I a trenta sièis paginas del rapòrt de l’EBLUL, 36 paginas que fan la pròva que l’«Identité Nationale» en França es la destruccion de las lengas, lo netejament lingüistic programat.

Causa que la premsa parisenca o nacionalista francesa s’estauviarà de nos explicar …

 

-°-

Darrièra novèla de l’EPADländer.

A prepaus de l’Estat parisenc, la censura a encara tocat lo poder central ; aital, dins un discors reciclat (sobre l’agricultura en França) You Tube presentava una comparason dels dicorses del grand timonièr de l’UMP, un en febrièr e l’autre en octobre ;  lo país es de mai en mai EPADant ; ara aquestas paginas son pus consultablas dempuèi l’Estat francés….

  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

La vídeo donava la pròva visuala del doble discors ; es clar, i a agut dos meteisses discorses car las politicas de la Sarkoziá son sense realitats economicas e politicas, sense actes coma l’explica De Villepin dins las entrevistas de la setmana passada.

L’afar del doble discors es quitament pas estat revelat pels especialistas de la politica agricòla, nimai pels païsans de la FNSEA ! Es de dire la connivéncia del sindicat majoritari e del govèrn en plaça. Connivéncia que a botat aquesta coorporacion dins l’endrona qu’i son ara, tota una paradòxa. Son forçat de se calar se vòlon aver la moneda de l’Estat.

Referéncia Marianne2.

La vídeo es ara disponibla sobre lo site de Canal Plus, tornar.

Avem quitament la fòto d’un militant de País Nòstre que beu d’aiga a l’amagat pendent la manifestacion…

Es clar que las manifestacions d’Anem Òc son revendicativas e festivas (Anem Òc en vídeo aquí).

Se pausa la question de l’identitat, es un cachavielha tradicional del sarkozisme pauc abans las eleccions, ambe l’afar de la securitat dins las banlègas. Aquesta de l’Estat francés, donc coma aqueste es l’etnisme francés aplicat a la tèrra occitana, es pas mon projecte politic.

La tèrra meuna es pas la francesa, es pas aquesta que mescla l’antropologic e lo juridic, entre la nacion e la ciutadanetat. Lo petainisme aviá engatjat França dins una endrona qu’es pas possible d’entendre coma republican. Entendi pas qu’aqueste projecte fosquèsse encara viu dins lo sistèma politic parisenc.

Me demandi francament quin es l’«Identité française», senon un imperialisme, un nacional-etnisme d’expansion, la tradicion parisenc de dominar los pòbles vesins.

Per acabar aqueste bilhet (dins mantunas oras i aurà las fòtos de la manifestacion de Carcasssona 2009) dirai que cal legir lo libre de Cornelius Castoriadis, «De la cité et des lois» per saber lo problèma d’aquesta question.

Soi segur que los manifestants de Carcassona i èran pas per l’«identité française» aquesta de l’UMP. Ambe l’intervencion qu’ai entenduda dins los mèdias ièr, me cal questionar sobre l’interès de votar UMP per las eleccions venentas.

Alavètz per la fòrça de la «majora pensada» del poder central, lo poder regional EPADant, los manifestants èran segur totas/as contra las sonçainas imperialistas parisencas.

Lo devís sarkozista acaba de plaçar una division ideologica entre lo nòrd de l’Estat e lo Sud, entre França e Occitània, del meteis escantilh qu’i aviá al moment dels periòdes que lo dreit escrich èra Occitània, e lo dreit oral de França.

Soi urós de vos indicar que vista aiçò, soi de mens en mens Francés, èri Francés per fòrça, quitament se soi pas estat un ciutadan revendicatiu per l’èstre.

Vaquí lo camin de la manifestacion :

7 novembre ‘09, 20:30 oras, aula publica, Sant-Peire-de-Chinhac en Perigòrd.

De mai cal notar atanben sul vòstre agènda l’exposicion tolsana, amerita tot lo vòstre interès.

Abans de legir mon bilhet, vaquí un article que vos cal aver legit, es de Jade Lindgaard.

Occitània es estat un territòri poblat per futurs foncionaris del sistèma politic colonial francés. Occitània es estada abandonada economicament. Uèi, ambe la decentralizacion e gràcia a la decentralizacion, Occitània debutava un reviscòl ; l’UMP vòl destrusir lo sistèma politic actual, aquel qu’a gerit l’Occitània decentralizada, e que debutava lo despertat.

