Se tròba que soi estat a man d'aver creat una entrepresa, amb un dorsier dich 'plan d'affaire' al Quebèc, 'Business plan' en França (!), e qu'ai agut d'encontrar "banquièrs", las vergetas son per indicar que n'ai sonque encontrat dos sobre nòu visitats. Ai pas trapat un sol banquièr per un project... qu'aviái trabalhat amb mantunes partenaris de bèlas qualitats, e tres meses de trabalh pel plan d'afar ! Un sol regret es estat mai tardièr, tròp tard, de pas aver contactat la NEF, qu'èra un projècte lor agradava.

La banca es un sistèma dinerièr que permet a un creador d'anar mai luènh dins las possibilitats dinerièras de crear o reprendre una entrepresa. Òr lo risc dels banquièrs es sovent mesurat en potencialitat de pujada dins la ierarquia (en préner cap risc) puslèu que d'acompanhar amb risc los creadors d'entrepresas o los reprenaires d'entrepresas. Es illusòri que lo sistèma francés de finança cambièsse un jorn ;-(( Tant que lo sistèma aqueste foncionarà autanplan mal, es benlèu melhor d'aver un sistèma comunista al poder.

Los traders -paraula francesa dins aqueste tèxte- èran melhor considerats, d'acòrd ... Mas es pas simplament aiçò ; es tanben un problèma dins lo recrutament dels banquièrs, los DRH son pas aquí monde que sábon prendre risc tanpauc; soi pas segur que los joves sortits de las escòlas posquèssen comprendre çò que crear una entrepresa vòl dire, mas pas brica. Per els, lo trabalh se resumís en listar unes tablèus dels risques, puèi de dire non, puslèu que d'aver un dobte o d'assajar d'anar cap a un Òc d'acompanhament de l'entrepresa.

Aital vesem que damora pus que la moneda comunautarista per bastir una entrepresa (donc pas en Occitània, paure de nosautres), la fisança es bastida sus un grope limitat de persona, e la circulacion de la moneda es pus en foncion de las creacions, de l'inventivitat, mas en foncion de la concurréncia dins la comunautat ; es aital qu'avem un Mac Donald's a costat d'un autre Quick, o d'un òtel prefabricat de zòna industriala a costat d'un autre, un kebab a costat d'un autre, una pizzeria a costat d'una autra, un restaurant chinés a costat d'un autre, etc. L'imaginacion es pus al poder, es la reproduccion dinca a la fin del mercat, es l'anti-economia al possible ! Es la vision bancària francesa de uèi, mai tanben l'americana (sembla pensar Barak H.Obama).

Aital compreni melhor los dos articles següents, pas al meteis nivèl ben segur :

Avem aital dos articles (1/Marianne 310109 2/ Le Monde 310109 e sa publicitat censurada) que pòrtan a la reflexion sobre quina economia cal per Occitània. Quand lo banquièr es devengut un soviet de la finança mondializada .... Quand lo banquièr es una secretària que sap quitament sonque emplenar los quadrats del tablèu dinerièr dels creatius per Òc o Non, etc...

Quand de temps caldrà esperar que lo recrutament dels banquièrs cambièsse per obténer l'imaginacion e lo risc mesurat al poder ? Quand ?

Quand los banquièrs de Luca prestávan al rei Franc, èra un emprunt riscat, lo reialme aqueste èra pichonelon, mas la fisança en la benediccion papala a permetut al reiet dels Francs d'anar en Lengadòc a comptar de 1209, per l'invacion amb mercenaris; lo comtat es estat assimilat e las riquessas an pogut pagar l'invacion parisenca... Lo banquièr aviá près un risc. Pensi qu'un banquièr francés, donc parisenc, banquièr de uèi auriá pas près aqueste risc.

Lo risc serà aital mesurat mas pas per las gestions dels fluxes dinerièrs, per fabricar los traders NON  pas aiçò, pas a Mónegue ben segur ! Lo risc dèu èstre pausat al endreit que cal, segurament pas dins los burèus parisencs, sobre un territòri clar e determinat, sobre un personal de bancas aprosmats dels territòris, per nosautres d'Occitània, lo país conegut es aital una bona basa de respecte del creador e de son desvolopament.

