Un site que se melhora en 2008 per 2009, Aquò d'Aquí :

Puèi ara podètz començar l'annada per aprendre lo basco, en cançon, (la compreneson es pas la prioritat), panat al Parpalhon :

820en aniversari de la conquèsta dels Dreits Democratics Mondins, DDM, 1209 serà l'annada de l'arribada de la debuta de la desfèita occitana... desfèita que legissem cada jorn sobre papièr.

Dempuèi una cinquantena d'annadas mantunes pensan nos fa creire que DDM vòl dire Dépêche Du Midi, quina engana franca ! Lo sapient saurà que

los DREITS DEMOCRATICS MONDINS son los D.D.M. de sempre.

Do they well-manage the language of the venerable power of París, the power they like at the DDM folkloric old-sheet-of-paper ?

La francofonia avança, espetat de rire [edr], encara un exemple bondat d'espèr : "exclusively in english", mercés a C.Faure e L.Téot de m'aver mandar aiçò ! L'annada debuta plan, pels franceses ... Benlèu que van pauc a pauc debutar una compreneson, una reflexxion sobre la diversitat lingüistica, pertot e quitament a París, mas pas per desvolopar un nacionalisme lingüistic sobre los occitans, bretons, alsacians, còrses, bascos, catalans, savosians, creòls, kanaks, etc. mas per pensar la diversitat per totes/as e primièr dins l'Estat francés, pel poder parisenc e son administracion reticenta.

Sent by : MF CONGRES, 8 rue Tronchet, 75008 Paris, France ...

FRANÇA : ...

from

Petite tronche sans DDM !

Ai entendut lo 19 de decembre, 20:30, sobre France Inter :

«il y a plus de panneaux anglais à Paris que de panneaux allemands pendant l'occupation»

Benlèu que lors podrèm vendre atalhièrs, perdon "workshops", per crear una politica lingüistica pel francés e las autras lengas minorizadas pel (novèl anglo-)colonialisme parisenc ? Sembla que, pel moment, mantunas annadas aprèp aguèssen pas comprès aiçò o aiçò :

cambiar lo monde ! ◙

Puèi, vaquí un grope que sap emplegar un catalan modèrne ... aquesta modernitat m'agrada !

Incredible PlowshareBand !!

Mas tòrni sempre a la musica basca : simpla, gaujosa e nacionala.

Farai una cronica localista, benlèu que s'en anirà bravament mai luènh ...

Milh, milhòc, milhoquèra : es aital que Nadau cantava la sobreproduccion gascona pel blat d'Espanha, cantava l'excessiu en matièra agro-economica, sobre l'agro-produccion qu'es devenguda un problèma de consciéncia amb la creacion del OGM... La filosofia sul tèma de la creacion umana es ara tocada ; es que l'òme es d'aqueste monde coma un clau de la cadena de l'ecosistèma o es que l'òme n'es lo jutge ?

Çò qu'es de l'agro-produccion excessiva, perqué seriá pas d'aplicar als bastiments ? La cançon occitana a pas cap fait lo paralèll, benlèu perqué èra pas un problèma agrèste ! Zo cal sotalinhar ... car los creadors occitans an plan agut 15 annadas per ne far cançonetas !

Uèi n'en farai una croniqueta sobre lo tèma : casas, garatges, casètas, autorotas, parcatges, rotas, casòtas, garatges, casonetas, ... e aeropòrts !

Quand lo bastiment tot va pas plan, tot va : mas per quí ? Lo país occitan ne patirà !

Casas, casetas, casòtas !

Es aital que lo fenomèn es lo meteis per Aran (e Principat de Catalonha per extension), e la Val d'Aran, me soveni una clavaire de comuna de Es Bòrdes que m'explicava que los ostals que fan sobre l'entrada del vilatge, son pas encara acabadas, mas s'i cerca proprietaris ... E lo dobte planava, mas cap mèdia qu'i passava pendent Occitània a pè n'a sortit un questionament, èrem a la debuta de novembre.

De l'autre costat de la frontièra espanhòl-francesa, se podrà tanben notar que la malautiá de l'«agéncia-immobiliarita» es deguda tanben a la causa immobiliara anglesa coma zo explica l'article precedent, gràcia als vòls de baisses còsts que nos arribavan pr Brageirac, Pau, Carcassona o Girona.

Totes aqueste monde nos arribavan gràcia a programa de television, e als sistèmas dels subprimes a l'anglesa o a l'espanhòla, la TV «pornò-immobiliària» :

Me soveni tanben d'aver entendut una convèrsa entre un menaire de bus e una Galliciana, entre Esterri d'Àneu e Vielha, que fasiá un comentari sobre la manièra d'arcuèlh dels Araneses (e dels catalans en general) comparat a l'arcuèlh dels franceses. La femna que trabalhava dins un òtel, fasiá l'elògi de l'arcuelh aranés (espanhòl donc dins son cap) comparat a l'arcuelh francés... La parladissa de bus pòt semblar a la parladissa de bar, mas èra un rasonament popular que cal plaçar en parallèl amb l'engana financiària que l'internacional a portat.

Los Franceses se son sempre mesfisats dels Angleses, o Anglosaxons (car sábon pas destriar dins las Isclas Britanicas), las criticas sobre l'internacionalizacion de las valadas pirinencas son alara d'un autre resson ecologic ... e en val de Garona, los «Franceses», malgrat tot, seràn enganats pel sistèma financièr anglés, que perdurarà de moment que serà pas integrat al sistèma de l'€.

De Gaule aviá encara rason : Los angleses devon causir, èstre dedins o fòra, totalament o pas...