Istòria d’Occitània : los Catares èran simplament la partida vesedoira de l’economia e dels sistèma politic en Occitània a l’Edat Mejan, los chaples catolico-franceses los an fòrabandit del territòri, an migrat tanben cap al sud… Oltra-Pirinèus, dins la Catalonha de uèi.

Istòria d’Occitània : Occitània se deviá desvolopar coma totes los territòris europèu, los protestants que ne faguèran la pròba d’eficacetat son estats fòrabandit pel sistèma francés; donc, son estats trabalhar endacòm mai, per d’autres Estats, sovent mai federals.

Uèi Occitània es una zòna de non-desvolopament economic, aital sem tanben la region que supòrta lo mens.

De quina manièra lo poder parisenc farà frenar lo sistèma occitan per se despertar tornamai ? L’UMP-Sarkoland pensa …

La crisi economic ligada a un sistèma de productivisme francés (avètz remarcat que sem mens tocats que las autras regions de França, car l’industria autonomobila es absenta, levat a Bordèu que los partits franceses an imposat una entrepresa de l’automobila americana per clientelisme).

Uèi donc Occitània se pòt fotografiar aital, los partits del sistèma productivisme francés (pno, mai tanben totes las esquèrras per exemple) ne faguèron sempre la critica, mas uèi avem aiçò:

Occitània es devenguda una zòna pels parisencs per viure melhor (la reala rason del TGV/LGV es aquela)… la paradòxa es que ne fan una desvolopament colonialista, Occitània descargada de sa lenga pròpria, “Grand Sud’ coma la pagina del jornal de la sotmission, DDM.

Occitània es alara lo camp de passejada de las organizacions las mai nacional-expansionistas del monde, l’espòrt e la premsa parisenca.

Es quitament pas question de venda a l’encant, mas simplament las comunas fan de lesca-pè per aver de recebre e pagar lo passatge del comèrçe mediatic ‘Tour de France’. Lo “Tour de France” es una vergonha esportiva e economica, mai tanben politica, vist que los elegits d’Occitània se vendan an’aquò, una maquina de far esclaus. Es que lo París-Dakar es pas estat matat per èstre colonialista en Africa ? E lo “Tour de France” en Occitània, seriá pas colonialista totparier ? Amai d’èstre un joguet per las comunas de dreita … nacionalista francesa.

Michel Onfray me comprendrà :

 

Ambe lo resalfament climatic anonciat, mediatizat, me sembla una novèla interessanta, interessanta tanben per l’economia de la Val d’Aran, e per l’economia dels Pirinèus.

Es una informacion del Conselh Generau d’Aran, institucion publica autonòma qu’anóncia tanben l’arribada d’un car de 50 militants per la lenga occitana a Carcassona dissabte.

Aprèp los Auvernhats (Occitans e Occitanas d’Auvernha) dins las nhòrlas ministerialas, vaquí los Bascos :

Marie-José Defol es professora de letras.

Çò d’escandalós es qu’aqueste redactor en cap a Tolosa, sap pas legir los articles publicats endacòm mai dins las autras edicions de son jornal ! Quora aqueste cap-redactor serà cambiat ? Es pas un bon profesisonal e ne fa la pròba cada jorn. Lo fait que damorèsse en plaça es un acte politic de la familha Jean-Michel Baylet qu’endacòm mai exprimís son sosten a una politica per l’occitan… La paradòxa es talament sancièra, qu’un jorn ne caldrà ben acabar, non ?

Per astre, ai en man lo pietadós jornal gràcia a mon peruquièr que me fa lo plaser de pas la botar a la lordèra e de m’estocar lo jornal aqueste per assegurar qu’es ben un jornal piedatós, en practica zo legissi 2 minutas per numèro.

Quora aqueste jornal destriarà “occitan” (qualificatiu e nom pròpri amb una majuscule), de “Occitanista” ? La fauta es del, mai tanben dels autres jornalistas franchimands. Etc. Es de se demandar çò qu’es ensenhat dins las escòlas de jornalismes (écoles de journalismes – per la referéncia Internet) !

E dins lo cas de la DDM es mai grèu… car aquel cap-redactor es sul terrenh !

