Per saber las rasons de la manifestacion : vilaweb.tv

the Catalan Large Protest
la Manifestação Catalã

Katalanaen Manifestazioa

era Manifestacion Catalana
la Manifestation Catalane
die Katalanische Äußerung (Veranstaltung)
Каталонское Проявление

la Manifestación Catalana

Manifestació Catalana

 Perdon serà

LA

Jo m'agradariá d'èstre fièr d'un pòble que se desperta aital. Lo "dret a decidir" es un projècte politic clar.

E la resulta ...

Un amic m'a mandat mantunas fòtos e son d'aquesta manifestacion ... Se volètz me ne mandar d'autras soi preneire : joc(at)occitania.org.

Aquesta fòto es privilegiada car es lo meu punt de vista clar e precís.

"[...] Traïdora Constitució Europea [...]" (Traïdoira Constitucion Europèa) es especialament relevat. Quand França e Espanha emplegan l'U.E. per manténer l'imperialisme politic (o bonapartisme) es innadmissible que los pòbles siaguèssen pas consultats. Un projècte democrata es urgent per l'Union Europèa.

Notarai tanben que, coma França, l'UE nega l'existéncia digna dels occitans, coma nacion e coma lenga.

Serà un avocat de Montpelhièr que portàra França al tribunal ; aquesta avocat es estat pressionat per abandonar la seguida d'aqueste afar, aprèp aver donar la seuna adreiça, abandonèt tres oras aprèp aquesta publicacion, coma que l'afar agrada gaire en França. Un autre avocat serà causit per seguir l'afar.

Quand a l'Estat espanhòl se trapa un personal politic per criticar la gestion espanhòla al Principat de Catalonha, alara se manifesta contra Madrid.... serà lo 1er de decembre venent : la manifestaZió. La manifestacion es un acte democratic ; quand la premsa locala pòrta un punt de vista parisenc se manifesta pas a Tolosa o Montpelhièr, nimai a Marselha o Niça, encara mens a Lemòtges e Clarmont... Encara que .... Podem tanben trapar un uelhòt d'espèr dins la premsa locala tanben, la debuta del cambiament per Occitània ?

En Occitània [Quí bolega encara], se trapa pauc de resson dins la premsa per las pichonèlas criticas dels presidents dels Conselhs Regionals o del personal politic sus las incapacitats de l'Estat de gerir lo país nòstre [Occitània, un espaci del continent europèu]. La gestion d'Occitània se podrà pas far ambe la prefectorala e ambe lo pauc de mejan dinerièr dels Conselhs Regionals [causa gerida per l'Estat centralista e jacobin, e pauc respectats pels deputats que son aquí per èstre los joguetons del poder e pas l'instrument d'una democràcia]. Sem en mal estat per far viure la democràcia en Occitània.

L'argument amagat, conservador e d'extrèma esquerra, es que cal pas afavorizar lo clientelisme local ; la critica es reala quand tre la debuta de la decentralizacion èra tanben la volontat de Defferre -PSF- de pas aver a discutir ambe l'Estat per bastir un projècte e tanben l'Estat s'en trufava.

L'argument oficial e cridat dins los mèdias : « - es la fauta de solidaritat. » cridat sobre France Culture dins la boca dels "jornalistas", questionari vivent e pòrta-paraula del poder centralista.

En matièra de solidaritat ai jà explicat que Madrid e París an mestièr d'aquesta solidaritat que lo vector es a sentit unic, Província -> Capitala dels Estats bonapartistas.

Un article paregut dins un grand jornal catalan (500.000 exemplars venduts per jorn), catalan car prepausa amai de l'edicion en espanhòl una edicion en catalan, me sembla important d'aver al cap.

La solidaritat madrilenca e parisenca son sonque a sens unic, trabalhan per els ... la "qualitat" d'aqueste trabalh es mai o mens variable en foncion dels poders centralistas. Pel moment l'emplec de l'argent catalan a Madrid es mai eficaç [AVE pròpria ambe una estela al torn de la santa capitala + autorotas gratuïtas / sense transpòrts modèrne, sense electirictat, autorota paganta per Barcelona] que l'emplec de l'argent occitan a París [la pròva ne son las revòltas de las banlègas, mas tanben la riquessa de Neuilly/Seine contra la pauretat de Lormont, mantunes barris de Tolosa, lo barri nòrd de Marselha, etc.], mas es una question simplament istorica e sul long tèrmi, las causas se pòdon capvirar, París podriá "far melhor" que Madrid, mas lo sistèma es lo meteis, Boubón de Bourbón es lo meteis que lo republicanisme, l'aisina maquiavelica es lo bonapartisme.

Çaquelà se trapa jornalista franceses per assegurar, sense pròva, que "los catalans son pas solidaris envèrs las autras regions", emplegar aital lo verbiatge de Madrís o Padrid, lo conformisme de l'inconeguda informacion o saber refusat.

Alara messieurs los jornalistas parisencs e señores jornalistas madrilencs podètz legir l'article de El Periódico.

E quand mantunes pènsan que la referéncia es pas sufisenta quand es unica, lo site Món Divers ne prepausa bravament d'autres ; son pas los sols d'o far ! La manifestacion del 1er de decembre serà granda.

Per saber sobre lo Principat de Catalonha : Vilaweb, AVUI, El Periódico, mai tanben La Tribuna, Directe.cat, Dret de decidir - Dd, Indymedia, Revòlta Global (per n'aver d'extrèmas), La Vanguardia (per n'aver de socialistas, de còps son pièges, lo sol jornal catalan distribuat en França, tal que l'èra pendent lo franquisme... conservador donc), etc....

En Occitània fasem encara de literatura, gaire de manifestacion sul tèma, alara ne vaquí que data del XIXen sègle :

Mai qu'un rei un lauraire a dreit de se quilhar, Paul Froment.

Es important de tornar dire que François Bayrou aviá dit que ambe Nicolas Sárközy las solucions son pas al cap del seu poder o actes de poder, de govèrn.

Se cal recordar que Nicolas Sárközy es estat ministre de l'interior (e pas simplament un momenton ! Donc a agut lo temps per agir, que faguèt ?) e qu'a botat lo fuòc en banlègas e tanben, ajudat pels mèdias parisencs, a tanben assajat de far creire, e capitat d'enganar que tractava lo problèma, la resulta es l'article qu'avem aquí, e encara un còp a la television.

53 % de ciutadans e ciutadanas de França son estats enganats. Cal que s'en prengèsse a els primièr e que votèsse melhor lo còp venent... Atencion vòl pas dire que cal votar per los que vòlon lo poder pel poder [FN-UMP-PRG-PSF] o la finança de lor partit, o la carrièra de partit, mas lo poder per agir e zo poder far [çò que elimina una autra lista : MNR, PCF-MRC-Verts e Régionalistes]. L'UDF s'es epurat dels rapaçes de l'espècia electius-republicus, lo MoDem se fargarà lèu, e espèra las vòstras escotas (aquí als limits d'Occitània, Sant Estève).

Naboleon Ier es pas capable de gerir França, Neuilly/Seine pas mai que Versailles autres còps, l'UMp tanpauc, pas mai que l'UDR, lo RPR, etc.

Se cal recordar tanben que los mèdias an bravament ajudat a aqueste sistèma binari e sense cap dobte una endrona politica per l'Estat francés e tanben donc per Occitània (car sem sul meteis batèu).

