aqueste blòg a considerat que la nocion francesa de "lenga regionala" èra una trapèla per embarrar las lengas dins un repleg qu'amerítan pas. Sempre aqueste blòg considèra que la nocion francesa de "lenga paritmoniala" es una trapèla constitucionala e republicana francesa. Sempre avem considerat que l'engana francesa es sempre colonialista, republicana, gratuita e objècte de perversion totala, sobretot quand se vòl lo capítol de la "diversité culturelle" e que la practica es la volontat reala de destruccion lingüistica.

Los ciutadans e las ciutadanas franceses engánan per la cara que báilan al monde, ambe lor francofonia e los imperialismes lingüistics sempre d'actualitat [politica de la diplomàcia, France 24, Instituts franceses, festenal de la francofonia en Lemosin, etc.].

Sempre ai pensat que las "frontières naturelles" que França emplega per frena las passas del nuclear [Tchernobòl o Triscastin en Occitània] o las non-passas de las lengas latinas son errors de politica d'un nacionalisme d'expansion ben pensat, una politica lingüistica sanatritz, o benlèu unas volontats politicas claras de servar las aisinas del(s) francés(eses) per frenar los contractes entre las lengas latinas [entre los pòbles], lenga latina que l'occitan n'es la clau.

L'occitan es pas una lenga dicha regionala, l'occitan es una lenga nacionala, internacionala, d'aquesta planeta. Atencion, vòli pas nacionalizar l'occitan, cal pas s'enganar sul tèrme de sciéncias politicas aquestas.

La responsa es aquí donada uèi, per las visitas sobre aqueste blòg.

Me cal çaquelà apondre que la "lenga comuna" vista pels espanhòls, dempuèi Madrid, es pas la "lenga comuna" vista pels catalans. La lenga comuna pels espanhòls es la lenga imperiala, França a la meteissa tecnica de "lenga comuna", mas la lenga comuna francesa destrusís las autras. La lenga comuna dels catalans es la lenga d'arcuelhida, es la lenga ciutadana, lenga per totes/as. Es lo modèl per Occitània.

La ciutadentat lingüistica vòl dire que l'occitan aparten a totes/as, es aisina de totes/as, pauc impòrta l'origina geografia o territoriala d'aquesta planeta.

L'occitan es de totes/as, Occitània es de totes/as.

Per aver l'occitan e Occitània de totes/as, cal al mens una lenga viva, fòrta, digna, aisina per un pòble, cal quicòm de sancièr per donar a l'univèrs [França ajuda pas], quicòm per èstre sobre aquesta planeta.

Çò qu'es valable per totas las comunautats lingüisticas (ròms, quebequesas, tamazagh, dialectals arabs, anglesa, neerlendesa, irlandesa, espanhòla, catalana, ameniana, abraïca, italiana, etc.) que vívon en Occitània, elas tanben an mestièr de saber l'occitan quand son d'Occitània, e alara son ciutadans/nas occitans/nas en Occitània.

La tecnica francesa o espanhòla de l'assimilacion forçada [la regionalizacion, la patoïzacion, la provincializacion, la departamentalizacion, gleizificacion, egemoneïzacion], es pas la volontat del pòble occitan, tanpauc del pòble catalan. Malgrat tot en Occitània, los politicians franceses, e los collaboradors de França, nos an sanat lo dreit de poder defendre normalament la nòstra dignitat, en mata l'emplec public de l'occitan, en desvolorizar la lenga, en plaçar la lenga occitana al nivèl del musèu patrimonial [article 1-75 de la ConstituTion de 2008, que serà al vòt diluns aprosmat], totas las populacions d'originas diferentas son alara cridadas per acceptar pas aquestes ròtles negatius, constitucionals, modèls franceses de la destruccion lingüistica, totas las populacions sempre concernidas per la diversitat, per Occitània, en realitat, en concret, dins la vida de cada jorn, pas dins los discorses.

L'occitan es de totes/as. 

-°-

Avui, Vilaweb, etc ne parlan de pertot ... al Principat de Catalonha. La premsa simpatisanta fa parlar lo senhor al poder, e l'autra fa parlar los tecnicians dels mèdias publics, per exemple TV3.

-°-

Oai Tristum a Marselha

Uèi a las 09:00 ai una pensada per Lux B, una votz de Marselha qu'es partida.

