Qui i tòca, quí i gausa ... trapa la responsa : an ganhat !

gaitatz totas las vídeos en francés e basco.

Mas no nacional-expansionisme de l'UMP-FDSEA contunha d'èstre la règla en Pirinèus-Altantics, e van contunhar a castigar l'associacion que desira sonque produsir NATRALAMENT pel país basco e dins sa lenga, causa que l'extremisme del nacional-productivisme francés pòt pas suportar.

Gerard Onesta, deputat europèu, a sul pic mandat un comunicat de sosten :

Lo verdicte del procès contra la cambra d'agricultura basca- Euskal Herriko Laborantza Ganbara - acaba d'arribar : relaxe totale.

Sonque podem que nos felicitar qu'una tala decision qu'es una politida victòria per totes los que refúsan lo foncionament jacobin de l'Estat francés.

Per aqueste verdicte, se reconeis als Bascos la possibilitat de desvolopar sobre lor territòri una agricultura mens productivista e mai respectuosa de l'environa e dels païsans.

Gérard Onesta aviá testimoniat al moment del procès a la fin del mes de genièr, per sosténer lo president de l'associacion Euskal Herriko Laborantza Ganbara, Michel Berhocoirigoin.

Una polida victòria qu'ajuda d'installar un còp de mai en evidença que la mobilizacion ciutadana ajuda de ganhar los combats los mai dificiles...

Cal notar que lo sistèma bearnés, afedit a la collaboracion jacobinista franchimanda, aqueste sistèma poirrit a perdut, mas sembla pas èstre vençut encara, aiçò se podrà far sonque quand lo Bearn aurà tornar trapat son identitat occitana vertadièra, aquela que faguèt sa glòria dels tempses de Joana d'Albret e abans ben segur la traïson del rei Enric III de Navarra. L'avocat de la FDSEA es un Bearnés de pura soca, çò que pròva encara un còp que la collaboracion occitana es encara totalament favorabla a París e a sas magouilles.

Una militnata del PSF èra presenta per sosténer l'afar... benlèu tròp presenta (eiTb e France3EuskalHerria) ? S'espèra un comunicat dels MoDemistas, dels UMPistas, dels Front-de-Gôche/PCF, dels FN, dels NPA, Debout-la-République, MPF, etc. S'espèra tanben un resson al nivèl dels mèdias franchimands.

Jamai una revendicacion d'independéncia es estada tant festiva e pacifica a Brussèllas; me sembla que n'avem de prendre exemple, sobretot quand los imperialismes francés e espanhòl son istoricament sempre maquiavelics e brutals.

Lo diluns maitin la TV3 fasiá un punt sobre aquesta manifestacion :

Sembla important per tota nacion d'interrogar un pòble per saber se vòlon èstre independent ; tal coma a passat al Quebèc seriá pas possible al Principat de Catalonha ? Lo camin es ben entendut e seriós, es un camin plan entendut per totes los manifestants de Brussèllas, la nacion catalana es seriosa.

Aquesta demanda legitima del punt de vista de la Carta de l'ONU de 1947, serà acceptada pels poders imperialistas francés e espanhòl ? Es que son Estats pron democratas per zo acceptar ? Es que los pòbles-ciutadans constitutius son pron sapients per zo comprendre ?

L'objectiu de la manifestacion èra justament de questionar d'autres Estats sobre la planèta sul tèma... Es qu'un Khadafi gausarà criticar França o Espanha car zo far totparier en parlar Israël ambe la repression contra Palestina, lo camin pacific catalan per aver un Estat (bravament diferent e pacific) seriá de sosténer ? ... senon seriá lo camin de la violéncia legitimat per l'abséncia de responsa positiva o negativa pendent un referèndum, una votacion per l'independéncia o pas ; la votacion aquesta es importanta per l'etiqueta democràcia per l'Union Europèa.

Cadun vòta en consciéncia, un referèndum es pas encara l'independéncia, es un camin democratic. Es evident qu'aqueste camin es un camin exemplar, car pacific.

Catalonha, al Principat de Catalonha, an tot çò que cal per èstre independent, una administracion eficaça, un Parlament e sas leis, un dels sistèmas democratics mai vièlh d'Euròpa, la volontat d'èstre en patz ambe los vesins (Occitània per exemple), la poténcia per aver diplomàcia bèla e mondiala, una finança e assegurança publica mai fòrta que las francesas o las espanhòlas, mantunes sindicats particulars e fòrts, mantunes mèdias plurals e potents, mantunas entrepresas mondialas e un PIB mai bèl de la Grècia o la Bulgària, etc.... Es quasiment un Estat normal, cal simplament lo camin per l'Independéncia e la votacion referendària.

Puèi an una eficacetat mediatica magnifica :

-°-

Bon article del jornal Sud-Ouest, que contrabalança la faiçon que RF a presentat l'afar dich de Colonna.

An votat sobre la basa de l'egalitat de las lengas, totas las lengas sobre la meteissa nocion de qualitat d'emplec potencial. Causa qu'es desnegada en França, per la Constitucion de 2007 que votèt per una ierarquizacion de las lengas (francés, n°2), las autras lengas a la linha 75 (mercés a l'UMP - cal remarcar qu'es melhor que res ... Mas aital s'entend pas lo vòt socialista sul tèma) ! Aquò se sona apartheid lingüistic constitucional (mes es per un còp escrich clarament, quí gausarà portar la Constitucion francesa a Luxemborg per apologia a la diferenciacion de las lengas e donc favorable a l'apartheid lingüistic oficial ? Quí ?). Donc cal esperar qu'aquesta règla europenca siaguèsse aplicada en França, e vist quí a votat, serà segurament dificile se fasem pas çò que cal per los eliminar del poder, en començar per las eleccions europencas venentas.

Dins lo tèxte se parla de l'ensenhament per immersion lingüistica [l'ai a disposicion per tota genta demanda occitanista], una causa que podrà benlèu un jorn èstre entendut pels esquerristas los mai estraits de l'Éducation Nationale, o pels adepte del mercat de la lenga francesa [puslèu a dreita, costat Hauts-de-Seine], o per las municipalitats que fan res per desvolopar aqueste tipe d'ensenhament representat en Occitània per Calandreta, veire que plaça trapèla contra aquestas escòlas exemplàrias per desvolopar lo multilingüisme en Occitània.