-°-

Los jornals qu’an costejat Jean Jaurès an sempre una maissanta vida redaccionala per aver près las idèas politicas dins las fonts sornas parisencas, l’avem vist ambe La Dépêche dicha del«Midi». Ara, zo podem veire ambe L’Humanité - uèi que fabrica un quicòm estampilhat Jean Jaurès cada jorn. Uèi dins lo jornal parisenc dels comunistas centralistas se podrà legir un article :

Çò d’estonant es pas lo contengut, zo sabem dempuèi longtemps (15 jorns jà), es la publicacion del contengut, sa data, lo 191009, siá quinze jorns aprèp l’afar ! Es una confirmacion que lo temps es long per far pujar l’informacion entre las «províncias» e la santa capitala, la redaccion e l’imprimatur. Aital podem confirmar que la publicacion es puslèu deguda al fait que mantunes militants comunistas devon votar aqueste setmana per o contra la participacion a la campanha que sostendrà la candidatura del candidat Georges Frêche. Aital, la direccion parisenca indica de quin costat cal votar. Lo contengut de l’article es jà conegut dels militants, per aver legir siá Midi Libre, siá La Gazette de Montpelhièr, siá l’Herault Le Jour… o los corrièls passats per aquí o per ailà (circulacion que se pratica dins la segonda).

Es ben la confirmacion, donc, del centralisme de las decisions politicas, dins las institucions de l’Estat francés, mai tanben de mantunes partits, que lo PC amerita plan son qualificatiu de F per l’acabar, PCF.

Serai curiós de saber quina còca aurà Rosa Moussaoui per aver acceptat de signar aqueste article publicat uèi lo 19 d’octobre de 2009 ?

Paure Jean Jaurès, se vira tres còps dins son tombèl.

 

Se ne parlarà segurament pendent l’ora gaujosa a Tolosa !

Segur que per eficacetat los Araneses, de vertat, que son pauc nombroses, auràn interèsses d’èstre vist a Carcassona, mens de damorar a Vielha… lo 24 d’octobre ‘09.

Es clar que l’eficacetat mana d’èstre manifestant a Carcassona : PER LA LENGA OCCITANA.

La BBC dona una rason per anar manifestar a Carcassona (pels Occitans, Catalans, Bretons, Còrses, Savosians, Alsacians, Picards, Goadelopeans, Martiniqueses, Reunioneses, Flamands, etc.) e a Baiona (pels Bascos – sabi pas encara l’interès de manifestar solets…) :

Es cort, mas bon. En Aràbia … O dins los barris del colonialisme parisenc…

E al nivèl de la causida politica dels elegits de l’UMP e dels foncionaris d’Estat a l’EPAD, aquestes que votaràn per Jean sans immeuble. Per los qu’an pas en cap los faits…. (Libération.fr, e tota la premsa de granda qualitat espanholista El País, La Vanguardia, El Público, El Periódico, Hola, etc. )

 

E France Inter, ara … Una casta de l’UMP–Sarkoland practica l’Estat partidocrata. La casta-UMP e los militants an pas gaire d’umor per aquestas passas, zo cal saber.

Mai seriosament e en lenga portuguesa, per desvolopar lo multilingüisme en çò dels militants de l’UMP.

Las crabas socialistas son tanben dins l’arena… La partidocràcia mata la democràcia. Se cal recordar la paracaiguda de Lionel Jospin a Santa Gabèla… Bon, mas al mens Lionel Jospin èra un estudiant qu’aviá capitat al mens un diplòma universitari !

-°-

Modestia : Jean sans Immeuble a decidit de devenir modèste, aprèp son entretivista al 20:00 oras de France 2, la television publica oficiala del regime. Sem lo 22 d'octobre de 2009.

Acabi de legir aqueste libre trapat sobre la plaça del capitòli entre doás manifestacions contra la gestion nacional-socialista de Tolosa. Acabi tanben d’aprendre que la negociacion ambe los pobelièrs es debutada, tres jorns en retard ! Segurament zo podrètz trapar dins mantunas de las bibliotècas de la ciutat mondina, lengadociana, montpelherana, gascona, lemosina, auvernhata, dalfinesa, o provençala.

Nosautres en Occitània, cal recordar qu’avem tanben un pè dins aquesta Euròpa centrala, gràcia a Provença (ancian reialme d’Arle) e que cal a tota fòrça duèrbe Occitània a l’Euròpa de l’Èst, cap a la meteissa destinacion qu’Alsàcia. Serem aital lo braç terrèstre de Catalonha per crear un espaci europèu coërent. La mapa de la latinitat pòrta Occitània cap a l’Èst tanben… ai legit mantunes dels articles d’aquesta revista, ai vist quasiment los meteisses arguments que podem bastir.