HERRIKOA en Euskadi a ben clarament seguit aqueste camin... Lo capital del país investit dins entrepresas ligadas al país, e per limitar los riscs, ligats a un projècte cultural e lingüistic clar.

Barak H.Obama castiga -frasas pel moment- los banquièrs de Wall Street... Nicolas Sarkozy ajuda los banquièrs franceses a perségre lo maissant camin, e engana son monde amb sos discorses e amb las chifras directament sortida dels burèus de las enganadoiras CRCI e CCI (que los ministres se ne fan lo reson - aital recebi los comunicats de la CGPME, son mot a mot las paraulas dels ministres actuals), lo camin de la supausada libertat economica, aquesta qu'a provat sa desfaita amb los amics de Bush.

Per dire las causas simplas, soi pas anti-capitalista, car de capital ne cal per bastir una societat coërenta, quitament per un Conselh Regional o un Estat nòu o amb una volontat reala d'investir per l'avenir.

Soi utopista, car pensi que l'etica entreprenariala pòt èstre lo motor de la creacion de riquessa, una riquessa umana e donc collectiva, pel ben de totes los membres de la societat.

Lo punt de vista d'un jornalista independent eu Catalonha : «Umiliacion d'Euskadi» es la politica espanhòla d'ara. Anirà dinca ont ? Quand los Europèus diràn quicòm ? Quand los vièlhs colonialistas europèus, la vièlha Euròpa, arrestarà de poirir l'Union Europèa ?

Espanha acaba d'èstre una democràcia, definitivament.

París pensa en francés e per totes, es aiçò lor vision de l'egalitat republicana, l'uniformitat culturala e lingüistica, una pensada unica per totes e pertot los mèdias franchimands.

L'indigène e l'ariçon occitans crídan per una preséncia occitana mai fòrta e pensada amb un París realament per totes !

-°-

Solidaritat per la premsa militanta.

Lo messatge es clarament per Nicolas Sarkozy.

Dementre que se manifestava, los obrièrs -immigrats totes- del bastiment s'amagávan per pas èstre vistes, segurament clandestins pas encara verificats ... E que lo patron emplega per far baissar los còsts !... Tota una rason per manifestar un autre còp.

La responsa sarkozista es «Je vous ai compris... RDV dins un mes amb los sindicats.»[se cal plegar de rire ? En companhia de Sinéhebdo...] Francament lo poder en plaça a pas cap memòria istorica, cap sapiença politica [Sinéhebdo a rason]. E alara ... la responsa dels socialistas es legitimada dins aqueste ligam : gaitatz aquò.

Per un poder UMP comprenguèsse çò que cal far, benlèu que cal una paralisia d'un territòri o d'un espaci regional mai bèl ?... La chienlit per arribar a cambiar lo dogmatisme politic bushista made in Neuilly/Seine.

Vaquí un simptòma politic (eueuh.... enfin direm aital per simplificar), pendent sa visita al Quebèc e al Canadà, Naboleon Ier a daissar piadassas politicas :

Faguèt tot parier per l'Africa, encara mai enòrmas piadassas, una enòrma bordassa. Efectivament la bolegadissa europenca a cambiat dels autres presidents ancians, mas caliá pas grand causa per bolegar un pauc l'UE ! Lo contengut impòrta gaire, gaitatz lo darrièr bilhet sobre l'UE.

De mai, pauc a pauc l'Alemanha s'alonha de França, per tot çò que concernís los afars gerits pel govèrn francés parisenc.... I a segurament grandas desrasons ?

Totes los actes del President son bonapartistas e totes sos actes son malbiasuts, sense cap d'excepcion. Tornarai dire qu'ai pas votat per el, e qu'es una causa que m'espanta pas brica. Çò que m'espanta es l'actitud de l'UMP a prepaus d'aquestas bordas, es benlèu lo sol caval que lor damora per damorar sus l'enpont politic ? Aquò m'espanta... De tot biais per las prochènas eleccions i aurà segurament encara lo vòt FN (ancians vòts comunistas) per damorar a votar per l'UMP.