La prepausicion sul multilingüisme, sa votacion e son expression al Parlament Europèu, dona pas la resulta de l'aplicacion d'aquesta prepausicion. Aital lo votar contra d'un deputat es un votar clarament pel sol anglés e lo poder de la pression del mercat lingüistic (favorable al brusselish), es clarament contra la diversitat lingüistica, tota la diversitat (quitament l'expression de las lengas d'Estat coma la lenga del patois parisenc ! ]. Èstre sense cap d'idèa de vòt, pòt donar una idèa de l'abséncia de compreneson de l'Euròpa, e donc es bravament l'expression d'un nacionalisme de replegament. De mai, per complicar la compreneson del document, es una votacion sobre una prepausicion d'un comissari europèu qu'a pas res comprès sul tèma que li èra demandat de donar un document de trabalh ; i a segurament pas d'astrada (Barroso es un grand manipulador sul tèma), es un portugués, qu'es l'Estat qu'i a lo mens de minoritat lingüistica, veire quasiment pas. Mas los apondons dels deputats catalans (totes levat lo PP), a pogut esclarir la prepausicion, e lo trabalh parlamentari a donat aquesta votacion.

Atencion, pel FN zo sabiam [e sabiam tanben que son un pauc vielhum sobre aqueste subjecte], pel UMP n'aviam un dobte [e vist lo novèl candidat que s'amena amb un tèma de campanha qu'a res a veire ambe lo ròtle de deputat europenc, pensi que caldrà levar l'engana politica que pòrtan encara un còp], per las eleccions europencas venentas; cal recordar que per un certan Mélenchon, Front de Gauche, se presentarà en Catalonha del nòrd, Euskadi del nòrd e dins lo còr d'Occitània. Es benlèu lo moment de far en sòrt que siaguèsse pas elegit [i a fòrça chança, quand lo NPA pòrta candidat melhor sul tèma, mai tanben EuropeÉcologie], aiçò en seguida de sas presas de pausicion contra las lengas de l'Estat francés.

Interrogada divendres la deputada europenca del MoDem, Anne Laperrouze, èra pron urosa de poder exprimir son idèa sobre sa votacion, en tant qu'Occitana (de Puèglaurenç, luòc de naissença de la mariana republicana), Francesa (ciutadana) e Europenca (actriça de las leis europencas)... Donc es ben clar que la votacion a un ròtle primordial per la lenga occitana e los desvolopament de TOTAS LAS LENGAS en Euròpa.

Aquesta votacion es un exemple de çò que podriá èstre l'Union Europèa, se l'informacion s'escambiava melhor entre los pòbles d'Euròpa e lo Parlament Europèu [vist l'abséncia de preséncia d'aquesta informacion dins los mèdias franchimands...lo trabalh serà long!] ; soi pas segur que lo poder dels Estats, representat per la Comission, siaguèsse favorable a-n aquò... L'Union Europèu es pas un instrument democrata, es benlèu aquò l'aprosmat enjòc de las eleccions europencas venentas. Ne pont entre los pòbles, ne podem trapar sense cap dobte, lo problèma es ben lo poder institucional del Estat qu'a sempre estat un instrument de l'aprovisionament de las guèrras europencas e de las entrepresas de guèrrras (Dassault, SNPE, Bolloré, Lagardère, etc.).

Donc, ara, cal felicitar los deputats dels partits que en votar al Parlament d'Estrasborg fan l'Euròpa democratica : PSE, CiU-EAJ & MoDem-Partit Democrata Europèu, Les Verts-IU/ElsVerds & AligançaLiuraEuropenca, etc.

Vos bailarà una idèa dels futurs vòts se volètz bastir una Euròpa democratica e fòrta.

Marianne ajuda a las responsas :

Es estranh, Mónegue es pas sobre aquesta lista, de creire que l'Estat francés i aurà un ròtle utile... E Mónegue es un Estat de l'ONU (que l'occitan i es oficial !), amb una administracion prefectorala al cap ! Se Mónegue existís, es perqué París l'a volgut ... Se Corsega es pas brica independenta, es perqué Bonaparte la faguèt crompar als Genoveses sense n'avizar lo pòble còrse, e que alara París zo vòl pas, es pas question de volontat del pòble (pauc impòrta lo regime, es la volontat de París qu'es primièra).

Es un pauc coma ambe la Bretanha que las engana francesa an pogut se desvolopar tanben : picatz aquí per saber (es un filme d'una intervencion sobre l'Istòria de Bretanha, ajuda tanben d'entendre las manipulacion francesa per recuperar las riquessas dels pòbles pauc a pauc dominats per París).

Se las bancas francesas an de moneda, es que París lor a preparat un mercat ambe «frontières naturelles», la zòna d'expansion del nacional-egocentrisme parisenc s'es desvolopada a comptar de 1209, primièr sobre lo Lengadòc dich catar e donc anti-papista o Vatican.

L'Estat a d'argent, las bancas de l'Estat tanben... siá per prestar a l'Estat (1209 - son las bancas foranas italicas qu'o faguèron), siá per desvolopar lo colonialisme parisenc (estela del TGV, linha de l'electricitat, colonia territoriala, linha maritima, pòrt Bolloré en Africa, etc...). Sovent aqueste afarisme se plaça a l'Oèst de par£

E contrariament a çò que podrà pensar la premsa parisenca, Marianne per exemple, l'Estat francés es informat de la manièra qu'aqueste argent es amagat als pòbles.

En 1789, de subjecte del rei sem devangut ciutadan, mas tre 1793 la mescla entre ciutadan (actor de la vida politica) e nacional de l'Estat francés, se fasiá la basa d'una ideologia (que la quita esquèrra a engolida) per nos panar l'argent de las produccions dels pòbles de França, aprèp los aver destrusit la dignitat d'èstre per los cultura e lenga.