L’entrada de l’Estat d’Andòrra dona una autra dignitat a la Comunautat de Trabalh dels Pirinèus, l’arribada del socialista Martin Malvy dona un novèl vam an aqueste espaci occitan, se, ben segur, la lenga occitana es integrada e emplegada, e promòuguda realament, alara pas simplament de faiçon culturalista.

Avem pus mestièr de passar per París !…

-°-

Una urgéncia se fa a la lutz : cal salvar los rics parisencs

Lo cinèma podrà ajudar, a jà ajudat la republica parisenca per manipular los esperits franchimands, la ciutadanetat :

Lo «paure» èra sense resorga sufisenta, lo bouclier filhial del paire.

Un legidor d’un jornal militarista francés (que debuta per F e que s’acaba per O) nos ajuda a entendre quina anóncia a poscut interessar Jean Sarkozy & Sans Immeuble (bon de Tèrra dins l’EPAD es puslèu extra-ordinari).

En Belgique, Le Soir, l’afar far rire sobretot que la China s’i interessa :

Dins la premsa europèa, coma SkyNews, Times, The Independent, Toronto-Franco, Fox News, EuroNews, The Telegraph, TVNV, France 24, Reuters, NZHerald,  The Australian, The Scotman, LBC, The Malaysian News, The national Post, Hindustan Times, Weekly Standart, Times Of Malta,  Finances Magazine, Irish Times, Real Radio Wales, Zimbio, B92, Daily Times, Global Times, Deccan Chronicle, Capital FM, Congoo, Edmonton News, DC Nepal, Indian Express, Turkish Weekly, Herald of Paris, Daily Mail, DW World.de, BBC News, ABC News, Le parisien.fr, Canada.com, Qatar Times, Le Monde, RFI, Herald, (segurament mai de jornal sobre la planèta pensa al nepotisme dels Sarkozy que i a de deputat UMP dins l’AN), es l’escandalh generalizat, mas l’UMP damora de marbre, a l’AN o al Senat, o dins lo partit : es ben lo vòt de las regionalas que los farà cambiar d’avejaire.

 

Dins l’Estat francés avem la familha UMP-Sarkozy per atirar l’atencion dels mèdias mondials, al EUAN zo forçat l’anar mai luènh, gaitatz :

«A 6-year-old boy is floating over northeastern Colorado in a homebuilt balloon.» Un dròlle de sièis annadas flòta dins lo cèl del Coloradò dins un balon… De que cal pas far pels mèdias internacionals !

Al mens se sap perqué cal donar l’independéncia a París, sa torre Eiffel, sa torre Epad, un pauc de vinhagre mafiós nacional-expansionisme e de sal e pebre ambe una casta politica sense vergonha… Las causas cosinièras parisencas son claríssimas, e la baissa de la TVA ajuda.

Quora un bac + 5 tròba pus de trabalh es la resulta del sistèma edicatiu.

Mas quora una sense diplòma es capolièr del pus gròs servici public de l’immobilièr en França… dins lo departament lo mai ric de França.

Avem aiçò a la vista :

 

Cal descriure la portada pels desinformats de la France de la Télévision : vesètz aquí un jovenòt, qu’a pas cap diplòma universitari, arribat al poder lo mai naut, l’EPAD de la Défense, per la fòrça de l’UMP-NC e de son paire ( la familha partidocrata de dreita).

E lo meteis jorn lo paire dirà la frasa que podètz legir sobre la portada de Libération de uèi.

A Tolosa, los sense-diplòmas son pobelièrs… e los de las sciéncias politicas professionalas son al poder. Vesem la resulta al bilhet següent.

De qu’es França de uèi ? Es la debuta del sistèma de destruccion de l’Estat jacobin franchimand tal que se faguèt ambe la fin de l’URSS…

Ièr ai agut de passar dins las carrièras de Tolosa, per encontrar intellectuals de l’occitanisme actiu, soi sortit mai d’ora de l’encontre intellectual. Puèi ai passejat dins las carrièras cap al Capitòli, ai vist passar un estrang escenari sobre la plaça del capitòli : ai pensat qu’èra una messa per demandar als extraterrèstres davalèssen en vila, i aviá mai de public que per una messa catolica a Tolosa.

Es vertat que la ciutat mondina gerida per un consorsium d’intellectuals sab pas emplegar l’engranièra. Gaitatz lo trabalh, d’aqueste pichonèls papièrs armoniosament escampilhats pertot al centre mondin.

Vos pòdi tanben revelar que lo consorsium d’intellectuals li agrada lo jazz31, mas per reservar a jazz31 cal passar pel privat ! (lo site Internet foncionava pas las doás darrièras jornadas).