Amb l'UMP cromparem pas de bòrda, miladiu, farem una bordassa per jorn, un present d'un brave Estat centralista e parisenc.

Naboleon Ier a tanben una caracteristica especiala : pas cap ministre sap botar una politica correctament, pas un sol ! Aiçò es ni bonapartisme, ni gaulisme, ni petainisme, ni bonapartisme (IIIen numèro), ni res de tot dels cap d'Estat qu'avem agut fins ara.

La preséncia de Sarkozy aurà benlèu un avantatge, netejar definitivament lo païsatge politic francés del bonapartisme.

Sarkozy pòrta unas caracteristicas amb los reis Francs : se marridèt amb una italiana, prega lo Papa quand cal, èra un ciutadan a l'oèst de París (Neuilly, los autres èran de Versailles), preferís los mejans de transpòrts modèrnes (sovent facturats a l'Elysée), estima aumentar los budgèctes dels ostals de poders e demesir los poders dels representants dels pòbles de França, sap far causidas internacionalas autanplan bordelicas que las causidas dels reis capecians...

Nòstre reialet republican es una error de votacion, une error politica, una error mediatica, una error d'accion politica, un bug republican, o la sola expression que l'UMP a pogut produsir aprèp Jacques Chirac... un autre bug republican.

Aqueste bilhet es pels electors de l'UMP: avètz pas d'autres candidats, podètz pas far d'autras causidas politicas, cambiar per melhor (mas pas a l'UMP pietat !). L'UMP ridiculiza l'Estat francés, donarai tot lo meu contentament per aiçò, mas realament, podètz pas far melhor ? E sabètz que soi pas un partesan de l'Estat francés, tal coma es uèi, centralista e bonapartista. Donatz trucs per se far castigar.

Uèi car «dempuèi que soi arribat, las manifestacions se veson pas» (dixit vòstre causida politica naboleonesca), alara fasem cauma... la cauma serà gròssa (es pas qu'estimi las caumas, mas aquí n'i a PRON !).

Lo blòg de la Rapieta a generosament recordat aiçò, aqueste maitin :

Ça que la, dins las relacions exterioras cal entendre : exteriora a París ? Lo colonialisme seriá pas simplament d'oltra-mar, mas tanben a partir d'ara oltra-Iscla-de-França, lo pichonèl reialme que debutèt la conquèsta en 1209 amb l'ajuda l'ajuda de bancas e la fisança dinerièra papala ?... Son pron simpatics aquestes socialistas nordencs !!!

De tot biais quand se legís aiçò del devís del Xavier Darcòs, se podrà sonque trobar un argument de mai per anar manifestar ... Es segurament l'illusion portada per son administracion que fa aiçò del devís tant ignorant de las capacitats de l'Éducation Nationale de pas téner compte dels parents (per exemple las lengas dels parents, e aiçò dempuèi que mantunes militars franceses an "comprès" perqué la batalha de Sedan es estada perduda...), nimai de la lenga parlada pels dròlles e donc de la transmissions dels sabers d'una collectivitat locala...

E podem comparar amb un partit federalista :

Quand los militants del Québec libre critícan los poders canadencs, zo comprèni bravament ben ...

Lo Parti Socialiste francés acabarà jamai de m'espantar, nimai la tecnocràcia neuliberala europenca, per trapar bastons per se far castigar per d'escriches suls blògues.

Lo traductor automatic ajuda per escriure l'occitan, mas pas per far una dictada.

E se aqueles son pas colonialistas, fabrícan una ideologia revolucionària, per capvirar la taula, coma se las revolucions avián pas produsit dracs politics e enganaS pels pòbles sotmetuts: entendi mantunes occitans explicar que lo/la DRAC existís en temps de patz republicana... es benlèu aiçò que la franchimandiá d'esquèrra a pas encara comprès.