Lo projecte francés a pas jamai cambiat dempuèi 1209, lor arribada en Lengadòc; lo projecte francés es de panar l'argent de las regions al grand benefici d'un pichonèl nombre de parisencs. Attention, certains membres du pouvoir vont vous expliquer qu'ils sont aussi des régions de France, ou de province, mais Bonaparte tanben èra de Corsega, e aquò frenèt pas l'Estat francés de crompar Corsega coma se crompava un esclau a-n aqueste sègle, nimai de far la guèrra l'Euròpa e segur mai : L'origina territoriala del foncionari del centralisme francés dona pas la rason de son accion per la democràcia !

Dementre que la finança parisenca nos pompa la moneda, ambe la benediccion del Papa (abans la revolucion francesa e 1905) o la benediccion de la santa, laïca e gratuïta republica francofòna (e de sas institucions prefectoralistas), los partits franchimands nos fan jogar a las votacions entre esquèrra e dreita que caldrà causir (modèrna pensa a esquèrra, passadís pensa a dreita, mas sempre es París qu'engraissa)... Dincal moment que, contra la paret militarista francesa, arriba la guèrra e França fòrça los Occitans d'i participar, d'i collaborar.

 Jean Jaurès, coma Paul Ricard,

auriá pas participat a las guèrras del nacional-expansionisme francés,

nimai a la basteson del sindròma d'Estòckholm

dins los ments occitans.

-°-

Fraternitat ?

Voliái crompar aqueste libre (un pichon espèr de fraternitat potenciala, entre Occitània e França ?), mas lo programa m'a clarament frenat, tant d'asenada en tant pauc de temps (Darcos + Debray sembla que lo binòme èra ideal per un recòrd Guiness). Se per astre o per malastre n'i a un lectors que l'a legit, soi preste d'o recebre gratuïtament; per los que l'an pas crompat, es pas la pena, es un libre nacional-egemonic, o nacional-expansionista.

N'i a que sábon pus las definicions, alara ne fan un concepte de filosofia politica, en escotar lo programa de France Cul ai plan confirmat çò que me dobtavi : la fraternité es un concepte de Régis Debray, un concepte que «cal re-inventar» ...

La re-invencion francesa es una autoproclamacion de la fraternitat  contra los regionalismes, la fraternitat -concepte novèl del Regis Debray- es l'assimilacionisme francés, e aiçò es autoproclamat fraternal. De mai, aquesta fraternitat enebit als pòbles sotmés d'aver una pensada fòra de lor parçan, autocentrat sul monde, es una fraternitat d'exclusion de ligam autres que passarián per d'autres pòbles que lo pòble parisenc.

E coma lo bling bling politic, aqueste concepte de "fraternité" del Regis Debray, es un concepte de comunicacion filosofica que segurament durarà autanplan que dura la repression contra los pòbles de França; es de se pausar la question, dinca quand faràn de "fraternité" pacifica, e dinca quand faràn de "fraternité" dins camp de redreissament per los que vòlon encara pensar sense passar per París ?

Dinca quand la fraternité serà prezada en Guadelopa ? En Martinica ? En Argèria (mèrda son ara independent !) ? En Madagascar (Independent, se demandem perqué ?) ? etc.

Podètz jà notar dins l'enciclopèdia francesa de las manipulacion politica, lo concepte de franternitat: la fraternitat exista car es assimilacionista, e remanda un messatge als dich «regionalisme» las amistats entre los pòbles, l'internacionalisme, las amistats entre Occitans e Catalans es regionalisme que cal destrusir ambe la "Fraternité"... Régis Debray.

Entendi mantunes militants politics del Front de Gauche tolsan, explicar que las causas lingüisticas son causas marginalas, me demandi se coneisson Regis Debray ? Lo social es clarament tocat per aqueste novèl assimilacionisme republican, novèla pensada fraternala (que respecta pas l'alteritat lingüistica), pensada que, èla-meteissa, se sona fraternité.

Donc, cal assegurar als Còrses que la condemnacion republicana de Yvan Colonna es de ........ FRATERNITAT !

Cal pas rire.

Per justícia especiala la republica engana los pòbles.

Cal que la JUSTÍCIA tòrne en man dels pòbles de França.

Aplec Europe Ecologie a Tolosa pel primièr show de l'Estat francés, lo 8 d'abrial '09, a 20:00h dins la «Halle aux Grains» (Plaça Dupuy).

En preséncia de tots los caps de lista, Daniel Conh-Bendit, Eva Joly, Harry Durimel, Yannick Jadot, Michèle Rivasi, Jean-Paul Besset, Sandrine Bélier, Hélène Flautre

e ambe :
José Bové, cap de la lista Europe Ecologie dins lo dich «Sud-Ouest»
Catherine Grèze, 2nda sobre la lista dicha del «Sud-Ouest», coordinatriça dels Verds mondials
Gerard Onesta, eurodeputat sortent del grope Verts/ALE, vici-president del Parlament europèu

e en preséncia de personalitats politicas europencas :
Cécile Duflot, Secretària d'Estat dels Verts, pòrta-paraula de l'aplec
Monica Frassoni, deputada europenca italiana, Co-presidenta del grope dels Verts/Alliance Libre Européenne

Raül Romeva i Rueda deputat catalan, membre del partit Iniciativa per Catalunya-Verds en Catalonha

(veire bilhet següent)

Isabelle Durant, Senatriça belga, membre del partit Ecolo de Belgica e candidata a las eleccions europencas

La serada serà animada per Noël Mamère, deputat-cònsol de Bèglas.

Lo Magazine littéraire es magnific, pòrta una pensada del questionament filosofic que fauta dins l'occitanisme.

Vesètz aqueste títol «Perqué l'anticolonialisme èra benlèu encara colonizat».

1 / Lo questionament es natural per me, car cada jorn vesi ben que sem colonizat pel francés en Occitània, pas lo Magazine Littéraire que, el, viu dins son espaci maquiavelic, e son espaci es nacional-expansionista, e coma Jourdain lo Magazine Littéraire escriu causa sense saber que son patalonadas del nacional-egemonisme lingüistic francés. Es per aiçò qu'es interessant. Aital la revista Books assaja de contrabalançar lo punt de vista nacional-egemonic francés. Soi pas segur que lo títol siaguèsse ben causit !