Lo darrièr moment d'aqueste viatge d'estiu en Aran, ai agut de remarcar tanben las pancartas dels abitants de la val de Garona que crídan per una accion dels elegits. Es que ne son capables ? Es que se ne vòlon d'una capacitat ? La question es realament pausada de cada costat de la frontièra, frontièra aital revelatritz del i-a-quicòm-que-truca, e sobretot per una economia europenca, qu'es bravament continentala amb un politic absent al nivèl europenc...

2009 votarem pels deputats europencs.

E apondrai una informacion sobre dos libres pareguts en francés, sul tèma de l'economia, la finança e son usança. Al mens sabem qu'avem unes cicles en economia, coma en pensadas economica e filosofica...

«[...] J'ai vraiment honte d'être Français.» dixit lo paire de Julien Coupat, cette phrase est entendue sur iTele, et elle est censurée sur France Inter. [Tdg : « [...] ai vergonha d'èstre Francés.» e aital s'acaba l'entrevista telefonica del paire sobre iTélé, es la meteissa entrevista entenduda sobre France Inter, mas censurada].

Lo poder UMP aurà creat la confirmacion de l'argumentari del Alain Badiou dins son libre «De quoi Sarkozy est-il le nom ?», es ben un Estat petainista, qu'emplega lo sistèma judiciari per empresonar los locutors d'opinions politiques (escrichas e publicadas dins un libre distribuat dins l'Estat francés, quitament se pòdon semblar dobtosas, lo dreit d'expression existava).

Aital l'amiga Yldune Levy e Julien Coupat son los novèls presonièrs politics de l'autoritat francesa, son presonièrs politics, pels dels novèls reis de l'Estat francés, en vacanças oltra-mar, e qu'an daissat la basquesa «trabalhar». Es pas una nòva que l'Estat francés èra pas democratic, ara n'avem una confirmacion, donc dins son actualitat, un còp de mai.

La lista dels presonièrs politics bretons, còrses, bascos, es aital alongada per ciutadans franceses ! L'esquèrra francesa n'es tanben responsabla, l'esquèrra de governament. L'UMP ajuda aital l'extrèma-esquèrra (o supausada aital) de pujar dins los futurs vòts, coma l'esquèrra francesa aviá jogat amb lo vòt extrèma (o supausat aital) FN o MNR...

Devath una publicitat d'AREVA sul site de Libération.fr, ai pogut legir l'informacion següenta :

Aqueste empresonament, dona un rebat politic a Julien Coupat, rebat que segurament auriá jamai agut sense l'ajuda de l'UMP !

Podètz apondre comentaris sobre lo site de Libération.fr. Vos convidi donc al concèrt de sosten als inculpats e presonièrs politics de l'afar de Tarnac, al mes de genièr. Ai recebut l'informacion de la data amb los vòts de Cap-d'an de La Talvera. La serada de sosten serà cauda !

Dins las condicions per la sobrevida de la vinha en Lengadòc, i a una autra usança del produït, lo rasim es tanben una causa sense alcòol... A Narbona, en seguir los estudis de l'INRA sul tèma, an prepausat en 2008, un estatgi amb lo suc de rasim.  Ai pas seguit, s'i a unes Internautas que l'an fait, m'interessa d'o saber.

-°-

E uèi a Tolosa, nèva !

La circulacion automobila es pas tocada, vist que nèva sonque dempuèi la miègmatinada.

1788 se podrà comparar amb 2008 ?

En 1788 nevalhava ... Rescalfament o astrada de l'annada ? O vision metaforica de l'ivèrn dins un monde agrèste ? N'en sabi res. Dins lo campèstre, la laura èra tanben daissat de costat amb un temps gelat, l'unica enèrgia per calfar la populacion es lo vestit, vestit qu'es devengut folcloric al XIXen sègle, e que los gropes folclorics occitans ne fan encara usança per explicar la cultura occitana agrèsta. La fusta es riala per poder calfar normalament los ostals.

En 1788 los teulats pòdon èstre absents, alara la nèu s'amolona suls teulats e dintra dins las granjas. La pauretat s'exprimís sobre la gravadura oficiala. Las familhas nombrosas sortísson al moment qu'un personatge important arriba al vilatge, notorietat o obligacion, representacion del rei en país per donar als borgeses en vilas insotmesas ? Comunicacion e/o manipulacion ? Lo tablèu es aital un mejan de comunicacion del ròtle del rei dins la societat sancièra e de representacion economica per l'ensemble de la societat. Uèi lo rei-president se desplaça amb la premsa e lo personal adobat, sense cap possibilitat de parlar realament amb lo pòble.

En 1788 la majoritat dels pòbles de França èran de païsans, lo rei lor podiá parlar per bontat capeciana, amb una classa dirigenta, elonhada en darrièr [veire la gravadura o pinhada]. En 2008, per evitar los accidents o/e malvesenças, las barrièras son de la color d'un país ennevat en 1788 ; 2008, los ministres, lo primièr ministre e lo rei-president s'en van en vacanças dins païses que los coneisson pas.... las populassas.

En 1788, lo rei comandava la gravadura ; en 2008, l'imprimariá es una aisina de color e qu'es a portada de tot movement politic. La television es pel poder en plaça, e lo pòble paga la redevança sense repotegar sobre los salaris dels animators !

En 1788, lo rei passa en país, tal que lo nòstre rei-president passa en regions, e las populassas li fan lo plaser d'anar lo veire, e lo saludar, es lo poder... lo representant de Diu sobre Tèrra ! En 2008, lo rei-president es lo chequièr per las subvencions.