Se cal recordar que Internet es l'aisina per desvolopar un contra fuòc al plega-esquina politic UMP-PSF, al problèma bonapartista francés.

Pensatz que non ? Alara gaitatz aquesta publicitat ... publicada ièr.

Per evitar de tractar los problèmas [de problèmas similars n'avem a Blanhac, Colomièrs, Pouvourville, Tolosa-Miralh-Bellefontaine, Cunhaus, etc... al entorn de l'Aeropòrt e de las vias d'arribatge dels avions e de las usinas d'Airbus], la CCI a Tolosa, ambe l'abséncia totala dels elegits tolsans [gestion UMp-PSF-PRG], nos prepausa un autre aeropòrt per desplaçar lo problèma ...sense se mainar de la catastròfa fonciara que seriá per l'alimentacion de la ciutat mondina [pensar al futur de la ciutat que ara es de dimension europenca...sense aver los elegits que cal : al nivèl europenc].

D'autres ligams : Le Monde (la votz del bonapartisme), RSR, Le Figaro (la votz del patronat), Libération, L'AVUI, France 3 Régions, Le Monde Diplomatique, Yahoo-Reuters, TF1-LCI (la votz del mèstre), TV5 Monde (la votz del patron), MSN, etc.

E dimecres maitin a Tolosa se podrà legir ...

Tolosa: debuta d'incèndia d'una bibliotèca, de las veituras cremadas

B. C. a Tolosa, ambe l'AFP

Sembla que los jornalistas espèra unas jornadas tala en 2005, coma se sabiá jà que la situacion es la meteissa, e que res es estat fait suls barris.

  1 - Car a París, los eleits republicano-bonapartistas son persuadits que la gestion parisenca es bona en Occitània, coma zo son sempre de lors activitats politicas que siaguèssen reiala o republicana, o dictatoriala [Bonaparte, Napoleon III, Clémenceau, Pétain, etc.] ... 2 - car lo personal d'esquerra, lo "progrès" que se trapava a l'esquerra del rei e gaire mai en 1789, en Occitània es persuadit que la gestion de l'Estat podrà èstre ideala, coma zo èra quand l'Argèria èra francesa ... E çò qu'es a París, l'es tanben a Madrid... 3 - car lo personal de dreita, liberala o sense linha politica "nacionala(s)" [estat-nacion] de vertat, pensa que lo mercat pòt adobar un sistèma tòrt e sobretot que una sola persona a París pòt pensar per un país, aquí Occitània.

La futura manifestaZió del 1er de decembre ne farà la pròva, Montilla -PSC- zo sap plan ; veire la nòta de premsa de uèi dins l'AVUI.

E del costat parisenc avem lo meteis fenomèm, quand la paracaiguda electorala, Lionel Jospin o lo neo-jospinium, a daissat marcas tolsanas : es pas lo metòde quoët dels politics en Occitània que cal. Alara quand sabem que son aquestes arganhòls a Madrid e París qu'an escrit, re-escrit, adobat, bolegat, e prepausat un TCE, se podrà èstre que contra !

Car ambe aquestes tractats l'escrocariá es sancièra malgrat tot çò que pòdon dire a Madrid e París, de l'Euròpa de la patz que los bonapartistas an jamai fargada, jamai, car son estats sempre del costat del marja, de la guèrra, de la fòrça, la fòrça del castig dels pòbles aital sotmetuts. Ambe Madrid o ambe París es l'escrocariá permanenta.

Per exemple : dins aqueste numèro de L'Humanité se critica pas l'article del TCE -e lo novèl segur tanben- que installa l'intengibilitat de las frontièras dels Estats, pertant se díson internacionalistas, mas zo son pas de vertat, car son nacionalistas d'expansion, expansion dempuèi París per L'Humanité, coma la pròsa de mèstre Jourdain..... Alara se parla pas d'aqueste article Aznar qu'es estat redigit per contra la revendicacion basca, aqueste pòble separat en dos per la volontat de Madrid e París ambe una "frontière naturelle" degut al tractat pirinenc signat a Baiona entre reis, donc ges democratics ; lo meteis problèma se trapa ambe la Catalonha del nòrd. E podem pas dire que aiçò tòca pas Occitània, entre Itàlia, França e Espanha.

Lo PCF assumís jamai aquesta etiqueta nacionalista d'expansion, nimai los representants locals, mas es la realitat parisenca que s'impausa, pertot, je suis partout, per tot çò que tòca París, per tot çò que tòca Madrid.

Avètz aquí un pichon tractat de linha politica personala, la via diferenciada per Occitània e Catalonha, pels Païses Catalans e Occitans.

Volètz me desencusar, voliái fargar un bilhet d'umor, i soi pas arribat encausa dels tristes Madrid e París.

A la seguida d'aquesta nòta de premsa, tirada de Vilaweb, l'excellent Vilaweb, me cal apondre mantunes comentaris essencials per l'entendre (vist d'Occitània e vist de França).

  L'istòria : mantunes militants son estats castigats per aver cremat fòtos del rei, pas de Carod-Ribira (en País Velencià se faguèt) ; es ben la pròva qu'i a pas de libertat d'expression en Espanha, per totes, quand se siula contra l'equipa de França e sa bandièra, i a sonque editorial de premsa per protestar.... E totes aquestes militants catalans presents son pas estats castigats... I a agut una causida de la polícia espanhòla, ajudada pels Mossos d'Equadra (Polícia catalana) [çò que pròva que i a un fiquièr].

  Lo jutjament : son donc estats cridats per passar en jutjament, se son l'Audiència Nacional. Aqueste sistèma de justícia a pas ges cambiat dempuèi la fin del franquisme. Es una pensada politica bonapartista, installada en Espanha dempuèi l'arribada dels Bourbón de Bourbón al poder a Madrid ; dels tempses aquestes, Madrid èra una pichonelòta capitala de Castilha, e lo cambiament de nom del reialme : "Regne de Castilla y Aragón" [Aragon èra un tròç del país de lenga catalana] en "Regne de España" lo cambiament de la realitat novèla del XIXen sègle, pel XXen sègle e XXIen sègle.

  Los dos impetrants catalans s'interdiràn de parlar catalan, per volontat de far servir lo catalan e politicament de far saber que lo sistèma a pas encara evoluat pron ben per respectar Catalonha, a l'Audiència Nacional, lo Jutge -un pauc inocent del messatge d'extrèma esquerra, messatge çaquelà conegut- repotegarà e parlarà quitament de refusar lo testimòni malgrat l'estatut de la lenga catalana dins l'Estat espanhòl, e malgrat que parlèsse la lenga, el e los seus servicis, çò qu'es la pròva del non-cambiament dempuèi la fin del franquisme, de non-presa en compte de las particularitats lingüisticas de l'Estat. Aquestas particularitats que son presas en compte per totes los sistèmas politics espanhòls e europèus (levat lo francés, veirem perqué), zo son pas presa pel sistèma juridic espanhòl, que alara comdemna lo país de lenga catalana : es privat de justícia. Cal relevar que per èstre ciutadan normal en Catalonha e parlar sa lenga, cal èstre d'extrèma esquerra ? Es de dire engatjat, çò que es pas la realitat politica per servar la lenga catalana la mai correnta.

  L'activitat dels elegits, engatjats donc (?), ara, motiva la nòta de premsa e l'activitat aquesta es ben la pròva que lo politic a pas fait grand causa dempuèi 1974, per èstre en lenga catalana, la vida de totes los ciutadans dels Païses Catalans, quitament los que passa en justícia e que son pas forçadament engatjat politicament, totes.