2 / lo questionament es tanben un questionament sobre l'instrument que los intellectuals franceses an en man per pensar. E aquí es un questionament que nos cal far nòstre dins las universitats franceses en Occitània, amai tanben dins los ments de las Occitanas e dels Occitans. Avem las bonas aisinas per poder pensar un jorn èstre despertats ? Èstre liure de pensada, en escrich e en politica ? De poder viure cotria ambe los autres pòbles europencs sense aver vergonha d'èstre subvencionats, ajudat per èstre andicapats, per sempre ?

3 / lo questionament francés pausa tanben lo problèma de la diversitat de las influéncias francesas, las anglo-saxonas o anglo-americanas son sempre al cap, mas perqué pas d'autras ? Lo modèl francés es francament pas lo modèl que caldrà per Occitània... Lo pont lingüistic occitan ajuda a portar las paraulas de l'ensemble latin, ne sem la clau. Causa que lo francés a perdut, de la granda fauta dels Franceses e de las Francesas. Occitània a tanben pont istoric ambe l'Euròpa del nòrd via las pensadas al delai del Ròse, e tanben ambe las influéncias vengudas per la Mar Grana, al fial dels sègles. Fautem pas de riquessas non colonialistas.

4 / Dins l'Istòria d'Occitània, los poders occitans son estats sense qu'una vagada colonialista, es per Euskadi, per contra son estats los collaboradors als colonialismes franchimands; l'exemple lo mai pièger es lo Geenral Bugeaud, qu'a carrièra bèla e plaças en Lemosin... benlèu tròp al meu gost. Farai benlèu un jorn coma SinéHebdo que fa lo torn de las carrièras que cal cambiar los noms. Es vertat que se fau aiçò, lo nom primièr que cal cambiar es : JULES FERRY aquel qu'a escanat, gratuïtament e laïcament [republicanament], l'ensenhament en lenga occitana, pendent mai d'un sègle.

Se podrà question : quand aquò cambiarà un jorn per Occitània ? manifestarem !

Ligam

La resolucion es aquí gràcia a l'Agence de Presse Bretonne.

(Cambiar l'Union Europèa es possible, contra lo PPE-UMP, ambe los tres gropes junts : PSE, MoDem-ALDE, Verts-ALE.)

Se podrà pas dire que l'UMP vòta pas al Parlament Europèu, an votat contra aquesta amendament parlamentari. Lo nòstre deputat PPE an votat contra l'amendament per èstre dins lo camp del pòst-franquista del PP.

Ara, cal veire la manièra que se faguèt lo resson d'aquesta novèla interessanta sul site Internet de cada partit favorable, vesem aital que per èstre informat val melhor èstre d'un costat politic puslèu que d'un autre.

Los que son contra lo plurilingüisme europèu e l'ensenhament en mantunas lengas, amb un metòde seriós l'immersion lingüistica e la dignitat de totas las lengas, son per qué ?

Lo monolinguisme anglés ?

E se cal notar encontre d'aqueste paraula retranscripta pel Parlament Europèu :

Lo raportor, Vasco Graça Moura (PPE-DE, PT), a près la paraula abans lo vòt, deplorant que "certains essaient de transposer dans ce Parlement des querelles nationalistes espagnoles". A estimat que son rapport "respecte les langues minoritaires et régionales".

Benlèu que lo respecte sufís pus per salvar las lengas coma l'occitana, e que M.Vasco Graça Moura (PPE-DE, PT) es pas pron informat de las repressions que i a contra las lengas dins l'Estat francés, e fins ara l'Estat espanhòl a pas invadit l'Estat francés ! M.Vasco Graça Moura es segurament un d'aquestes que cal cambiat ambe la futura Comission ?

Benlèu que li cal mandar los articles de premsa per la defensa de la Sijanòta contra una ataca de la municipalitat d'esquèrra francesa.

«L'associacion INFÒC organiza l'eveniment d'un maraton de vestits pels petaçons lo primièr d'avrial per Tolosa.
Es Florença Nicole especialisada pel petaçon de teatre que donarà sa recèrca especializada sul carnaval en Occitània e endacòm mai.
En 2006 INFÒC presentèt sa mòstra a l'ostalariá de dieu per Tolosa lo mond de petassou al teatre 11-26 de genièr (de veire sul site, picatz - se lo reportage pot pas sortir fasètz l'ancian site)
Lo primièr d'abrial presentèm lo petaçon (grafiat pels franceses petassou) de carnaval marathon petassou i a de diferença entre los dos per tant que coseràn totis dos petaçes differentament los uns dels altres següent lor epòca e lor mòde....la coneissença de Florença.
Florença a pas jamai vist de personatge amb de "petaçes"de teissuts coma lo de petaçon d'Occitània (de veire las fotos) se n'es que los pannuceatis de l'antiquitat (3ème segle ab-jc) que podèm veire mentre la mòstra aquesta jornada en mariòta de "gaina" avián cosurats los teissuts plaçats diferentament que lo del petaçon d'Occitània mas son dels "petaçes" e non pas coma petaçon de teatre en "trocets"
Petaçon es nommat dins los poèmes de Godolin (16ème sègle) es dins aquel esperit que los tolosencs descobriràn dementre lo maraton tot en cosent lor vestit dins una ambiança de projeccions de reportatge vídeo sobre las legendas dels diferents petaçons, de diaporáma jol petaçon de teatre, una mòstra de mariòta jol mond de petaçon sens doblidar las fòtos pel carnaval lo de 21 de febrièr de Cabanes en Arièja que fasèt son "happening"dins las carrièras per estonar e se far descobrir, Florença faguèt çò que sòna la mòda d'adiussiatz que repiquèron los dròlles a comptar de 10 còps que se son regalats donc l'experiéncia foguèt tant fòrta qu'i tornarai lo 5 d'abrial per las carrièras per Tolosa.
Per  entre-senhas : lo maraton pels vestits de petaçon se contunharàn pendent una annada pels barris de Tolosa, lo depart d'aquel maraton es lo de l'Ostal d'Occitània
Aquel projecte suscita per l'apreneson de la sociabilitat, lo despertar, l'entrepréner, lo conéisser del patrimòni local e de segur la lenga occitana.
Serèm uroses de vos convidar per aquesta maraton dinamica e d'espèr »

-°-

La manifestacion es pas encara notada sobre vòstre agènda ? Zo cal ...

Mens optimista es lo bilhet següent.