Avem a l'esquèrra una gravadura dels tempses que lo rei las comandava, e del costat dreit avem un fòto panada a una novèla plaça que se sona d'una medalha de la republica, a Tolosa. I podem veire un panèu d'informacion, en francés en Occitània, sus l'obratge que se farga e una afica politica qu'explica, en francés, que «lo capitalisme es falhida, los rics se devon pagar la crisi», devon pas far pagar als paures las errors de lors comptes financièrs, alara que la rendabilitat de lors comptes financièrs èra aleatòria e sobretot mesurada sobre la produccion dels paures e las resultas entreprenarialas, sobre lor esquina e lor malvivença economica (es la situacion de 1788).

Quitament en 1788, los govèrns sabián que de capital n'en cal per bastir un Estat... Aquesta vision del capital coma lo drac òrre que cal fugir, es una error economica ontologica, una error politica. De capital n'en cal per bastir una entrepresa de capital privat, coma per bastir una estructura d'Estat, un Estat centralizat encara mai !

La lista dels personatges que son estats tocats per la crisi financièra, es longa e diversificada, avián totes de capital qu'anávan plaçar a la Borsa de Wall Street, perqué aquí e pas en Euròpa ? La lista dels personatges tocats per l'enganaire Madoff coneissián aqueste camin de Wall Street, la lista aquesta es puslèu dels mai rics d'aquesta planèta e près dins lo camp dels josius d'aquesta planèta, majoritariament; la fisança d'un comunautarisme es estat una engana per una classa sociala d'aqueste grope comunautarista e mondializat.

La Borsa s'es alonhada dels centres de produccion, aital lo poder central francés a jogat de l'informatizacion per centralizar las Borsas, mas aqueste centralisme borsari a debutat fa un briu ; quí se remembre de la Borsa de Cáurs ? Quí se remembre las Borsas de Tolosa, Bordèu, Lyon, etc. ? Se cal remembrar la guèrra de la borsa parisenca contra ERIKOA... Elonhar las decisions economicas o politicas dels pòbles es lo principal trabalh dels anti-democratas, reialistas o republicanistas.

Se podrà confirmar qu'un Madoff es elonhat dels pòbles, es una evidéncia economica !

Es que la comunautat josiva e rica farà pagar als pòbles mondials, qu'a acceptat l'elonhament dels centres de decision a lor profièich, farà pagar la fisança enganadoira qu'a donat a un Madoff ?

Es que los pòbles de França, en 1788, faguèron fisança al rei que la bontat èra imcomparabla dins l'Euròpa del temps ? Mantunes borgeses al poder en 1791, li an copat lo cap ! La version aquesta es aquesta de los que creson qu'un rei es melhor que la republica per la gestion d'un Estat... L'estampa aquesta es estada sortida de la revista Marianne e causida per Le Roy Ladury, ben conegut per sas visions politicas reialistas pels poders europencs. Mas la bontat es ben una engana dels pòbles ; per fauta d'una politica de govèrn que portèsse una solidaritat entre totes los ciutadans, la bontat es la sola escapadoira per pas matar un pòble... La bontat es lo rebat de l'abséncia de politica sociala per un pòble (en 1788, èran mantunes pòbles dins lo reialme de França, l'Estat de capecians, l'Estat de Loís XVIen).

La bontat ...

Vesem dins lo panèu següent que la bontat economica farga una bastiment nòu per Tolosa, seràn burèu mal comòde per i viure, seràn burèu fòra de la realitat econolica que cal fargar per una novèla societat respectuosa de la planèta, son bastiment Bouygues, lo novèl borgés de l'Estat actual... amb un rei que disem president.

Bontat ...

L'avem elegit, per bontat ? Per la bontat del rei-president, la moneda per la crisi serà per las bancas, e pauc pels mai paures ! Es decision de la classa borgesa de Neuilly/Seine, aquesta que legís mai sovent Le Bigaro o Les Échos. Nos an fargat d'autras lecturas per explicar coma cal suportar la sotmission : Libération e La Tribune, La Croix e Le Parisien. Per bontat devriam pensar que lo nòstre monde es plan fait e que cal pas voidar la taula sobre que sem a discutir.

Bontat ...

Uèi, jorn de Nadal, lo rei d'Espanha [los monarcs se semblan totes !], d'aquestas familhas qu'an governat en Euròpa pendent sègle e sègles, explicava que son -es ben sa proprietat !?!? Mercé a Franco e l'armada espanhòla- Estat es aquel de la diversitat, e qu'es una nacion, en contradiccion ambe totas las definicions que l'istòria del mot e mantunes diccionaris europencs pòdon portar. Lo poder d'enganar existís tanben aquí, dins las piadas del poder borbonic.

Es que devem suportar, amb bontat, l'enganadoira ignorança dels poders (politics e economics) per contunhar aital per la societat del futur ? Es que lo pòble dèu èstre encara dins l'ignorança ? Lo poder -central o reial- zo preferís aital, sem luènh de la democràcia esperada amb la republica.

Los pòbles de França, entre 1788 e 1791 ne decidèron d'un autre biais, en Grècia tanben, e uèi. Los pòbles de França èra submit al poder reial ; de subjectes de sant rei, escolhit pel Vatican e son ecclesia, son devenguts actors de lor vida publica, son devenguts ciutadans... La primièra data que cal reténer es lo 14 de julhet de 1789, 1790 èra la primièra fèsta «de la federacion», los Dreits de l'Òme èran traduïts en 7 lengas, lo rei èra pas encara sul camin de la guillotine - per bontat dels pòbles revoltats ? Es que la bontat pòt durar longtemps ?

La bontat es pas una politica.

Las peças de moneda quina que siaguèsson las colors, alara que son los viraments bancaris de miliards d'€ o de $ o de £ que fan lo capital per crear, las peças de monedas son pas una politica.