Que ne pòdon pensar los franceses qu'aquesta nòta ? Soi segur que son del costat del jutge, e contra los militants que vòlon s'exprimir en langues régionales [segurament mai a l'esquerra que a la dreita francesa], per rason "d'egalitat de tractament" dins un Estat decretat unilateralament solidari, e donc per egalitat de tractament dins aqueste sistèma conservador, car majoritariament d'esquerra !, son contra l'egalitat de l'expression lingüistica, una lenga val pas una autra per un francés, car per un francés i a ierarquia lingüistica, lo francés primièr malgrat que parlarà anglés fòra de las frontières naturelles. E donc per egalitat de tractament dins aqueste sistèma conservador son per una innadaptacion d'aquesta administracion a la realitat del terrenh, a l'aisina lingüistica de las personas jutjadas, son alara una arma del poder e ges una arma de la sobeiranetat del pòble, donc una arma anti-republicana [anti-democratica per Espanha] malgrat lo títol que lor seriá donat de justice de la république [justícia d'Espanha, que mantunes socialistas vòlon plurala mas que fasquèron res per zo croncretizar, per la democràcia assumida ; lo catalan es mai ensenhat a l'universitat en Alemanha que en Espanha, una realitat de bilingüisme qu'es ges una practica del costat espanhòl - la situacion sembla talament a Belgica ambe lo potent francés de las annadas 1950 ...]. Aquesta faiçon de veire l'instrument administratiu francés se transfòrma en diktat de l'administration sul territòri gerit, cal parlar la lenga del poder per poder aver dreit a una gestion administrativa egalitària, causa que se tornèt trobar dins lo sistèma colonial francés ambe las consequéncias qu'avem dins l'activitat economica dels Français en Costa d'Ivòri, e podrai apondre mantunes autres exemples d'actualitat. Aital a l'Estat francés, quitament dins quicòm d'intime qu'es l'emplec lingüistic, es un instrument de mestreja del territòri e de mestreja de sa populacion a quí se li explica que se dèu adaptar al diktat d'una majoritat, majoritat qu'a causit la lenga parisenca e a agir contra la lenga dels pòbles de França, tot en enganar sobre las idèas politicas sobre la ciutadanetat. Per èstre segur que lo pòble parlèsse la lenga de la ierarquia per l'armada francesa en 1914, avem agut de suportar Jules Ferry e lo seu sistèma colonialista de pensada ; la teoria s'es espandida a tota l'administracion aprèp la guèrra de 14/18, causa qu'èra devenguda mai aisida vist que la sang jova es estada matada dins los valats de la vergonha nacionalista francesa de la guèrra de 14/18. La vergonha es que aquesta generacion matada es ben mòrta per "La France", mas aquela que el n'en fasián partit, aquestes ciutadans : non pas aquela França que mestreja lo país, mas que exigís que se parlèsse SA lenga e sonque SA "bèla" lenga o lenga "bèla". Donc, ambe l'article 2 votat en 1992 a l'A.N. es ben l'expression del nacionalisme francés, es la concretizacion d'aqueste nacionalisme d'expansion (majoritat socialista e president L.Fabius) ; los socialistas comprendràn jamai l'actitud dels catalans fàcia a la demanda de justícia dins lor lenga ; es aquesta meteissa incompreneson qu'avem ambe los socialistas madrilencs e los collaboradors (lo mot pòrta la meteissa significacion que del temps dels petainistas aquí a l'Estat francés, per aver trabalhat ambe lo poder nazi d'Alemanha) que son al poder a Barcelona, collaboradors car plega-esquina a tot bruch politic que castiga Catalonha e lo país de lenga catalana (Païses Catalans).

Es donc un bon document d'estudis per totas las universitats que s'ensenha l'occitan e lo catalan a l'Estat francés : zo serà pas jamai, per páur ierarquica. Es un document per totes los militants politics per explicar als franceses çò que volem : lo respècte de la democràcia e de las gents per l'administracion de l'Estat, volem pas d'administracion bonapartista [perqué ? La prefectorala es sempre estada contra lo pòble d'Occitània - en 1947 lo meu grand-paire refusava que lo prefècte li donèsse la medalha de la resisténcia : i a pas d'astrada, simplament, ciutadans -ara- descrobrísson lo bonapartisme francés], es per aiçò que cal un poder local occitan, sobre un espaci qu'es de determinar, mas l'espaci lingüistic coërent (ancian, geografic e istoric, o actual, geografic e economic) me sembla la bona basa per gerir una egalitat dels ciutadans, a totes los nivèls. Soi pas segur que los problèmas siaguèsson pas similar entre Aquitània e Miègjorn-Pirinèus, entre auvernha e Lemosin, entre Dalfinat e Provença, entre Lengadòc e Provença, [entre Catalonha del nòrd e Principat, pel catalan]... mas dins totes los espacis de lenga occitana, Païses Occitans. Aital podem destriar que lo problèma espanhòl en Païses Catalans es similar al problèma francés en Occitània, al problèma francés en Corsega, Elsàcia, Bretanha, Flandras, Savòia, Euskadi, Martinica, Goadelopa, Kanaki, etc. Seriá ben se París e Madrid posquèssen se mainar sonque de lors afars, Independéncia per Madrid e París, e que nos daissèssen emplegar las nòstras lengas,... Afars politics madrilencs o parisencs que son pas los nòstres, cal donar lo poder al pòble parisenc a París, sonque París. Puèi serà del ròtle dels politics d'Occitània [Païses Occitans] e de Catalonha [Païses Catalans] de bastir dignament la lora preséncia dins l'Union Europenca, un projècte d'avenir car totas las rotas pássan pas per Madrid o París, malgrat totas las intoxicacions mediaticas.

E puèi quand entendi aiçò, pel financiament retro-actiu d'un partit politic fantaume, NC-UMP, que demanda una pension al Chef e magouille en Polinèsia per aqueste financiament... Jo me demandi pus quí es lo mai ben plaçat per gerir l'Estat al benefici dels ciutadans. Èra pendent la votacion d'aqueste pension a l'A.N., far mantunas setmanas. Lo NC-UMP es un ensemble d'elegits que vòlon pus la via politica causida per la direccion de l'UDF a Lyon una annada abans : "l"independéncia de la pensada e de l'accion politica" de cara a l'UMP. NC = "Nouvel Centre". Es benlèu la qualitat de l'intervencion que lo sistèma amerita pas d'aplicar ?

E efectivament l'intervencion es melhora que ... per rire, cal ben un pauc :

Me sembla que amerita mai long ! benlèu una enquèsta resumida ... que caldrà perlongar, non ?

Per ne saber mai suls salaris de mantunes elegits o mantunas elegidas de la République Française: arrêt sur Images

Lo document de 18 paginas qu'acaba de publicar Marianne es de primièra importança per entendre lo darrièr sègle de la trilogia Govèrns / Sindicats / Patronals [a París] e la consequéncia, la tenguda de l'economia ambe los actors que son las entrepresas e los salariats.

Es un document essencial per saber coma França -dempuèi los corredors- es gerida. Quí engana lo mai ? Quí pressiona ? Quí se fa empapaotar ? Quí paga las negociacions secretas ? Perqué la premsa es manipulada e coma ? Quí organiza l'intallacion de mèdias parisencs ? Quí a interès de servar lo centralisme francés ? Moneda defiscalizada ? Caumas orquestradas ? Negociacion amagadas ? Democràcia capvirada ?