Aiçò es istòria francesa en Occitània [ne devem patir tant que ne sem pas digne - es rudament protestant aiçò, non ?], mas es tanben actitud actuala per rapòrt a l'entrepresa, la santa entrepresa que salvarà lo politicians de sos problèmas democratics dins un territòri colonizat per França (problèma d'elegit qu'un es màger, èstre re-elegit al dintre dels partits nacional-egemonistas).

Un article, una setmana abans, dins El Triangle, presentava realament lo problèma, AZF es lo procès del productivisme.

Mas lo productivisme es estat un modèl de govèrn per totas las colors politicas europencas, los neoliberals coma los estatistas, totes ambe una pichon excepcion car son jamai estat al poder sense èstre contra-rotlat Les Verts.

Aital, quand Gérard Onesta explica que Tolosa èra sorda, parla de totes los partits politics, quitament sos amics socialistas, comunistas o PRG... totes los poders politics del grand Tolosa, o la novèla aglomeracion de Tolosa. TOTES partits nacional-expansionistas franceses.

E l'usina existava per simplament donar la maquina al productivisme per la FNSEA, e transformar la Gasconha o lo Lauragués en plana de la Beauce; l'usina AZF es una aisina de govèrn pels govèrns UDR, RPR-UDF e UMP, puèi ara UMP-NC (totes partits nacional-expansionistas franceses.).

AZF es lo procès del productivisme d'Estat, es que la justícia francesa d'un Estat ultra-nacionalista francés zo podrà sobrelinhar ? Ne dobti. Occitània ne patirà encara.

Gérard Onesta es un grand militant ecologista, soi estat sovent sobre las meteissas manifestacions, es lo moment de se demandar quina es la politica dels ecologistas a Tolosa, la question a pas semblar èstre al punt de la novèla politica e dels balanç dich negatiu de l'UMP-RPR pendent 30 annadas.

Gérard Onesta èra un dels ecologistas que repotegava, amb fòrças rasons, e, ièu, a l'epòca, èri lo tecnician qu'assajava de far sobreviure una politica de transpòrts industrials e bimodal per la SNCF...

Gérard e Jacme an agut tròp d'ora, los "falords" que passávan gaire dins los mèdias abans los procès d'Estat, bravament mens dins la DDM car a l'epòca èra pro-nuclear, donc pron politica sobre l'uranium en Lemosin e ara en Niger, e qu'a assumit o engolit la realitat franchimanda que lo nuclear s'arresta a las "frontières naturelles" del sant Estat-republican francés; e la populacion a esperat que la causa del productivisme petèsse, per far sobreviure l'ignorança volguda e assumida, es criminal en republica.

Puèi de qué cal pensar del parachutatge de Lionel Jospin qu'assumís jamai sas responsabilitats politicas passadas, sobretot qu'èra cridat per aver un pòste d'elegits en region, e present per mediatizar son ipocrisia (ara zo vesem), mediatizar per devenir lo famós futur segond president de França (coma lo darrièr qu'avem e qu'es autanplan bling bling), o mediatizar del productivisme parisenc, contra Occitània, sobre l'esquina d'Occitània ambe l'ajuda dels elegits locals que li an trapat una plaça; me remembri una candidatura de Guy David, Partit Occitan a l'epòca, qu'a fait pron de bruch... Lionel Jospin pròva al mens amb l'istòria que Guy David aviá rason de se presentar contra un parisenc. Es que cal demandar quin nivèl de vergonha pòdon aver los elegits socialistas per aver demandar Lionel Jospin elegit en país tolsan ?

Es que cal esperar que Golfech petèsse per votar Les Verts ? O per se liberar dels poders parisencs en Occitània ? L'exemple Ucraïnian es pas lo meu.

Mas quina chança an los electors de Marselha per poder votar per un Còrse a las eleccions europencas venentas !

Aqueste filme conta l'istòria de l'immigracion que s'encapborra de vóler anar en Anglatèrra, Welcome (donc). E que tomba dins lo sistèma francés de gestion de l'immigracion. Lo filme se vòl critic e una critica anti-sarkozista. 

Lo problèma me sembla mai grèu que lo filme zo vòl presentar. Es que si Sarkozy daissava lo poder lo problèma -determinat coma un problèma- seriá resolgut ?

Me cal comptar ambe l'istòria, gràcia a un amic catalan ai agut coneisséncia d'un libre qu'acaba de sortir en lenga catalana.

E Òc en 1939, èra encara una republica en França e Sarkozy èra pas al poder ... E jà se pausava lo problèma administratiu de maissant tractament de l'immigracion.

Lo problèma es donc pas l'immigracion mas l'Estat francés, de doás manièras : - l'existéncia d'una administaracion formatada per èstre repressiva, e - un sistèma politic qu'acaba d'acceptar qu'aquesta administracion comanda la repression.

Sem dins aquesta situacion politica, aquesta situacion que Welcoma ne fa la descripcion.

Mas concretament es ben FRANÇA e son ADMINISTRACION BONAPARTISTA que son lo proncipal problèma.

De qué ne pensa Occitània ?

Dempuèi 1209, per la fòrça o per la republica o l'oligarquia republicana, Occitània supòrta que sobre son sòl lo regime França castiga l'immigracion politica e economica.

Tant qu'aurem pas un estatut especial per Occitània podrem dire qu'Occitània, sos ciutadans e son organizacion, accepta que Frnaça posuquèsse castigar gràcia a son administracion bonapartista.

Se totas los mèdias an parlat de la sortida d'aqueste filme, es la pression del servici comunicacion del cinèma e son seguisme tradicional, la premsa francesa parlèt pas del libre sortit en catalan e que parla de Bram en Occitània.

Bram es pas aquí un vilatge de Lauragués, patzible e ensolelhat, es lo luòc d'una non-commemoracion francesa contra lo pòble catalan, republican e catalan, pausat aquí car una dictatura los castigava. França a sempre collaborat ambe aquesta dictatura espanhòla. Aiçò es tanben ISTÒRIA oblidada de la França republicana, per sempre.

En França volem pas dels Africans, mas volem ben far perdurar lo colonialisme economic (en Goadelopa e Niger !) : aital entendi perfeitament la conferéncia de premsa prevista doman.