Es catastrofic aquestas esquèrras capcejadas per unes istorians, filosòfes o mantunes intellectuals parisencs e que fabrícan de l'ignorança ! De mai, aquesta ignorança es espandida dins totes los corses universitaris de l'espaci de dominacion parisenca.

Per las regions de França, mantunes ciutadans an decidit de parlar de la reforma UMP de las institucions, per las criticar o per prepausar quicòm que París es incapable d'aver al ment.

Legissem ensemble lo comunicat aqueste, pel ligam podètz picar dessús.

Una idèa pels nòstres elegits: FAR FONCIONAR LA DEMOCRÀCIA per una novèla vision per las autoritats d'Occitània, se prendre en carga contra la decentralizacion, l'autonomia dels esperits contra la pensada parisenca imposada al país nòstre.

-°-

Corrièl recebut en decembre, aprèp una visita d'aqueste blòg. M'a semblat interessant de donar aqueste punt de vista. M'a semblat important de reviscolar aqueste document aprèp la conferéncia d'aqueste dimècres a l'Ostal d'Occitània.

Ai conservat tota la grafia dels noms geografics occitans. Aital podem considerar que Catalonha sap melhor la geografia del país nòstre que los ciutadans franceses en Occitània ! La fauta de quí ? Quand zo saurem, podrem bastir una politica per zo corrigir.

Totparier, podem tanben veire que los conceptes politics son aquestes que báilan la dignitat al país nòstre, son clarament mestrejats.

Aquesta ciutat tolsana es gerida per un sistèma politic francés, l'arquitectura e l'urbanisme ne patísson, e alara avem aqueste tipe de tracs :

Que podem far per cambiar aiçò ?

Lo problèma es complèxe se lo modèl d'eleccion es basat sul bonapartisme francés e se la representativitat e las taulas de discussions son maltractadas per França. Occitània auriá ça que la, unas claus per duèrbe la ciutadanetat a totes e a totas [veire son istòria], cal simplament un pauc de curiositat de cada costat.

Puèi avem aquí l'arbre de la revòlta : es que caliá copar l'arbre o arrestar l'activitat umana qu'èra devath ?

Lo quiòsc darrièr lo fotografe podiá èstre espotit per la ventolassa de dissabte. Es aital que los vesins del quiosquièr pensávan per n'avertir lo quiosquièr del dangièr. Los servicis de la comuna an decidit de copar l'arbre. L'arbre copat es tombat sobre una motocicleta aparcarda sul trajecte de la davalada. Lo quiosquièr a pas trabalhat de la vrespada, per causa de vent.

2009, Los Diables del Riberal celebran 10 annadas de correfòcs, 10 annadas de passejada per las carrièras e plaças del Païses Catalans cremant carretilles [carretalièrs] e sortidors [gisclets d'aiga], 10 annadas de fèsta...e en un còp se podriá acabar!
Lo Parlament Europèu a redigit e aprovat una directiva que, si se transpausa tal com es estat pensada, illegalizarà las tradicions del monde del fòc... un meteis problèma , dos manifèstes son disponible en Catalonha sud e en Catalonha nòrd
La Federació de Diables i Dimonis de Catalunya e l'Agrupació del Bestiari Festiu de Catalunya an redigit un manifèste que vos vòli convidar a signar, per solidaritat e se los volem encara convidat.

Picatz sobre la fòto per signar la peticion. Signem car sem solidari :

L'engatjament de l'administracion francesa es clara, es del costat de l'armada ... d'Israël ! L'administracion francesa causís jamai lo pòble. L'administracion es sempre del costat del margue, lo margue que tusta, pas aquel que trabalha la tèrra per produsir.

Avem al mens la pròva que l'administracion francesa es pas umanista, e sempre contra lo pòble.

E per l'afar dels EPR, es encara un còp lo lòbi pro-nuclear industrial francés que decidirà l'acte politic de l'UMP, la pròva n'es donada per un articlòt paregut dins Les Échos.