Lo roman financièr es de la realitat istorica e la realitat pel futur, realitats que seràs jamai ensenhadas dins l'escòla republicana, nimai a l'universitat.

Encara que lo president del sindicat d'estudiants d'universitats dèu ben saber que, quand serà lo seu temps, devendrà senador socialista aprèp aver castigat la dreita al poder. Dèu ben foncionar parier dins totes los Estats ? Vist çò que se passa ambe los socialistas catalans acarats als problèmas barcelonins e lo ròtle o non-ròtle del poder central, ara, poder tengut per ZP, lo socialista centralista madrilenc.

L'UIMM -Union de las Industrias e Mestièrs de la Metalurgia- a passat un sègle e s'es jamai arrestada de foncionar quitament pendent lo petainisme. Es un fons contra las caumas que la cotisa fonciona coma una assegurança e qu'es estat emplegat dins totas las negociacions entre lo sindicat dels patrons (CNPF puèi benlèu Medef) ambe los sindicats dels salariats del privat coma del public, ambe una fusion alquimica ambe lo politic, e un lobbiing fòrt al parlament parisenc (Senat e A.N.).

Vos asseguri qu'es de legir.

Un exemple de magouille politica, que desvaloriza l'Union Europèa dins la seuna volontat d'èstre democratica :

L'Union Europèa es una maquina per atudar la votz dels pòbles, pron utila en França per l'UMP per fargar una politica pro ultra-multinacionalas en díser "c'est pas nous c'est les autres".

Se volètz saber ont son los paradinèrs, cal pas legir L'Humanité ... lo 26 de novembre de 2007.

La tecnica "c'est pas nous c'est les autres" es tanben emplegada sus un autre terrenh.

Sobre d'autres terrenhs segur, mas pas totes ... car dins lo meteis jornal se podrà legir una novèla de l'UIMM [associacion sense comptable...e que sap elegit los presidents del CNPF e del Medef].

Se parla de distribucion d'argent per l'UIMM e lo sénher Denis Gautier-Sauvagnac ; se parla de negociacions que son frenadas, sovent l'argent de l'UIMM ajudava a far avança las negociacions dins lo sentit comun (costat patron e tanben costat avejaire sindical, aquò depen del rapòrt de fòrça e de la vision politica del moment - saber es l'utilitat del numèro de Marianne), lo modèl èra aver la patz sindicala contrariament a çò que s'explicava dins los mèdias de la part dels sindicats patronals o obrièrs, "c'est pas nous c'est l'autres"....

La sortida del numèro de Marianne es tanben un moment priviligiat de negociacion, quí vòl far pression sus quí ? E sobretot quí zo explicarà dins las premsas francesa e internacionala ? Benlèu traparètz la solucion dins lo libre que a servit de basa a l'article de Marianne...

-°-

La causa simpla falorda, mas es la causa que se passarà perqué ? Gaitatz aquesta vídeo e comprendrètz que las òbras del TGV a Barcelona son mal estadas pensadas e riscan de destrusir quasi tot un barri de Barcelona per arribar al centre Ciutat, Barcelona Sants, Barcelona es governada pels socialistas:

- destrusion de miliers de miliers d'ostalòts privats

- la Sagrada Família ( òbra de l'arquitècte catalan Gaudí )

- la Pedrera ( òbra de l'arquitècte catalan Gaudí )

SOSSagradaFamília.org

E donc lo 1er de decembre [1-D] a Barcelona i aurà una granda manifestacion [Manifestació en catalan] ; la manifestació -donc- serà un moment contra la politica centralista del govèrn madrilenc, que ara es Zapatero que es al cap del govèrn. Zapatero qu'a recentament dit que caliá valorizar l'emplec de la Z espanhòla. LoZ manifeZtantZ del 1-D venent an penZat qu'o caliá far lo mai sovent poZZible. Vaquí Zobre aqueZta fòto lo percorregut de la manifestaZió de Bercelona per aver Zuportat lo govèrn d'EZpanha en Catalonha.

  La manifestazió del 1er de decembre se prepara per una còlha ciutadana [fòra partits], associat que son los partits levat los socialistas catalans e espanhòls, e s'acabarà plaça de Catalonha alprèp del monument dedicat a l'ancian onorable president de la Generalitat republicana Lluís Companys, lo sol president europèu fusilhat ambe l'ajuda petainista per l'armada franquista [veire fòto].

Dementre en França, los socialistas es aquesta còlha qu'avem actualament al cap d'un partit ; çò que pausa vertadierament lo problèma de la consiéncia politica dels militants socialistas, quand se vei los militants de la dreita aver pron ben comprès coma fonciona lo sistèma francés per arribar al poder... E los socialistas votar per : veire la fòto dins la primièra pagina de l'article del jornal gratuït e people Direct Soir (jornal dificile a engonir e que permet a la pollucion papelièra de s'installar en ciutat mondina cada ser - un jorn benlèu i aurà una reglamentacion).

Avem ambe lo PSF una vision picasso del sistèma de la partidocràcia, un artista que vòl civilizar lo mercat [fa rire! a Aurlhac pel festenal de la carrièra], pas brica una expression politica normala.

1 - Delanoë, lo simbòl parisenc per excelléncia

2 - DSK, lo liberal extrèma que s'acoquina ambe la television e s'en va al FMI... la banca tant cridada pels americans per contra-ròtlar los mercats capitalisticas

3 - l'ex-femna candidata que del juste ne cerca encara una aplicacion dins sa vida politica, e que pòrta una politica diferenta del Sárközy tant que sembla èstre una question d'accent lingüistic regional (son pas del meteis recanton, Peitieu contra Neuilly ), pas brica de politica, la bandièra dins la règa del c....

4 - lo sobrediplomat francés que pròva cada jorn que los diplòmas franceses son pus gaire utiles

5 - lo Fabius qu'es purament nacionalista, nacionalista d'expansion, quand refusèt la defensa de las lengas de França quand èra president de l'A.N., puèi penguèt la vision simplista de l'extrèma esquerra per èstre contra aqueste TCE (alara que i aviá tant d'autres arguments).

Sus la fòto fauta lo Jack Lang, quí, ambe Olivier Duhamel, es lo constitucionalistas ben estimat del Sárközy.

La fòto aquesta sembla un poton de Juda per un grope de premsa que, tanben, jòga suls mercats de la sos-tractença dins las comunas de França [aquò sembla a Jeune Afrique!]. E que, ièr, aviá segurament mestièr d'ajudar lo galonet o caponet socialista per èstre valorizat e aital portar mai naut la seuna paraula pervertida al nivèl dels militants de bassa per las eleccions o escolhidas de "bons" militants al cap de las comunas per una gestion pensada per las multinacionalas [Lo candidat socialista per Tolosa n'es un bon exemple d'aquesta perversion politica, candidatura que ajudarà l'extrèma esquerra dins la seuna expression politica dins la ciutat mondiala e normalament tant pausada al nivèl politic].