L'uranium del Niger es la pollucion mondiala programada e orquestrada dempuèi lo nacional-expansionisme parisenc, per tot l'espaci miègterranenc, pel plaser d'una filiara pòst-militara franchimanda (maquiavelic coma sempre amb França).

E encara un còp, l'Estat republican francés agís coma una aisina de destruccion dels pòbles. Quand serà condemnat sobre aquesta planèta ?

-°-

Notatz sul vòstre agènda:

La conferéncia es en francés car los elegits l'an pas demandada en occitan, es un acte de nacionalisme francés contra la lenga occitana, la lenga tant prezada pel borgés Jean Jaurès. Es pas question de patz contra l'occitan, es ben question de l'oblidar, oblidar una lenga es la rendre muda, es la mòrt.

Es una conferéncia qu'aurà tot lo meu interès e que podrà aver lo vòstre... anatz-i malgrat tot.

-°-

De notar tanben a Marselha, Provença, Occitània.

E quand los occitans se manifestan seriosament se pòdon far entendre e comprendre, lèu ... Los Indians de França son capborruts ! Felicitacions als manifestants de Sijan de dissabte passat. Calandreta traparà un luòc seriós e novèl, mas cal vigilar l'esquèrra francesa (perqué ? seguir del bilhet es important).

Es que lo pòble occitan auriá entendut la diferéncia que i a entre "servici d'estat" (E.N.) e "servici public" al servici del pòble occitan ? L'esquèrra francesa en Occitània l'a pas encara comprès, e donc son encara nacionalistas.

_°_

Lo flamenc de lenga catalana.

Es un present inestimable ...

-°-

E dementre que i a problèma en Provença, Nicematin intalla son debat...

E coma vesètz lo debat es d'un naut nivèl politic, quasimùent nul, podètz segurament apondre unes comentaris en clicar sobre lo ligam.

Farètz segurament avançar la pensada politica, ièu ai abandonat... sobretot ambé subjecte d'aqueste escantilh.

lelechanttgvpaca.free.fr

  Dins L'Express.fr (jornal nacional-expansionista francés) // Per Eric Mandonnet, publicat lo 18/03/2009 11:15 dedins un article titolat «Perqué France se fa anti-Sarkò» (es pas un questionament, es simplament testimoniatges e lor descripcion)

1 / Aquesta fòto parisenca pròva que un ciutadan francés, una ciutadana francesa, es ontologicament nacionalista, quitament d'esquèrra, quitament se zo sap pas quand se passeja ambe aquesta mapa e aquestas colors.

2 / Soi, per un còp, d'accòrd ambe aquel nacionalisme d'expansion francesa, es una sofrança d'èstre de França quand se trapa que soi de pensada puslèu del costat democrata, e pas, de vertat, independentista.

Lo patiment, la patiròla, lo sofriment es real, e encara mai bèl quand pauc politicians d'Occitània escótan lo melhor la paraula occitanista, enfin fins ara. 

Contra la famosa "fraternité", la pròva :

Recentament aviái vist publicat una mapa, vista dempuèi Rodés, la vaquí renovelada dins sa publicacion en solidaritat amb Rodés.

La Causa èra seriosa, pas simpalment del cantar, èra per debutar un trabalh de desvolopament... Tot çò que compta en matièra d'occitanisme èra present.

E en Provença (arribat en francés de Correns, per Correns e Marselha) avem las polifonias provençalas ...

Autra possibilitat de sortida culturala:

Prima deus Contaires 2009 a Lussan (Gèrs) entre Aush e Aubiet
Dissabte 21 de març

Printemps

deus Contaires gascons

Edicion 4au deu Prèmi a la creacion « Prèmi deu Capdau deu Consèlh Generau de Gèrs »
Organizat per Ràdio Paìs Gèrs 05 62 06 91 33

Programa :

Mustra de fòtos deus collectages « Au País » (Larèrs Ruraus de Gèrs)- entrada gratuïta

Exposicion de fòtos presas pels Larèrs Rurals pendent l'operacion "Au País", Anciana escòla de Lussan
14 oras Inscripcion dels Contaires
Omenatge au Roger Seilhan, autor armanhaqués

14o30 Debuta deu Concors - Entrada gratuïta a la sala de las Fèstas de Lussan
Un podium d’una quinzena de contaires de 12 a 92 annadas !!!

18oras, Projeccion deu filme « Imagenaire » - Entrada gratuïta a la glèisa de Lussan

19oras Remesa deus Prèmis

20:00h Sopar al’entorn de las arbèlhas Aula de las Hèstas de Lussan

Sopar sul tèma del céser, a l'iniciativa de l'IEO32 en sosten a la manifestacion, idèas culinària de Georges Nosella deu Café Gascon, restaurant toqué GaultMillau e chaudronné au Guide Hubert.

21o30 Bal dambe « Tres en Gasalha » (IEO32) Maryse Brumas (violon, viala de ròda, cant), Danielle Bertin (guitara, cant), Sébastien Cogan (accordeon diatonic, percussions)

Repèish e bal ,15€ – 05 62 06 90 29

Lo "Nouvel Économiste" ajuda sempre a la reflexion...

Lo gropament d'nterès d'Estat pcF-CGT dins las annadas 1970 èra pas a l'ora del progrès, un caval d'avança ? Parlar del mercat europenc, quand lo mercat mondial es desorganizat e sempre l'enjòc dels nacional-expansionismes, es qu'aquò es rasonable ?

Las guèrras per fabricar lo mercat parisenc an començadas en 1209.

Las practicas tecnocraticas per fabricar lo mercat europenc an començadas aprèp las guèrras entre los nacionals-expansionismes del continent, 1945.

Quand l'intelligéncia serà valorizada, puslèu que las simplas organizacions juridicas e politicas ? Quand l'organizacion pensarà als Òmes sus lors sanitosas tèrras abans de pensar als poders per la gestion dels òmes o de las tropas ? Qu'es aquò l'atractivitat d'un territòri quand aqueste territòri, e son pòble, es encabestrat, muselat, fagocitat pels poders bonapartistas e son administracion castratriça ? Lo problèma se pausa en Euskadi, Catalonha, Occitània, Corsega, Alsàcia, Savòia, Martinica, Goadelopa, Guiana, Reunion, Kanaki, País Gallés, Escòssia, etc. Mas tanben dins d'autres parçans del monde, ben segur (e sovent son aquestes autres parçans del monde qu'interessa mai las fondacions parisencas que la realitat a las pòrtas aprosmadas.

