Auriá pogut èstre un títol de banda dessenhada, es la realitat de l'actualitat francesa en Corsèga, son partits en Corsèga, aprèp Estrasborg ; lo govèrn mediateja en Corsèga ; Naboleon Ier pòrta l'estratègia ; los mèdias parisencs seguísson : es que parlaràn de la realitat ?

La revista URIBOMBU.COM  - L'attualità di a Lotta di Liberazione Naziunale di a Corsica - prepausa un fum de reaccions sul tèma ; las reaccions son en francés.

Conseil des ministres français en Corse
Rassemblement mercredi 31 octobre 10H00
Place du DIAMANT, Aiacciu

Numaru 30, Ottobre di u 2007
RESISTENZA !
Jean-Guy Talamoni, Intervista

Les oublis de Rachida

I SCRUCCONI FORA !

http://www.uribombu.com/

E per contrar France Inter que naboleoneja en dirècte, ai escotat Alta Frequenza.com ... que tot i estat dit, e totes los nacionalistas son estats entrevistat, particularament Jean-Guy Talamoni, lo democrata còrsa, ambe una entrevista. Se i parlèt de l'interdiccion d'opinion e la fin de «État de siège» ordenat pel regime politic parisenc. Totes los sindicats an cridats per una manifestacion a 11:00, lo STC manifestarà a 11:00 (tanben un tren es previst per la manifestacion), e lo comitat anti-repression an gausat far la comparason de l'interdiccion de manifestar a l'interdiccion de Birmània.

La "Joventut Independentista" còrsa crida a una manifestacion tanben... I aurà mai de doás manifestacions per la preséncia francesa en Corsèga.

Interdiction de manifester : la GI dénonce une provocation  (Aujourd'hui 07h53)

(Laetitia Pietri - Alta Frequenza) - Pour la Ghjuventù Indipendentista, cet arrêté d'interdiction de manifester (voir par ailleurs) est une provocation . «Elle démontre, s’il en était encore besoin – à toute l’opinion française et internationale que la Corse est traitée comme une colonie», indique le syndicat étudiant dans un communiqué qui appelle à une forte mobilisation pour la manifestation de demain «Peuple corse, écoute l’appel de ta jeunesse, qui te demandes une fois encore de descendre dans la rue afin de montrer que tu es toujours prêt à résister et à faire respecter tes droits nationaux sur ta terre», conclu le communiqué.

Es que cal dire mercés a Naboleon Ier ? Lo pòble còrse se desperta e .... RES sus France Inter qu'es en dirècte, senon lo sampitèrne blabla sarkozista e los estupides comentaris parisencs.

Quand soi estat ciutadan occitan a Pau, occitanista al començar, ai agut la costuma de crompar debans un supermercat de la ciutat paulina, una revista, ENBATA ; sembla que soi pas estat lo sol a poder la crompar aquí ; Pau es un endreit que la revista trapa una clientela.

Mas una clientela se farga tanben pel seriós que pòrta la revista. Per tot saber de l'abertzalisme -autonomisme en lenga basca- es una revista essenciala ; per saber del País Basco -Euskadi- es una revista essenciala ; per viure lo politic en Euskadi del nòrd es una revista primordiala.

Es segurament la sola revista que ajuda pas los parisencs a fargar revistas de premsa. Es ges disponibla sul net, sonque per abonament, car la revista es fragila, jamai l'Estat francés bonapartista l'a acceptada, dinca un jorn l'interdire ... e li fa lo seu resson public e ciutadan.

Es una revista que, pel moment, a pas trapat un equivalent en Occitània, pel seu seriós, per la seuna independéncia (sovent preferat a la qualitat del papièr), de la seuna diversitat de pensadas, pels article -en francés- que li son prepausats, per la qualitat de la redaccion e del contengut politic.

Es una revista que vos recomandi ; podètz demandar mai d'informacion en picar aquí. I a pas de servici de premsa.

Totas aquestas cobertas me semblas importantas e de franc, sempre la bona causida de la redaccion, mas vòli apondre un comentari sus la uèitena, per melhorar la compreneson dels actes politics en Euskadi dempuèi la fin del franquisme.

Èra lo temps de la sortida del franquisme, Espanha votava sa Constitucion per referèndum ; lo catalanisme s'es adobat coma sempre de las prepausicions madrilencas e n'avem la resulta ara : Madrid qu'èra bravament mai pichona economicament per rapòrt a Barcelona, ambe lo centralisme madrilenc, Barcelona es devengut una banlèga de Madrid gràcia a l'AVE en estela sobre la santa capitala del centralisme bonapartisme espanhòl.

En Euskadi, lo referèndum s'es debanat, mas totes los partits an cridat per dire NON a la novèla constitucion madrilenca, sonque les Espanhòls d'Euskadi votèran SÍ ; la resulta es aquesta donada per la cobèrta d'ENBATA.

Dempuèi, los partits espanholistas madrilencs assajan d'impausar en Euskadi lo poder madrilenc, per totes los mejans, quitament la violéncia constitucionalista e la practica d'una justícia a doás manièras ; la consequéncia es estada qu'ETA es damorat dins lo reng de la pensada de la violéncia, malgrat l'arribada del poder autonòma.

E dempuèi aquestes tempses, annadas setanta, Euskadi assaja de sortir dels tempses de violéncia que Madrid afavoriza sempre, que siaguèsse ambe Franco o ambe los democratas del PSOE o del PP.

Donc en Euskadi, i a los constitucionalistas e los autres, anti-constitucionalista (Bascos de vertat). La votacion de 2008, cridada per Sr Ibarretxe, assajarà de sortir d'aqueste problèma madrilenc en Euskadi, causa que Madrid non vòl pas brica, car contrariament a la Carta de l'ONU, Madrid vòl damorar colonialista, un nacionalisme d'expansion ambe l'arribada massiva de populacion de Castilha e León.

ENBATA es la revista que sap d'aquestes concèptes politics e que los gausa emplegar dins lo sens corrècte, contrariament a tota la premsa occitanista actuala, e zo fa ambe una perspectiva de long termi.

Es per totas aquestas rasons que soi abonat. Es per aquesta rason que soi estat de mantunas revòltas contra las agressions anti-democraticas espanhòlas e francesas en Euskadi. Pensi tanben que es necessària.

Mas podètz legir lo punt de vista d'un francés sul tèma.

Recentament ai convidat totes los lectors per una serada de teatre, es una serada de promocion del teatre en doás lengas de TIO, occitan e francés ; un conselh agradiu de visita vos permetrà d'anar veire una creacion occitana. Es talament rara.

Ai trapat tanben un document costumièr pron utile per descriure la serada. Aqueste document es prepausat dins lo jornalèt ben-ortografiat del Conselh General, lo seu president zo demanda ; l'ortografia sembla èstre un element major de sa publicacion, e sabem las fautas que se pòdon legir dins la premsa locala..., alara la demanda sembla èstre una crida sociala per la bona ortografia, pertot.