Soi quasi segur que, dins mantunes jorns, aurem un galinòt de l'UMP [lo gal salariat de + 300% per l'Elisèu es jà pron sovent en primièra pagina : ne traparàn ben un autre per simbolizar la magouille de la partidocràcia lora?] per aquesta meteissa rason. La premsa gratuïta es un instrument per mestrejar melhor las responsas a las ofèrtas de mercats publics, coma las televisions privadas [per saber quicòm ambe aquesta premsa, cal saber l'interès que an de tractar l'informacion d'aquesta faiçon o d'una autra].

Espèri qu'un jorn los ciutadans e las ciutadanas de la France d'en bas pensaràn normalament e votaràn ambe consiéncia per evitar los enemics lors (Direct Soir ne dona una pagina per la mitan dels), votaràn pas comme des veaux* ! [ref : Charles de Gaule "Les français sont des veaux"].

S tal sarra la cinta / A tal Adiu las 35 oras / R tal Radars mai nombroses / K tal Karsher per las banlègas / O tal oblidètz lo bon temps / Z tal aquò'z va cagar / Y tal Y res per l'occitan perqué avètz votat per el (la Y e lo K son pas letras occitanas !).

Causa extraordinària, la "maissanta èrba" a pas mestièr d'escòla, los politics socialistas o bonapartistas, sí : son d'escòlas similaras a París e Madrid.

Quí ajudarà los ciutadans e las ciutadanas d'Occitània e de Catalonha per trapar la bona via de la democràcia ?

Se parla sovent dels problèmas de las multinacionalas ambe l'OGM, mas jà dins la produccion de galinats l'ibridacion a portar doás multinacionalas de contra-ròtlar lo mercat, quitament de las galinas de produccion biologica ... e la gripa aviara, pron mediatizada, es una aisina per desvolopar una páur generalizada per destrusir los pichons productors, destrusir un CA del pichons païsans occitans (un de mai a listar), e la diversitat dels galinats sobre la planeta.

De mai, la vida dels galinats gràcias a 4 multinacionalas de produccion d'uòu es sense cap dobte, cap normala pel respècte de la vida animala. Ai personalament viscut una setmana dins una de las "granjas" de la multinacionala en East-Anglia ; aquesta visita faguèt que soi devengut convençut qu'èra pas l'agricultura que ameritava Occitània ; d'o pensar m'a costat personalament en familha. Se donava a minjar ambe maquina de distribucion, sobre quasiment un qm, de 04:30 del maitin dinca 07:00, per una usina d'uòus. Uèi crompi sens que los uòus d'anti-multinacionalas sul mercat de St Albin lo dimenge maitin.

Picatz aquí pel ligam, es la fòto.

Ai entendut parlar d'aquò que jà m'en dobtavi gràcia al magnific programa que se sona "Terre à Terre". Aurai lo programa disponible audiò ambe una pichona demanda [joc(at)occitania.org], mas pel moment es disponible en linha pendent una setmana, aprèp la data del bilhet aqueste.

Cal tornar dire que lo sindicat francés FNSEA/FDSEA-Jeunes_Agriculteurs [meteissa còlha], Crédit Agricole e Coop de Pau [ex d'aisinas industrialas collaboratriças, a quí podrètz apondre la MSA per s'èstre atudat - los tres enemics ontologics al sistèma agricòle franchimand, enemics del meu paire a partir de 1970... associats qu'èran a la polida e manipulabla Chambre d'Agriculture] es del costat del nacional-industrialista-agricòle franchimand e donc per aquestas produccions industrialas que destrusísson la diversitat biologica de la planeta, e donc d'Occitània. Es un vertadièr poder que destrusís tanben lo debat democratic, ambe l'ajuda de l'UMP, l'avem vist pujar dins lo "Grenelle de l'environnement".... un instrument per pecs, mas pecs volontaris que vam crompar uèi dins las tres o quatres industrias-comèrçes de la distribucion francesa aqueste dissabte, ambe veitura, taps de circulacion e caddies.

La sobrevida de la diversitat de galinats en Occitània es una ajuda que podem fargar a mantunes nivèls : - crompar uòu sul mercat e pas dins la granda distribucion (o lo "pichon casino" o lo kebab epicariá que amágan unes grands gropes de distribucion : fugir los comèrçes que la sola sorga de revengut es de lor trabalh d'anar quérre lo uòu a Metro, sense cap pensada sobre l'economia localizada en Occitània - es pus una question de nacionalisme a la francesa, es -de vertat- una question occitana de sobreviure per la civilizacion occitana), -crompar d'uòus que se sapièsse l'origina e demandar l'origina e la fòto del luòc de produccion, servar un espaci dins l'òrt per desvolopar una produccion ambe varietats de galinats diferents del vesin (causa naturala dins la vida occitana de cada jorn al sègle XIXen dinca l'arribada de la normalizacion uniformizacion franchimanda), -escambiar las informacions sobre las espècias de galinats [Internet serà una bona aisina] : vesètz quina polida es la meu poleta, galineta, pol o gal ! E sobretot pas assajar de copiar lo sistèma d'ibridacion, -ajudar un païsan local de vos permetre d'aver granas sanas per los noirir que sapiguèsse respectar l'idèa d'aquesta diversitat biologica [benlèu li demandar perqué es encara sòci de la FDSEA... e li explicar perqué cal cambiar de lobby], car la territorialitat de la tecnocràcia novèla es lo país occitan que dèu viure.

Podrètz aital veire que lo "mestièr" de consomadors occitans/anas es pron complicat e qu'estauviar la planeta es un trabalh de cada jorn, pas una passejada de ministre borlootista al 20:00 de la potinga de fenestron ; es sobretot sobre la volontat d'una pensada per una vida diferenta [de la nòrma francesa prepausada en Occitània, puèi del mondialisme que nos prepausa ara], aital se disiá dins l'occitanisme del primièr periòde, aquestes "fòls", "falords" qu'èran etiquetats aital pel sistèma parisenc centralista.

Lo libre francés o anglés es de crompar pel vòstre païsan local. Un jorn zo serà disponible en occitan, benlèu.

Adishatz,

Aqueste article es interessant, amerita que vos gaitatz en fàcia atanben vosauts parisencs, mas pel costat parisencs que se mainan sonque de la santa França, es un article que pausa un vertadièr problèma.
Ont èra la LDH francesa quand mantunes jornalistas bascos foguèron e son actualament empresonats pel poder "democratic" Bourbon de Bourbon de Madrid ?
De vertat, i a a París mantunes RSF o de la LDH francesas per certans e pas per totes !
Precision, aquestes jornalistas bascos son, per mantunes, encara en presons a Madrid gràcias a mantunas leis d'excepcions e mantunes actes foguèron condemnats pel tribunal europèu d'Estrasborg... d'autres foguèron liberats sense carga, mas damorèran en preson d'excepcion, mai de tres annadas.
Me podètz indicar quantes còps França es estada condemnada a Estrasborg per mantunes faits similars ? A quin endreit avètz publicar las chifras, car en dètz annadas ai pas sabut los trapar.
Cap premsa francesa ne parla, car los sants parisencs -redactors centralistas- metrián en dobte lo sacro-sant nacional-republicanisme francés, de l'esquerra, de la dreita e del mitan, sobretot del mitan.
@ lèu,

Lo godilhaire.

PS. : per aver aquestas chifras, la premsa catalans de Barcelona es pron utila.

L'EAJ es lo Partit Nacionalista Basco, lo partit que se presentèt ambe lo MoDem a las darrièras eleccions legislativas en Euskadi del nòrd. Max Brisson es lo conselhièr general de Pirinèu-Atlantic encargat de las lengas basca e occitana, dins lo Parlament de Navarra.