Per tornar als documents prepausats : lo grís n'es la basa de la color. La misèria es clarament donada dins lo primièr, la misèria serà dins lo segond, e n'en podem èstre segur, vist l'urbanisme causit.

L'utopia es una filosofia politica que ajuda de pensar que : i a quicòm que truca sobre aquesta planèta, e pas simplament al nivèl ecologic.

Decembre 2008, passem a 2009... Serà encara l'ivèrn per l'aprosmat genièr.

L'actualitat portarà pensada per un futur occitan ?

La presentacion d'aquestas situacions novèlas [Estat per Estat] es estada faita amb grand interès per La Croix, dins los dos darrièrs numèros, cal remarcar que los Estats presentats son totes d'un Espaci e d'una populaicon bravament mens importanta qu'Occitània; caldrà destriar qu'an los dos una lenga oficiala qu'es bravament mens parlada que lo simple occitan mesprezat uèi, mas els an televisions, jornals, ràdios, leis pròprias, Dreits pròpris, diplomàcia, moneda pròpria, etc ... La lora lenga es alara parlada per mens de 2 milions de ciutadans.

Aprèp se podrà platussar de faiçon occitana la situacion nòstra e la nòstra incapacitat d'organizacion pròpria per poder existir coma aquestes Estats independents o autonòmes, e aital -coma per un- d'aver dreit a un comissari europèu ! Nosautres avem besonh de pregar París que nos volguèsse ben considerar, per aver las ajudas europencas que de temps en temps los prefectes franchimands oblídan de demandar...

Caldrà destriar tanben l'usança assegurandoira qu'es l'Union Europèa, per un dels pichonèls Estats presentats, e la critica de l'ultra-independentisme dins Estats islandés.

Puèi, caldrà notar tanben que l'extrèma liberalisme europenc a consequéncias grègas e grèvas... Mantunes se son pausats la questions del còst del Jòcs Olimpics en Grècia [«lo pan e los jòcs» per un pòble liure es benlèu pas la solucion tanpauc, es qu'es la solucion per un pòble mesprezat ?], quí los a pagat ? Sembla qu'es la jovença grèga. Grècia es tanben un pichon Estat europenc, de superficia mens importanta qu'Occitània...

Dementre aiçò, lo govèrn francés pòrta son essencia al nivèl internacional, la venda d'armas... Dassault es cònsol UMP de la region parisenca [la democràcia francesa se crompava coma dins unas colonias europencas d'oltramar], es tanben un grope de premsa e donc un dels grand fabricant d'armas. Lagardère, Bolloré, etc... Es tot parier; e coma per «astrada» son amics del nacional-UMPisme, del grope d'interès judicial de la ciutat de Neuilly/Seine.

Alara, lo pòble occitan collabòra amb França, e donc amb l'inumanisme francés.

Un camin politic autonòme es ara de mai en mai necite per Occitània, quin camin ? Es pas a un blogaire d'o dire... sense tocar a la decision collectiva que se dèu bastir al fial del futur nòstre.

De tota manièra, pauc impòrta l'origina, l'important es de l'emplegar ; lo problèma lingüistic damora pas dins l'origina d'una lenga, damora dins son emplec, oficial, e permanent, de sa dignitat d'aisina de comunicacion dels sabers umans ; lo problèma lingüistic damora dins una pensada lingüistica colonialista francesa e espanhòla, un bonapartisme e jacobinisme de cada bòrd ; e, aiçò ne sabem l'origina : Madrid e París, e benlèu un pauc lo Vatican.... 1209 èra la debuta del colonialisme francés sobre Occitània, puèi vendrà los autres parçans de l'Estat francés de uèi.

ETCHAMENDY Arnaud [1935-] Nascut a Esterençuby. Aprèp d'estudis secondaris en çò dels Benedictins de BELHÒC, ambe en man un Bac A seria classica Grèc-Latin-Francés-Basco-Espanhòl, perseguís mantunes estudis superiors d'agricultura (ingeniaire de l'Escòla Superior Agricòl de Purpan) e de Sciéncias politicas (IEP de Tolosa, opcion economia). Aprèp 2 annadas passats al Senegal (risicultura), farà un ensenhament en sciéncias agricòlas dins mantunes establiments. En tornar al País Basco dempuèi prèp de 40 annadas, a pas jamai aturat de se questionar tant en l'agricultura (ortalisa) qu'a la ... cultura (escrivan e compausitor en lenga basca e, mai recentament, Docteur es lettre moderne de l'Université de Pau e dels Païses de l'Adorn).

E dementre aiçò abandona las intervencions d'Estat en regions occitanas... segurament per solidaritat bonapartista ? Aqueste govèrn es de mai en mai impressionant!

Roselina s'aucupa dels ostalòts a 15 €, podrà pas s'aucupar del tot, e de sa comunicacion, vist la longor de son ministèri !

E pel moment nòstres elegits son a mendiquejar a París, las causas que París es pus capable de gerir ! De mai, París dona pas las estructuras que cal a las regions per portar una gestion publica normala [finança e legislacion particularas], tala coma dins los autres parçans d'Euròpa, lo continent.

La fauta dels ciutadans, perqué ?

Perqué van pas demandar lo programa als candidats pendent las campanhas ! Perqué van pas a las reünions per demandar la paraula pendent las campanhas ! Perqué ? 1 - Perqué son estats tocats per las 101 prepausicions jamai aconseguidas al govèrn ! Perqué ? Perqué lo programa èra estat un montatge politic de tecnicians de la negociacion entre partits e de las sciéncias politicas francesas, elonhats de las realitats e donc impossible d'installar al poder. 2 - perqué se lor dona pas la paraula dins las aulas pendent las campanhas, perqué ? Es complexe mas la responsa es pas simplament del costat dels elegits, es tanben del costat dels sabers sobre las institucions emplegablas per la democràcia actuala. Los ciutadans son pas pecs, an simplament una memòria politica, contrariament als militants dels partits...