Sovent aquesta cronica dicha d'«Occitanie» e sempre signada, es sempre ben-ortografia tanben en occitan, mas uèi -darrièr numèro, n°100- la cronica es en francés ; soi avertit sempre a l'amagat, coma sempre, que, per rason tecnica, e benlèu politica, la cronica aguèsse de mal d'èstre escrita en occitan, pression sociala o politica ? Digun zo dirà, mas seriá de regretar qu'una cronica en lenga occitana desaparesquèsse encausa d'una manca de presa de consciéncia de l'interès de la preséncia publica de l'occitan [sosten de totes los caires].

Estimatz positivament aquesta cronica en lenga occitana : contact@cg31.fr. S'i espèra un corrièl de sosten a l'emplec de l'occitan [en anglés, catalan, occitan o ... francés]. Lo corrièl vòstre animarà, grandament, directament e positivament a l'actual Sénher Director de la comunicacion del Conselh General e al President del Conselh General, Pierre Izard. Semblariá que n'aguèsson mestièr.

E se fasètz pas res, pensatz a notar la data : 15 de novembre, 20:30, luòc : MJC Roguet a Tolosa Sant Çubran - serada gratuïta per totes los legidors o totas las legidoiras d'aquesta cronica.

De faiçon indivuduala o collectiva lo velò aurà de s'installar dins la ciutat.

Fòto 1 : s'installa ont pòt, aquí a Jean Jaurès per pas aver pron d'estaca-bici, se pláçan ont pòdon ! A Jean-Jaurès es un vertadièr problèma per estacar sa bicicleta, e l'estacion de mètro es aprosmada e la clau del sistèma de transpòrts collectius tolsans.

Fòto 2 : la quantitat d'estaca-bici es pas pron sufisent a Jean Jaurès, jà ! Mas a costat, se prepara quicòm ... veire fòto 4.

Fòto 3 : estaca bici pas encara utilizat, sul baloard en fin de Elsàcia-Lorrena.

Fòto 4 : l'estaca-bici novèl e suplementari es dedicat a una companhia de velò, companhia privada.

Fòto 5 : lo velò que vesètz aquí es un de Barcelona, mas es fabricat al Danemarc ; aqueste tipe de bicicleta adaptativa acaba d'arribar a la ciutat mondiana, un assag de velò un pauc especial èra prepausat dissabte a la plaça de la borsa, prèp d'una botiga especializada.

Lo problèma principal per Tolosa e la bicicleta es que ... lo mejan de transpòrts aqueste se pana aisidament e lo mercat de las bicis d'occasion es ben conegut de tots, quitament lo diu-guit tolsan zo sap.

-----------------------------------------------------------------------------------------------

Lo 6 de novembre ( fòto junta ) los tecnicians de la comuna installávan un novèl sistèma per estacar los velòs prèp de l'intrada de la carrièra Gabriel Pery, una bona novèla, per la fauta d'estacaments per los que vòlon prendre lo mètro aprèp.

Bona novèla per totes los Internautas que legísson aqueste blòg e una pròva que lo projècte velò per la ciutat mondina a mestièr de demandas dels ciclistas per poder èstre convenients per totes e totas.

Donc podètz daissar un comentari aquí en bais, add a comment, serà legit.

------------------------------------------------------------------------------------------------

E a partir del 16 de novembre serà la bicicleta privada que arriba en la ciutat mondina.

Sabètz que soi abonat a una revista francesa, Le Magazine Littéraire. Es una revista de literatura.

Uèi acabi de recebre lo numèro de novembre, dedins qu'ai trapat una publicitat qu'anem gaitar ensemble per assajar de veire que vòlon dire quand párlan de "la pensée française" .... pels que son tal un francés, monoteïsta lingüistica, pensada francesa, al singular, la pensada francesa...

Es evidentament una faiçon globalizanta, e ges, coma de costuma, una expression de la pluralitat de las pensadas en França ; jà podètz remarcar que farai una diferéncia entre "la pensada francesa" e "la pensada en França", dins lo segond cas se podrà imaginar dins d'autras lengas [occitan, breton, basco, catalan, còrse, etc.] e en França -l'Estat-, pas l'espaci lingüistic ; car per l'espaci lingüistic avem, sul continent europenc, d'apondre auèi, los Belgües [Wallons e de Brussèla], los Suïsses [Romandia], los Monegasques e totes los francofònes.

E se i a una pensada francofòna qu'interessa la revista e que seriá pas francesa ? L'Africa pensa pas ? Los Libaneses pensan pas en francés ? etc. O lo qualificatiu aquí vòl dire de lenga francesa, lo patès de París ? Alara, la confusion francesa es totalament concebuda per enganar l'emplec qualificatiu.

Jo soi sempre espantat de veire que quand una borgesiá europenca escriu en francés pòt devenir francés, de l'Estat francés : Montaigne, Montesquieu... [subjècte del rei o ciutadan de la republica ?]. E quand aquestes son franceses, perqué pas Pierre Bayle [nascut en Arièja, escolhat a Tolosa ambe los jesuïtas, puèi professor a Ginèbra e Metz, puèi Utrecht, d'En Spinoza] o un Calvin ? Car escrivián en francés e latin, e a l'estrangièr, de qué èran ?

Vos dirai qu'aquesta revista "Sciences Humaines" mescla jà language e langue ... dins la lora pròpria lenga en fasent un anglicisme ben conegut al CNRS ! E per las sciéncias monilhencas francesas : es ben uman de parlar a french language ?

Mas per clavar avètz tanben remarcat que la "pensée française" existís tala "una tradicion" sonque que dempuèi lo francés es oficial a l'Estat francés ["Cinq siècles de pensée française"], 1470, ges de pensada francesa o francofòna pels Ducs de Bretanha, de Peitavin, de Picardia, o de Normandia, o de Borgonha o de Lorrena, o pels Estats de Lyon, de Savòia, o quitament los Habsburg, etc...Pels nacionalistas franceses la nòstra Istòria "regionala" es memòria, pas Istòria. Puèi, lo juridic lor fonda "la pensée française", sense juridic cap pensada francesa, cap de tradicion. Sense francés de Normandia, ges de juridic anglés, aprèp la batalha d'Hastings -1066- los Ducs de Peitavin, Normandia e Aquitània importávan las lengas francesa per la far devenir lenga de la corona anglesa, e occitana pel juridic e mantunas autras causas reialas... causas volontariament oblidadas dins la França centralista, reiala e republicana.

Avètz donc ben comprès, es una revista d'aquesta esquerra scientista francesa que lo nacionalisme peta per totas las portadas, es una revista que me soi abonat un moment, puèi desabonat aprèp un numèro especial de lingüistica, e que conselhi de pas crompar [pas en rason del prètz, jà car, mas del seu contengut].

Comprenètz perqué aurem dificultats de parlar de poder regional, d'autonomia o de constitucion regionala pels Conselhs en Occitània, ambe los parisencs o los afranquizits, los bonapartistas de tot escantilh ?