Avem donc «Una mondinalha de papièrs» Magnific ! Magnific coma Happening artistic. Que fariam sense lo personal politic qu’avem ? I auriá pus ges de blòg, non ? La mondanilha de papièrs impausa d’aver papièrs aboçinats e escampilhats dins la vièlha vila tolsana, ambe un projècte politic fòrt qu’es l’aumentacion dels salaris. E la mondanilha de papièrs se farà sense subvencions, ni demandas que podrián s’amotlonar, ni mai reünions oficialas e collòquis per amassar los blablatatges tradicionals.

Dementre que la CGT spectacle, per tot dire Claude Sicre qu’auriá installat un novèl festenal “pertot pobèla” o “totas las pobelas del monde”, trabalha son Happening, la comuna fa distribuar paperòts pron ben imprimits pel maraton de Tolosa, als botiguièrs de la ciutat.

Sul pic ai pensat a un Happening teatral, mas que non, mon perruquièr m’infòrma, sovent mai informat que la pobela locala, aqueste maitin, qu’es una cauma dels pobelièrs per demandar una aumentacion salariala. Remarca, se podrà comprendre, quora un filh a papà [Jean pas sense immòbles] arriba a cumular remuneracions publicas sense aver diplòma ; los pobelièrs vòlon moneda e an pas diplòmas [e ai pas verificat, benlèu qu’an licéncia en letras occitanas ?], e fan la demanda a un personal politic que los diplòmas en republicanismes son nombroses.

Es las meteissas causas qu’a Lodèva, donc es pas un Happening artistic dels pobelièrs, aquí fan cauma tanben, e se son pas coordonats ! Es puslèu bolegadís aquí tanben … car a Lodèva es l’estatut privat qu’es negat per dintrar pas dins una regia municipala. Caldrà pas prevenir los de Lodèva, car sembla qu’an tanben entendut que cal pas èstre en regia municipala.

La partidocràcia sap pas gerir la ciutat (vila e societat), car cal pas pensar que lo personal politic UMPf-NCf es melhor que lo personal politic PSf per la gestion del país occitan. Se podriá donar una medalha en Gold per aquesta mala gestion de la partidocràcia, e donc podem declinar Gold31, Gold34, Gold64, Gold13, Gold69, etc.

Los Gold de tota mena podràn sempre dire qu’es la fauta de la dreita per aver donat salari  e bònus de tot escantilh, mas la centralizacion dels estatuts aurà consequéncias que totas podràn pas ganhar en avantatges salarials adquesits. Tal avantatge dins un comuna podrà pas èstre l’avantatge per l’aglomeracion … Uèi 370 salariats de las pobèlas fasián manifestacion entre lo sièti de l’aglomeracion e la comuna-capitòli, en daissar mantunes sacs suls camins !

Per astre i a Les Verts ! ( avem de chança, la darrièra ? Les Verts son al poder a Tolosa, de la majoritat … Damora pus qu’a los installar a Lodèva, Clarmont L’Erault, Montpelhièr, en Lengadòc-Rosselhon, Miègdia –Pirinèus, Aquitània, Lemosin, Auvernha, Provença, Ròse-Alps, Peitieu-Charanta, etc. Aital sem segur que la partidocràcia serà eliminada del camp politic, dinca las aprosmadas eleccions de 2012.). [veire lo document junt, l’occitan es present e aplicat primièr al partit que se ne revendica ! Causa normala, non ?]

 

Per un pauc de patz sobre aqueste planèta, de la musica  e una informacion sobre lo catalan :

Aquesta darrièra vídeo questiona : perqué, alara, lo torisme d’Occitània se passa en anglés (pel piéger) o espanhòl (pel melhor) per arcuelhir los toristas catalans ? Perqué zo fasem pas dins nòstra lenga occitana ? Perqué ? Per los que ne fan l’ignorança, profession d’ignorants sul tèma, mercés de vos informar alprèp del Parlament de Catalunya, lo site Internet es en aranés, occitan d’Aran.

Las leis sobre l’autorizacion d’immigracion son a man d’èstre practicada gràcia al novèl estatut del Govèrn del Principat de Catalunya.

Totas las comunas d’Occitània an ajudat un còp lo “Tour de France”, e donc la matança dels joves ciclistas europèus, quora s’arrestarà lo sosten al ‘Tour de França’-organisme de matança oficial, e televisat.

Es ‘France Television’, ambe l’argent de la redevença, argent de totes/as, que subvencion la matança oficiala.