La fauta als militants dels partits concernits, perqué ?

Perqué los militants dels grands partits franchimands son pus gaire que foncionaris o ancian foncionaris del sistèma... e pus lo rebat de la societat sancièra ! Los militants son pus independents dins los partits, se sona clientelismes partesans, i a pas simplament en Corsega !

La fauta a la fauta de renovelament dels partits, perqué ?

Perqué lo sistèma politic prepausat es conservador ! Es un sistèma que valoriza sonque l'abéncia de saber suls candidats, e que favoriza la partidocràcia, eleccions a dos torns, amb l'abséncia totala de proporcionala e d'una Parlament sense contra-ròtle real del govèrn, sense utilitat reala. Puèi un sistèma electoral local conservador tanben, sense possibilitat de discussion parlamentària als Conselhs Regionals o Conselhs Generals, encara mens dins los Conselhs Comunals o Conselhs d'aglomeracions (pfffsss!).

La fauta tanben del sistèma mediatic, perqué ?

Los ciutadans son prèstes d'entendre totes discorses [cal far fisança], los cal al mens donar a entendre a l'antena ! Coma far dempuèi París, per zo far ? La causa es evidentament impossibla; per contra se los mèdias televisuals locals existávan, la causa seriá potenciala; lo centralisme del CSA e de sas autorizacions páusan realament un problèma de democràcia televisuala. Aquestes centralismes es volguts pels govèrns jacobins en plaça, per sempre governar dempuèi Versailles o Neuilly/Seine.

Esperem que lo lutin tolsan nos podrà portar un programa per las eleccions venentas, e que los ciutadans aniràn veire sa vida reala.

Nicolas Sarkozy es ben estat causit pels militants de l'UMP, non ? L'UMP aviá pas d'autras solucions qu'aqueste atrapadinèir ?

Es que un Lionel Jopin que diguèt : «lo govèrn pòt pas tot far» al pès dels licenciaments de Michelin; es pas un òme de poder tanben dins la meteissa dralha politica, dralha d'abandon del poder popular autrejar pels vòts democratics.

Personalament votarai pus ni per l'un, ni per l'autre, tant que serai forçat de pensar que cal tornar reviscolar la Révolution Française e son instrument major la guillotine. La guillontine non pas pels criminals, ni mai pels dròlles de banlègas, ni pels estudiants pistats per la polícia francesa e sos «rensenhaments» [coma zo pòdon estimar los amics del FN o de l'UMP], mas pels arganhòls que Gérard Filoche ne fa la descripcion, dins un sistèma de justícia que siaguèsse pas republican, mas popular.

-°-

Dins l'actualitat que m'interessa gaire de còp que i a, mas ara cal notar un quicòm ... una precision a l'adreiça dels/las ciutadans/anas e dels jornalistas : PAÏS = OCCITÀNIA !

Lemosin, region d'Occitània, per ajudar a entendre sa localizacion, una mapa serà utila. Es una mapa lingüistica e pas la mapa de l'administracion francesa republicana, nimai la mapa de l'istòria folclorica del Lemosin, del tempses dels reis, ducs e viscomtes. Es donc un mapa que la sociolingüistica a estudiat l'espaci. Lo Lemosin lingüistic es a caval entre cinc regions administrativas francesas : Centre [~1%], Limousin [~67%], Poitou-Charentes[~3%], Aquitaine [~15%] e Auvergne [~14%].

Los sòls tocats per l'afar de l'uranium per las centralas nuclearas francesas es al centre-nòrd d'aquesta zòna lingüistica, sobre la linha de logistica rotlièra entre l'èst e l'oèst de l'Estat francés. Es un luòc estratègic francés de primièra importança.

La Pèira Levada vos donarà tota l'inquietud que cal pel Lemosin... e per l'usança que França fa d'Occitània. Vos explicarà los problèmas environamentals actuals que pausa lo nuclear a partir de la destabilizacion de l'uranium, e alara la creacion d'una pollucion millenària, dins un país e per las daissas d'aquestas minas. 

Se volètz saber qu'es lo radon en França [Estat francés], picatz aquí o HSN-info o Indymedia.ch, e ben segur la propaganda francesa, sense oblidar lo ròtle particular dels elegits locals per far engolir la potinga de l'Estat-ben-pensaire-pels-pòbles-sotmetuts.

Lo contra-exemple occitan podrà servir de modèl al Niger, per AREVA es ÒC [lo site es pron professional e precís per la vòstra coneissença umanista], e tot parier pel pòble Toareg !

-°-

Per los que dóbtan del  ròtle dels prefectes, vaquí un autre ACTE prefectoral contra la democràcia en Euskadi, mercés a aquestes actors del poder centralista, parisenc, de nos bailar las pròvas de anti-democràcia que fórman part aquesta categoria de ciutadans diches republicans:

Los comentaris aponduts al tèxte son del Godilhaire.

Escriure aiçò me sembla important, mas que fasètz personalament per vòstres desplaçaments ? Car es plan d'escriure, de pensar, de platussar... quin es la vòstra accion sul tèma ?

- prendre lo tren amb reservacion es apondre al sistèma...