Los fumaires son forçats d'anar fumar defòra, e dempuèi la novèla lei se fuma defòra, e pensi la lei bona, pels salariats dels comèrçes tolsans ; I a gaire d'entrepresas o comèrçes que a pensat plaçar un cendrièr per la balusa e la punta de la cigareta, alara quand se passeja per las carrièras se vei aital un traçat de puntas iranjas de cigaretas, netejadas regularament pels servicis municipals, e una audor persistenta de la cigareta dins las carrièras quand i a gaire de vent.

E acabi de veire una publicitat que permet de trapar una solucion. Gaitatz !

Se pòt legir en francés : « Fumar defòra pòt nòser a la sentat dels vòstres collaboradors »

A l'acès prepauzat se dèu de filtar lo fum e donar un luòc per anar fumar.

Mas fumar a tanben una consequéncia per la collectivitat occitana tolsana, s'en va far comèrçe en país de taxas mens caras, tal Andòrra o Val d'Aran.

Aquestes viatges de recèrca del mendre còst farga un comèrçe aital e se lo comèrçe aranés es pron clar, ambe una activitat normala, veire simpatic pel desvolopament economic de la montanha ; trabalhar en Andòrra l'es bravament mens a çò que se pòt entendre de la boca privada dels meteisses salariats d'origina d'Arièja, vist l'estatut del salariat ailà.

Aiçò me sembla bravament grèu per installar unes comèrçes e taxas d'Estat, e tanben destrusir la sentat dels ciutadans.

Es utopia de pensar que se podriá far quicòm per frenar la cigareta, benlèu pas la proïbicion, mas... quasi ! Cal dire que las causidas politicas per ajudar la filiara son estadas eficaças, e aiçò encontra d'una reala bona sentat dels ciutadans.

Quand la lei s'aplicarà de faiçon sancièra, car pel moment se fumar dins los bars, restaurant e discotèca, la causa s'agreugerà.

Es una politica que cal fargar dins totes los ensembles publics, encausa de las vièlhas causidas politicas tòrtas, e costarà car per de fum !

FAITS DU JOUR segon L'Independant - Chifras trapadas dins una enquèsta de l'INSEE.

L'Aude es un dels departements dels pus paures de França metropolitana, fòra Corsèga, l'Aude es ambe los P.-O. e Seine-Saint-Denis lo departament de França al taus de pauretat lo mai naut, segon un estudi rendut per l'INSEE

L'Aude, departament paure. Es puslèu qu'un sentiment, es realitat confirmada per l'enquèsta de l'INSEE sobre la pauretat e lo nivèl de vida, rendut public divendres passat. Mantunes indicis pláçan lo departament dins las zònas de França las mai tocadas. Mejana del nivèl de vida : 13 882 €

Aquesta chifra indícan la mejana dels nivèls de vida (que son lo revengut divizat pel nombre de personas al fogal). Dins l'Aude, es de 13 882 €, per una mejana nacionala de 15 766. Sols los departaments de la Creusa e del Pas-de-Calais son en dejós dels Audens en çò que concernís aqueste indicador. Un indicador que sobrepassa los 20 000 € dins los departaments los mai rics (París, Yvelines, Hauts-de-Seine). Taus de pauretat : 18 %

Se tracta del taux de personas vivent ambe mens de 788 € per mes. Ambe un taus de 18 %, l'Aude arriva sul pic aprèp Corsèga, e se trapa ambe los Pyrénées-Orientales e Seine-St-Denis. Es dins los Yvelines (5,8 %) e en l'Essonne (7,2 %) qu'aqueste taux es lo pus bas de França. Part dels miníma socials : 2,3 %

Autre indicador de pauretat per l'INSEE : la part dels miníma socials dins lo revengut disponible mejan. Dins l'Aude, es de 2,3 %. Es mens que Corsèga (3,1 %), e autanplan que los P.-O. ; Sols quatre autres departaments an un taus superior o similar a aquesta categoria (Creusa,_Arièja,_Erault_e_Tarn-e-Garona). Rapòrt interdecil: 3,09 %

Devath aqueste terme pron tecnologic s'amaga en fait la mesura de l'amplor de las inegalitats, car se tracta del rapòrt entre lo nivèl de vida dels 10% los mai rics e lo dels 10% los mai paures. Sul punt aqueste, l'Aude es exactament dins la mejana nacionala, çò que significa, segon los analistas de l'INSEE, que se trpa dins un departament que los revenguts los mai febles an un pès important. 

Pauretat dels dròlles - Al-delai d'aqueste grands capítols, l'estudi de l'INSEE s'es atanben interessat a la pauretat dels dròles. Sul punt aqueste, sens que las donadas regionalas son disponiblas.
En Lengadòc-Rosselhon, lo taus de pauretat dels dròlles de 0 a 17 annadas es lo segond mai naut de França ambe 24,8% (lo mai feble es la Bretanha ambe 11,3%) Lo mesme taus, pels mai de 65 annadas es de 10,8 % dins nòstra region : ben mens que los 13,4 % del Lemosin, mas netament mai que l'Elsàcia e l'Iscla-de-França (4,4 %).

L. R. L'estudi registra pas las personas que damóran en fogal, en ostal de retirada, dins los espitals. Se compta pas mai los sense acès.

Aquò que significa que las chifras anonciadas son en dessós de la realitat. RMI, minímum vielhum, parentats isolats ...

La màger partida dels departaments classats en cap de la pauretat en França presèntan los mais caracteristics. Primièr, "una fòrta proporcion de retiradas als revenguts en mejana mai bais que los dels actius, çò que implica una baissa globala del nivèl de vida".
Dementre aquesta populacion, se fa notament las personas beneficiaris del minímum vielhum (mai de 5.000 personas dins l'Aude), aital que las pichonas retiradas agricòlas. Al total, lo departament se trapa ambe una fòrta proporcion de personas vièlhas dins los que tòcan lo miníma socials (mai de 26 % pels mai de 60 annadas). Un autre indicador es l'allocacion de parent isolat, que la proporcion de beneficiaris d'aquesta allocacion, per una populacion tocada de prèp de 4.000 personas. Las familhas monoparentalas son donc lo mai sovent de als familhas nombrosas, çò que agreuja encara lo fenomèn de pauretat. Per fin, lo taus naut de benficiaris del RMI es atanben una caracteristica de pauretat. Mas aquí ; l'Aude fa excepcion a la règla, car lo seu taus RMIstes (3,5 %) es la mitat dels grands departaments urbans tal las Bocas-de-Ròsas per exemple. Una donada que confirma : la pauretat audenca es de cercar fòra, del costat dels caumaires e de las pichonas retiradas.

Taus de pauretat par departement

Retorn al tèxte associat / Lista dels graphics e de las mapas de l'INSEE

Los dos departaments de Corsèga son estats amagats.

Sorga : revenguts disponibles localizats 2004, INSEE-DGI.