Podem encara pensar que los pòbles dominats amb lors territoòris seràn "atractius e productius" (se cal de productivisme ?) en estar muselats ?

-°-

Mediatizacion de l'estupiditat parisenca, bramada sobre la Television dicha de servici d'Estat de França :

Donc vaquí mas rasons per anar manifestar :

Res de novèl donc... me caldriá manifestar cada jorn, justament zo fau sobre aqueste blòg. E coma i a pas pron d'activitat electrica en Lemosin podrètz anar gaitar lo cèl, es l'annada mondiala de l'astronomia.

Nègre o triste es lo cèl ?

Bon, alara ara sabètz pus ont anar manifestar : vaquí la lista o podètz gaitar la mapa de l'estat francés de la manifestacion, aquí. Es lo MEDEF que ne serà urós...

La planèta UMP sembla fòrça a un astròïd...  una planèta pauc coërenta que lo public a pas encara comprès que caliá oblidar de votar !

Per manifestar, quinas son las condicions juridicas e donc francesas, quinas son las condicions ciutadanas (cal destriar sempre lo juridic de l'antropologic, lo ciutadan del nacional, lo Dreit de l'Uman)? La responsa es aquí.

Lo dich "Bouclier Fiscal" es un sistèma tecnocratic e fiscal, votat per l'UMP, per frena l'impausicion de la talha d'Estat. Es un sistèma qu'ajuda los rics a servar lor moneda per poder l'exportar dins los paradises fiscals (de preferéncia los que son ajudats pels burèus d'avocats defiscalizant installats en Hauts-de-Seine). Lo dich "Bouclier fiscal" es la primièra mesura coorporatista decidada per un ancian fondador de burèu d'avocats installat en Hauts-de-Seine, lo departament que lo PIB es mai bèl que lo PIB de la Grècia; l'ancian fondador d'un burèu d'avocat es lo president actual qu'a mestièr ara de la polícia per poder se desplaçar pertot a l'Estat francés, sense cap d'excepcion.

UMP = Union de la Magouille Présidentielle.

«En mai aquò pudís dels pès los paures» Vos conselhi d'anar legir en francés l'article de Rue89.

Aquí que n'avètz pron per anar manifestar.

Doás informacions se son telescopadas aquesta vrespe sus mon corric.

1 / La Val d'Aran aurà mai de poder de gestion, mai bèl, e una lei per aquesta gestion (totes los partits an signat un document per aiçò far, veire la fòto oficiala)

2/Los problèmas seràn mai al delai de l'ors, segurament mai bèls que la dimension autonòma d'Aran e del seu estimat govèrn. Gaitatz lo comunicat del Conselh Regional de Miègjorn Pirinèus.

Me sembla que Garona pòrta sa sorga en Aran ...

Es pas novèl que l'Estat francés se sap protegir, mas aquí ambe lo procès del patriòta e resistent Yvon Colonna avem totes los ingredients que fan la soma de pròvas que l'Estat francés es fat, es dangierós. L'Estat francés viu sense principi.

« Se vivem sense principi : se viu fòrt mal ensemble » Aphatie sobre Canal +, escotatz l'argument :

Totes los ingredients per una ignominia d'Estat son en plaça... Quí vòta per aqueste Estat ? Quí decidís la còlha que lo governa ?

Los pòbles de França son irresponsables d'aver botat aqueste sistèma bonapartista en plaça, es republican (zo cal pas oblidar). Cornelius Castoriadis explica : la democràcia en Grècia matava los pòbles que volián viure en patz a costat ...

Es pietat que veire que lo procès aqueste a pas justificar una campanha de cronicas de premsa per dire l'acte politic major contra los pòbles, pòbles de França, qu'es aquesta polícia d'Estat, aquesta justícia d'Estat e aqueles governants d'Estat centralista francés.

Tot lo site del Partit de la Nacion Còrsa es de gaitar amb interès, es un pòble que França vòl escanar. França es un dangièr pels pòbles d'aqueste planèta, fòra o dedins l'OTAN (la vídeo que seguís es per donar una idèa de çò qu'es lo PNC, es un parantèsi).

« Se vivem sense principi : se viu fòrt mal ensemble » Aphatie sobre Canal +, aital lo procès Yvan Colonna legitima l'independéncia de Corsega. E soi per aquesta independéncia car França es, umanament e republicanament, nociva.

Lo procès Yvan Colonna l'ai viscut l'an passat sobre aqueste blòg, ai pas volgut tornamai far la lista dels articles publicats per la premsa parisenca sul tèma, mas l'ai seguit. Per la primièra partida de la justícia d'excepcion francesa avem totes los arguments per l'independentisme, los independentismes. mai la dicha justícia farga lo procès contra Yvan Colonna mai l'independentisme pòrta mai d'argument contra França e sos pòbles (l'ai marcat al plural, car pensi tanben que lo pòble occitan es copable de sosténer França sul subjecte, sosténer per son silenci).

La famosa frasa dels nacionalistas franceses es «la France est une et indivisible» [l'ai entenduda de las bocas de famoses cantaires tolsans, aplegats en Fòrum de las lengas... aquò se sona lo sindròma d'estòckholm], vos vòli indicar que mai sovent entendem aquesta frasa, mai segur sabem qu'un boçin es a man de partir o de sortir del bordel aqueste, del nacional-expansionisme francés e de son administracion fada, en cerca, per fin, de libertats democraticas pels pòbles colonizats, imperializats, bonapartizats.

I a d'eleccions venentas, votarai pel partit francés que me donarà la via la mai rapida per destrusir lo nacional-expansionisme francés. Mercés de me l'indicar, de daissar un messatge per m'ajudar. En legir la reaccion -una- al bilhet precedent sobre la votacion socialista en Lemosin, ai pas l'impression que los militants politics d'Occitània siaguèssen totes al nivèl de compreneson del problèma.

www.yvan-colonna.com per signar la peticion, l'ai jà signada.