Se pausa clarament, quí governa França, lo mercat o son administracion, e benlèu los dos ? Benlèu pas l'UMP ? O serián manipulables ?

Entendi dins los crums garonencs: ÒC ! ... Quin es aqueste ase que pensa aital ?

Lo nacionalisme es l'expression dels pòbles, pervertit sovent per l'expression politica; alara es quand la fusion entre ciutadanetat e nacionalistat (lo modèl francés) e que alara lo nacionalisme se far d'expansion, lo nacionalisme es alara etnic e d'expansion (colonialista), es alara dangierós e amerita aquesta associacion d'idèa.

Istòria de la semantica ; èra ciutadan tota persona (mascle) que fasiá la vida de la ciutat de Roma [Roma a portat lo costat juridic escrich que fautava a Grècia], los Barbars qu'i volián dintrar èran dits nacions e donc pustard arribaràn las nacionalistats, al sègle XIXen, dins l'empèri Austriac-Ongarés (destrusit per França e Angletèrra, novèl imperialista d'oltramar). Vos cal legir Cornelius Castoriadis, De la Cité et des Lois.

Lo patriotisme francés s'exprimèt, e zo faguèt cada còp que lo pòble lemosin de Genciòus cridava per una inauguracion; a Genciòus en Lemosin per la non inauguracion del monument als mòrts de las guèrras francesas es un fait real. Èran mòrts los filhs de Genciòus coma d'autres occitans per la glòria de las «frontières naturelles» de l'impèri dels Francs [pauc impòrta lo regime politic, reial o republican], mas zo volián pas marcar coma los autres monuments, an notat «mort à la guerre, elle tue nos enfants», impossible d'inaugurar pels prefectes republicans e per las armadas francesas en Lemosin, nimai pel personals politics legalistas ! Quand França a volgut inaugurar, es la populacion qu'a pensat, aprèp 80 annadas d'espèra, pensat qu'èra pus lo moment; lo pòble es sempre rasonable, sonque quand es manipulat. Ara, se manifesta per la patz, e donc contra lo sistèma maquiavelic francés, l'industria de l'armament.

Vos prègui de legir los libres següent per entendre ma pensada :

Claude Duneton, Le Monument

Monserrat Guibernau, Nacionalismes

Isabel-Clara Simó, Carta a ma neta sobre el nacionalisme

Lo patriotisme nord-american es NACIONALISME. Es la fauta de ciutadanetat (la fauta de projecte collectiu, projecte installat dins un sistèma juridic comun - e puèi cal pas confondre projecte parisenc e projecte collectiu, causa que fan pas al EUAN ; mesclan pas projecte federal e projecte de Washington e del Congrès), la ciutadanetat maupensada, a la francesa, desfa lo collectiu, tal que lo capitalisme l'espèra.

Aital cal legir lo libre de Herve Kempf, Per Salvar la planèta, sortètz del capitalisme.

Non, lo nacionalisme faguèt d'Estat centralista coma França amb un projecte expansionista, clarament identificat dins los musèus parisencs ; un amic m'a informat que lo parisenc de L'Elisèu vòl botar l'Istòria de França dins un musèu, s'ès coma lo musèu dels arts primièrs, serà un enterrament de primièra ; es una bona novèla pels occitanistas.

Al meteis moment acabi d'entrevistar un sociològue doctorant de l'universitat de Tolosa Le Miralh, i a pas mai esquerrista e extremista, i a pas mai «café para todos», pòst-franquista, e efectivament totas las errors francesas son ben integradas dins lo ment d'un cameronés de la primièra generacion, assimilat a las idèas tòrtas francesas; li fauta l'Istòria d'Occitània al cap :

Vist en linha e mantunas fòtos de l'inauguracion de la novèla presidéncia estanusiana. 

Atencion als contrasens : il.lusió en catalan es pas sinonim d'Illusion en occitan ...