- prendre lo tren TER es pensar que lo tren serà sempre en retard, bondat, malbiasut, per mantunas rasons qu'ai jà pogut escriure sobre aqueste site. Las rasons existísson car l'Estat a daissar càder la SNCF e aiçò dempuèi que i agut nacionalizacion en 1936 de totas las linhas privadas. L'Estat es pas un bon proprietari per un servici public normal. L'Estat es de tot biais ontologicament contra los pòbles de França, dempuèi la revolucion francesa e los massacres nacional-expansionistas de 1793.

- prendre la man dels politicians perqué se decidèssen de crear una entrepresa regionala de servici public per abandonar la SNCF ? Es segurament la sola causa rasonabla per saber ont anirà nòstre argent public e que servirà realament al ben public, al ben del pòble occitan. Es la solucion causida per las granda aglomeracion d'Occitània : quand serà la solucion d'una federacion occitana de Conselhs Regionals ?

La pensada de l'UMP es ben donc una logica d'un Estat centralista, malgrat tot los collaboradors que pòdon aver en país occitan; ça que la, se podrà aver una logica de pensada diferenta dins partits qu'an la pensada centralista ?

La fidança (hidança) es una causa importanta per un mercat, pels escambis comercials, per las nòstras produccions occitanas e sas consomacions ; lo capitalisme, e l'Estat francés assegura al capitalisme un bon mercat, jòga dins aqueste sistèma d'escambis liberals sobre nòstra fisança dins l'economia, ça que la, l'economia es la gestion personala de l'ostal (etimologicament).

Vaquí mantunes documents qu'amerítan tot lo vòstre interès :

Quand lo director d'eco-emballages es sortit del cap del servici que gerís l'eco-embalatge, que cal pensar que l'Estat francés donèsse son administracion a un Estat dich independent que se sona Mónegue ?

Perqué Mónegue se paga pas directament son administracion ?

Coma podem aver fidança a un Estat que nos pressiona de las taxas per pujar la moneda al poder aprisenc, qu'emplega aquesta pression per ajudar a la gestion d'un Estat-paradís-fiscal !

Es que podem encara pensar que l'Estat francés es un Estat de las solidaritats, de la reparticion del trabalh fiscal del "Trésor Public" (sa banca), que seriá contra la fauta de solidaritat entre las regions que demándan mai de poders legislatius contra lo poder amoral de l'Estat, e l'Estat es pas aquí per fargar una justícia sobretot quand es estat bastit per bastir un mercat, primièr pel rei, puèi per una borgesiá parisenca... mas pas pels pòbles (veire lo bilhet següent).

De que cal pensar d'aquesta administracion d'Estat centralista que s'amaga devath lo bureucratisme per frenar la gestion pel pòble de sos Dreits de govèrn, en Occitània per exemple.

Aiçò de Mónegue es una causa, mas se cal recordar que per la nacionalizacion (atribucion a l'Estat) d'Elf Aquitaine l'Estat a amassat una entrepresa, tal un panatòri d'occitània, puèi l'a liberalizat pel mercat internacional, es devengut ara Total-Elf-Fina, una multinacionala que se fa las caussetas bonas del mercat mondial del petròli, mas pas al favor d'occitània, mas dels avocats al poder a París-Hauts-de-Seine, gaire mai, avocats que sabon los camins de Mónegue, e coma los camins de Roma, son monbroses, sobretot quand l'administracion de l'Estat francés ajuda Mónegue de totes los baisses que pòt....

L'Estat francés desruina Occitània

dempuèi sègle e sègles.

Ai emplegat dos diccionaris francés/occitan : lo Cristian Rapin e lo de Per Noste. Lo diccionari occitan / catalan ajuda plan per aver las prononciacions foneticas, mai tanben que sobre la meteissa pagina de Conflicte e puèi Filtracion, i a lo Fisc ! (edr)

E donc, malgrat aver una vision democratica, soi contra l'organizacion republicana o reiala dels afars d'Occitània per l'Estat francés.

Se pausa sovent la question de son budgecte, e doinc de qué pòt servir. Ai trobat la solucion dins un article apregut recentament, a prepaus d'una marca que devendrà famosa "PARDON!" ... una marca "PARDON!" que sap dire perdon, aviat. Perqué donc ? Es que la justícia a la sabata sufís pas al naut personal de Neuilly/Seine ? Li cal castigar fisicament tanben ?

LO PERDON DE "PARDON!"

O

LO VIELAN "PARDON!" CASTIGAT ?

Lo senhor castigava sa populacion quand se li fasiá dòl ... o que pagava pas la talha, quand, de còps, que i a l'agradava pas, per sas maièra o per sas pensadas. Èra lo temps que los reis de França, èra descendents autriacs, italians, espanhòls, etc... La noveltat es qu'avem ara un rei-president ongarés maridat amb un italiana (aiçò es pas novèl que nòstres reis anguèssen quérrer en Itàlia la "ben aimada").

Lo perdon de "Pardon!" sufirà donc pas per que la justícia acaba de trabalhar pel poder central, estimat poder que sap emplegar los servicis dels burèus d'avocats de Neuilly/Seine e que sap aital desvalorizar la justícia dicha republicana, se podrà pus dire qu'es aital republicana ! La justícia reiala a donc condemnat un manant. Lo manant aquesta es pas un pacant, mas a pecat ! A pecat en santa imatge senhoriala, perdon "pardon!", en santa imatge presidenciala republicana francesa.

manant : [...] 1. (1287) Al edat mejan, Abitant d'un borg o d'un vilatge e, especialt (per oposicion a borgés), roturièr tocat per la justícia del senhor. -> vilain [vielan] «Des esclaves en fuite, des manants révoltés, des bâtards sans fortune, toutes sortes d'intrépides affluèrent sous son drapeau, et il se composa une armée » (Flaubert, «La Légende de saint Julien l'Hospitalier»). [...]