Se l'Estat e los partits èran democratics, se lo regime èra democratic, los candidats a las eleccions europencas se farián directament per causidas militantas, per la basa per montar a la direccion del partit (mas segurament que las tendenças seriá pas acceptada e sobretot lo sistèma dels militants sortits de sciéncias politicas trapariá pas son desbocat d'emplecs politics, e alara auriá una crisi de sistèma, del sistèma universitari, encara un), las causidas dins cada circonscripcion seriá grandament republicana ; benlèu que ne cal demandar mens al sistèma ? En França, es París que mana, punt !

Eleccions intèrnas

per las europencas

al Parti Socialiste Français

Lo partit aqueste a organizat una confirmacion del sosten militant per las listas europencas designadas a París [aquò se vòl una dubertura democratica], per pas dire autoproclamadas listas (coma fan totes los partits d'elegits en França). Aital totas las listas an obtengut un sosten militant, levat una lista qu'a obtengut un refús total dels militants d'un region, la Lemosina. En Lemosin son resistents per sempre, ambe lo poder francés que manda tropa en Argèria, o quitament contra las tropas alemandas que an gausat passar los limits, e quitament quand los parisencs los vòlon impausar quicòm ! Alara quand lo Lemosin se desperta, es clara un signe per l'Occitània sancièra, benlèu l'efèit engimbrat per MAM, efèit dich de Tarnac que torna en boomerang ?  Un militant a remarcat aiçò :

«PRÉPARATION DES EUROPÉENNES AU P.S. : LA LANGUE D’OIL ECRASERAIT-ELLE LA LANGUE D’OC. Un militant socialiste occitan de la Corrèze s’est en effet posé la question sur son blog.»

Es tirat dau site web http://www.ps87.com/ps/

Dins lo blòg se parla de Raimon de Tolosa e Frederic Mistral (perqué aquestes dos ? Perqué pas Joana d'Albret o Enric III de Navarra, Alienòr d'Aquitània, Andrèu l'avèsque de Bordèu, etc.), aiçò dins la partida dicha opinion. La causa podrà tanben estonar, perqué es estat publicat ? Per quí es estat publicat ? Perqué fa referéncia al passat alara que se debana uèi ? La semantica es vielhòta, veire romantica ...

Mas la causa es ça que la donada que las listas europencas son determinadas pels partits parisencs, aital lo cap de lista de la region oèst es un parisenc encara... Disi parisenc, tota persona que son trabalh es a París.

Cal remarcar que lo cap de lista del MoDem es l'ancian director del CREDOC, un òme que trabalha tanben a París, segurament fòrt plan, e segurament en TGV dèu davalar al país del Sud-Oèst ?... Es que caldrà deconcentrar los establiments publics per aver candidats del país d'eleccions ? De quina manièra de fan las causidas electoralas dels partits franceses per las europencas ? La tecnocràcia mena l'Estat e sa dicha representativitat ?

Un militant de Nimes se pausèt la question de presentar una lista mélenchonista en Provença... Aquò deuriá agradar als militants felibrencs e occitanistas.

Quina es la diferéncia entre aiçò, republican e parisenc, e los títols qu'èran pagats pels nòbles versalheses quand volián un títol o una tèrra ?

D'ara endabans, aquestas eleccions europencas s'anóncian; coma de costuma, los Occitans e las Occitanas se faràn encara enganar pel sistèma partidocrata o sistèma bonapartista o sistèma parisenc.

Los partits agísson, es vertat, mas per damorar lo sistèma colonialista francés en plaça occitana !

Recentament son los senador del nòrd qu'an ensenhar lo camin contra l'occitan, quí es al cap del partit dels socialistas ? Una femna del nòrd... contra la representativitat lemosina (donc occitana) al Parlament europenc.

Prepausi un cambiament de títol per aqueste partit, al Sud de Belgica, Partit Socialista Nordenc donc partit dels socialistas franceses.

Lo setmanièr Marianne prepausa un document sobre l'usança de la moneda dedicada al còst del bilhet de cinèma. Lo dorsier explica que lo bilhet es car. 

0 % per l'occitan

Quand se gaita la premsa parisenca, çò de segur es que se fóton de las lengas e d'una politica per las lengas, lengas sovent parladas pels clients parisencs de la premsa parisenca.

Quand se va al cinèma, çò de segur es que lo mitan del cinèma francés se trufa de la lenga que s'emplega al cinèma. Per astre, un sistèma de sosten al cinèma existís, lo sistèma agís de manièra nacional-expansionista.

Quand se va al cinèma, las lengas emplegadas son mai sovent l'espanhòl, lo francés o l'anglés, gaire lo basco, lo catalan, lo breton, l'alemand alsacian, lo picard, lo còrse, lo savosian, lo francic, lo flamand, los creòles e encara mens l'occitan.

Puèi es pas encara acabat :

1 / i a dificultats d'aver locutors d'occitan, puèi scenarii que prenguèssen clarament lo punt de vista occitan, punt de vista universal ! Universal car geograficament installat en Occitània, per sa lenga e per sa pensada.

2 / i a un sosten al cinèma dins los Conselhs Regionals donat sistematicament a la pensada parisenca puslèu qu'a la creacion locala (sovent de baissa qualitat per aquesta rason meteissa), sobretot quand la coprod arriba per la France Télévision.

3 / i a un public quasi absent, (çò que pròva al mens que l'ensenhament facultatiu de la fin del XXen sègle es pas aquí per salvar las lengas), quand lo cinèma fa l'esfòrç lingüistic, e la venda de DVD es redusida.

4 / l'abséncia de TV -productriça- que posquèsse dinamizar l'ofèrta e modular la pensada unica parisenca... que vira filme en regions occitanas.

5 / l'abséncia de politica lingüistica al nivèl europenc, abséncia o leugerietat d'aquesta politica. Los Estats governan encara l'Union Europèa, pas los pòbles. La darrièra manifestacion catalana a Brussèllas ne faguèt la pròva admirabla e pacifica (contrariament als Estats maquiavelicas coma França e Espanha, als Estat que sostenon la creacion cinematografica...).

6 / l'abséncia de pensada plurala dins los caps parisencs [95 % dels mèdias e dels cinèmas franceses se pensa a París], levat per ne far una antropologia editoriala.