L'aula èra plena d'una exposicion sobre la Comèdia Tolsana, aquí tot parier i aurà unas fòtos d'aquesta exposicion e de totas las seriosas autoritats educativas tolsanas, que mesuravan lor aquivisme libresca (per saber qal libre mancava a l'un o a l'autre); mas èran bèlament presents, pas mai de 30 ciutadans; e aital que podem mesurar la pauretat del sistèma educatiu occitan, alara que deurián èstre mai de 1000 professors dins un país occitan que la lenga seriá respectada e al mens 500 (professors e estudiants) dins un aula de conferéncia universitària.

La comèdia tolsana èra presentas pertot. Gaitatz suls costats çò que i aviá :

La Comèdia Tolsana fa visedoira las seunas aisinas, aisinas tecnicas de divulgacion d'un èime pel país occitan. Es a l'Ostal d'Occitània dinca la fin de genièr 2009.

Es la revelacion de la pauretat d'una politica lingüistica en favor del teatre en lenga occitana, son abséncia reala, qu'opozarem al nombre de representacions e la qualitat de las òbras reviscoladas, mai tanben al trabalh creatiu e l'imaginacion per fa amb pauc e desvolopar quitament una politica coërenta d'espectacles teatrals en Occitània.

Pendent la conferéncia d'August Rafanell avem après que la causa de l'espaci occitano-catalana a acabat d'interessar l'espaci catalan e l'ideologia catalana a partir de 1934; nos faguèt una lista de documents reviscolats, arquius de tota mena, per explicar la paraula catalana e son istoric al fial dels tempses dins una premsa catalana o dins los escambis postals. Es estat una conferéncia dins una lenga occitana viventa, nosautres qu'avem la costuma d'entendre «nòstres» universitaris conferenciejar dins la lenga de l'impèri republican parisenc, dins lo patois de París, podrà estonar. Es un esfòrça sense equivalent europenc. Una conferéncia exemplara e que dona l'enveja d'èstre estudiant(a) a l'Universitat de Girona ! Quina chança an los catalans e las catalans d'aver professors practiciant de lor tèma, aquí la lenga occitana.

Barack Hussein Obama, novèl arribat al poder, a tanben oblidat los amerindians dins sos discorses... e los futurs Israëlians o sionistas an oblidat los palestinians, tre l'autorizacion internacionala de crear l'Estat d'Israël...

Los colonizaires son sempre fòrts per emplegar los pòbles sotmetuts per establir un modèl e forçar los autres de far parier, plegar l'esquina e devenir esclaus de lor pensada, se sona lo sindròma de Stockhòlm.

07:45 France Culture convidava Patrick Chamoiseau (superbe), Edouard Glissant, son aquestes portaires de paraula que cal sul tèma de la ... diversité !

E puèi la diversitat lingüistica aplicada amb lo poder actual, UMPetista e los afars exteriors, se tròba una «pròva» amb RFI...

-°-

Dura realitat, los comunistas son pro-nuclears e an pas cap politica economica pel país. Legissem ensemble l'article que s'acaba de publicar dins L'Union, jornal de las Ardennes, Lorrena.

Avem agut l'afar d'Euskadi que las somas per bastir una linha de granda vitessa son estadas prepausadas per la SNCF e contradas per una societat elvetica, donc refuzadas per mantunes elegits bascos, los conscients.

Avem agut l'afar de Gordon per l'arrest de tren e la justícia instrumentalizada per un entrepresa d'Estat (francés), la SNCF ; se cal recordar qu'es ben trens de mèrças "normals" qu'an portat los josius en Alemanha (mandat per la polícia de Vichei) o los josius catalans en Alemanha (mandat pre la polícia de Franco abans 1939). La SNCF refusa l'emplec de las lengas de França dins las estacions. Es una entrepresa ontologicament nacional-imperialista, l'entrepresa maquiavelica d'un poder bonapartista.

Per aqueste afar de Gordon [Carcin nègre e Peirigòrd], cal sosténer los elegits locals, e donc lo president del Conselh Regional de Miègdia-Pirinèus e los militants qu'an de batalhar contra aqueste sistèma centralista e destructor del país occitan, per sempre e am un libre d'Istòria del ralh en Occitània. Se cal remenbrar que los camins de fèrre son estats emplegats sistematicament per trapar personal de la província per trabalhar a París ... e tranben per donar un servici de rensenhament a l'Estat bonapartista francés.