Rue89, La provence.com, coZop, le post, Le dauphiné, le matin,  JDD, actu.ma, la parisien, avmaroc.com, Tribune de Genève, France Info, 24 heures, France 24, TV5, le professionnel du spectacle.

Aqueste divendres ai fait lo torn de la premsa, per tal de veire quin pès aviá las lengas dins aquesta ConstituTion. E ben ... pas grand causa per L'Humanité, es de dire : RES ! Al mens per l'oblidança aquesta L'Humanité e donc los Comunistas de París dona lo ton, a l'ensemble dels Comunistas : avètz d'autres subjèctes importants, non ? Segurament ...

Es una responsa a la crida dels Comunistas en Occitània, crida entenduda per La Setmana, benlèu mens sorda que la redaccion de L'Humanité ?

L'esquèrra es pas cauda per aqueste cambiament, en contradiccion totala ambe l'article paregut dins La Dépêche, lo punt de vista del mèstre, alara se podrà legir los arguments...

Puèi los Comunistas venon de comprendre que lo centralisme democratic pesa sobre la linha del partit al nivèl lo pus naut, 1-75, prèp de París se calfa la linha; es un pauc extra-ordinària que sapièssen pas l'afar del Partit Comunista Argerian, quand París li refuzèt tota mena de possibilitat de discussion ambe París; se i a un partit centralista, cal listar PC ... Français !

Lo sistèma de pensar en classa sociala, donc de la faiçon verticala de veire una societat, frena tota pensada horizontala e localizada fòra del sistèma exagonal.

L'Humanité es la votz del partit de Saint Denis, aquestes militants que veson melhor la diversitat en banlègas aprosmadas qu'en regions dominadas o sotmetudas, e alonhada del centre de poder, e talament en patz dempuèi mai de 800 annadas !

Dins la linha dels jornals engatjats, i cal apondre La Dépêche, que dona uèi un bèl article sobre la situacion d'engatjament per cambiar la ConstituTion, e donc acceptar l'introduccion de las lengas, totas las lengas, dins aqueste document republican e centralista.

Donc avem aquí una decision de conviccion editoriala, a la seguida del vòt del PRG e del proprietari actual del jornal.

Es que l'apondon sobre las lengas, totas, justifica una votacion favorabla ? Pels militants jornalistas de L'Humanité sembla que non, vist lo cargat de l'afar. Per La Setmana se pensarà que Òc, vist la conviccion del setmanièr aqueste, aprosmat dels comunicats de l'IEO.

Lo jornal economic Les Échos fa una descripcion generalista, mas pas isolada. Malgrat son especificitat economica, i consacra un ensemble editorial bèl; la redaccion es mens subjècta a polemica que tot redaccional dins Le Monde.

Alara se comprend tanben que la defensa dels aborigènes dèu malplàser als Comunistas, vist que lo papa vaticanesc s'interessa a una actitud diferenta envèrs los autòctons d'Austràlia, benlèu pas encara los occitans ... malgrat la debuta de l'aniversari de la primièra guèrra de netejament etnic emgimbrada per un sistèma ecclesial o religiós, 1209 es la debuta de la guèrra contra los occitans de fe cristiana en Lengadòc.

Pel moment, ai pas encara recebut d'autres punts de vista politic, mas francés que sí, gaitatz aquò :

Las causas son pron claras, la promocion de las lengas en França a unas consequéncias sobre la diplomàcia francesa a Nòva Yòrk ... Avem lo remembre que la ConstituTion èra pas etnista, e lo francés natural sense èstre signalizat; zo tornem escriure es en 1992 que los socialistas an impausat lo francés dins la ConstituTion.

Avem encara al cap qu'aqueste cambiament marginal ajudarà per aver una lei per las lengas e la diversitat lingüistica, donar a minjar a un pòrc sense saber qui serà lo cosinièr de la jornada de matapòrc, a Matabuòu o endacòm mai sul territòri de l'empèri.

ConstituTion novèla... mooooè!

La polis ne traparètz una idèa aquí.

Per clavar, e per frenar un pauc l'optimisme general, vòli traduire un tròç del libre qu'acabi de legir, e qu'acabi de tradusir un troçeton (libre que conselhi de legir) :

La causa se votarà diluns a Versailles ...  La votacion influenciarà lo tèma de l'aprosmada manifestacion per l'occitan, en 2009.

A desfaut, vos damora d'anar far la fèsta en lenga occitana o aprendre l'occitan en Provença (informacion de Mesclum, publicat dins La Marseillaise) !