Es una confirmacion que nòstras taxas servísson pas sempre a totes los ciutadans, mas simplament a una pichonèla categoria, per damorar al poder. E la justícia, amb bèla propaganda, daissa foncionar lo sistèma, pel privilègi de quí ? donc...

Li conselhi de servar las sacas e de los vendre al encant, e de gardar los sòus per pagar las talhas qu'aniràn ajudar lo rei-president e sa femna a pagar los avocats de Neuilly/Seine.

Li conselhi d'o far amb lo maxímum de publicitat, encàs que la justícia francesa volguèsse encara trabalhar, car sembla que li fauta d'activitats seriosas.

Tribuna informativa a l'atencion dels franchimands, aquestes que son en país nòstre e los de París.

Messatge a CANAL +

e l'ignorança francesa !

Dins los Estats normals, coma per exemple un Estat federal europèu, un Estat confederal europèu, o las vertadièras democràcias, l'idèa de dintrar la lenga dins la Constitucion de l'Estat es una idèa de dreita. Dins las autonomias, es l'expression d'una proteccion contra los centralismes «democratics» dels impèris colonialistas, anglés, italian, espanhòl, rus, francés, etc. Es que cal tornar escriure las famosas frasas revelatriças d'aiçò ? «soyez propres parlez français» «il est interdit de parler breton et de cracher par terre», «speak white», «hablo la lengua de l'emperio», o la caça dels regents d'Occitània que anávan veire los parents occitanofònes per lor explicar que la pichona escriviá lo francés matinat d'occitanisme e qu'aquò li portariá tòrt (1990 en Occitània), etc.

La caça a las lengas de França, o la caça de las lengas que son pas la lenga e lo lengatge del rei, es una idèa de dreita. Pensar d'aiçò se pòt oblidar es tanben una idèa de dreita. Pensar qu'aiçò a jamai existir es una idèa de dreita nacionalista francesa. Son idèa antipopulacions, antipòbles, antidemocraticas.

Gràcia a la DNA avem las Darrièras Novèlas d'Alsàcia, nos pòrta al Parlament alemand, Parlament expression del federalisme, d'un federalisme pòst-guèrra 39/45, nos pòrta l'informacion de Berlin.

Çò de pron francés es d'aver revelat la frasa dels Alemands que pòrtan un nacional-etnisme alemand gràcia al nacional-expansionisme e etnisme francés ! Es un partit de dreita que pòrta lo messatge, normal; de qué sembla pas normal ?

Podem recordar que l'introduccion de l'article 2 de la ConstituTion Française es estada prepausada per un partit dich d'esquèrra, lo Parti Socialiste français, a un moment istoric que lo nacional-esquerrisme francés fasiá mòde dins lo personal politic aprosmat d'unes Chevènement, Gallo, Mélenchon, etc. Vesem reviscolar al entorn del PCF-NEP-LO-Parti-De-Gauche e mantunes elegits nacional-sarkozistas, la vision monoteïsta lingüistica francesa al XXIen sègle.

Recordem donc qu'èra en 1992, per la ratificacion del tractat de Maastricht, tractat qu'es estat la debuta de la desvolorizacion del vòt dels ciutadans de França, dins un contèxte de desvolopament d'institucions europencas desfavorablas a la diversitat nacionala e favorable als Estats centralistas e imperialistas europencs.

Al mes de mai de 1992, ai agut de recebre un document qu'èra previst per bastir la primièra politica en favor de las lengas [un tèxte dels deputats socialistas que votèran en contra un mes pus tard, contra las lengas de França en votar per l'article 2], lo "contra-poisson" republicanista serà desvolopat gràcia als amics del nacional-esquerrisme francés, arribem alara a junh 1992, amb lo vòt engimbrat per unes Lionel Jospin et Laurent Fabius (que devendràn famoses pus tard - de creire que serà lor faiçon d'arribar dins lo sistèma nacional-imperialista francés e d'èstre acceptat coma candidat a la candidatura nacional-republicanista francesa, d'un mesclum de personatges que podràn acceptar lor candidatura dins lo sistèma de partidocràcia francesa, sense aquò podián pas èstre adobat per la republica dels candidats a la candidatura, èra un adobament amagat als pòbles pel sistèma, contra los pòbles de França), l'esquèrra socialista èra majoritària al Parlament, lo vòt per l'article 2 es estat votat per l'esquèrra francesa e amb l'ajuda de la dreita nacional-liberala [UDF, RPR a l'epòca].

Èra lo temps de creativitat exponanciala e legala dels deputats que començava, qu'èra temps de tot botar en lei coma l'Union Europèu e son parlament explicava cada jorn.

Aquesta setmana, en Alemanha, la federala [tornarai dire que lo federalisme alemand es ges natural, es estat imposat per ganhador de la guèrra contra lo govèrn nazi elegit pels alemands abans la guèrra, una error dels pòble tal qu'es estat George W. Bush pels EUAN], l'adicion de la lenga alemanda a la Constitucion federala es una prepausicion del govèrn actual, balança entre la social-democràcia e lo social-cristianisme alemand. Mas sul tèma lingüistic, l'introduccion lingüistica alemanda es prepausada pel social-cristianisme, contrada pels deputats social-democratas.... Sem en Euròpa, una normalitat, o una anormalitat francesa.

Francament, la partidocràcia francesa es un autre monde ! L'engana es un autre monde, una autra planèta titolada de republica.

E un autre monde es possible, mas ne cal eliminar la pensada dels centralistas parisencas, madrilenc e la pensada de la dreita nacional-cristiana alemanda !