La "justícia" francesa a condemnat los militant a 500 € de pagar per aver arrestat un tren que la SNCF a regularament explicat que voliá pus arrestar a Gordon. La "justícia" e la SNCF son aquí per protegir los interèsses parisencs PUNT

Ai trabalhat pendent mai de 12 annadas dins lo grope SNCF, soi segur que cap budgecte prepausat per la SNCF per bastir una linha, per bastir una estacion, un crotzament de linhas, etc. es subrevalorizat SISTEMATICAMENT per engraissar lo sistèma parisenc, per engraissar los engeniaires maisons [es un pauc coma la sosvelhença de las centralas nuclearas e lo grope EDF-AREVA].

Ai al ment lo terminal bimodal volgut per la CCI de Briva, subvencionat e que las entrepresas al entorn avián mestièr per rason de transpòrts de matièra dangierosa, e que los chaminaires locals avián volgut tanben [aquesta cronica es pas brica pro-SUD qu'es lo sol sindicat contra realament aquesta politica actuala de destruccion de l'entrepresa en ... region parisenca - coneissi los militants d'aqueste sindicats per los aver costejats], e ai al ment la responsa SNCF : VERGONHA ! Aquò se debanava vaquí quinze annadas, quasi. QUINZE ANNADAS !

Non, francament la SNCF es una entrepresa de messorgas publicas, pas simplament dempuèi que l'UMP es al poder ! Es ontologic.

Per totas aquestas rasons, entendi pas perqué los elegits d'Occitània an pas encara en man un projecte de creacion d'una societat de servici public pels transpòrts ralh en Occitània ? Tisseo es una entrepresa de transpòrts publics per l'aglomeracion tolsana, Veolia a reprès una entrepresa de transpòrts ralh en Bretanha... Aquò podrà donar d'idèas ? Los TER son pagats pels Conselhs Regionals, los cal transformar en societat publica regionala !

Tant qu'i aurà pas aquesta societat de servici al pòble occitan -servici public vertadièr-, los quadres de la SNCF e lo cap de la SNCF (Guillaume Pepy - e caldrà pas s'enganar, sa demission cambiarà pas res; vesi aquò arribar coma una demanda del poder UMP actual; sa demission serà una engana de mai del sistèma SNCF e caldrà dire aiçò : seriá segurament un grand quadre per la creacion d'aquesta entrepresa per Occitània, entrepresa que desiri per donar una responsa positiva clara al pòble d'Occitània) donc, los quadres e Pepy se trufaràn del pòble, coma Bush se trufava de la justícia e de l'opinion publica amb Guantanamo.

Remarcas :

- lo comunicat oblida totes los presonièrs bretons, bascos e còrses dins las presons francesas. Normal es un comunicat francés, donc nacionalista sense zo saber.

- lo comunicat oblida de criticar la justícia francesa. Normal, es un partit francés que aurà de governar e donc aurà de fargar una gestion del sistèma e de son personal formatat al bonapartisme.

- lo comunicat oblida de parlar del nacionalisme francés, nacionalisme d'expansion d'una ideologia d'extrèma dreita.

- lo comunicat explica pas la semantica emplegada pel "ministèri de l'interior" [interior del nacional-colonialisme francés] per las rasons de pas mesclar l'extrèma-esquèrra e "ultra-esquèrra" ... Alara podrem aital apondre un comentari general e puslèu globalizant de la politica francesa en general, la páur de l'alteritat politica, e l'instrumentalizacion politica francesa per sertvar al poder bonapartista sas jòia e gloriòla.

Lo comunicat oblida d'explicar las rasons evidentas de promocion de l'extrèma-esquèrra, malgrat èla, mas que podrà ajudar l'esquèrra francesa e sas flaquesas politicas. Aital la dreita francesa instrumentaliza l'extrèma-esquèrra per far pujar son vòt, coma quand lo Partit Socialista Francés a instrumentalizat l'extrèma-dreita del FN per desfaire la dreita francesa. Aquel pichon jòc politic d'instrumentalizacion de l'administracion francesa, trapa aital un terrenh de jòc pron aisit, los pòbles de França e lor inocéncia.