PS : P.-O. (la nòta de vilaweb sul tèma es interessanta) = Catalonha del nòrd, Tarn-E-Garona = Carcin Bais

-°-

Comentari del godilhaire : es resultat de la gestion francesa e prefectorala d'Occitània... Mercés a quí ? Un sistèma electoral clientelista que afavoriza sonque los partits venguts de París, ambe la seleccion de las incompeténcias per una gestion aquesta, d'Occitània. L'autonomia es sempre lo sol biais de concernir la populacion a la democràcia e la melhora gestion del país, l'autonomia de las estructuras regionalas es ges reala e pas pron cridada publicament.

Aquesta publicitat pòt interessar, quand se pensa un viatge a Barcelona e que se sap quasi los prètzes de viatge per tren, se pensa alara que l'afar es pauc cara.

Partent de l'idèa qu'auriái de prendre l'avion aqueste que partiriái doman divendres a Madrid, lo prètz del viatge seriá de 30 € ?

Ai alara gaitat sul site de la companhia, soi dintrat per aquí. Ai còp sec vist que podiái causir la lenga, i a pas l'occitan, mas i a la catalana ; segon lo conselh de Vilaweb, Vicent Partal, ai causit la lenga catalana.

La causida de la lenga catalana dona ges reduccion, lo prètz disponible per la jornada de divendres es de 187,40 € anar (espèri que las taxas son includidas !). Lo document qu'o dís es pas imprimable, segurament per ajudar lo comèrçe.

Los prètzes prepausats los autres jorns son de 93,49 € pel minímum a 187,40 € pel maxímum. Ai pas gaitat se reservavi a un mes o dos, vertat.

Es espantant alara que la companhia aeriana fasquèsse publicitat d'aqueste escantilh e que se daissèsse plaçar dins un luòc public qu'es lo mètro de Tolosa, una companhia qu'es de totes los ciutadans e totas las ciutadanas, e un servici per totes/as los/as ciutadansnas, e l'endreit publicitari pels comerçants pichons e onèstes de la ciutat... Bon sabi ben que la publicitat es aquí per enganar e non gaire informar, mas çaquelà : vesètz la diferéncia !

Ont es lo burèu de verificacion de la publicitat ? Benlèu a París !

Segur que, per aqueste prètz, se podrà anar lèu a Madrid, los emplegats d'Airbus zo devon saber. Per los qu'an d'anar a Barcelona, lo tren damora lo sol biais d'anar de manièra collectiva, pas per Madrid !! Car aquí cal prendre lo tren dinca Sent Gaudens / Martinhac, puèi lo bus dinca Vièlha puèi Lleida, e alara l'AVE [quand fonciona!], mai d'una jornada de durada ; per la meteissa via se podrà tanben anar a Barcelona.

A quin prètz donc ? Vesem ... per Barcelona, e dirècte en tren dempuèi Matabuòu (9 minutas a pès del meu apartament).

Donc lo prètz es entre 41 e 52 € per anar.

L'avion es quatre oras en compdar l'anar a l'aeropòrt (soi del centre ciutat e l'aeropòrt es pas ligat al mètro tolsan, nimai al tramvia encara), parcatge de l'automòbil o bus (quaranta minutas + pagament del parcatge per una durada...) e lo viatge en avion, puèi la sortida de l'aeropòrt (que sabi pas coma e quand de temps per arribar al centre de Madrid), etc...

Lo tren ? Uèi en 2007, quand Barcelona es a 5 oras de veitura lenta dempuèi Tolosa de Lengadòc, e Madrid 6 oras de Barcelona, lo tren passa ... 6 oras, temps compdar ambe l'arribada o la sortida de las estacions. Caldrà esperar 2010 per aver lo tren a mens de 3 oras per Barcelona Sants (Centre de Barcelona), una revolucion per la ciutat mondina o comtala occitana. I a tres cambiaments pel moment, e se passa pus per la Tor de Cairòl, se l'informacion sul site Internet es considerada coma de fisença (çò que pensi pas brica, per aqueste subjècte, per rason de la politica d'infra-estructura de la SNCF).

Cal saber que lo bilhet de tren, meteissas condicions, cap a París per TEOZ es de 33 € per un parcors longuet sense TGV, longuet en temps e en distància, vià Lemosin. Donc lo viatge a 40,20 € per Barcelona es pauc car ! La distància entre Tolosa e Barcelona es la meteissa que entre Lyon e París : prètz del bilhet ... 60 € per 1ora 55 min de transpòrt, amb reservacion obligatòria en TGV.

Quand aurem lo TGV cap a BCN es de pensar que lo prètz serà donc similar, donc una aumentacion de las grandas : + 30 % !

Darrièra causa, ai fotografiat la publicitat aquesta dins un endreit que caliá pas far fòtos, [benlèu per pas espandir las messorgas de las publicitats ? Coma se pratica dins los autres mètros europèus ? A Barcelona per exemple ?], es normalament inscrit sul reglament del Mètro dins l'estacion, causa qu'èra pas reala, aquesta matinada que soi passat pel mètro tolsan.

Es una bona novèla per Tolosa.

Sovent presentat coma un trabalh comun entre Alemanha e França, aqueste avion es bastit en Occitània [Tolosa amai lo sud-oèst d'Occitània, Gasconha e Lengadòc], Bretanha, e tanben Angletèrra e Espanha. Es un avion vertadierament europèu.

Es una bona novèla tanben per limitar lo nombre d'avions dins lo cèl e sus las pistas d'aeropòrts, car aumenta lo nombre de passatgèrs per vòl tot en donar un melhor confòrt.

Pausa aital un problèma d'infra-estructuras logisticas dels aeropòrts en Occitània e Catalonha.

A prepaus de l'avion se traparà vídeos aquí !

L’abséncia de visibilitat del poder fa créisser la seuna eficacetat : lo dispositiu panoptic (Panopticon) d’En J. Bentham

« A la periferia, un bastiment en anèl ; al centre, una torn : aquela es perçada de larjas fenestras que dubrísson a la faciada interiora de l’anèl ; lo bastiment periferia es divizat en cellulas, que caduna traversa totas l’espessor del bastiment ; an doás finèstras, l’una cap a l’interior, correspondent a las finèstras de la torre : l’autre, que dona a l’exterior, ajuda a la lutz de traversar la cellula se faiçon sancièra. N’i a pron alara per plaçar un susvelhent dins la torre centrala, e dins cada cellula d’enclavar un fòl, un malaut, un condemnat, un obrièr o un escolan. Per fèit del contra-jorn, se pòt tocar la torre, se descopa exactament sobre la lutz, las pichons marmòcs captivas dins las cellulas de al periferia. Atanben mantunas gàbias, atanben dels pichons teatres, que cada actor es sol, perfaitament individualizat per constament visible. Lo dispositiu panoptic adobat mantunas unitats espacialas que permeton de veire sense relambi e de reconéisser autanlèu. En adicion, s’invèrsa lo principi del sot ; o puslèu de las seunas tres foncions –enclavar, privat de lut e amagar – s’en serva sens que la primièra e s’enlèva los dos autres. La plena lutz e l’agait d’un susvelhent captan melhor que l’ompra, que per fins protegís. La visibilitat es una trapèla. »[1]