Lo departament de França d'identitat numerica 64 a una vertadièra politica lingüistica per doás mengas, exemplara per totes los departaments d'Occitània, per lo de Nauta-Garona atanben ; aqueste departament a una politica, se podrà jutjat pas pron sufisenta, mas pel moment es clarament un enveja politica d'anar mai luènh que la subvencionita o del clientalisme dels tolsans.

L'article del jornal Sud-Ouest es aital una bona aisina de trabalh per debutar aquestas politicas seriosas dins lo Grand Tolosa e dins lo departament, cal una volontat politica fòrta.

lara vos aconselhi sul meu blòg personal de legir aqueste article, del grand jornal francofòne, Sud-Ouest.

Lo finançament dels projèctes se fa en foncion del desvolopament de la politica lingüistica prepausada e alara es l'expression de la planificacion lingüistica estimada utila per despertar l'emplec de la lenga basca.

Vos disi : ES EXEMPLAR, pels departaments occitans [en Lemosin, Auvernha, Provença, Aquitània, Miègjorn-Pirinèu, Lengadòc, Peitavin-Charenta, Isèra, Droma e Ardècha], catalans, savosians, bretons, martiniqués, goadelopean, reunionés, còrses, elsacians, lorrencs, flamencs, etc.... mas tanben per totas las comunas de mai de 2.000 ciutadanas e ciutadans en Occitània.

Cal una volontat politica per l'emplec digne de l'occitan e pel moment zo vesi gaire dins lo camp socialista, regional -si, departament -non levat dins lo Gèrs (que el tanben es exemplar). E per las comunas, aquesta volontat es innexistenta dins 95 % de las comunas occitanas. Las comunas occitanas son mai o mens 9.000... de trabalh per despertar lo politic, un finançament inter-regional indispensable, e encara un còp una reala volontat politica esperada.

Quand se demanda ont podem estauviar de l'enèrgia e qu'aplegam personalitats per saber ont : en Catalonha sábon practicar l'estauvi e l'emplec de la lenga del país ( en catalan "Bones Festes", en occitan "Bonas Fèstas" ).

« Menys energia
La principal novetat de la decoració d'aquest any és que s'ha reforçat la presència de sistemes d'il·luminació de baix consum, cosa que fa que es redueixi en un 14% els consum d'energia respecte l'any passat.
Això implica una reducció al cost del consum, que assumeix l'Ajuntament de Barcelona, i que arriba als 38.000 €, un 7% menys que l'any passat.» AVUI

Mens de 14 % de consomacion d'enèrgia per rapòrt a l'annada passada, Barcelona practica, dementre que París sharrajòta sempre... e Tolosa que fan ? Lo modèl es encara un còp pas al nòrd !

Catalonha !

Divendres 23 de novembre serà la lutz de Barcelona que s'alucaràn.

Sembla èstre pron complicat de viure a París, sense transpòrts collectius. Aquestes transpòrts pagats par un sistèma de solidaritat d'Estat que pòrta l'argent de la "province" cap a París, per sos-pagar los emplegats dels transpòrts collectius per rason d'egalitat salariala que caldriá aver dins l'ensemble del territòri francés, per importar emplegats de tota la planeta per los sos-pagar tanben, car cal estauviar l'argent de la província [cal èstre positiu a còp] e benlèu tanben l'argent pagat per la borsa [la recenta lei UMP sobre la borsa me sembla dins aquesta dralha].

Alara se podrà legir un salari aital lançat a la cantonada sense verificacion, 1600 € / mes per un emplegat dels transpòrts collectius parisencs, dèu ètre en fin de carrièra !

Signalarai als jornalistas francés que, malgrat çò que explica Sarko es pas çò que es bas de la fuèlha de paga que es utile al salariat, çò que es utile es la fuèlha de paga sancièra. Car "las cargas" que son objèctes de castig del poder UMP, son un finançament ulterior del salariat per la retirada o pel ben viure del salariat. Lo problèma es la gestion parisenca d'aquesta moneda, per las somas aquestas ; alara, aquí i aurà un jorn un jornalista parisenc -de patois londonian o isclafranchimand- per anar veire l'usança d'aquesta moneda ? En Espanha, que la gestion d'aquesta moneda es faita per region, sembla aver lo problèma bravament diferent... Mas la refòrma de regionalizacion de l'assegurança del salariat digun ne parla ; quí coneis lo sistèma d'oltra-Pirinèu a París ?

Alara, coma aquesta jornalista farga lo concèpte de grèviculture, ièu parlarai de grevitud, la grevitud dels jornalistas parisencs, l'actitud que cal aver per un jornalista fàcia a la grèva, èstre del costat del patron : un jorn vos tocarà e benlèu que comprendrètz pas perqué los autres salariats o professions independentas son pas solidàrias ambe vòstre problèma de revengut....

La semantica jornalistica parisenca parla de "grève prise d'otage" coma lo sant patron, Naboleon Ier ; el e son amic Fillon an pas cambiat de semantica dempuèi lo temps qu'èran aprosmats de l'extrèma dreita, lo bon temps d'estudiant d'Universitat o de las "grandes écoles",  mas perqué lo jornalisme parsienc es sempre del costat de l'argent salça Neuilly/Seine ? I vívon o qué ?

Quand farem l'aprosmat 4 d'agost, caldrà listar dins los personals politics dangieroses per la democràcia, los jornalistas parisencs ?

Per la lista de l'engana de l'informacion ai listat ... jornalisme parisenc, dins l'afar, quitament se escriu dins The Guardians.

Quand un jornalista parisenc parla de "reforming the country", semantica UMP-PSF ben coneguda ; es pas exactament aiçò, es puslèu servar lo poder per una casta, casta que, dels tempses dels reis, èra a Versailles, mas uèi es a Neuilly/Seine, l'exemple n'es Martinonnonnon... Aqueste futur pensionat al regime parlamentari, regime qu'es pas botat encausa jamai per aquestes articles parisencs, nimai l'armada [me sembla que podrètz trapar sus aqueste blòg un son de la Panafieu que vòl pas respondre a la question dels regimes especials de deputats - indispensable Internet]; car lo poder bonapartista [prefectorala e armada, legitimat per la fòrça o/e las eleccions mediatizadas d'una partidocràcia binària] a mestièr dels jornalistas d'aquesta mena, e ne son bravament solidaris.

French journalism is also tales whatever the language they use, always the same tale of centralism. It's so hopefull to speak with the LCR to insure the Neuilly-Seine-speaks.

And Sarko is not a smooth communicator, the frenchies journalists are soo blinds, they make blinds citizens [cèc en occitan] at the 20:00 on frenchies TV [TF1, LCI, BFMtv, iTele or France 2/3].

Car s'èra vertadierament un poder de refòrma, lo procès de Colonna seriá pas estat, e la premsa internacionala s'interessariá a aqueste procès que pròva l'abséncia de refòrma de França, vist lo govèrn actual, es ben la seguida d'un autre qu'auriá pogut far aquesta refòrma, pensi a grope aqueste de politicians Chirac/Raffarin/De Villepin/Sarkozy, avètz ben legit Sarkozy, quand èra ministre de l'interior sa pre-aucupacion èra los mèdias abans l'acte de poder ministerial (lo pagament de ministre que non !) : enlevat lo poder a París, per eliminar los problèmas de caumas, e de salaris dels emplegats del public a París (del president a la basa, la caissièra del quiòsc SNCF o RATP).