Al meteis moment, lo godilhaire escriu pas en tant que regionalista [lo regionalisme l'a fabricat la decentralizacion, soi contra la decentralizacion, mas soi positiu e donc per una presa de poder dels pòble de França, se prendre en carga es l'autonomia, una aprosmament de la democràcia als pòbles de França, la França reala, aquela qu'es pas decidaire en Nauts-de-Seine, a Neuilly/Seine], alara escrivi que l'Estat francés organiza los regionalismes institucionals per los ridiculizar :

Region = espaci de poder

Decentralizacion = enlevar del centre per ne trapar d'autres...

Autonomia = se prendre en carga ... mantunes avocats del mitterrandisme pensan qu'es sinonim de ... terrorisme. Coma que cadun traparà dins als accions politicas dels pòbles un dangièr contra lor poder partidocrata.

L'autonomia exigís una formacion dels pòbles, per la gestion de lor pròpri país [...region, província, territòri sul continent europèu], e que París lor fotèsse la patz !

L'autonomia exigís una reala administracion que pensèsse pel pòble, e sonque donc per pas per servar l'estructura, e sas flaquesas reveladas per l'Istòria del territòri concernit.

Los partits franceses se mesfísan pas pron de las administracions francesas e de lor capacitat d'instrumentalizacion del politic, en Occitània e contra Occitània. Los militants politics franchimands se mesfísan pas pron de l'instrumentalizacion dels mèdias per enganar las populacions, los pòbles dominats en França.

Es un sistèma bonapartista; es lo sistèma que cal desrtusir, e es bravament mai complicat quand se sap son istòria e sa sobrevida aprèp doás guèrras mondialas e la transformacion de la republica dicha francesa en instrument del colonialisme europenc e francofòne.

Aiçò es estonant, primièr ! Car simplament de suïcidi dins las presons francesas i a de que fa un carnet per setmana, e de los localizar per saber exactament çò que válon las presons francesas ; pel moment son sonque condemnacion de las institucions europencas, sense gaire de consequéncia.

Aquesta lista podrà èstre utila als estudiants en sociologia penitenciària, soi segur que sauràn l'emplegar; pels politics, pensi que ne seràn estrictament incapables.

Uèi Le Monde publica una pagina ... es la lista dels suïcidats de las presons francesas [la lista es corta, aquò espanta car ne recebi al mens 10 per setmana ...]. Gaitatz un tròç de la lista :

La lista a començat amb ciutadans franceses de prenom islamic, puèi arriba aqueste "Savoyard" al miège de la lista ; perqué un "Savoyard" aquí ... Aital devem saber que Frédéric R. es Francés mas exilhat en Savòia ? O es un indici per saber ont son las presons que cal bastir ?

La Pravda es sempre de crompar e puèi se cal demandar çò que i a darrièr, devath e darrièr las linhas ...E aqueste Salime o Samir son pas de Savòia, mas d'ont son ?

Lo servici enquèsta del jornal Le Monde se seriá abandonat a las classificacions policiàrias o penitenciàrias e auriá pas gausar las publicar levat pel ciutadan de Savòia ? Non, es de gausar pas pensar !

Una manièra d'indicar qu'i a ça que là presonièr politic dins las presons ? Es una faiçon eleganta per pas listar bascos, còrses o bretons, prisonièrs politics de vertat e amagat per França ? Le Monde sempre espanta. Es mon quiosquièr que m'a donat l'article, per ne far un emplec public.

Lo Pravda parisenca podrà cada setmana publicar una pagina, coma fan en publicar un carnet [sabi que i a pron d'informacion per aquò fa] ... Aital podriam veire ont van los desclassats dels sistèmas politics republicans franceses, zo saurem pas per zòna etnica, mas per calc de l'origina geografica europenca.