La visibilitat es una trapèla, de tal biais que, en installar persianas e chicanas dins la torre centrala, l’individú enbarrat dins la cellula es vist, mas se vei jamai. Precisament, que siaguèsse sense relambi susvelhat impòrta gaire, l’essencial es que sapiguèsse que pòt sempre l’èstre : d’una certana faiçon, tot «carcul de probabilitats» li es interdit. Es ben aiçò, l’ingenuitat extrèma del Panoptic : « induire en çò del detengut un estat conscient e permanent de visibilitat que assegurèsse lo foncionament automatic del poder. Faire que la susvelhença siaguèsse permanente dins los seus efèits, quitament se es descontinúa dins la seuna accion ; que la perfeccion de poder assaja de donar sense interès l’actualitat del seu exercici ; que aqueste aparelh arquitectural siaguèsse una maquina a crear e a sosténer un rapòrt de poder independent d’aquel que l’exercís ; briu que los detenguts siaguèssen près dins una situacion de poder que son els-meteisses los portaires.»[2]

Per anar mai luènh, podètz legir :

Gilles Deleuze, « Contrôle et devenir » e « Post-scriptum sur les sociétés de contrôle », dins Pourparlers, minuit, 1990.

Faucoult, Surveiller et punir, Gallimard

G.Orwell, 1984, Gallimard, Folio, et

F.Brune, Sous le soleil de Big Brother, L’Harmattan, 200

Philippe Rivière, « Contrôle.com », Le Monde Diplomatique, Junh 2002

M.Raffoul, « A la reconquête du client perdu », Le Monde Diplomatique, Février 2000

Jeremy Bentham, Panoptique, Mille et une nuits, 2002

[1] Michel Foucault, Surveiller et Punir, Gallimard, 1975, pp. 201-202.

[2] Ibid, pp.202-203.

L'arquitectura republicana francesa bastís una polida preson republicana per èstre França, cal passar per París, aital l'estela dels transpòrts ralhs franceses, lo tot TGV, o LGV. Se ne parla encara dins lo Grenelle de l'environa. Per la susvelhença avem los prefèctes e la prefectorala, que organiza los debats.

Recentament, alara que cal doblar la linha entre París e Lyon (díson pas entre Lyon e París), se parla de crear una linha novèla, París/Lyon, mas pas una linha en Y de Lyon à Nantas/Naoned en passar per la branca Orleans-París o en Y dempuèi Bordèu sus Lemòtges e Tolosa, o Y dempuèi Bilbo a destinacion de Bordèu e Tolosa, o en V dempuèi Marselha sus Torin e Montpelhièr/Baiona o Lyon/Ginèbra, etc ... e aital traversar enfin lo centre de l'Estat, per desclavar sancierament.

Dementre que París se bastís en estela sobre ela meteissa, sancierament anti-environamentala, los bascos e los flamands an prepausat una linha maritima entre Bilbo e Zeebrugge [Que n'ai jà escrit quicòm sus aqueste blòg] ... La linha fonciona dempuèi setembre, e per ignorància d'informacion o per manipulacion de l'informacion per pas mostrar l'error de lentor politica que representa França, los participants del Grenelle [puèi los mèdias franceses] se fan lo resson de prepausicions d'unas linhas maritimas francesas concurrentas [argent desgalhat per ignorància o per nacionalisme ?].

Lo panopticon francés se perseguís, sense mòure los politicians d'Occitània.

Se avètz d'autras informacions contradictòrias soi preneire : cal sempre esperar lo melhor per Occitània !

E uèi dins la pagina de critica dels mèdias podem veire l'excellent article d'«Arrêt sur Image» que prepausa una version del Grenelle que es gaire elonhada de la que ai vista dins lo document resumit a prepaus de la mobilitat e dels transpòrts....

Segur que los aplècs de Perpinyà e Aush èran causa locala per èstre tractats dins la premsa locala, ges al nivèl regional, pel mens ... Aital avem la premsa que meritem, en Occitània, car la crompem !

La departamentalizacion de l'actualitat es pus d'actualitat ambe Internet, Internautas  : fasètz circular l'informacion que las redaccions sábon pas far cricular [e que los "pichons" pigistas nos ajudèssen!], mas sonque pensan que cal legiferar per frenar lo desvolopament de la coneissença en regions, veire l'exemple de la novèla lei italiana sul tèma dels blògues... Vilaweb fa lo seu trabalh coma sempre, Arrêt sur Image debuta de portar aqueste messatge de l'informacion non cencurada pels cap-redactors e l'organizacion que, sempre, an plaçat per aumentar lor poder e limitar la coneissença.

Grenelle de l'environnement, es un bèla fumistariá sarkozista e borlooista.

Es França : un "modèl" tant cridat ... per Turquia ?

Per far saber ai botat en plaça un novèl jòc ; informatz-me joc(at)occitania.org dels papièrs de premsa que amerítan d'èstre sabut en Occitània, en francés o en occitan, en catalan o en anglés, en alemand o en espanhòl, en italian o en rus, cap problèma : soi interessat de saber la premsa amagada dins los departaments, en Occitània o en païses forans, francés, breton, elsacian, savosian, còrse, dom-tomian, flamand, lorren, etc.

La question serà pausada durant lo collòqui que se dubrís uèi, n'en fasiá lo resson lo portalh d'informacion Vilaweb.

Las bancas son devengudas un sistèma tecnicratic de decisions que, ges ligadas ambe la realitat de las creacions d'economia, son simplament la gestion de la moneda e/o lo desvolopament d'agression contra l'espècia umana, causa que son las guèrras, mas tanben lo desvolopament de recèrca per la clonificacion umana, etc...

Mantunes dinerièrs independents párlan de "bankster", simplament per rason juridica [un exemple, mas n'i d'autres que l'afar amb UFC-Que Choisir] o de lobbiing bancari dins los parlaments franceses e europèus. Mas ara pòdon apondre que son los actors primièrs del mendre risc : la venda d'armas es ajudada per las bancas e las facilitat d'engeniering bancari, per la gestion del mendre risc.

N'en volètz saber mai e en lenga catalana, picatz aquí.

Apondrai que lo fosc bancari quand se plaça d'argent dins los comptes especializats es prigond ; mas, damora a l'investissor de demandar dins quina filiara l'argent seuna serà investida, un bon conselhièr independent zo sap, gaire lo conselhièr dins lo burèu bancari.

Dins l'Estat alemand, 16.000 conselhièrs independents -profession reconeguda e valorizada- pòdon ajudar, sonque 3.000 a l'Estat francés -profession reconeguda e desvalorizada pel sistèma bancari- assátjan d'explicar que cal pas aver páur de la gestion de l'argent personal directament, sense passar per un sistèma bancari fosc. Per l'Estat espanhòl sabi ges.