L'arquaïsme es lo jornalisme parisenc [per 90% d'els], qual que siaguèsse la seuna lenga o lo seu lengatge per s'exprimir.

Lo mai escandalós es qu'aqueste article en anglés serà sempre près en compte per la premsa plega-esquina per legitimar lo seu discors dins las revistas de premsa sobre los mèdias parisencs que difusa sobre tot l'Estat la potinga endormidoira. Alara qu'es en anglés, mas es pas brica una vision anglesa de l'afar.

Es dificile d'aver justícia en França, e quand lo sistèma bonapartista francés agrada pas gaire, e que se ne fa una revendicacion [Colonna es patriòta còrsa], car lo sistèma mescla nacionalitat e ciutadanetat, per s'apoderà lo primièr e destrusir lo segond, i a pus de justícia en França, e quand la premsa es aucupada per las caumas o "prise en otages des usagers".

Aital la Familha Érignac a participat al metòde quoè mediatizat a la debuta del procès : lor caliá un procès que donèsse Colonna coma lo murtrièr, e coma es còrse èra condemnable sense jutjament, clar per tota la premsa que se ne faguèt lo resson.

Aital la Familha Colonna a participat al metòde peticion per sosténguer que Colonna es pas solet a pensar qu'es inocent e eganat pel sistèma francés ; fasent aital descredibiliza los que an trabalhat per la recèrca de pròva (car lo dorsier es voide, volontariament o pas), mas l'afar sembla anar de tal biais que los signataris per un procès equitable a Colonna aguèsse pas tant esperat de la descoberta d'una inocéncia de mai en mai clar.

Uèi arriba una novèla que pas cap jornal parisenc a un jornalista sus plaça per dire çò que se debana, coma se los mèdias -premsa escrita- pensan que la mediatizacion d'aqueste procès, al moment que la condemnacion del sistèma es de mai en mai clara, anirà contra la linha editoriala -centralisme francés per sempre bon e santosament decretat aital.

Escrivi aquò car vesi sonque nòtas de premsa reuters o afp dins las fuèlhas parisencas, que la redaccion es còsta lo palatz de justícia d'excepcion (excepcion a totes los nivèls).

La premsa internacionala es absenta, s'es pas francofòna. S'es francofòna, a seguit la nòrma de l'abséncia de la television (parisenca) al procès.

Mas las causas semblan anar diferent [es benlèu per aquò que los mèdias franceses s'atúdan?].

Acabi de legir un escrit sus un blòg especializat en justícia.

Car malastrosament, lo prefècte Claude Érignac es pas gaire un mòrt de cinèma : es vertat es un mòrt del sistèma bonapartista francés [causa que suportem cada jorn], lo centralisme anti-democratic, causa qu'es la batalha de cada jorn dels etiquetats "regionalistas" per la bona premsa que refusa de gaitar en fàcia un procès que condemna lo lor sistèma parisenc alara que els pensan que es una 'bona organizacion per França".

Espèri que la premsa internacionala tornèsse dins lo procès per ne dire quicòm... Car espèri gaire de las fuèlhas d'Occitània per ne saber la realitat ; Internet encara serà d'una granda utilitat.

Mas ara, catastròfa mediatica, Jacques Chirac pòrta la "novèla" : lo sistèma francés es ben poirrit ! De creire -per jo es confirmacion- que per èstre al cap de l'Estat francés la competéncia es pas la prioritat republicana ... de la votacion.

La question de las taxas d'Estat e de lors emplecs, pels politicians nòstres o per los de París, se pausa cada jorn  quand escrivi una cronica. La BBC prepausa una seria de programas sul meteis tèma, las taxas e los Estats, dins la globalizacion. Lo programa dura 20 minutas e es en lenga anglesa.

Ai una reaccion sul pic a la lectura de mantunes articles, un de L'Humanité sobre lo comèrçe tolsan e un autre sul comèrçe a Nòva Yòrk, o NYC. Legissètz aquò :

del 211107

Pensatz que çò que se fai dins una comunautat chinesa a NYC, es pas possibla en Occitània ....
A Tolosa d'Occitània [ Toulouse ça díson los prefectoralistas ] es atanben lo cas de mai de 30 % de l'emplecs de mantunes bars [del centre ciutat] e comèrçes [dins la banlega de las zònas anti-ecologicas de comèrçes a bèls parcatges que faguèran la riquessa de comunas perifericas e de mantunes partits centralistas], sos-emplecs, maissantas condicions de trabalh, tractaments injustas, non pagament de salaris, ... e mens de contra-ròtle administratiu [ benlèu organizats e favorizats].
Ont es -tu- DDTE ?
Ont es -tu- santibós Estat ( tant prezat de l'esquerra d'extrèma ) ?
A quand una sancion de l'Estat sobre aqueste subjècte ?
Ne vaquí un, mas podriái tanben trapar lo meu vesin que pendent tres meses, es pas estat pagat per una entrepresa -TRADI SUD- que trabalha pels cadres tolsans per fargar l'extrèma banlèga d'ostalòts que necessítan un grand contornament, podriái trapar d'autras entrepresas al centre ciutat [n'ai coneguda personalament], mas aquesta entrepresa del bastiment acaba d'èstre condemnada pels prudhommes, sabètz aquestes tribunals que son pas necessaris per la majoritat UMP .... tè pel plaser, ne vaquí dos de mai! sonque, me disètz, avètz rason ... car, pel moment, las incompeténcias de l'Estat fan legions prefectoralistas en tròp a Tolosa :
- la darrièra es la següenta, despausi 222€ d'esmenda dins un Trésor Public a Tolosa [Lo "Trésor Public" es la banca de l'Estat], pel TP d'Aush lo 6 novembre, la soma es arribada lo 14 de novembre !! A l'ora de la valsa de la finança en borsa (que pel moment sabem sonque qu'es a París e pas pus a Cáurs), a la segona prèp, l'Estat sap pas transportar los viraments virtuals d'argent, en mens de doás jornadas ! A l'ora d'Internet per entrepresas o de las videoconferéncias en universitats, sap pas far aiçò en doás jornadas obrièras ! Per contra an sabut mandar una letra a ma banca a París sul pic lo meteis 14 de novembre ... per bloquejar l'argent qu'aviái jà mandat.
- Per çò qu'es de l'incompeténcia de la SNCF, n'en ai trapat una novèla, la setmana passada, la seuna incapacitat de tractar los cadençaments de trens, cada 20 minutas, sobre la linha Tolosa Matabuòu / Arènas / Colomiers .... Lo trabalh foguèt fait pels Alemands ! Es pas complicat an una escòla a Colomiers, que, ela, es estada montada en tres meses per l'E.N. tot en estant bilingüa, per immersion (si si! aquel tipe d'ensenhament que es refusat per l'UNSA) ; la fòrça de la diplomacia pesa gaira fàcia a la ciutadanetat occitana que demanda l'occitan a l'escòla.

Quí podriá donar lo poder a las regions per contra-rotlar l'Estat, o donar simplament los poders que l'Estat es pus capable de desvolopar, los donar als Conselh Regionals ? Quí zo farà en França ?

A quoi servent les préfectures ? A quoi servent nos élus parisiens ?

Jo pensi bravament : a pas grand causa ; son pas actors o actriças de la societat de vertat, de la societat de la France d'en bas.