Darrièra causa  : lo ciclisme mata pas naturalament, podètz far de ciclisme en vila, es melhor que l’automobile.

-°-

Vos cal comentar tanben l’articlòt de La Dépêche, aquí ligat. La question de l’article es jà una provocacion nacionalista francesa : «faut-il en faire encore plus ?»

-°-

Es un divertiment.

L’ai escotat tanben en devís oficial a Montpelhièr per l’encontre de cambiament de presidéncia de la CTP, Martin Malvy es en campanha electorala, ecologia e ciutadanetat faràn son principal camin per 2010. E me sembla pron bon, alara es evident que l’aplicacion es pas aisida, e segur que l’occitanisme politic e la cituadanetat occitana li podrà ajudar a desvolopar son punt de vista.

Se cal donc felicitar per aver enfin entendut l’engana francesa, e sobretot parisenca sobre las infra-estructuras. Es lo meteis problèma entre Barcelona e Madrid, mas las consciéncias politicas catalanas son mai avançadas ; es vertat que lo Principat de Catalonha fauta d’un capolièr que vòl acarar lo poder madrilenc, alara un partit al poder a Barcelona es pas de la bona color politica per aquò far. Martin Malvy a la bona color politica per criticar la politica de París, e de sas multinacionalas de «servici public», Martin Malvy a tanben las experiéncias ministerialas per saber coma fonciona lo bordèl parisenc.

-°-

 

Es que la plaça serà sonque marginala ? Quora i a una intervencion basca, se farà trilingüa ? Quora se fa una intervencion catalana (Sr Montilla) lo discors se fa sonque en catalan (alara que l’occitan es lenga co-oficiala dempuèi lo 6 d’agost de 2009) ?

Non l’occitan merita una preséncia dels caps de Bordèu, Tolosa, e Montpelhièr mai granda !

 

La traduccion occitana del document de recepcion es en gascon. Es l’unic endreit qu’ai poscut trobar de l’occitan.

Perqué ? «aquò s’explica per la mai granda autonomia autreguada a las escòlas per çò que fan de la gestion de las resorgas umanas», l’escòla republicana fonciona pas car lo mamot es tròp gròs, tròp parisenc e aparisenquit : regionalizem !

Sonque un servici public al nivèl regional podrà ajudar una melhora presa en compte de l’educacion per tota la populacion, basta de las causidas parisencas, causida del coorporatisme professoral, del sindicalisme d’un autre temps, del sistèma politic jacobin.

Cal tornar escriure : un servici al pòble es pas un servici d’Estat, un servici public es pas un servici d’Estat per l’educacion coma per totas las entrepresas dicha publica e que son d’Estat francés, Estat d’espaci territorial republican parisenc.

Tribuna : s’explica la greda del rugbí.

La «Ligue Nacionale de Rugby à Quinze» (LNR) sosca seriosament de far jogar las mièja-finalas venèntas del Tòp 14 a l'Estadi de França per de rasons de rendabilitat financièra. La greda (le fric), tostemps la Greda, encara la Greda, Santa Greda pregatz per la paura LNR que n'a jamai pron e ne vòl amassar mai.
A faire que tant per que pas i far jogar tanben los rescontres de barratge ? Amai en tot butar lo colhonitge un pauc mai luènh per que pas tota la sason esportiva de las doás divisions professionalas ?
Tot aquò per la Greda e subretot per una rason amagada, vergonhosa, mas una rason primièra, per ensajar de far creire que Paris es una vila de Rugbi.
Pel cap dels bailes de la LNR e de la FFR i a lo sòmi clar que la capitala politica de l'Estat Francés siaga un jorn la capitala indiscutibla d'un espòrt essencialament jogat dins las partidas basca, catalana e occitana de la Republica francesa.
Gèli G., un Internauta legidor de mon blòg.

-°-

-°-

 

www.copenhague-2009.com es l’ultimatum climatic.

13 octobre, Tolosa : serada debat sobre la finança e lo climat, la comission «Énergie-Climat» d’«Attac Toulouse» organiza una serada de debat, dimarç 13 octobre 2009, sul tèma «La finance peut-elle réguler le climat ? Les enjeux de Copenhague» : originas del cambiament climatic ; recomandacions del GIEC ; politica Climat-Enèrgia ; mercat del carbona ; economia-carbona ; negociaicons de Copenhagen ; proposicions alternativas. Encontre a 20:30 oras a l’aula de las fèstas de Labèja-vilatge (darrièra la comuna).