Es una conferéncia anciana, de l'annada 2006, per la sortida del libre editat per Txalaparta. Segurament pas encara traduït en francés, car se tapar los uèlhs val melhor per l'ignorança francesa.

La vídeo debuta en lenga basca, puèi en lenga espanhòla. Lo libre es estat escrit en lenga espanhòla : «Cien Razones por las que dejé de ser español», cent rasons perqué daissèri d'èstre espanhòl. Los espanhòls zo prendràn coma una provocacion; los franceses diràn qu'es un extremisme, sobretot los representants dels mèdias franceses a Madrid... La rason de la non-traduccion en francés, es benlèu aquesta, tanben.

Es una vídeo de gaitar per totes/as los/as professorsoras d'espanhòl sobre aquesta planeta, en França donc [pensi personalament a la meuna professora d'espanhòla que en estant segurament ara a la retirada, pensa coma Franco uèi, alar que sa familha es arribada en causa de l'extremisme nacionalista franquista], e per plan entendre que los parallèlismes ideologics de las populacions entre Occitània e Euskal Herria, amai Principat de Catalonha, son clars, las metodologias de despertament son diferentas ... Mas avem tant de partatjar ambe lo pòble basco ! Avem la mateissa corona de suportar, los catalans tanben, quitament se son republicans franceses... que suportem, ambe lo patrimòni lingüistic dintrat dins la ConstituTion.

Avem tant e tant de paratjar dins las relacions entre la capitala d'un Estat opressor e la nacion nòstra, tant...

Lo nacionalisme espanhòl es expansionista, el explica egemonista per Espanha ... alonharem la semantica mas l'expression es la meteissa sotmission a Madrid o París. E aiçò l'Union Europèa zo cambiarà pas, mas sem quicòm sus un continent en patz. La patz es nosautres que la volem, pas los Estats expansionistas, son las populacions europèas, pas brica las tecnocràcias dels Estats egemonistas.

L'autonomia en Euskadi, aprèp lo refús de la Constitución espanhòla al moment del referèndum, la socializacion d'una idèa basca independenta s'es desvolopada per repression "democratica" en Euskadi, Nafarroa (Navarra) e Iparralde (País basco del nòrd), siá un total sonat Euskal Herria.

L'idèa d'Euskal Herria debuta ambe una creacion d'una ciutadanetat basca, qu'a debutada pichonèla, e que s'es desvolopada, per totas las classas de la societat, totes los gropes socials, per totes e totas, quitament los omosexuals son nacionalistas bascos e revendícan per l'independéncia basca, d'Euskal Herria.

Lo 18 de julhet de 1936, los ieracs de l'armadas espanhòlas traparàn ajudas d'inocents sordats magrebins per èstre contra la republica a Madrid, Barcelona e Gasteiz. Aqueste mòde de foncionament de presa forçada de tropa magrebina per anar far la guèrra endacòm mai, èra una costuma espanhòla, mai tanben francesa, de la republica francesa... Aquestes terrenhs magrebins europeanizats son estats favorables per desvolopar idèas tragicas coma regimes jacobins e anti-democratics pel continent que los aviá fòrabandits. Dincal còp d'Estat contra De Gaulle mantunas annadas abans l'independéncia de 1962... en Argèria. Se cal remembrar que los ciutadans franceses qu'èran per l'independéncia d'Argèria an agut de partit de França, aquela que se sonava "republica". Mas abans aquestas datas, França, republicana o pas, a fait una guèrra dedins la collaboracion, en fòra tanben, mai tanben contra los pòbles de l'impèri. L'armada interiora de la «pichona patria» (mai que tot de Gasconha) es estada refuzada de desfilat a Tolosa... De Gaulle èra un nacional-imperialista francés e d'Occitània n'en voliá pas. Quand un comunista francés a produsit un filme sobre los Catars, es lo director de la television qu'a sautat... Es De Gaulle qu'a signat la demission forçada.

Mas tornem a la data del 18 de julhet de 1936.

Las tropas espanholistas, dictatorialas, an trapat ajudas a Berlin e Roma ; Roma a installat una basa a Palma de Malhòrca... Las tropas republicanas (las tres republicas concernidas, espanhòla, catalana, e basca) an trapat los camps de concentracion republicans franceses... quand la guèrra es estada perduda.