Gràcia al SPD podem notar que l'apondon lingüistic dins una ConstituTion Française es pas necessari per bastir una democràcia; lo jornalista francés exprimís donc un punt de vista nacionalista francés en revelar la frasa : «Les Français n'on pas eu de problème », Car francament es causa faussa, totalament faussa, sobretot pels jornalistas que son pas avuglats pel sistèma parisenc de pensar la politica.

Me sembla important de saber que la nocion de fisença, qu'es aplicada al sistèma financièr mondial, podrà tanben s'aplicar a un sistèma de Dreit juridic civil. Podem far fisença a una ConstituTion quand integra pas totas las lengas istoricament e ontologicament parladas dins aqueste Estat (se la question lingüistica se pausa per l'inscripcion del Dreit estatal per totes los ciutadans dins lor lenga) ? Podem aver fisença a las verduras vendudas per aquestas autoritats desligadas de las realitats lingüisticas de lor espaci de poder, o region d'aquesta planèta, d'aqueste regionalisme terrestre ?

Avètz aquí dos documents, un de la television del immediat e sense interès, e l'autre d'un jornalista de la BBC... La comparason me sembla tanben interessanta.

En rus, primièra lenga europenca (postat per un Internauta quer s'intitola "antipropaganda de l'oèst"):

E sense format :

Alara que escriure pels jornalistas es de mai en mai complicat, alara que los escrichs dels jornalistas son pas accessibles per las populacions [e pas simplament en Iraq], damora de lançar las sabatas... farà de ben al politicians ? Benlèu que òc ?!?!

Efectivament lo pòble american a elegit dos còps Bush, se podrà demandar quina es la causa rasonabla qu'ameritèt aquestas eleccions de seguida.

Uèi los nòrd-americans an elegit Barack Hussein Obama.

Se caldrà pausar la question de l'acte e de la resulta judiciària, anirà dins las presons bushistas ? O serà medalhat per la planèta per condemnar las votacions nòrdamericanas e donc l'existéncia dels Bush al poder de la "primièra" poténcia mondiala ?

Los articles de l'afar son interessants, legir la Libre Belgique, pel FUN de las reaccions !

Puèi vos aconselhi aqueste programa d'una television brasilera, que explica lo testament qu'es la sabata de Bush, entre Puntual e Pinto, l'explicacion amerita una conclusion originala (9 min), una explicacion reala de l'afar bushista en Iraq :

E la version corta, tanben es eficaça :

Ièu me demandi s'aqueste afar amerita pas un operacion Internet especiala, una operacion espaciala e especiala de sosten al jornalista iraquian, per la finala de George W. Bush, perqué aguèsse un recòrd de sa politica sobre aquesta planèta ... Se per encàs avètz sabatas vièlhas, las podètz mandar a la maison blanca, non ?

Quí a l'adreiça del George W. Bush ?

Fasem una operacion especiala ? Mandam las nòstras vièlhas sabatas a Georges W.Bush ?

"There's is much work to be done" : to send nikie's to G.W.Bush ? Send Shoes to Washington by post mail ?

Isn't it good enough ?

Avem un trabalh que damora, per solidaritat amb lo jornalista iraquian mandatz-li per la pòsta sabatas,  al texan G.W.Bush, coma testimòni qu'avem agut de sa marrida politica planetària.

Sètz estonat...

You do not know why ? Sabètz pas perqué ? Gaitatz aiçò e aiçò :

Zo cal destriar coma un eveniment per 2009, un concors internacional d'art conceptual que l'occitan i es pas fòrabandit, amai i es favorizat.

Es pas lo primièr organizat, es lo primièr presentat a Tolosa de Lengadòc. Es lo primièr amb volontat de promòure clarament l'occitan, especialament per la vídeo-creacion.

Lo ocncors vòl promòure l'illustracion dels espòrts pirinencs e la lenga occitana, tot en gaitar la creacion artistica e totes los supòrts potencials, snese oblidar l'emplec de la lenga occitana.

«8° CONCORS INTERNACIONAU DE CREACION ENA NHÈU»

Atau explica l'afica, d'en primièr ! Quin es l'institucion d'Occitània granda que gausa oblidar, d'en primièr l'emplec del francés coma a títol d'una manifestacion internacionala, quí ? Quí gausa per un festenal de Jazz de pas emplegar lo nom franchimand per l'anoncia de la manifestacion ? Quí gausa ? Quí gausa escriure en occitan lo títol d'un manifestacion cinematografica en Occitània ? Quí ? Quí gausa parlar de diversitat culturala a la sedença d'una poder regional quand la lenga occitana es visada e farga un títol SONQUE en francés ? Quí ?

Aquesta organizacion gausa emplegar dignament l'occitan !

Çò que manca pas per els d'emplegar lo francés, l'espanhòl e lo catalan ... car son per la diversitat lingüistica e la creacion artistica dignament dins los Pirinèus.

Gaitatz, l'afica e lo reglament del concors (reglament qu'es disponible en argonés, espanhòl, catalan e francés, picatz sobre las fòtos)... SNOW es en francés novèla mòda, mòda parisenca, BO per banda originala pirinenca, ART per l'objecte del concors 2009, las novèlas arts pirinencas.

Acában una presentacion a la premsa, pauc interessada [en francés e quitament en lenga occitana], a l'Ostal d'Occitània. Per ne saber mai, clicatz sobre las bases del concors, lo ligam dona una pagina en francés e en espanhòl, la pagina en occitana arriba.

Conselharai als creadors audiovisuals en Occitània e/o en lenga occitana de participar a aquel concors. I podràn participar tot ciutadan europèu, de lenga occitana o pas. Lo reglament del concors es plurilingüe, e los promotors tanben.

BO coma Banda Originala ...