Tornarai pas explicar las vièlha dificultats de Herrikoa contra la borsa parisenca, al moment que lo seu sistèma d'investiment ajudava lo País Basco nòrd, e creava emplec. Uèi Herrikoa a ajudat a fa cambiar la lei francesa sul tèma, e far cambiar las mentalitats francesas, e particularament occitanas, levat los occitanistas que creson encara que i a un problèma parisenc de la moneda, e pas simplament un problèma de causida dels investissors e d'engeniering financièr.

Tanben lo sistèma politic [centralista] ajuda gaire per donar clartat al sistèma bancari europèu, vesètz la BCE, o l'acceptacion de l'existéncia de Monègue [albergament de fortuna], Luxemborg [Logistician dinerièr], o Iscla britanica al larg de la Normandia o del Lichtenstein dinerièrs, o vesètz la manièra suïssa de gestionar lo tresòr bancari... e lo refús d'entendre los rasonaments d'ATTAC per poder l'adaptar a una clartat financièra europèa, la foscor amaga una ajuda clara als E.U.A.N. e al seu gap budgetari [valatetàs], mas tanben al financiament de las guèrras bushistas.

Pichonèt bilhet en francés per anonciar un concèrt ròck, question d'obertura ? Foncionarà ? Question economica pensada ? Es jà un comentari sobre l'assimilacionisme francés en Occitània, aont lo respècte de las diferéncias lingüisticas seriá integrat prigondament dins lo foncionament de cada jorn, sobretot dins lo ment dels francofils. Christian Almerge es professor d'economia e occitanofòne.

E la crotz libèra de l'emplec de la lenga occitana ? Per astre, Castanet Tolosan a gaire mestièr d'adaptacion lingüistica occitana.

Es de notar sul vòstre agènda de Novembre, es un conselh de sortida occitanista. Es un bon e modèrne divertiment.

E notatz tanben dins lo vòstre agenda ....

Del 5 al 17 novembre de 2007

Cants populars de Bretanha e d’Occitània

Creacion de Renat Sette (cant), Yann-Fañch Kemener (cant), Laurent Audemard (clarineta, clarin e arengaments) e François Fava (saxofònes)

Yann-Fañch Kemener concertejarà a Ièras (Patrimòni en musica, 2005), Renat Sette, curiós d'encontrar lo seu omològue breton, aprofiècha d'aquesta oportunitat. Los dos cantaires an agut tot lo léser de parlar del caminament lor de collector e d'interprèt.

*Aquestes encontres se faràn dins lo Chantier, al Castèu-fòrt Gibron a Correns. informacion picatz aquí ! 

Un diccionari occitan / francés novèl acaba d'espelir, nos arriba de Dalfinat.

Cada parçan la seuna ajuda lingüistica, aquò vòl pas dire qu'i a diferenciacion lingüistica e frontièras lingüisticas, limits d'estudis segur, mas respècte de totas las variantas lingüisticas de l'occitan, car l'unitat lingüistica de l'occitan es ben sancièra.

Ai començat a aprendre l'occitan en Dalfinat ... La mediatèca de Valéncia prepausava un fum de libres interessants per la lenga occitana e l'istòria d'Occitània [Jacme Servat], amai ai aital pogut escotar los disques nègres que i aviá, tal coma l'òbra primadorenca del cantaire Claude Martí, un grand sovenir.

Es una edicion de l'IEO, la primièra associacion per la promocion d'Occitània.

Sipa ¦ Los espermatosoïds son de melhora "qualitat" se son evacuats dels còrs sovent

Ejacular sovent melhorariá la qualitat dels espermatosoïds. E limitariá los risques d'esterilitat. es çò que acaba de demostrar una còlha de scientifics australians, zo donava l'edicion de dimarç, del jornal anglés «The Guardian». Una pichona revolucion alara que tradicionalament, los mètges conselhan als òmes tocats per l'esterilitat de s'abténer de tota mena d'activitat sexuala pendent dos o tres jorns per fin d'aumentar lo nombre d'espermatosoïds.
David Greening, mètge de Sydney, a fait mantunas experiéncias sobre 42 òmes que los espermatosoïds possedísson mantunes gèns desgraciats. Aprèp tres jorns d'abstinença sexuala, lo nivèl de «desgalhament» pujan a 30,8% del capital genetic. Mas aqueste nivèl baissa a 12,8% aprèp una setmana d'activitat sexuala jornalièra en çò de 37 d'aquestes òmes quitament se lo lor nombre d'espermatosoïds demesís d'un terç. Sols 5 dels 42 òmes vèson la lora desgalhament de capital genetic aumentar al fial d'aquesta setmana de fòrta activitat sexuala.
Mantunes espermatosoïds evacuats e donc sanitoses
David Greening explica aquesta resulta pel fait que los espermatosoïds contenguts dins lo còrs, se son pas «evacuats» aviat, son mai sotmetut a l'accion dels radicals liures, dels atòmes instables que circúlan dins lo còrs e degalhan las cellulas viventas.
En 2003, un autre grope australian aviá jà demostrat que la masturbacion frequenta ajudava per redusir los rsques de cancèr de la prostat segon un principi similar. L'ejaculacion ajuda en efèit de frenar l'accumulacion de las substanças quimicas cancerigènas dins la prostat.

A.S., 20minutes.fr

NDG : la teoria es pron ben, utile de saber, mas...

Dins lo numèro de novembre del jornal de la CFDT se pensa a las minoritats, aital lo dorsier sobre la Romània se parla de la minoritat ongaresa. Aital farai una comparason-comentari del document que vos prepausa aquí e que podètz legir.

1 - La basa de ma pensada es aquesta : tota lenga es importanta per l'umanitat, per simplament çò qu'es, una aisina de transmission del saber, e dels sabers viure dins un espaci, donc es bravament un element eco-sociologic de servar las lengas que son parlats dins un territòri, quin siaguèsse lo nivèl de saber d'aquestas lengas, mas encara mai quand la lenga es socialament emplegada e qu'es lo ciment de l'ensemble d'una societat nacionala, o de la ciutadanetat de l'Estat concernit.

2 - la nacionalitat es l'apartenença a un ensemble coërent qu'es identificat, sobretot ficat, per la lenga e la cultura que s'es formada al entorn. La nacionalitat es pas la ciutadanetat, la ciutadanetat es una causa juridica, la nacionalitat pas brica. Es lo meu segond postulat.

Es estupefiant de veire que Romània respecta mai las nacions del seu espaci politic que França, França demanda a Turquia çò que ela fa pas sul tèma, e se fa regularament castigar per l'UE.

Aiçò vòl pas dire que lo sistèma actual de Romània siaguèsse al punt perfèit per poder desvolopar dos nacions dins un Estat puslèu encara centralizat, e ges federalista.