Barcelona aprèp Guernica es estada una ciutat tocada, mas Barcelona es estada la primièra granda ciutat europèa qu'a agut d'èstre un terrenh de canonada fachista italiana, canonadas aerianas indeterminadas sobre la populacion civila. Son estada tocadas tanben d'autras ciutats catalanas, Lheida per exemple.

Mai de 5.000 personas civilas son estadas matadas, per res que l'assag fachista italian per preparar la guèrra de 1939 contra França.

Aprèp Guernica, la guèrra europèa que se sona de 39/45, mas que començèt abans, e que la republica francesa n'es pas ges estada solidària, al contrari.

Gaitatz aqueste reportatge de memòrias per Catalonha. La nacion catalana s'en recòrda..., lo pòble catalan a, el, una televison per produsir reportatges d'aquestes escantilhs. Es aquesta television que París refuza a Occitània sistematicament.

Quand se sap abandonar un pòble, aqueste pòble es legitimat per demandar l'independéncia, malgrat totas las propagandas francesas e espanhòlas, malgrat tot los protocòls en lenga comuna, donc en solet espanhòl.

Se cal recordar que l'independéncia se dona jamai gratüïtament.

Sarajevo son independents, s'espèra qué per Barcelona ?

-°-

Escòla Occitana d'Estiu : aprendre lo catalan amb una immersion occitana, aprendre l'occitan amb vesins catalans, aprendre la lenga del país al país, aprendre l'occitan en país de tradicion occitanista, etc ... picatz sobre l'afica per aver mai d'informacions.

E se començiam l'Escòla Occitana d'Estiu en esperar lo 10 d'agost ? Un tròç de Camins d'Estiu, la revista de l'E.O.E.

"Béziers Méditerranée" es un pauc coma "Union pour la Méditerranée" : fauta de fons o benlèu que ne dona que me semblan pron tòrt.

La promocion institucionala dona fòrça sul contengut de la pensada politica, sobretot quand se gaita una mapa.

Sem al cap del monde, mas lo cap aqueste li fauta bèls tròçes... europèus  e miègterranencs.

Hamborg, Antverpen, Rotterdam, Bremen, Le Havre e Marselha, Gènova, Barcelona e València son los mai grands pòrts maritimes d'Euròpa. Seta, absent, es lo pòrt lo mai aprosmat de Besièrs per anar al Magreb.

Besièrs es ben plaçat sobre la linha de granda vitessa, ferroviària donc, entre Barcelona e Hamborg ... Malastrosament los elegits veson pas l'interès d'aver una linha del meteis escantilh entre Bilbo e Milano, linha que passariá a Baiona, Pau, Tarba, Tolosa, Besièrs, puèi Marselha, Niça, Gènova, Turin, una transeuropèa, basco-occitano-italiana (una autra faiçon de veire l'exposicion d'Occitània ! cap a l'Èst-europèu).

Pensatz que sonque las autorotas fan una logistica per una ciutat que se vòl un centre de respècte de l'environa ?

Dins lo meteis jornal setmanièr se podiá trapar una politica sobre la cultura exotica de la Polinèsia, exposicion parisenca, benlèu qu'Occitània a pas pron de platja ? O pron d'originalitat dins la cultura patrimoniala e actuala per èstre un enjòc per l'installacion d'entrepresas...

Benlèu que la latinitat de la lenga occitana es pas pron fòrta per donar d'argument a la mapa aquesta ? Es ben d'aver una animacion d'estiu "Fèsta del Sud", seriá estat ben de ne far ligams ambe l'economic, non ?

La tecnocràcia de la promocion dels territòris es sempre un pauc espantant. Dementre aiçò la promocion d'Occitània fauta de competéncias e sobretot de sostens mai economics.

Especial gardenpartí eliseana.

Lo mercat liure es lisible pertot en Occitània [cal simplament pas aver l'estereotipe cara d'un policièr francés per saber aiçò...], sobre quasiment totas las plaças de las ciutats occitanas ; non es pas lo nacionalisme francés, non aquesta dròga es pas enebida en França !

Lo mercat arriba pas simplament de Sud-America, mai tanben de l'Asia centrala, Paquistan e Afganistan, via l'Euròpa centrala, aquesta que debuta a partir de l'Oral. Lo mercat es mondial, la destinacion es la populacion dels Estats rics. Lo mercat de las drògas designa los mercats los mai liures, a totes los nivèls.