Precision : soi un godilhaire, mas soi pas contra l'entrepresa, ai volgut fargar una entrepresa, ai pas trapat una banca : es que cal èstre truand per aver l'ajuda de la banca per crear la seuna entrepresa ? Çaquelà, me sembla que los comunicats de la CGPME -que recebi- o del Medef -que legissi dins la premsa parisenca- son pas pron numeroses sobre las qualitats dels patrons truands, e sembla que son mai nombroses que çò qu'un patron de premsa posquèsse pensar dins las seunas paginas economia, o quitament un sindicalista, sindicalista sul terrenh que gausa parlar a l'emplegada que demanda una granda pòrta per la seuna panisariá tolsana a St Miquèl car debuta la freg de novembre e que la pòrta li es estada refusada dos còps, en setembre e octobre, o a un jornalista d'una ràdio associativa gascona...

Donc, podètz entendre que soi pas estat manifestar ièr, dimarç. Coneissi un amic emplegat de CO.......MA que, el, pensa parier, e qu'es pas estat manifestar tanpauc, e que manifestarà pas tanpauc pels estudiants en revòlta (e n'en sabi tanben).

Mas compreni bravament perqué lo terrorisme es emplegat per destrusir las vias de camins de fèrre. Se podrà far illusion ambe las paraulas d'antenas sobre las ràdios d'Estat o parisenca, a la television ambe lo comentari borgés de sempre, per repotegar contra... Mas se cal albergar un d'aquestes [e d'espaci que n'ai gaire], zo farai atanplan que la cantaira còrsa qu'auriá albergat Colonna.

E lo godilhaire es democrata e pacific, e zo serà sempre.

La lista de las lengas seràn : francés, occitan, basco, catalan e espanhòl.

Las comunas de Tolosa [Occitània] e de Mulhausen [Elsàcia] interpelladas.

Ai pogut legir aiçò sul blòg de Joan-Peire, lo Lemosin blogaire. Lo blòg del Joan-Peire se sona "Un jorn d'i tornaràs far !", plen d'umor, sovent, d'occitanitat e de vida sempre, es aquí un pauc enrabiat... contra la fauta de transmission del remembre a Pierre Seel.

Me sembla important de se far lo resson d'aquesta escritura alèrta. La pagina es aital disponibla aquí o sul ligam aqueste.

Alara alara : ont son los privilegiats ? A la CGPME, al Medef, a la CGT, a FO, a la CFDT ?

Participatz en francés a la refòrma, la vertadièra : aquí !

La refòrma del 4 d'agost, se comença per Neuilly/Seine ?

Quand ? quand volem !

Is-it shorteta ma cronica ? Enfin gaitatz aqueste filme e segur que ne farètz de manifestacions.

Ah, anavi oblidar :

1 - La retirada e sovent mai ... privilègis republicans, que la rason n'es donaDA pel "risc d'Èstre elegit"... risc de pensar, de votar, d'Ètre a parís, e sovent pensan gaire, gaire que per las multinacionalas de los siètis a la Défense, gaire luènh de Neuilly/Seine*.

2 - l'extra-ordinària votz de la Panafieu, candidata UMP ista a París, la santa capitala del poder central e republican* : escotatz aquí !

3 - atencion  : l'esquerrisme socialista es pas gaire melhor, volètz noms ? G.Frêche, JP Chevènement, L.Fabius, L.Jospin, etc. Es lo sistèma francés republican qu'es un problèma per Occitània, la democràcia la volem, sense París serà melhor.

4 - las arnacas del sistèma de financiament republican e colonialista d'oltra-mar : un autre exemple.

5 - E quin plaser d'escotar uèi dimarç Radio(puta)FranCE, quina polida musica, quina polida causida, sense francés a l'antena, quin plaser !

* Neuily/Seine es la banlèga ricíssima del poder que nos escana.

Ne caliá escriure quicòm, non ?

Manipulacion francesa per las televisions parisencas : avem la costuma.

Chifras dels francofònes e neerlandofònes dificilas d'aver per la television RTBF : zo podem sovent pas gaitar, mas la television belga es gaitada tanben pels politics flamencs... donc las chifras son segurament estimadas mas melhoras que las televisions francesas. Alara cal gaitar la ...

Cronica pron utila de Arrêt sur Images.

Es una realitat que la França dels mèdias refusa de veire perqué ? Ontologicament contra la diversitat qu'es pas la lora, me sembla que Òc !

«l'arrogance française de la classe dirigeante est ce qui fit éclater les ressentiments flamands», «c'est le peuple francophone qui a refusé le bilinguisme dans tout l'État dans les années 1950», entendut sus l'antena parisenca France Culture, la setmana passada (ai los programas disponibles car telecargats).
Un jorn lo parisianisme pagarà atanben per aver destrusit l'emplec tradicional de las lengas talas ... l'occitan, lo breton, l'alsacian, lo lorren, lo savosian, lo còrse, lo basco, lo catalan, los creòles, las lengas de Kanaky, etc.
Se i a ben mèdias que destrusísson las lengas del monde, se pòt assegurar qu'es lo modèl parisenc de television [véser Arthur recentament un dissabte : l'ai vist sus TF1 en çò d'un amic, car ai pas de television, e l'amic èra talament acostumat d'entendre aiçò que a pas comprès ma protestacion, car es ben un encloscatge permanent de la superioritat francofòna qu'avem a la television francesa quitament en region ambe France 3].

Cal remarcar qu'en França i a pas de television en lenga de França (un programa sancièr que siaguèsse pas en francés), lenga de França autra qu'en la lenga parisenca del poder centralista e bonapartista, la lenga que Neuily impausèt per desvolopar los seus afaras, quitament a la TV Breizh se li foguèt lamentablament refusat la TNT (TDT en Bretanha) pel CSA (à sa tête un "occitan" Baudis, que ara dirigís de l'Institut du Monde Arabe) ; i a ARTE mas es ben encausa del seu projècte de basa, car es franco-alemanda, e qu'en Alemanha las televisions son dels Länder.... I a atanben mantunas repressions lingüisticas que se veson pas a París, mas la TNT es refusada per las televisions transfrontalièras ( EITB, CCRTV, etc.)... car son pas televisions d'Estat, e los franceses párlan sonque ambe los Estats.
La premièra qualitat per èstre dins un mèdia francés es de parlar SONQUE français, endedins, e SONQUE anglés fòra las "frontières naturelles", es una representacion de França, la representacion del netejament lingüistic, e aiçò se vei clarament dins las televisions francesas o dins la boca del poder bonapartista (que sap quitament pas far foncionar la justícia), es la règla malgrat totas las cartas de "service public", servici que se pòdon aital sonar "sevici public".

Il n'y a pas besoin d'avoir une couleur de peau pour rentrer dans cette discrimination coutumière française.

Òr, destrusir una lenga e sa transmission, es destrusir una faiçon de viure sobre un territòri, una faiçon d'èstre d'aqueste territòri, de respectar aqueste territòri, es un tèma religat a l'eco-sociolingüistica (tème desvelopat per un norvegian).

Caldrà -un jorn- un procès del colonialista Jules Ferry sobre aqueste tèma, mai tanben dels Bonnet, Chevènement, Debré, etc. tal un certan prefècte collaborèt ambe lo nazisme e foguèt condemnat mai de quaranta annadas aprèp per un tribunal de Bordèu, la seuna anciana prefectura.