Es estupefiant de veire que los espanhòls se fóton dels catalans, bascos, occitans, aragoneses e gallicians, los franceses se fóton dels bretons, occitans, bascos, catalans, còrses, elsacians, etc... e « En 2006, 2.000 toristas ongareses e 5 romans an visitat lo vilatge d'Aita Mare» en Romània ongaresa. Los bonapartistas crídan sempre pre salvar la solidaritat organizada per l'Estat, crídan tanben quand las regions vòlon organizar la lora faiçon d'èstre solidaris, e l'Estat ambe los nacionalistas d'expansion nèga de lo lor desinterès pels pòbles dominats [mas dins la realitat... zo practícan a l'amagat]. Mas quand i a nacionalismes d'expansion los modèls son los meteisses per destrusir las minoritats [la gestion del complèxe es democràcia], aital l'Union Europèa, que sap que las guèrras an debutat ambe l'instrumentalizacion de las minoritats pels poders centralistas, assaja de donar aisinas o Cartas de respèctes dels dreits de las minoritats lingüisticas, e França refusa de seguir la règla europenca, mas protesta -"novèl TCE"- contra Angletèrra que demanda una règla diferenta per la gestion del seu Estat federalizat o Estat de las devolucions.

Quand legissi d'article d'aqueste escantilh soi puslèu uroses de la bona vida dels ongareses de Romània, e pensi a las autras minoritats (Ròms, Eslaus, Bulgars, etc.), puèi pensi a la paura Occitània.

France Culture es en dirècte aqueste maitin en Polònia, l'Estat, pas lo programa de TV3... e las minortats lingüisticas, ges non ne parla ?

 

Mots clés Technorati : minoritat, lenga, Euròpa, Romània

Perqué far ? Quinas son las entrepresas que an interès a aquò ? Quí farà de chifras d'afar sus l'esquina de la sentat dels ciutadans ? Son las questions, gràcia a la comission me pausi aiçò quand legissi la question.

Ai gaitat l'exposicion prepausada al Conselh General de Nauta-Garona (Lauragués, Tolosa, Comenge e Varossa).

Lo godilhaire pensa que los desplaçaments seràn frenats dins las annadas que vènon e que las chifras del CETE SUD-OUEST  son pas brica segurs, mas segur que cal far quicòm per estauviar los desplaçaments automòbils (que se fan amb motor petrolièr o una autra enèrgia - la veitura es un vertadièr dangièr, electrica o pas) e reformar radicalement los transpòrts collectius al entorn de Tolosa.

Perqué aquesta politica d'estauvi dels desplaçaments, valabla pels emplegats d'Airbus, del Crèdit Agricòl a Tolosa, o los emplegats de la comuna de Tolosa, es pas aplicada de manièra generalizada en país occitan ?

Qu'avem aital la causida entre una mena de Tisseo regionala, l'anciana companhia del Midi seriá de reviscolar coma societat mixta e publica, o favorizar los mercats per Mallet and Co e del lobby camionaire europèu (que dedins i a la SNCF), e los estòcks-opcion....Los chaminaires aurián de causir entre damorar a la SNCF o causir la novèla entrepresa, entre jemenfoutisme parisenc e dinamisme de l'eco-responsabilitat occitana.

Es estrang coma los dorsiers son tractats de manièra similara en Espanha e en França, dos Estats del meteis tipe bonapartista, mas Espanha se sap reformar pauc a pauc, pichon a pichon, benlèu tròp lentament, mas França : non pas brica, sempre conservatisme francés e arroinada d'Occitània.

-°-

Alara, abans de començar per "Si Oui," ... començam per l'ancian modèl francés, coma sempre. [N'en cal acabar amb la compassion sobre los païsatges, lo ben minjar, los estereotipes del Sud-Ouest, etc.].

Ièu disi : se non, ...

Que cal far contra lo monopòli parisenc de la SNCF ?

Que cal far per una melhora gestion logistica dels aeropòrts ?

Que cal far per la sentat dels ciutadans e de las ciutadanas ?

Quand votem ?

Gaitatz aquestes dos documents son pareguts lo meteis jorn.

Lo primièr document es un nòta informativa de premsa, indica un concors literari, que se sona "escriure el país" ; es de lenga catalana e del país valencian.

Al país valencian totes los escrits seràn pas sonque es catalan de València, nimai d'Alacant o d'una autra ciutat. N'i aurà en espanhòl.

La persecussion francesa contra l'occitan farà que l'occitan serà leugièr dins las prepausicions de Tolosa, serà leugièr tanben perqué es ges previst d'assegurar que lo concors serà tanben pels occitans e per las occitanas, res es notat sus l'afica. Una accion positiva seriá estada de pensar al pus feble, lo que parla occitan o amazigh en Occitània centrala, per participar al concors.

Es plan polit que botar un calam ambe la crotz occitana, mas es important tanben d'emplegar la lenga dins un campanha que l'interès es evident : far escriure lo pòble d'Occitània, que l'escritura es pauc a pauc abandonada, mas la fauta de quí ?

Claude Nougaro cantava "L'occitane", èra compassional e una crida del còr per un occitan exilhat [auriá tant estimat escriure e cantar al país!], e se los politics fasián un emplec de l'occitan per assegurar de l'avenir de la lenga occitana ? Quand zo faràn naturalament e sensa ajuda morala e politica ? Quand l'escrit occitan serà pron espandit ? La nòrma es sonque militanta pel moment, los politics d'Occitània an un ròtle de jogar per l'aver melhorada e mai presenta dins la vida sociala.

Los servicis de comunicacion se dèvon prendre en carga [mantunes fan d'esfòrçes que traparai pas pron fòrts], autonomia, e prendre en carga un emplec costumièr de l'occitan [e daissar tanben los cargats de mission trabalhar per l'occitan, aital d'una autra faiçon desvolopar quicòm de diferent dins totes los servicis de las institucions de Tolosa], ambe lo francés per èstre entendut e comprès, e respectar l'impausicion parisenca.

"Escriure al país" seriá un bon títol per un concors d'una region d'Occitània al centre de la geografia de lenga occitana, e segur que seriá possible d'o far en francés, occitan e amazigh (per los que vòlon far la causida el-meteis de faiçon laïca, çò que aparten al pòble).

Mantunes servicis de comunicacion li pensan pas pron a l'occitan, e li pensan un pauqueton, un pauc, un drin, un chic, un chicotin, etc, d'autres zo emplegan pas pron, veire pas brica...

D'autres pagan un espectacle per far saber la lora politica ; cars amics lectors e amigas lectriças, sètz convidats ! E es una bona iniciativa que se cal felicitar, lo Conselh General s'amana, e avança una prepausicion agradiva per debutar l'ivèrn al teatre. Se pensarà a 1907 !

E serai pron content, en i veire totes los elegits del Conselh Generau, que l'aula siaguèsse pron pichona per far saber... Es decidar al país, coma escriure al país, cantar al país, godilhar al país, viure al país, prosejar al país, etc... E lo país es occitan se la lenga es presenta. E lo teatre es occitan se la lenga es presenta, etc.

Serà lo 15 de novembre 2007, a 20:30 a la MJC Roguet, Sant Çubran a Tolosa.

Ièu i serai, sètz convidats/adas, m'i veirètz.

Un notari gascon cèrca un novèl emplegat ende sagerar los seus actes.
E atau mantunes formularis dèvon èstre sagerats dinca dètz còps, cau un emplegat que sapiguèsse compdar dinca dètz.
Lo primièr candidat s'asseta e lo notari li demanda de compdar dinca dètz.
- « Oui, bien sur. 10.9.8.7.6.5.4.3.2.1. »
- « Es plan » dís lo notari, « e ara au cap invèrs ? »
- « Non » respond lo candidat « j'ai travaillé à la Koró et j'ai toujours compté ainsi. »
- « Désolé, mais vous ne convenez pas ! Candidat suivant ! »
Lo notari demanda au segond candidat de compdar dinca dètz.
- « Oui, bien sur. 1.3.5.7.9.10.8.6.4.2. »
- « Es plan » dís lo notari, « e dins lo bon òrdre, ara ? »
- « Non » respond lo segond candidat « j'ai travaillé comme postier et j'ai toujours compté ainsi en passant de boîte en boîte. »
- « Désolé, mais vous ne convenez pas ! Candidat suivant ! »
Lo notari pausa la mesma question au tresen candidat.
- « Oui, bien sur. 1.2.3.4.5.6.7.8.9.10. »
- « Es perfèit ! Ont avètz trabalhat aperavans ? »
- « J'étais à la Direction Générale des Impots»
- « A la DGI ? Soi espantat ! Mas, digatz-me, mentre que siaguèsse pas necessari, podètz contunhar de compdar aprèp 10 ???»
- « Mais, évidemment ! Valet, Dame et Roi ! »

E Òsca lo Rei, perdon, li avem copar lo cap : la Republiiiiiiiica !

Vos compdarai lhèu coma fa lo Conselh Generau en Comenge entà subvencionar Calandreta, causa formidabla dempuèi mai de dètz annadas, e puèi pas saber l'ortografiar o l'escriure suu site Internet de las deliberacions [simplas errors de picatges, tròp a la lesta]... Aurai donc d'autres exemples per escriure qu'es "pramor lo bonapartisme se decentraliza tanben !".

En Corbièras e Menerbés, lo país e l'estructura toristica menan una accion Cafè de país per valorizar aqueles luòcs de rescontre e d¹escambi.
Un volet economic demanda als establiments labelizats de faire la promocion dels produches del terrador (siètas del país).
S'i ajusta ara una part culturala, amb un sosten a una programacion occitana que, per aquesta primièra edicion batejada Bolega país !, proposarà quatre rendètz-vos :
- lo dimars 30 d¹octobre (18h30) al Comptoir Nature del Somalh : la Granda Barrejada amb Andrieu Dion e Sèrgi Griggio
- lo dissabte 3 de novembre (19h), a La Table du Curé de Cucunhan, un recital del Laurenç Cavalièr.
- lo dissabte 10 de novembre (19h), al 79 de Lesinhan, lo trans-rural beat de l'Art à Tatouille
- lo dimenge 18 (18h30) a La Garenne de Mirapeisset, un balèti animat per Coriandre.
La papieròt de convit precisa : " Lo vin desliga la lenga " que la promocion de la lenga es de segur una de las tòcas de l¹operacion.
La dintrada es a res-non-còst, mas beuretz plan un còp (per començar) !
Entre-senhas : 04.68.27.57.57 ; picatz aquí per ne saber mai en francés.
=======================

[practic : lo tèxte en en blu, per rason de visibilitat, mas totes los ligams son suls mots del messatge que ai recebut, picatz e aurètz los ligams aviat sul site aqueste de filosofia, de mai ai tradusit quasi tot del catalan a l'occitan, mas pas los títols del capítol DIVERSES]

Soi pas filosòfe, e la filosofia es estat important per me, alara lo trabalh catalan sul tèma m'interessa fòrça, e Catalonha [Principat de Catalonha, Catalonha del nòrd, País valencian, Franja, l'Alguèr, Isclas Balears, e Andòrra] pòrta fòrça a Occitània sus aqueste sicut ; e lo portalh aqueste es tanben un instrument per Occitània, instrument qu'avem pas per Occitània. Lo trabalh aqueste m'interessa fòrça en tant que ciutadan francés de nacionalitat occitana [cal pas s'enganar suls concèptes politics, la precision es essenciala per l'identitat!].

- Symposium Internacional "La filosofia d'Eduard Nicol (1907-1990)"
- Enregistrament obèrt pel nòu corses del portalh "Límits i virtuts dels valors tradicionals (la qüestió dels valors en el s. XXI)": la bona educacion, lo laïcisme e la religiositat. Enregistratz-vos!
- «La Nació catalana diu PROU. Volem tots els papers», al blòg d'en Josep-Maria Terricabras

DARRIÈRS TÈXTES TRADUSITS EN CATALAN
- Literatura en català: els protagonistes de la fira del llibre, per Franziska Bossy

- Umanistas que cèrcan trabalh, per Joelle Verreet
- Pot ser suïcida el capitalisme?, per Leonardo Boff

DARRIÈRS ARTICLES D'EN JOSEP-MARIA TERRICABRAS
- La crisi de l'Estat, per Josep-Maria Terricabras (/El Temps/, 4 de setembre del 2007)
- L'argument de l'identitat , per Josep-Maria Terricabras (/El Períódico/, 5 de setembre del 2007
- Lo rei visita una província, per Josep-Maria Terricabras (/El Periódico/, 19 de setembre del 2007)
- Politicas electoralistas, per Josep-Maria Terricabras (/El Periódico/, 26 de setembre del 2007)
- Problèmas coronaris , per Josep-Maria Terricabras (/El Temps/, 2 d'octubre del 2007)
- Lo segrèst de la constitucion [espanhòla], per Josep-Maria Terricabras (/El Periódico/, 3 d'octobre del 2007)
- La constitucion: solucion o problèma? [espanhòla] , per Josep-Maria Terricabras (/El Periódico/, 10 d'octobre del 2007)
- Lo ministre perd los papièrs , per Josep-Maria Terricabras (/El Periódico/, 16 d'octobre del 2007)

DIVERSES
- Novèl libre "Cons i neocons: el rerefons filosòfic"
- A la Universitat, en català!
- Discurs inaugural de la Fièra de Francfòrt, per En Quim Monzó [magnific !]
- Lluís Maria Xirinacs: una vida aprenent, pensant i practicant la no-violència, per Jordi Armadans [importantíssim]

RECORDATZ!
- Entratz als Arquius del portalh. I traparètz mai de 800 tèxtes d'autors coma Umberto Eco, Edgar Morin, Naom Chomsky, Michael Moore, Leonardo Boff, etc.